小樽甜品屋 (已結業)

食完飯之後，就走過黎呢度食甜品。當我見到呢個舖勁多甜品既推介，就覺得質素點都唔會太差既。我地叫左幾個甜品share黎食。焦糖燉蛋呢個比我預期既好食，個蛋係好滑架，一都唔鞋。而且又唔會太甜，我好耐無食過咁好食既燉蛋。水果雜錦唔係叫呢個名，不過我唔記得左。佢地水果切得幾靚，而且好新鮮。無出水，而且仲有椰果同細珍珠。呢個都唔差，但我覺得就無乜特別。椰皇燉蛋白可以算係招牌菜，個椰皇出面畫左個好得意既笑臉。而個蛋白係好滑，而且有小小椰皇味。食落好得意，整體上又唔算甜。唔錯。有機會既都會再黎食，因為呢度既甜品係幾特別架。

我星期３去左食木糠豆腐布丁同埋椰皇燉蛋白；木糠豆腐布丁彈彈下好搞笑而且好滑tim.仲食左熱椰皇燉蛋白；雖然等左一陣，but幾好味 仲有個好得意既表情係個椰皇>3<haha 好得意d侍應既態度都好有笑容 下次一定再去食!!!

本身對食冇乜要求，所以開左account好耐都冇寫過食評，好食唔好食都係差唔多，但諗唔到食完呢碗糖水之後會令我有"唔寫唔得"既想法!晚餐之前想食D熱野，原本想去附近既泛后，但見到呢間小樽未食過，就去試下，見佢D湯圓有幾隻唔同味，又可以續粒計$$，(泛后同B仔都係得芝麻湯圓同fix左要幾多粒)，於是就叫左碗芝麻糊+4粒湯圓，芝麻花生芋蓉淺草各一，返屋企一食，芝麻糊唔夠甜，又晞，不過都叫食得落口，再試湯圓，第一粒就試淺草味，個饀係紅豆，真係.......X! 點解可以咁難食?! 湯圓D皮一咬就斷，一D都唔煙韌，而且湯圓皮最外係透明，愈近饀就愈白，真係唔知熟未!D饀既味道.......就好似D一堆乾花mix埋一齊既味，or都有D似某牌子既hand cream味，由於我淨係食左一粒，所以其他咪難唔難食就真係唔知，不過可以肯定個皮就粒粒都一樣.......難食!呢間小樽開既位附近有一堆糖水鋪，如果唔係因為未試過都真係唔會去，價錢仲要比其他店貴，以我呢碗糖水為例，泛后芝麻糊$12，加湯圓+$7，total都係約$20，B仔都係差唔多價，而呢間小樽，芝麻糊$15，加湯圓每粒$3，加4粒已經要比多$1

父親節, 本該是一個與家人吃飯交談的好日子! 但各有各忙的情況下,唯有待宵夜時段, 才大伙兒到元朗區走一走!一家人走在慣常的糖水食肆大街上, 發覺人多得好利害, 再轉角一睇,點解咁多人既? 係咪有間新既糖水店開咗呢? 行近少少先知道原來係一間日式名字取材既甜品屋. 我同家人一睇到, 就即刻好鐘意. 入面裝修得唔錯, 唔會讓人覺得好似飯店! 因為前面幾間都好似 = ="唔知以為元朗人個個都掛住食飽就瞓, 生活忙碌, 連門面都似足飯堂?依間舖頭比平時食慣既B仔同泛后不同, 對於我著重環境感覺既人來講, 別有風味! 比個good你地. 而且店內外都讓人有種活力同新派既感覺, 由朝到晚做到就黎死, 一坐低就已經令人好舒服! 好感動 至於食物質素, 各施各法, 我唔會太在意太花巧既門面野, 反而我要一讚小樽反傳統既甜食. 白涼粉我實在很欣賞, 唔知有冇人有同感??而什果石榴露真係令我諗起秋香姐... 好搞鬼! 食落又幾清幾好入口噃~同老豆share埋個燒賣, 一行5人, 位位$30-小樽小樽, 小弟無知, 原來都開業一段日子, 雖然我太耐冇入元朗, 但今次一趟, 發現d好野! 下次再去試多幾次

今次我係特登去試~一入到去見到兩個女侍應,但係佢地無招呼我地咁我地自己坐低就叫野食~睇到有個叫什麼白涼粉,聽都未聽過,就試下......點知味道真係麻麻,苦苦地,破壞左個楊枝金露奇異果露就極酸,食左1/3無再食(呢個係佢塊牌寫住推介)雪花冰就一般啦,不過對面好食D.......賣單果時,我地分開比,個女侍應睇到1張20$同6個1$就黑晒面咁,重特登呆左陣,扮唔明,硬幣唔係錢咩,唔洗黑晒口面咁呀

去完老趙~飽飽地~入返黎元朗搵糖水食下就岩岩好啦~但係又唔想再食B仔同泛后~所以就黎左依間係荃灣成日見到既小樽食下啦~三個人叫左十勝杯，西瓜馬蹄沙，同芒果目黑~首先好快就黎左個西瓜馬蹄沙~西瓜份量都足夠~味道就無試過啦~之後就黎左個芒果目黑~佢D西米唔知點解好好食~一咬落去就有D爆開既感覺~好正~最復黎左我個個十勝杯~正野~!!!!!!!D紅豆好好味~煲得岩岩好~唔會太腍~亦唔會太硬~之後個個雪糕就係曲奇味~D雪糕比得上松記~very good~而隔離仲有少少涼粉粒同火龍果粒~成杯野既味道都好夾~特別係火龍果同紅豆既味道~唔試唔知好味道~可惜今次佢黎左就掛住食~唔記得影相~下次一定要影返丫~佢既環境都叫好好~地方唔太迫~而且都幾乾淨既個地方~另外佢D服務幾好~幾好禮貌~不過睇真D~佢D員工大多都係後生女~仲要有一兩個幾靚~selling point~!!!???

14號係白色情人節..同男朋友食完飯之後見仲有時間..諗住食埋甜品先去睇戲..之前聽朋友講有間叫做甜品] 佢話個到的甜品幾特別...同男朋友就去左試.. 這間甜品屋用美女做侍應...是一個好買點...開頭以為美女侍應會好惡..但態度好好最重要就係有笑容..最後叫左3樣甜品.... 1 震下震下咁....味道幾好..自己亦都好中意豆腐味道的甜品但食記住要小心...因為男朋友比木糠整到咳... 2 我第一次見&食(石榴露)這個味道好清好香口.....我諗我屋企人都幾中意食叫左一個拎走比屋企人試..3 這個好特別...我一見到立刻諗起(酒)*有6枝...轉下轉下..重點係只要20$....ok底食.....大家可以試下這個!

大家看罷電影之後,由戲院步出市中心,路過見到Yoho Midtown開售在即,大西北樓也要去到五千幾一呎,心中自然地說出黐夠線.在雞地附近找甜品吃,行過少少到建業街,見到有間小樽.聽到個名,想起多年前日本電影"情書".此店其中之一樣賣點,是用到美少女來招徠,即是店員是由美少女擔當,這一招來對住毒男宅男就或者可行,對著我就一點吸引力也沒有.學林雪在"七十二家租客"內說:{我黎買電話乍wor.}天冷吃些熱甜品才是正經事,我要個紅豆沙燉奶,紅豆味道不算特別甜,而燉奶尚算香滑,女友的黑白配是芝麻豆腐花,本身芝麻味不俗,但是豆腐花是翻叮貨色,熱力不均.吃落去感覺曖昧.友人C的藤原豆花,同樣不夠香滑,這個豆花是否同後面的藤原豆腐花點取貨?在元朗吃甜品,選擇實在不少,相信這間以"美少女"招徠的小樽,也未必會再來了.

是日晚餐雖然去左食扒~但肚子仍然有位..其中一位返通宵更既友人~仍然未夠鐘搭車~因此就黎呢度食碗糖水啦~小樽既食評由荃灣同元朗店開舖以黎都睇唔少~但今次都係我既第一次..我要左個薑汁燉奶+合桃糊-$20, 另外友人就要招牌椰皇燉蛋白-$28, 椰果黑燸米, 木糠豆腐布甸-$16, 大家share一客杏沙紫米糖不甩-$16凍既椰果黑糯米先到~試左一啖..正常味道~幾夠凍~唔太甜…招牌椰皇燉蛋白既椰皇外殼畫上可愛既表情~試左一啖.. 燉蛋白係幾滑~不過椰味唔突出~..份量唔多~幸好唔太甜~味道還可以啦~木糠豆腐布甸震震下~好好玩~味道清清地…都唔錯~不過要小心d木糠碎, 留左o係喉嚨咳到好辛苦呢…都係我個薑汁燉奶+合桃糊最合我心意~雖然唔覺有薑味~但燉奶滑溜溜~加埋唔太甜既合桃糊~幾match~合桃糊味道都唔係太濃味~同主打中式糖水店當然冇得比啦~食完有暖胃…舒服既感覺~杏沙紫米糖不甩, 佢地一見到個樣唔敢試~其實賣相冇問題..糯米糰好黏~要同杏片同砂糖撈勻有d難度, 仲有d黑芝麻粒幾香~而味道都屬正常..同一般糖不甩冇咩分別~只係多左淡淡既紫米香~整體水準普通~唔係有咩特別…除非有人提出

食完葡菜, 有人提議食埋甜品先走, 但唔想又去B仔同泛后, 行過對面見到小樽甜品屋, 記得食過荃灣果間唔錯, 咪入去食囉叫左:合桃糊 $15.00--好粉唔好食, 好明顯係開粉椰皇燉蛋白 $28.00--味道OK, 但蒸得老左, 唔太滑焦糖燉蛋 $14.00--唔得唔好食蘆薈馬蹄沙 $20.00--得馬蹄味, 完全無馬蹄肉食, 咩叫馬蹄沙, 仲要收$20.00 (第間食會有馬蹄粒有咬口嘛)埋單$77.00

同朋友入到元朗見到小樽...已被門口d相片吸引顏色吸引,甜品製成品可愛,鋪頭裝修令人感舒服視覺上已好滿足....凍冰冰叫左個六色湯丸外賣請容許我逐隻味細說1/薑水作底很淡不夠薑味,唔好飲2/芝麻味:餡料不多,可以接受3/花生味:有d益味4/淺草味:是什麼東東???...吃不出內裡是奶皇5/合桃味::怪怪地6/紫米味:外表交足貨,但真係食唔出7/朱古力味:很特別,頗好的整體上湯丸質感:咬落去像食粉團一樣,再加上唔"煙un"...有創意,但要改進,特別是餡料,否則超市售賣的湯丸還好食waitress態度真係有需要改善下,食甜品係一種開心事,請不要露出埋頭苦幹的樣子

在友人家bbq完又轉場到這裡吃糖水。 人多有個好處就是可以多試幾款。見到在場的侍應全是後生女, 穿上短裙, 但又不見得食評所講好寸看不起人, 坐低都有講歡迎光臨, 有不清楚的地方都會主動問。 雪花冰: 冰底大約$23, 另加配料$2-3, 生果$5, 揀左牛奶冰+朱古力醬+花生芝麻碎+芒果+蜜瓜+紅豆。一入口大家都覺得有陣怪味, 好似益味, 應該係花生芝麻碎作怪吧! 牛奶冰只是一般, 無太多奶味, 其餘配料都無問題的。 咖啡仔$14: 有兩件, 賣相很可愛, 是人形的咖啡果凍布甸。 由咖啡果凍和布甸相間而成, 感受到咖啡的甘香, 只是果凍較實, 幾彈。 木糠豆腐布甸$16: 用手搖下個杯, 見佢震下震下就知道軟滑啦! 豆腐味好濃夠突出又不會太甜, 很清新, 木糠即係餅乾碎, 又幾夾。 旋轉甘露$20: 六枝試管放在轉盤上, 有三種口味。我們就利用這個盤決定要哪種味。我試左石榴露, 杰杰地,吃到果肉, 但不夠凍。還有兩種味分別是楊枝金露和士多啤梨。 椰皇燉蛋白$28: 選了凍食, 椰皇外殼畫左公仔的, 個頂開左但會放回。椰皇飲得多, 想不到用來做糖水效果也很好, 燉蛋白滑得直入喉嚨, 啖

今日去到元朗, 諗住去試吓 "泛後甜品" , 點知遇正裝修, 無計啦, 行到去綿綿冰, 又好似未開門, 見到對面有間 "小樽甜品屋", 有人食緊麵喎, 咪去試吓囉, 餐牌上有款 六色湯丸, 又幾得意喎, 一次過可以試齊六款唔同既湯丸, 賣 $18, 等咗一輪, 個賣相就唔差既, 哎..., 但咬咗一啖就知今次衰咗了, 從未食過d 湯丸係一咬即斷既, 一d 煙韌度都無, 味道怪怪的, 好似都唔係用糯米粉搓出嚟, 又似未煲熟就攞出嚟咁,又唔夠熱,d 饀又唔知係乜,芝麻饀又無芝麻香, 完全唔掂, 我試過咁多間食湯丸, 個人認為 杏花樓的西米芝麻湯丸最好味

聽左"小樽甜品"好耐，終於一試，咁岩冇乜人又唔駛排隊。見到一個都幾吸引的餐牌，特別介紹了木糠豆腐布甸及六色湯圓，即管一試。木糠布甸尚算可以，等了很久的六色湯圓，但一吹就黎，冇煙冇剩。一試湯底，有色冇味，只有微温。再試綠色淺草湯圓，一試即"lur" , 厚厚的粉團, 似未熟透的麵粉味道，從來也沒有吃過沒有煙韌感覺的湯圓!!!再試紫米奶黃湯圓, 味道都係一樣，只有未熟透的麵粉味道!再試合桃湯圓，粉團難吃不在話下，連個合桃含都非常難食，既沒有温度，合桃加花生都好像是變壞了的味道!!!結果我們立即起身結帳離開。請盡快檢討!

因為對面的綿綿冰冇開所以過左小樽試先講普通傳統的西米露好淡,好似飲水咁而且水果唔多其他的甜品味道好古怪價錢我覺得唔值~~