小樽甜品屋 (已結業)

多年無入元朗...前天和家人駕車入元朗, 見B仔太多人無入去, 反而揀了對面街的小樽甜品. 點了兩個大路甜品, 兩個新式, 總結如下:1) 芝麻糊豆腐花: 得! 既滑又唔太甜, 岩哂我2) 燉奶: Ok, 不過如果薑味再重就更好3) 木槺豆腐布甸: 媽咪話好味, 原來無cream味, 得豆腐味4) 杏沙糖不甩: Ok 幾得意, 因為好少有人會用杏仁碎加落糖不甩整體而言, 坐得舒適, 亦食得出佢地係有誠意既, 真開心元朗市又多了一個食甜品的選擇

去年剛搬入元朗一直都驕傲於元朗出名的綿綿冰吃過也覺得很讚每每有朋友到訪都推介這冰殊不知今年這種台灣冰越來越多它的另一個名字叫作 "雪花冰"還越出越多口味今趟特地到這兒試一個綿綿冰沒有的味道 - 石榴因為這些冰都可以自由搭配醬 & Toppings稍一不慎可能會配搭出一個奇怪的味道 (曾經有朋友試過綠茶冰 + 芒果醬....結果....整個冰就他自己要負責嘍 )那麼石榴冰該配甚麼醬呢?毫無頭緒之下, 瞥見餐牌有一個芒果石榴露那芒果跟石榴就應該是搭的吧於是就決定了要這個:石榴雪花冰 + 芒果醬 + 古古力米賣相跟顏色感覺很好就是一種 "我們沒有配搭錯"的感覺 先來一口純石榴冰很濃也同時很清香的石榴味道不錯~再試連同芒果醬和古古力米味道也很搭 不過...這兒的雪花冰就真的只有冰的感覺少了一種 "綿綿" 的口感怎麼說呢綿綿冰那間的口感放入口時是冰, 繼而在口內溶化了後, 是有一種像在吃雪糕的感覺不知是否所選味道不同, 所以感覺也不同了還是不同的店, 所製作的出品也有所不同看來是要再多來試幾個味道 / 多到幾間不同的店試試啦~~~~(根本就是為食嘛!!!!!)另外我們還點了旋轉甘露賣相像 Sho

今日同男朋友拍拖睇戲,睇完戲之後就想去綿綿冰到食去到點知原來逄星期一休息,真係唔知道,咁唯有去對面既小樽到食啦!!!之前去元朗廣場間點止冰冰食個d綿綿冰幾好味,佢又有d類似既就同男朋友叫左一個牛奶冰+薰衣草醬+木糠($23)再加紅豆(+$2)佢間鋪都多人所以都等左幾耐下......我覺得個Size細左d個冰冇牛奶味...好水好淡...而個薰衣草醬真係幾好味...個木糠碎真係好普通...佢樣樣野都好少..........紅豆好甜好好味,因為個冰冇味所以個紅豆先中和到雖然未試其他野,但我唔係太滿意間鋪頭細但我覺得裝潢都還可以,幾好服務我覺得麻麻地喇,間鋪d waitress都串串地仲會將你由頭掃到落尾scan,好似scanner咁,感覺不太好

剛剛於上星期六到住元朗朋友家, 晚飯後朋友話有間新的甜品舗叫小樽, 不如去試吓, 所以我們一行六人去吃糖水. 到達後門口已有一班人等候, 我們等了差不多二十分鐘就有位.這間鋪頭糖水的名字很特別好日本. 如目黑, 富良野, 山手線..., 我們叫了五款甜品share來食,木糠豆腐布丁 - 震吓震吓, 又唔會散,有豆腐味不太甜 好味, 我的至愛椰皇燉蛋白 - 好清甜椰汁味, 蛋白好滑, 正 (個個椰皇的表情都不同, 好得意)旋轉甘露 - 共六杯三種味道, 如太飽的話可以share來食, 我們一人一杯, 其中有一款是石榴露 - 好香石榴味 其他地方未食過富良野樂園 - 什果豆腐花, ok, 啲芒果都好甜, 啲豆腐花都幾滑杏沙紫米糖不甩 - 好煙韌, 又有好多杏沙 整體來講, 大家都幾滿意, 下次有機會再來的時候, 會試吓其他甜品.

我住o係附近既..見開左咁耐都未去過,咁咪去幫襯下囉同屋企人一家4口..每人叫左個糖水。我就叫左個旋轉甘露,第一眼見到實物覺得好靚..佢有三種口味,不過我靜係飲得出士多啤梨味,其他果兩杯都唔知咩味一飲第一啖就知"賴野",佢果個士多啤梨味一飲就知係溝出黎,仲要好多cream咁,陣味好怪,又唔凍。再飲埋黃色果杯,點知仲衰過士多啤梨。飲到入面好似有d一粒既野咁,咁我問下個侍應啦。點解杯野入面咁多一粒粒既野啦,佢話係正常架喎,之後走開左。佢好似覺得我想溝佢咁,我果下真係火都黎埋。唔好見到自己係女就以為自己好靚至得架,無水都搵塊鏡照下啦。總結我會俾5個字呢間野:睇得唔食得!

好口渴所以想試下呢間野睇下同tw gor間有咩不同點知真係好不同入到去一個人都冇有呢個小伙子係度應該係staff仲諗住可以睇下金髮妹妹嗌左個旋轉甘露完全唔特別又細杯同埋不好飲石榴好古怪唔係我想像中既texture士多啤梨極淡 化學味楊支甘露冇乜特別!!! 淡!!我寧願去b仔食腸粉

一向係小樽既支持者..甜品有特色而且好好味知道佢開左分店即刻去試=]元朗分店比起荃灣多左小食*地方仍大左,坐得舒服自然都食得開心d啦今次試左個石榴露..味道比之前更清甜..係我既錯覺定係佢地改良左d甜品呢!?食完個口仲留住一點清香..大力推薦而男朋友就試MANGO紫米露..嘻..佢話D MANGO大大舊而且好甜!甜品最緊要生果夠甜,小樽做得到!如果講不足既話就係糖水唔夠凍最後我地叫左個炸燒賣SHARE 只係8蚊本身期望唔大..點知喜出望外!!燒賣外身好脆口..完全唔似8蚊貨色=]如果荃灣都有小食就好嚕..有機會再哩食!P.S 今次掛住食 唔記得影相TIM XD

星期日,同d朋友去gathering..諗唔到去邊好..佢地話去食下糖水,但係b仔同埋綿綿冰都去到唔想去..之後就去左小樽啦...去到我地就點左3個甜品同埋2個小食...楊枝甘露:入面有d柚子/碌柚,又硬又苦..唔知想點..什果珠珠:入面係有d什果,不過酸到呀媽都唔認得..仲要d珠好硬..成個甜品完全唔夾旋轉甘露:佢有個轉盤放左六個杯..開頭睇係幾靚..一望落去成杯都係d白色一點點既野..飲落去成口都係粉..點飲呀...仲有兩個小食:炸"魷魚so":廿幾蚊得果10條都唔知有無..味道就ok啦..同普通"魷魚so"無咩分別..雞軟骨:同魷魚so無咩分別...廿幾蚊得勁少..味道都係同普通既無咩分別..但係我想講..你地係一間甜品屋..d甜品咁既品質..好離譜囉..靜係搵班妹妹仔o係門口搵客係唔得架..食物既品質都好重要..短期都唔會再去..

上星期五Happy Friday, 我們去了元朗吃晚飯, 我還特意留肚, 想晚飯後去小樽吃甜品。原先還不知地點, 原來好近綿綿冰, 斜對面就是了。附近有幾間糖水甜品店, 每間都很旺場, 唯獨是這間有很多位, 可能舖位稍入唔起眼, 又或許是越夜越多人啦?我第一次幫襯小樽, 好像很多甜品都很吸引, 今次先試甘露柚子果凍, 看見柚子果凍已很想吃, 半透明的柚子味道夠晒清新, 但只吃柚子果凍會有點單調, 伴著楊枝甘露就更加好吃, 香芒味濃, 她們的楊枝甘露比起附近幾間糖水甜品店做得更好, 下次來可再點。難得來了只吃一款似乎有點浪費, 那順便外賣多一個這裡的名物木糠豆腐布甸回家慢慢品嚐。第一啖覺得豆味很重亦很滑溜, 好像比綠林的豆腐布甸更好吃。個人覺得木糠的味道與豆腐味道是配合的, 但木糠質感與布甸不太配合, 木糠還是配忌廉或cream cheese 更適合。第一次幫襯感覺不錯, 應該很快會再來。

琴日同老友食完飯.去元郎食甜品點知俾我地發現到元郎開左間小樽元郎個間環境仲好過荃灣個間@@平時都有食開荃灣果間..就同D朋友叫左3個甜品一齊食..照舊我至愛食火龍石榴露..意想不到既係比平時既好食左好多@@立即問問侍應姐姐..原來佢都轉左番石榴..甘露柚子XX..忘記了叫咩名..賣相很美..食落去都唔會太甜...唔錯唔錯..榴槤雪香..食落去一口口都係榴槤..正..仲有D卜卜脆GE野TIM..希望小樽保持呢個質素,真的好喜歡食石榴露

小樽呢間鋪是個死位, 開任何一間食肆都係執笠收場, 今次見到係荃灣甜品長龍店, 應該會打破宿命卦試業時, 兩公婆行經過有九折就試下, 石榴露完全唔掂, 太生了, 有臭青味芒果山手線, 無味阿仔唔信咁差, 好, 比多次機會, 無九折同要坐街邊都要幫襯。今次點了旋轉甘露同芒果山手線, again, d石榴又係一陳唔熟嘅臭青味, 芒果山手線d線, 阿仔一食, 大叫"咩黎架?乜無味嘅?"......鞋, 連一個9歲的小朋友都話踩地雷 .....無言.....

甜品魅力無限，在燒味店明明打不開的胃口，來到新開的小樽甜品屋又可以對外開放了! 　幾驚喜是元朗店比荃灣店闊落及靚裝，人卻不多；而一如舊店，店員都是短裙o靚妹為主，不太理人的，正好給2人舒適坐下刨雜誌、閒談聊天。當然也要照顧甜胃，是晚柯打了：　旋轉甘露($20)-特別推出的新品，1 set有火龍石榴露、草莓仙台、楊枝甘露小杯各二，由於可以轉動而起名。楊枝甘露是正常口味，火龍石榴露較為清爽，而草莓仙台最為甜美，其實整體味道不算突出，但就可以滿足我這等貪心人士的嚐新心態，不錯的!　木槺豆腐布丁($16)-故名思義，就是軟滑的豆腐布丁，加上幼細的瑪莉餅碎(所謂的木槺粉)，口味挺新奇特別的，也值得一試。　淺草湯圓($15)-不似朱古力湯圓有玫瑰花糖水底，這款湯底只是普通薑水，不過濃烈的薑湯也幾適合腸胃不適的我；小小的湯圓中間是奶皇餡夾心，吃來似是稔版的水晶包，整體不過不失。　覺得這間新店比荃灣舊區要好，有時間也會繼續支持。

元朗又新開糖水舖，是次進駐的是小樽。我點了木槺豆腐布甸，好好味，好有豆腐味，布甸硬度剛好。友人要了楊枝金露，但不知味道如何。店舖環境一般，面積不大，冷氣機滴水。侍應的服務很一般，沒有太多笑容。

之前經過見到開左間新野都想去試試..今日去左lu! 咖啡仔 $14 好似食咖啡糖咁既味 都ok既芒果山手線 $22 見山手線個名好得意咁..就叫左芒果好甜..山手線有口感..有芒果同密瓜味既山手線..芒果果隻冇咩味而密瓜果隻幾有味...大致上都幾好食。六色湯圓 $18 試過朱古力湯圓..真係唔錯 但我覺得d餡唔夠多 再多d會更好 !環境方面一般..但台與台之間太迫服務方面麻麻..d waitress個樣好囂張咁...衛生方面差d..d匙羹有d污糟 洗唔乾淨 價錢方面..開張有9折..都算抵既

果晚入元朗吃完飯, 想搵地方吃糖水, 見到呢間d環境幾靚同新開張有九折優惠, 於是我地入咗去試吓.我地order咗三樣甜品.....木糠豆腐布甸: 賣相好靚, 送上枱果陣仲盪吓盪吓, 幾得意, 食落口好軟, 好滑, 入口溶化, 但係如果再多的豆腐香味就good la.甘露柚子果凍: 晶瑩剔透, 柚子味果凍, 好有彈性, 楊枝甘露不會太甜; 佢上層鋪上大量新鮮金柚果肉, 清香嘅柚子果凍同濃郁芒果味嘅楊枝甘露非常夾.芒果馬蹄沙: 呢樣係佢地嘅自創甜品, d馬蹄磨到好幼細, 好似沙咁, 食落口感好特別, 好清爽, 味道唔會太甜, 芒果新鮮.呢度d裝修都幾靚幾潮, 唔似傳統嘅糖水鋪, 仲有值得一讃嘅係呢度d美少女侍應, 佢地有問必答, 好有禮貌.