小曼谷泰國美食站

营业中

休息中

♡ 銅鑼灣泰菜首選｜小曼谷 ♡-喺銅鑼灣做完Facial 同朋友仔都好掛住泰國菜 就即刻諗起小曼谷啦😍 銅鑼灣嘅小曼谷仲有Live Band 真係好chill 👍🏻 - ♡ 泰式干炒豬肉片河 ♡ $108每次嚟小曼谷 都要叫炒河～ 呢度嘅炒河炒得好阿鑊氣 而且唔會黐埋一嚿嚿。炒河好足料 有大大嚿嘅豬肉片、蛋、菜 豬肉咬落去鮮嫩多汁 真係好正😝-♡ 黄咖喱牛腩 ♡ $118咖喱牛腩十分出色👍牛腩燉得軟嫩入味，配上濃郁的黃咖喱醬汁，味道香濃而不膩。同朋友都食到舔舔脷🥰- ♡ 泰式原味烤薄餅（2塊） ♡ $52薄餅金黃酥脆，內裡鬆軟。拎嚟點咖喱真係一流😝 -♡ 泰式冰奶茶 ♡ $43味道濃郁 口感香滑夏天拎嚟解渴一流呀😝👍-♡ 榴槤冰條 ♡ $38值得一讚嘅甜品🫶一拎出嚟好似一舊榴槤咁有啲似食緊榴槤嘅果肉🤣-❥#⇢店鋪資料：小曼谷泰國美食站 (銅鑼灣)銅鑼灣謝斐道535號Tower 535地庫B02號舖## 🔍尋找同區美食📍➾ #礦泥黃X銅鑼灣-#hkig #hk #hkfoodie #hkgirl #foodie #hkfood #foodstagram #foodblogger

同朋友行街見到個大大火車頭，吸引我哋留意到呢間泰國嘢，所以就入去試下-入到去環境好靚，地方好闊落坐得好舒服，一d都唔迫估唔到餐廳會有live Band即席現場唱歌表演，可以一邊食一邊聽歌真係好好氣氛～-泰式生蝦刺身＄148好厚肉新鮮生蝦，配埋個酸酸辣辣嘅醬汁，十分好食😋-鮮芒海鮮炒飯＄118有大大粒嘅芒果，芒果仲要好甜，海鮮份量唔算好多，但勝在每一啖都有海鮮同芒果，味道都好好食😋唔錯-炸蝦片＄30好香嘅蝦味，口感鬆脆-椰青＄53椰青汁味道清甜，椰肉細嫩，夠晒解渴

原來泰國菜都有花膠濃湯煲仔翅食😱無諗到都好足料好好味😋加埋牙菜，芫茜口感更加好😋木瓜絲沙律好爽口，酸酸甜甜好開胃，馬拉蓋炒椰菜苗超香，好惹味😍海南雞飯Nice，份量好多😋餐廳d位坐得好舒服，服務態度都好好，會再去食😋

一直都愛食泰菜，今晚到銅鑼灣，食的是謝斐道Tower 535地庫的小曼谷泰國美食。餐廳裝修別緻，加上自彈自唱的歌手，令餐廳氣氛增添不少，一邊食一邊欣賞，食得輕鬆且開心。豬肉生菜包，肉碎內有洋蔥、豆角粒……等，用生菜包著食，口感爽，味道香辣，是最具泰式菜式之一。泰式鮮蝦炒金邊粉，金邊粉外面用蛋格包裹，旁邊放上1 件青檸檬。整個泰式鮮蝦炒金邊粉味道咸中帶甜，加上青檸檬汁，滿滿的泰式特式味道。串燒拼盤有雞全翼、地道燒臘腸卷、豬肉、雞肉、牛肉、雞腎等各一串。調味是帶甜的沙嗲醬，點上串燒，很具泰式風味，尤其喜愛雞全翼及牛肉串燒。

今日去咗銅鑼灣食泰國嘢，竟然比我撞正有live Band，之前都有嚟過但係冇，所以如果想睇LiVe band可以問吓餐廳幾點有🤟🏻-雞軟骨串燒2串 $46雞軟骨好香好脆🫶🏻燒得岩岩好配埋佢嘅沙嗲汁好濃郁好香花生味😋-冬陰公雞湯 $138都食咗唔少泰國餐廳佢哋嘅冬陰功我幾中意佢味道夠濃郁夠重之外都好多料！又唔會太酸太辣～恰到好處😎-泰式炸蝦餅 $108我哋叫咗個細份嘅炸蝦餅面層酥脆裡面彈牙蝦味都好夠😉-椰青 $53夏天飲一流透心涼又夠解渴😙-走之前梗係要買返包炸蝦片$30大大塊又夠脆帶點胡椒味😍

🉐地方夠大環境舒適🉐菜式全部熱辣辣，夠晒有鑊氣🉐服務貼心態度友善突然好掛住泰國嘅美食，即刻同朋友去食位置銅鑼灣嘅小曼谷泰國美食站回味一番，貪佢地點方便又有夠晒正宗，次次食都唔會失望！豬肉碎生菜包 $118 🌮前菜嗌返個豬肉碎生菜包先，呢到嘅生菜非常新鮮，包住香濃惹味的豬肉碎一齊食，滋味無窮。黃咖喱豬肉 $118 🐔🍛當煩惱緊嗌黃咖喱定青咖喱嘅時候，店員好熱心咁介紹兩種咖喱嘅分別，黃咖哩口感偏甜而且無咁辣，比較適合我哋嘅口味，所以就嗌左黃咖喱雞肉試下，口感濃厚而且雞肉鮮甜唔會乾柴，可以食多幾碗飯😆拼盤BBQ Platter B $138 🍢呢個拼盤有六樣肉類，分別係雞全翼、地道燒臘腸、豬、牛、雞同埋雞腎。我地好鍾意佢嘅地道燒臘腸，覺得好有新鮮感，而且鹹鹹香香好好食。而其他肉類都相當好食，款款肉嫩多汁，非常抵食！泰式鮮蝦炒金邊粉 $138 🍝炒金邊粉都可以話泰國菜嘅必叫之選，貪佢甜中帶酸，夠哂開胃！呢到嘅炒金邊粉完全唔油，多乾身多料，正呀！椰皇沙冰 $43 🥥椰奶好香，好夠濃，好creamy嘅口感，入面重有粒粒椰肉可以食到，如果可以再多少少椰肉就啦，好推薦！雖然已經曾經嚟過小曼谷泰國美食站

銅鑼灣出口行2分鐘就到，座位坐得幾舒服，而且仲要有live show，現場有專人唱歌，好有feel，約埋幾個friends一齊最啱！📍泰王咖喱炒龍蝦 ($278)上菜個下都幾震撼😮，因為個盤都幾大！龍蝦肉幾有驚喜，好軟熟唔會韌🤩，好爽好彈牙好好食！肉質新鮮👍🏻咖喱入面好多青椒洋蔥等等配菜，非常爽口。唯一唔好就完全唔辣😢可能我太鐘意食辣 📍牛油蒜蓉燒大頭蝦 ($288) 兩隻大大隻嘅大頭蝦上面鋪滿左大量嘅蔥同蝦乾，肉質偏爽口，配上泰國特色辣醬🌶️，即係平時點生蝦個種，香辣得黎又惹味😋！📍雞軟骨串燒 ($46)幾有咬口，配上沙嗲醬都唔錯。📍香辣香葉辣椒炒米粉 ($118)米粉炒得乾身唔油，重點係又真係幾辣🥰食辣嘅朋友一定鍾意！而且蔬菜同海鮮都幾多款同多，有洋蔥青椒蝦帶子魷魚，真係幾唔錯👍🏻

保持水準的小曼谷‼️😋同屋企人去銅鑼灣行街😊再次幫襯小曼谷泰國美食站🇹🇭餐廳以泰國火車為主題🚂模仿車廂卡位佈置😃彷如置身於泰國火車夜市🌃主打菜式小曼谷炒飯及芒果糯米飯🍚泰式鮮蝦炒金邊粉，138蚊碟💰炒金邊粉賣相非常有心思，蛋絲包住金邊粉，配上花生碎，辣椒粉，糖粒，豆干等配料，金邊粉勁有鑊氣，金邊粉味道酸酸甜甜，撈埋花生碎同辣椒粉，鳳尾蝦大隻鮮甜令口感更有層次感🌶泰式風情薄餅，58蚊份💰小薄餅邊位口感非常酥脆，芝士柔軟質地完美拉絲，薄餅十分推介☺️小曼谷原隻芒果糯米飯，108蚊份💰甜品賣相好靚，好有泰國特色，糯米飯係心型，香滑椰漿入口清甜香味，香甜軟熟糯米飯，配埋香濃椰漿，芒果夠哂香甜，飯後甜品必點😄椰皇沙冰，43蚊杯💰有淡淡嘅椰香味，甜度啱啱好，奶香而不膩，沙冰飲到有粒粒椰子肉口感🥥榴槤沙冰，55蚊杯💰有清新嘅榴槤香味，到濃郁嘅榴連味，沙冰帶有微微嘅奶味😄整體環境氣氛幾好，好似去咗夜市感覺☺️服務都好好即時跟進顧客嘅需求😄食物真係有改善，份量都非常足料☺️

我真係好鍾意食泰國菜😂泰國回來數天，又再想念泰國菜！這間之前在九龍城食過，氣氛好熱鬧，但銅鑼灣店舖比較大同座位闊落，仲有個大大火車做裝飾，本想食埋個芒果糯米飯，但真是太飽了，唯有下次！🔶泰式拼盤（S）$198有蝦餅,魚餅,春卷，雞棗～分量剛剛好，又可以食的唔同款式，尤其蝦餅好出色，好彈牙🔶泰式鹹魚炒芥蘭$98好惹味～一上枱已經聞到震震鹹魚香🔶黃咖喱豬頸肉$118豬頸肉份量多，香料味重兼味道剛剛好，咖喱汁不會出太稀，配飯配薄餅一流🔶泰式原味烤薄餅$52極力推介👍脆卜卜，與咖喱一齊食簡直是絕配！🔶芒果沙冰$45🔶椰子沙冰$43

講起食泰菜，真係第一時間諗起去小曼谷食。呢間野勝在多分店，唔貴，性價比高，無論三五知己去食野吹水定我上次8個人食都好適合👍🏻心思思又想食泰國野，今日同屋企人嚟食。嗌咗4樣野都已經好飽。牛小排泰式沙律好細心有得揀牛小排幾成熟，揀咗5成就真係啱啱好，冇過熟，加埋啲走過油嘅蔥真係好香，泰式汁汁係好開胃，平時唔食沙律嘅me都食唔停！青咖哩豬頸肉 配烤薄餅青咖哩唔辦，甜甜地，好香椰味，都幾正架，豬頸肉份量都好多，入面仲有好多配菜。食咖哩真係必嗌薄餅😍吸哂咖哩精華🤣 薄餅煎好上碟勁熱勁脆，好正！香辣雞肉乾炒河最後係勁大碟嘅炒河，好鍾意泰國呢款粗河粉，好彈牙好煙韌，唔會一pat野咁，雞肉嘅份量都好夠，叫咗少辣都有覺得有啲辣🥵 但越食越惹味😍😍2個人實在再食唔落多樣野，下次嚟再嗌😍😍

📍位置：近銅鑼灣站D1出口，在The old book store旁電梯下地牢商場。🏠環境：以泰國火車🚞為主題，設有仿車廂設計的卡座，門口更設有一部大火車頭，石灰色牆身有車輪、車牌、牌站、鐵人做裝飾，更棒是現場有唱歌表演，值得一讚是歌喉真不錯👍。🤵🏻服務：QR Code下單，收取加一。🍽️晚市：沒有套餐，但提供了海鮮孖寶餐，一次可以吃兩款海鮮。🐔雞軟骨串燒2串 $46雖然是燒得外脆內軟，口感軟韌，🫢但性價比不高。🦐牛油蒜蓉燒大頭蝦(兩隻）$288兩大隻開邊的大頭蝦🦐，雪白結實的蝦肉上舖滿蒜蓉和魚乾🐟，增添了鹹香🤤，十分惹味。🦞泰皇咖哩炒龍蝦 $278用一個大碗碟盛開邊龍蝦🦞，龍蝦經過微炸，十分香口，肉質是結實彈牙😋，配豐富的黃咖哩醬🥰，帶點甜香，如果能辣一點就好🥹。🍝香葉辣椒海鮮炒米粉 $118這是最快上菜的主食👍，米粉炒得乾身不油🤤，配料豐富，有帶子、大蝦🍤、魷魚🦑、青椒🫑、紅蘿蔔片等，很有鑊氣☺️，又帶辣勁😚！

Lunch 想出去食嘅話，離不開都係嗰幾樣，咁啱今日想食蒜蓉包同埋冬陰功，就揀咗小曼谷。有留意嘅話，依家已經介紹過幾次，由九龍城食到去銅鑼灣都仲食緊。見食過咁多次，今次決定食下啲未試過嘅嘢，估唔到都幾唔錯。ఌ秘製滷水豬手煲非常有膠質，唔係一咬就溶化嗰隻豬手，豬皮好軟，有彈性，豬手個汁偏甜，唔係好鹹嗰隻豬手煲。ఌ冬陰功湯頭濃郁，有好重嘅嘢椰香味。少少酸又帶辣，而且仲用個火慢慢㷫住，淡淡湯都非常熱，湯料都充足有兩隻蝦爽口彈牙。配合埋現場嘅環境，一路食飯一路流汗😂ఌ蒜蓉包每次嚟到都必叫！勁香蒜蓉味，而且熱辣辣，將佢沾咖喱汁完全係Perfect match。ఌ菠蘿炒飯原個菠蘿，菠蘿好甜。翻譯都抄得幾粒粒分明，而且唔會過於油膩，旁邊有肉鬆同埋腰果，加分加分！不過亦都有最唔鍾意食嘅三色豆😂ఌ黃咖喱豬頸肉 今次第一次試，咖喱味冇泰皇咖喱咁濃，相對重椰汁味，入邊嘅薯仔輕輕煎過，好綿密！記得一定要嗌蒜蓉包配埋佢。午餐嘅價錢嚟講，相當抵食，而且佢有lunch Menu，包埋嘢飲就更加抵。不過份量都好大份，基本上嗌少少嘢都夠share。小曼谷泰國美食站 (銅鑼灣)📍銅鑼灣謝斐道535號Tower 535地庫

銅鑼灣呢間泰國餐廳真係一個值得去嘅地方！餐廳嘅裝修好有特色，係重工業風格嘅裝修，一入去就會感受到一種獨特嘅氛圍。牆上嘅鐵件同埋木質元素，配合住暖黃色嘅燈光，營造出一個溫馨又有型嘅用餐環境！而且，呢間餐廳仲有現場音樂表演！真係好chill啊！你可以一邊享受美食，一邊欣賞音樂家嘅精彩演奏，真係好有情調呀！餐廳嘅招牌菜之一係法式麵包咖喱軟殼蟹！佢哋將新鮮嘅軟殼蟹蟹肉同香辣嘅咖喱醬結合，再配上香脆嘅法式麵包，味道真係絕妙！咖喱醬嘅香辣同埋麵包嘅酥脆，加埋蟹肉嘅鮮甜，一口咬落去真係令人回味無窮！我地叫左我地最中意食既雞軟骨。係新鮮嘅雞軟骨炸至金黃酥脆，再撒上少少嘅香料同埋辣椒粉，味道好香辣又多汁！每一口咬落去，都可以感受到雞軟骨嘅酥脆同埋多汁嘅口感，絕對係一個令人上癮嘅小食。一定要試下佢哋嘅馬拉盞炒通菜。馬拉盞係泰國嘅特色香料，味道香辣又濃郁。佢哋會將通菜同埋馬拉盞炒熟，令通菜吸收到香辣嘅味道，非常開胃！

泰式冬蔭功湯 冬蔭功湯是一道有著強烈酸辣風味的泰國湯品，每一口都讓人感受到它的獨特魅力。湯底酸中帶著微甜，辣味刺激而不過分。裡頭加入了新鮮的海鮮（如蝦、魚）或雞肉，讓湯的口感更豐富。湯中還加入了檸檬葉、香茅、蒜和洋蔥等香料，營造出來的香氣令人垂涎欲滴。這道湯既可作為開胃菜，也可搭配飯或麵食享用，絕對是泰國料理中不可錯過的經典之作。泰式芒果糯米飯這道甜點是我在泰國旅行時品嚐到的美味佳餚。芒果糯米飯將糯米飯和新鮮成熟的芒果完美結合在一起。糯米飯蒸煮得剛好，口感Q彈，配上甜美多汁的芒果，簡直是絕配。上頭淋上椰奶，增添了奶香和滑順的口感。整體而言，這道甜點既清新又濃郁，是一道讓人回味無窮的泰國特色美食。

銅鑼灣食泰國菜，我首選小曼谷😎已經黎過好幾次，質素keep 得到，價錢亦唔會因為喺銅鑼灣而特別貴🤗 環境裝修特別，以火車做主題🚂現場仲有駐場live band，現場氣氛會好好🤩，但可惜今次就遇唔到🙈 香芒蟹肉炒飯，用料好充足😚大大粒芒果肉同蟹肉，飯粒又炒到好乾身，粒粒分明 泰式馬拉盞炒通菜，用手機落單時，可以自選少油少咸，可以健康地食菜馬拉盞唔會太辣，味道岩岩好👍飯後甜品又點少得叫返個糯米飯食下！除左芒果外，仲有榴槤選擇😍而家係榴槤當造季節，忍唔到口要食返個🤭心形嘅糯米飯口感軟糯仲帶點香味，撈埋椰漿食仲香口 青檸菠蘿沙冰，同樣用手機落單時可選擇甜度～酸酸甜甜好解暑消暑，仲可以解膩。