小曼谷泰國美食站

营业中

休息中

今日嚟到銅鑼灣既小曼谷，係一間以泰國為主既餐廳。特色既泰國菜色令人眼花繚亂，無論你愛唔愛泰國菜，都一定會揾到你既最愛！最特別既係，佢地將每道菜式都配以一部關於泰國既短片，巧妙地將飲食與文化結合，令人身處香港都可以感受到泰國既風情，十分新穎。串燒拼盤包括有雞全翼；地道燒臘腸；豬串；雞串；牛串；雞腎串沾串燒既泰式沙嗲醬，個醬重花生味，正！各式各樣既串燒味道都好唔錯，唔夠既仲可以單點添冬蔭公湯（小）2~3人份量份量十足，越飲越辣，鍾意冬蔭公既朋友一定會鍾意呢度既冬蔭公。青咖喱豬頸肉份量十足既青咖喱豬頸肉，香濃既青咖哩，真係絕配。泰式馬拉盞炒通菜經典美食馬拉盞炒通菜，夠晒東南亞風味馬拉盞唔會太辣，味道岩岩好。泰式豬手飯大大碟既既豬手飯，非常抵食！
豬手配上酸汁真係一絕！仲有大量既芥蘭，健康！泰式冰奶茶泰式奶茶都係另一個經典，每次提起泰國都會諗起食泰國菜都絕對唔可以錯過泰式青檸梳打與別不同既青檸梳打，唔係單單青檸+梳打，而係完全混和既青檸梳打，非常好味。

這一晚，來到銅鑼灣，決定食返個泰國晚餐，地點選定在這間「小曼谷泰國美食站」。其實自己已是「小曼谷」的老主顧了，不過之前都幫襯都是在九龍城，這間位於銅鑼灣的「小曼谷泰國美食站」我還是第一次幫襯。店舖以火車作為設計概念，都幾有特色。點了數款泰國美食，我與太太都吃得相當滿意。在三款BBQ拼盤中揀了全是肉的一款「Platter B」（$136），當中包括六款串燒，有豬、有牛、有雞、還有雞腎、地道燒臘腸和我最愛的燒雞全翼。除了燒雞翼我鍾意食外，那泰國燒臘腸我都幾喜歡。店中推介必食的「泰式乾炒海鮮米粉」（$118）的海鮮不少，有蝦、帶子、魷魚等，炒得好，味道也好，吃慣泰式濕炒河粉的話，偶然吃個乾炒河粉，不錯呢！少鹹少油版的「泰式馬拉盞炒通菜」（$108）相當有鑊氣，趁熱吃，微微的辣，適中的鹹，特別好味。少甜版的「芒果沙冰」（$45）味道適中不過甜，透心的涼，我很喜歡，不過太太就更加喜歡。這間小曼谷雖然因為地段關係，食物價錢是比九龍城貴了一點，不過食物水準就都不錯，都幾好食。

早幾日約左 Sean (老闆仔）同謙謙去銅鑼灣食泰國菜， 咁同小朋友食飯緊係要叫d 香口野， 一來就點左炸蝦片，我一心以為一兜仔啦！點知一大包😆😆✌️又脆又香口兩位爭住食。我地仲叫左呢幾款⬇️⬇️⬇️✡️ 拼盤 BBQ Platter B ～ 我就鍾意食串燒，所以拼盤 B有齊雞翼、地道燒臘腸、豬、牛、雞和雞腎就啱哂我， 每款串燒燒得恰到好處唔會 over cook ，臘腸夠特別又唔會過咸， 雞翼係我最愛皮脆肉嫩。✡️ 泰式拼盤（大）～ 蝦餅、魚餅、春卷、雞棗 都有各3件， 呢到拼盤做得好好分好哂一件件方便share 食， 最欣賞個個蝦餅😍好彈牙， 雞棗又真材實料。✡️ 鮮蝦泰國金柚沙律 ～ Sean 媽最喜歡個沙律金柚夠香甜蝦夠鮮仲要有炸椰絲酥酥脆口。✡️ 泰式鮮蝦炒金邊粉 ～ 謙謙必點的金邊粉不油膩，擠青檸汁令味道酸酸甜甜，金邊粉拌勻碟邊的花生碎，令味道層次變得更豐富。🍹 椰王沙冰 ～ 椰子沙冰清甜消渴。🍹 菠蘿沙冰 ～ 菠蘿沙冰甜甜酸酸開胃又解暑。

去完金鐘睇鴨仔想食泰菜就諗起呢間之前同同事聚餐食過都唔錯～今次2個人 冇嗌到咁多野食不過啲野食都keep到水準 ～好味🤤叫咗4樣嘢食柚子沙律🥗清新少少微辣 開胃一流串燒中等肉質唔算好juicy 但醬汁唔錯冬蔭功湯2個人飲 ～每人飲到2碗左右仲有幾隻蝦🤩係飲到尾有少少咸 最後小曼谷炒飯好大碟～都幾多料食落乾爽有咬口不過真係大碟得濟食唔晒呀整體來講 食物中上價錢合理 但一大班人食會開心啲下次嚟開銅鑼灣想食泰菜都可以再食呢間～

今日熱辣辣想食啲開胃嘅菜式， 所以揀咗銅鑼灣呢間出名嘅泰國菜， 之前喺九龍城食過都覺得非常好食， 今日喺銅鑼灣試下呢間先， 果然 都冇令我失望。食泰國菜一定要叫個泰國拼盤，有魚餅，蝦餅， 扎肉， 炸春捲。 乜都有啲， 正呀! 泰國菜梗係有返啲當地沙律先， 木瓜沙律 ，芒果沙律都成日叫， 今日特別啲叫左大蝦柚子沙律， 酸酸甜甜非常開胃， 而且大蝦爽口彈牙！ 呢度特別在有啲串燒拼盤， 唔單止平時有嘅豬牛雞， 仲有雞腎， 雞全翼，同臘腸， 臘腸切咗片嚟燒原來咁好食， d皮脆卜卜，裏面就爆汁爆油， 我哋未夠喉， 越食越開心🤣， 叫多咗個泰式大蝦金邊粉， 仲有 只係25蚊嘅大大包蝦片， 今次就飽到上心口🤣🤣 十分滿足b/t 椰皇沙冰 椰子味香濃, 冰凍好飲！ 菠蘿沙冰， 非常refreshing✌️ 夏天必選飲品

係openrice見到有好多好評 搞到我都想試下首先叫咗第一樣就係泰式馬拉盞炒通菜我覺得正宗係因為我本身係泰國人係鄉下食過正宗泰國菜嚟到呢間食真係覺得好正宗呢樣嘢食炒得好惹味 辣辣哋超好食越食越上癮 以家已經再想食多一次我自己都差唔多食哂成碟🤣第二樣叫嘅就係冬陰公 呢道菜係好難整得好食真係超級正宗同埋好食 酸酸哋辣辣哋好好食湯料好足 有兩隻大蝦同埋有好多菇最好嘅一樣嘢係佢下面會有蠟燭一直加熱住熱辣辣先係最好飲兩隻蝦都好大隻 我都飲咗三碗〰️第三樣叫嘅就係泰式拼盤呢道菜包括有蝦餅 魚餅 春卷同埋雞棗四樣𥚃面我覺得春卷最好食 其他都係一樣好食春卷入面嗰餡係粉絲嚟嘅通常泰式春卷最基本就係粉絲餡外皮脆卜卜 熱辣辣好好食🤤第四樣叫嘅就係燒豬頸肉不過我覺得有樣嘢不太好嘅就係唔熱呢樣嘢一定要熱先最好食但係佢嗰汁好正 除咗唔夠熱其他方面都ok的第五樣就係泰式木瓜絲沙津呢道菜係越辣越好食最好就叫加辣 不過唔食得辣嘅話就唔好勉強如果唔加辣酸酸哋都係開胃 除咗木瓜絲同埋紅蘿蔔絲 真係好好食呢間餐廳整體嚟講都係唔錯出地鐵站行一陣就到環境都唔錯 8點鐘開始會有人唱歌氣氛very good👍👍

午餐泰式燒牛仔骨配木瓜沙律，跟冬蔭雜菜湯同龍眼冰$63燒牛仔骨一片好薄肉但係新鮮juicy!配埋泰式醬汁真係好惹味！係真係燒烤嘅味道～木瓜沙律我走花生，其實都幾大碟，因為我食唔到飯，所以揀沙律，但佢個汁就完全唔係泰國酸辣嘅味道，酸都唔多，比較甜！仲成碟水咁！個汁真係唔ok但木瓜好清脆爽口！龍眼冰正常，反而個雜菜湯比想像中好，但就細碗啲，冇咩雜菜比你，因為係冬蔭嘅味道，屋企人飲唔到咁辣，就比埋我飲。其實銅鑼灣午餐嚟講，呢個價錢都ok因為都有湯有龍眼冰，同埋午餐選擇算多，不過我哋食完都未上碗湯，問個侍應佢仲質疑我哋咁，我話好明顯就冇嚟先問啦🙄叫佢落埋餐飲就唔出聲，問佢落左單未定點，佢就要我哋自己QR code落單🤦🏻‍♀️其實而家疫情後係咪人手唔可以幫客落單只可以掃code落單呢？全場仲要得我哋一枱客，真係科技嘅進步⋯-收到OR話餐廳投訴我係試食活動好彩我一向有keep單唔該OR咁鍾意審批就講下餐廳虛報為求0負評係咩玩法？

平時想食泰國嘢都會諗起去九龍城，原來「小曼谷泰國美食站」銅鑼灣都有分店！.我哋點做一個龍蝦孖寶套餐，揀咗咖喱龍蝦，龍蝦肉質爽口彈牙，食得出係新鮮嘅，咖喱亦都好濃味，所以我哋加咗薄餅沾上醬汁，非常惹味！龍蝦孖寶套餐仲包咗一個原個菠蘿海鮮炒飯，味道不錯，炒飯飯粒粒粒分明，仲配左腰果同肉鬆✨.另外，仲點左雞肉同豬肉串燒，沙嗲味幾好食，串燒都幾大串🫶🏻.馬拉盞通菜鹹香十足，我哋叫咗少油，所以唔會覺得好油膩！.📍 小曼谷泰國美食站 (銅鑼灣)銅鑼灣謝斐道535號Tower 535地庫B02號舖

🥘黃咖哩豬頸肉 $118 •泰式蒜蓉包 $52香濃咖喱味度，豬頸肉份量好多，伴菜亦好足料.配上外脆內軟蒜蓉包🤤讚👍🏻🥬泰式馬拉盞炒椰菜 $108 香濃馬拉盞炒椰菜，惹味香口，味道剛好唔會太咸.🐷豬肉串燒 $46•珍寶腸 $30 串燒保留肉質鮮味，唔會太乾身，點沙嗲醬更香口.🥗豬肉碎生菜包 $118 辣肉碎好入味，加辣更惹味，包生菜/送飯一流.🦐泰式炸蝦餅 $108 蝦餅炸皮薄身鬆脆，肉質彈牙唔油膩.🥥椰汁西米糕 $59 椰香重，唔會太甜，西米位保留煙韌口感，讚👍🏻

香港食泰國嘢邊度正宗大家都會諗到 一定係九龍城， 九龍城既小曼谷 泰國餐廳，相信好多人都試過， 住港島嘅朋友有福了， 小曼谷喺銅鑼灣 總統戲院對面既Tower535開左分店，食物同員工大部分都係 泰國人， 食物一定有番咁上下正宗。 小曼谷主打海鮮燒烤， 今次我哋揀咗 唔係好多 泰國餐廳 都有得食嘅花螺，配上 泰國酸辣汁 其實呢個汁配上乜嘢海鮮都係好好食， 花螺非常新鮮 點上酸辣汁做前菜非常開胃另外我哋叫咗另一個前菜鮮蝦 金柚沙律， 酸酸甜甜都係非常開胃 蝦嘅份量都好充足。冬陰功湯兩人份量 都好大一盤， 味道唔會太過 辣 椰奶辣味比例啱啱好青咖哩海鮮 椰奶味充足， 非常適合送飯最後叫埋個生菜包， 兩個人食得好飽捧住個肚離開佢哋個lunch set都 好多選擇 真係羨慕銅鑼灣上班的朋友

餐廳以火車站為主題，每個角落均有不同的裝飾，打卡位甚多～小曼谷炒米粉～材料有蟹柳、豬頸肉、蝦及札肉，十分豐富，米粉炒得也乾身，每口也有濃濃的咖哩味，米粉外圍還用煎雞蛋皮蓋上，感覺更有特色～小曼谷海南雞飯～雞肉十分嫩滑，雞皮還帶點爽身的，雞油飯香味十足，飯粒分明，旁邊還有一個海南雞醬汁，味道酸酸辣辣，很開胃～泰式炸蝦餅～蝦餅十分厚身，外脆內彈，質感厚實，還有一個泰式酸辣醬可沾來吃，做餐前小食非常一流～

經過銅鑼灣，又想食泰國嘢，見到呢間餐廳裝修幾特別，門口有架火車幾得意，就嚟試下，估唔到幾好食！今次就試咗佢哋呢三款菜式：🟠 蒜蓉象拔蚌象拔蚌幾新鮮同彈牙，總共有三隻，啱啱好夠食！🟡 龍蝦冬陰功湯冬陰功湯底夠曬濃，啱曬鐘意辣嘅我！有成只龍蝦系冬陰功湯入面，肉質好彈牙，仲有好多配料！🟢 小曼谷海鮮炒米粉海鮮非常之足料，有好大粒帶子同蝦，味道啱啱好，唔會太咸，米粉吸曬啲汁，好入味。👍🏻餐廳仲地鐵站雞，安排歌手即場唱歌，成個氣氛都好輕鬆！好啱大家放咗工同朋友一齊聚下舊，傾下偈！

🍢豬肉串燒（兩串） $46一碟有兩串，豬肉半肥瘦，好Juicy有肉汁唔會乾，沙嗲醬好惹味好多花生粒🥜🌭珍寶腸 $30原條司華力腸，外皮脆口🫕黃咖喱豬頸肉 $118 好多豬頸肉，仲有洋蔥同薯仔，我黃咖喱好濃味，唔會辣，一定要叫埋泰式蒜蓉包點啲咖哩嚟食🥖蒜蓉包4塊$524片蒜蓉包都幾大塊，蒜蓉醬都好濃郁，焗到外脆內軟，用嚟點黃咖喱食係必須的👍🏻🥬豬肉碎生菜包 $118份量都幾多，自己叫咗加辣，酸酸辣辣好開胃，生菜好新鮮菜汁鮮甜，同埋會比好多，一定夠包嚟食🦐泰式炸蝦餅（s) $108一疊有六個半圈，但係每一舊都好大舊，咬落去係啖啖都係蝦肉🤭肉質好彈牙鮮味，外皮炸得好脆🥥椰汁西米糕 $59有六件仔，有驚喜，平時出邊食開嗰啲個底啲西米糕係林滋滋，呢度呢一個係好煙韌好有咬口🤤 上面個椰汁又夠滑🍉西瓜沙冰 $48好大杯，清甜解渴，最後飲唔晒🙈 可以自己嗌少甜或者走甜，啱晒啲健康人士🍺泰啤（小支裝） $36

有泰國特色既泰國餐廳，門口以泰國著名火車夜市既火車為裝修，店內佈置簡約為主，店內燈光柔和，在晚上6-8pm會有真人live band show，感覺舒適有情調💕🍹，適合情侶拍拖可談下心chill 下或者慶祝節日回味泰國美食既好地方🧏🏻‍♀️✔️ 泰皇咖喱法包軟殼蟹〔真心推介😋〕$268Thai Curry Soft Shell Crab with toasted French bread👍🏻 熱辣辣👍🏻 擺盤精緻👍🏻 滿滿的咖哩👍🏻 法包外層鬆脆👍🏻 軟殼蟹香脆👍🏻 惹味✔️ 泰式鮮蝦炒金邊粉〔真心推介😋〕$138Thai Fried Phad Thai with Shrimp👍🏻 蝦爽口👍🏻 金邊粉彈牙👍🏻 足料👍🏻 賣相吸引配 花生碎✔️ 椰皇沙冰〔真心推介😋〕$43Coconut juice👍🏻 大杯👍🏻 精緻👍🏻 濃郁椰汁味🥥👍🏻 口感嫩滑

好消息‼️食地道正宗泰國菜終於不用去九龍城了！泰國小曼谷餐廳在銅鑼灣開了新分店，味道跟元組店一樣好食，更有現場live music 娛賓，而且室內裝修更有特色！店面的巨型火車頭很吸精，打卡必去！我的美食餐單：1️⃣冬陰功海鮮湯2️⃣鹽焗海螺3️⃣生菜包4️⃣泰式青咖喱海鮮5️⃣泰式大蝦沙律每次食泰國菜冬蔭功幾乎是必食！味道微酸微辣又有多款海鮮增加濃湯鮮味，超級開胃！而且份量充足約4碗份量，性價比很高！