小河屋

营业中

休息中

糖水越做越好食 比之前好吃好多舖頭越黎越多選擇串燒，糖水，熟食，爆炒好多類別 宜家飲食好難做 希望更多小店可以堅持落去 (^^)越做越好 比多啲選擇大家食好野 留言支持做客又好做人又好比多少少包容 人好您好多間舖係到我地糖水宵夜又多個選擇 見到啲留言真係忍吾住打篇野支持翻食個糖水幾十蚊姐 🙇🏼‍♂️🙇🏼‍♂️岩食就食 吾岩口味咪同老闆講下自己就外賣同堂食都成日幫襯我見堂食有咩問題都即刻幫換新或者簡過一款 老闆人好好 即時解決問題 👍🏻芒果雙皮奶 每星期都會特登過嚟食既雙皮奶 好滑 一食就食得出舊時既味道 牛奶味好足 吾太甜好good👍🏻👍🏻👍🏻次次外賣都買埋比屋企人食 全家都讚喎🥹 👍🏻芋圓西米斑斕凍啖啖斑斕既香氣 芋圓有口感 推薦👍🏻串燒$120 10串 中式串燒 5算太大串 但選擇多又好味 平均$12一串又有咁多選擇 好抵食豬頸肉 ，羊肉，雞軟骨，雞心，雞腎 推薦大家要試👍🏻蒜蓉花甲鮑魚仔粉絲煲 小辣好好食 入味又惹味 點都要加辣 好食好多鮑魚仔彈牙有口感 花甲鮮甜 一食就知^_^👍🏻招牌蜜汁炸雞翼 食雞翼一定要夠滑身多汁 好正呢個回購咗好多次

今次叫呢間甜品店真係有啲失望，叫咗焦糖雙皮奶同多芒小丸子。本身對焦糖雙皮奶有少少期待，點知一打開完全係水狀，好似飲奶咁又冇奶香，又冇滑，完全冇咗應有嘅口感。多芒小丸子都一樣令人失望，質地好稀，完全冇煙韌感，而且個芒果味好似加咗啲藥水味咁，有啲怪怪哋。一開始以為只是甜品一般，點知最離譜係間舖嘅服務態度。店員見到係外賣客，完全唔理，仲明講做堂食客人先。之後啲外賣員都係排晒隊等，搞笑嘅係，話我哋個餐俾人攞錯咗，結果我哋等咗個半鐘先有嘢食，嚟到啲食物仲要勁難食、又用溶晒，真係嬲到唔識點講，完全唔會再幫襯。你哋想食垃圾想中伏就去幫襯啦😠

叫咗兩個糖水外賣自取， 一個係雙皮奶，一個係 椰汁桃膠紫米露， 兩個都係叫熱嘅。 首先， 叫咗熱過到嚟變咗常溫， 我都可以接受， 但係一個雙皮奶都可以整到成兜水， 真係完全接受唔到， 最簡單控制火喉都做唔到。完全係失敗。 紫米露仲衰未食過紫米露可以咁難食， 整得又稀又甜 紫米仲要一舊嘢未熟曬， 食咗兩啖頂唔順掉曬。 見。 負責人見到麻煩盡快改善。 真心想你哋進步。 本身食開松記， 見佢冇開諗住試下新嘢。 點知一試就中曬伏！！！！！！！

從來未食過咁難食既糖水聲稱招牌雙皮奶。。。水到以為自己飲緊熱牛奶完全未凝結 屋企煮都好食過佢仲有個紫米露 d紫米完全未熟 成碗糖水稀過水。。。食左2啖就掉左佢。嬲到相都影唔到

好難食多芒小丸子！要$48小丸子得六粒，芒果又硬又冇味～唔知咩芒果嚟！ 好稀碗野～ 食唔落 倒左佢～又奶又甜～ 香芋椰汁紫米露！$42叫左熱 但係係常溫！紫米唔熟硬既無椰汁味 得奶味香芋係咸既～ 真係好癲⋯執左佢 我自己煲糖水仲好食！

無聊search周邊有咩糖水食，見到有間舖頭新開又有我最愛嘅斑斕，即刻殺過去！芒果西米斑斕奶凍48蚊一碗，單睇價格覺得貴但事實上份量很大，斑斕奶凍做的好好斑斕味濃得黎整體又清新。隊友點嘅芒果雙皮奶都好好食不過我個人都係中意斑斕😍見佢有120蚊10個串燒嘅套餐，可惜我已經很飽，下次再來一試😋

行過見到有新店，以全白色調為主，店鋪簡單，店主應該係一家人，媽媽同女女都是靚靚，所以就擇左日同啲朋一齊嚟過飯後糖水了。🥄 芒果拌雙皮奶堪稱鎮店的王牌之作，我覺得奶香岩岩好，不甜不漏，配上芒果好夾！可能喜歡食燉奶的人會覺得唔夠濃，但是小河屋呢個雙皮奶是香甜清新。🥄 椰汁香芋桃膠仙草凍好重料的芋頭，感覺佢似原舊俾我😂 只能話店主好足料（不質疑刀工啦下，靚女加左分），仙草都是好大份的。講真都好食，如果肚餓食更抵。🥄 芒果豆花有比較有傷害，豆花同雙皮奶雖然不同系，但兩款甜品外形賣相款式都好似，呢個就帶唔出豆花香，俾芒果遮蓋了。🥄 燒賣 + 滷水雞翼呢個隱藏小食menu，雞翼入味，燒賣都是正常發揮，只是食完糖水想食小食，佢都俾到你。

試咗個芝麻糊黑白配 麻糬煙靭好味最推介芒果西米斑斕凍同桃膠雙皮奶一家大細去食最好 小朋友就算周圍跑店員都照顧得好好環境乾淨，糖水品種多支持年輕人創業 現在的環境不容易 服務好 細心

係同區入面終於食到啲特別啲嘅甜品唔使食來食去都係個啲 (正常已經有3間)見到新開就支持下新鋪因為都明係香港開鋪都唔易 而且難得有新野叫左個椰汁香芋桃膠仙草奶凍同埋桃膠雙皮奶食完覺得好有heart ！同埋唔會死甜 食完零負擔唔怕會肥椰汁香芋桃膠仙草奶凍呢個combo 幾特別！欣賞佢個香芋整得幾好食必叫桃膠雙皮奶都好滑好有奶香味見到menu有其他款糖水都幾特別例如有班斕系列 下次會再想叫試下其他無圖，因為好食到9秒9食曬😂😂