小曼谷泰國美食站

营业中

休息中

朋友👩🏻‍💼話想食泰國菜🇹🇭，我哋商量咗大約5秒就決定嚟呢間泰國🇹🇭餐廳開餐🤣$108「泰式🇹🇭鹹肉炒芥蘭」：可以選擇口味，要咗：「少咸，少油」；芥蘭🥬爽脆，泰式鹹肉半肥瘦有鹹香，一齊炒味道濃郁😋$158「海南雞🐓半隻」：海南雞🐓不同部位有不同口感但係基本上都夠滑，亦都幾好雞味👍；仲有一碟辣辣哋嘅醬汁要嚟沾雞食更加惹味🤣$118「泰式🇹🇭豬頸肉🐷炒飯」：炒飯炒到粒粒分明👍，仲有幾片好甘香嘅豬頸肉😋

喺銅鑼灣竟然搵到一間價錢親民嘅泰國菜，味道的確唔錯，不過我嫌佢有啲濃。但係喺銅鑼灣區有咁嘅價錢嘅泰國菜真係同一班朋友去就啱晒了。可以叫做放題式嘅泰國餐廳環境服務不算最好，但係價錢發現質素

今日同朋友仔去咗銅鑼灣嘅一間泰國菜食晚飯，餐廳空間感十足，好多座位，卡位為主，木色系，平日都full咗一半，感覺呢間頗有人氣，有時仲會有live band，應該幾有氣氛。主食嘅選擇有好多款，我最鍾意乾炒河，雖然隨便去間餐廳都有得食，但九成九係得個油字，呢度做得幾有驚喜，有鑊氣，油量適中，又入味，食完都唔覺得口乾，味精唔多，正。另外幾鍾意呢度嘅炒菜，雖然份量唔多但勝在夠爽口，而且都幾新鮮。朋友話豬肉生菜包同炒飯好正，但個人就覺得有啲鹹，不過平時自己食開清淡嘅，所以先知會咁樣認為。甜品方面好推千層糕，淡淡斑斕香氣，QQ地，好可愛。椰汁西米糕就比較常見，椰味突出，都幾唔錯，性價比算高。

呢間係由泰國華僑開設嘅泰國餐廳，主打多款地道泰式菜，亦有創新fusion料理，喺九龍城、元朗同銅鑼灣都有分店，適合一班朋友聚餐，門外有火車頭裝飾，好可愛好打卡able呀～ 前菜有木瓜絲沙律，味道酸辣鮮甜又醒胃，份量好足，越食越開胃，令人一試愛上😍 主食有乾炒豬肉片河，炒至乾身唔油膩，條條入味，唔會見到白色河粉，麵條軟硬度適中，唔錯👍🏻個人喜歡香葉豬肉碎炒飯，炒至粒粒分明，熱辣辣，香濃惹味，建議可以撈埋豬肉碎生菜包嘅豬肉碎一齊食，再包住新鮮生菜，真係好好味🤤菜品選擇眾多，要咗炒雜菜同鹹魚炒芥蘭，炒至爽脆，外脆內嫩，可以要少鹹少油，感覺更加健康、最後以經典嘅椰汁西米糕、千層糕同芒果冰條作結，甜度適中，芒果仲要係真芒果，正～

今日晏晝食得飽，夜晚想食開胃嘅冬陰功湯，剛好在銅鑼灣 Tower 535 附近，想起小曼谷就在地庫，於是決定入去。冬陰功湯（原隻虎蝦）足夠二人分享，酸甜複雜味道，非常開胃；2隻虎蝦相當新鮮，原來亦有龍蝦冬陰功湯，下次來吃。肉方面揀了頂級牛柳粒串燒，牛肉燒得好，香嫩有肉汁。燒白鱔皮脆肉嫩，結實，燒得唔乾。泰式燒魚用鹽燒方法，令肉質有鹹香，肉嫩，保留肉汁。環境很有夜市氣氛，門口用個火車頭裝飾，聽到廚房炒菜聲，令人想食；出菜好快吓，很有效率，價錢相當合理。

估唔到平日呢度都咁旺場 好快已經滿座 宜家每日夜晚8:30後入座有全單七折優惠 好抵食！😍 仲有歌聽添🎶串燒拼盤啖啖肉😝 點埋個花生味濃厚嘅醬汁更惹味 雞腎 好爽口唔會韌👍🏻 燒臘腸都好特別 同平時中式唔同 呢款表面脆脆地 又唔會油膩😆炒通菜好惹味 送飯一流🤤 仲可以揀少咸少油 感覺都健康左😂 炒飯好大碟 炒得好乾身 配埋蛋汁一齊撈黎食😎 食落多一種層次👍🏻🔸串燒拼盤B(雞全翼、地道燒臘腸、豬、雞、牛、雞腎）🔸泰式馬拉盞炒通菜🔸 香葉辣椒豬肉碎炒飯(配荷包蛋)

講到泰國菜就會諗起小曼谷除咗九龍城之外，銅鑼灣都有分店食物質素多年來都保持水準仲有特色嘅甜品Menu款式好多選擇連泰國最正嘅煲仔翅都有✨鐵板豬頸肉炒芥蘭上枱時 熱到出現咋咋聲豬頸肉份量好多，香軟爽口好Juicy配芥蘭可以中和一下✨串燒拼盤一次過享受6款串燒雞全翼．地道燒臘腸．雞腎雞．牛．豬 各一串燒得惹味，唔會太乾✨泰式蒜蓉包蒜蓉包口感香脆面層舖滿粒粒蒜蓉✨榴槤沙冰沙冰好細膩．口感Creamy又冰凍✨榴槤冰條呢款用真正用榴槤果肉製嘅冰條又香又滑味道濃郁

很喜歡去銅鑼灣的小曼谷，感覺恍如置身於泰國曼谷，餐廳佈置亦相當有格調，門口的火車頭擺設相當有特色，餐廳近日做緊晚上8:30後入座有七折相當抵食。唔使去到泰國唐人街都可以食花膠煲仔翅，材料相當豐富，大大嚿花膠大大塊魚翅，濃稠適中，加埋芽菜胡椒粉紅醋調味，味道一流。黃咖喱豬頸肉，咖喱味道略為偏甜，豬頸肉份量相當多，比較燒豬頸肉，咖喱食法較為軟嫩多汁，再配合泰式酥餅，點咖喱汁一齊食，好味。飲品方面，強烈推介椰汁沙冰，微甜冰涼椰味相當香濃。

今晚想吃泰菜，又想進餐之中有點音樂配合，便想起這間泰國菜了。這裏每晚都有樂手演出，配合泰式美食，又是另一番風味。豬肉串燒兩串$46，雞肉串燒兩串$46。豬肉和雞肉帶點泰式香料的味道，兩者都燒烤得不錯，外脆內軟，保持了肉汁，如果喜歡沙嗲醬，加了層次感更加豐富。小曼谷五星燒雞$178，燒雞的外皮帶點炭燒的香味，雞肉鮮嫩可口。由於這個燒雞是即點即制的，需時大約20分鐘以上，不過來到吃了的時候，都覺得值得。小曼谷原隻芒果糯米飯$108，原個芒果切開兩邊之後，又再已經切成粒狀，方便進食。芒果香甜可口，加上暖暖的糯米飯和椰漿，這個傳統的泰國甜品做得不錯。如果喜歡吃多點椰漿，叫侍應添加都完全沒有問題，這個態度非常值得讚賞。

有一段時間無食泰國菜，好掛住呢度嘅魚翅煲。做嘢咁辛苦更係要食好啲。個魚翅煲更係要加花膠😋。除咗有幾舊花膠之外，仲有好大片魚翅，份量足夠兩個人share。海鮮方面有好多想食，諗嚟諗去最後決定叫咗燒盲曹。啲魚肉都唔錯，配埋嗰個泰式醬汁真係好夾。今日仲叫咗個黃咖喱豬頸肉，加配一份烤餅。其實主要都係想食嗰啲咖喱汁😂。個飛天通菜都幾好食，但係有少少辣。飲品叫咗我至愛嘅鹹檸七，同埋第一次order咗椰汁沙冰好有驚喜，推介！

今晚約了後天家人吃飯，她住在香港區，銅鑼灣是最方便的選擇，加上她喜歡吃泰菜，便來到這裏。泰式生蝦刺身$148，生蝦的肉質爽口彈牙，每隻蝦刺身的上方，都會有一粒指天椒和蒜頭，令到蝦刺身的味道層次更加刺激，如果喜歡辣一點，自家製海鮮醬汁的濃度頗高，一定滿足到喜歡吃辣的要求。豬肉碎生菜包$118 ，豬肉碎內有蒜頭、指天椒和泰式香料，魚露味道香濃，非常惹味，如果喜歡可以將肉碎包在生菜內，便可以減少油膩感，增加清爽的口感。鹹檸檬可樂$43，買一送一，每杯都有半個鹹檸檬，酸酸甜甜，非常配合泰菜，加上這個優惠就更加抵。

行經銅鑼灣 發覺原來世貿隔離有間小曼谷今晚二話不說去咗醫肚 舖頭裝修十分有特色 到處都有打卡位⭕️ 風味燒豬頸肉 ($138)每片豬頸肉都切得好靚 厚薄適中份量都唔少 可以幾個人share表面焦香 醃製過嘅豬頸肉燒得啱啱好另外有個醬汁 點起上嚟食酸酸辣辣咁好提鮮 肉質都幾嫩滑 唔鞋口不愧係每次食泰菜必點餸菜之一☝🏻⭕️ 泰式鹹魚炒芥蘭 ($98)喜出望外嘅餸菜用鹹魚、芥蘭、辣椒、蒜頭同魚露等調味料炒制而成鹹魚香氣好夠 叫左少油少咸味道啱啱好 搞到食唔停🤭⭕️ 泰式乾炒海鮮米粉 ($118)喺泰國餐廳第一次試依款炒米粉見menu有乾濕兩款 今次就叫左乾炒米粉炒得算乾身 有鑊氣海鮮配料有蝦仁🍤 帶子 魷魚 加埋雞蛋好香口 又彈牙唔錯唔錯👍🏻順帶一提 而家晚上8:30後入座可享全單七折優惠😍

今次又去左食小曼谷😂不過水準仍然keep到！！！串燒拼盤 $152共3串 （極上安格斯牛肉粒、鮮海蝦球串同埋燒帶子）質素都好好 燒得唔會過熟係岩岩好的👍🏼泰式花膠濃湯煲仔翅 $128見啲人好似話泰國食魚翅好出名 今次係好奇心驅使下就叫左泰式煲仔翅 仲要有花膠係入面 諗起都覺得好奢侈🤣🤣雖然味道咸左少少 但係幾好食嘅～鹹蛋黃金炸雞全翼 $98炸雞翼好juicy 而且脆脆嘅外皮連埋啖啖鹹蛋黃咁樣食真係勁邪惡！！！香芒蟹肉炒飯 $118炒得好有鑊氣 蟹肉同埋芒果都有好多 可以話係啖啖飯都有蟹肉、飯同埋芒果🥳椰青 $106 （買一送一）食泰國野必飲椰青！一邊食一邊飲真係差啲以為自己去左泰國🫢

📍小曼谷泰國美食 （銅鑼灣）#5🫶🏻係最高環境：🫶🏻🫶🏻🫶🏻🫶🏻食物：🫶🏻🫶🏻🫶🏻🫶🏻回頭率：🫶🏻🫶🏻🫶🏻🫶🏻服務態度：🫶🏻🫶🏻🫶🏻🫶🏻-香芒蟹肉炒飯 -$118蟹肉份量唔算多 而且唔太食到蟹肉 芒果相對比較多 而且大粒香甜 配埋炒飯 咸咸甜甜 意外地夾泰式花膠濃湯煲仔翅 -$128食落有啲似碗仔翅 而且居然有兩塊花膠 食落都幾滑 但其中一塊有啲硬 相反唔太食到泰式嘅感覺串燒拼盤C -$152拼盤有牛柳粒 食落有啲硬 可能燒嘅時間太長 但調味唔錯 配埋酸酸甜甜嘅醬汁 有海蝦球 食落會咸咸地同爽口 另外仲有燒帶子 同樣都係咸咸地 3串都配左蕃茄仔 所以幾開胃椰青 -$53正正常常 食落甜甜地 好清涼 可以食埋椰肉鹹蛋黃金炸雞全翼 -$98鹹蛋碎好多 但唔太食出鹹蛋味 雞翼炸到岩岩好 就算唔係即刻食 都好脆卜卜本來想試下火山骨 但可惜sold out🥲咁岩果日收工去食 係8:30後 所以有全單7折！

公司附近發現左間泰國野😆所以同朋友放工黎試下🐥餐廳嘅設計有d似九龍城嘅泰國餐廳😍有大大個火車頭係門口😌餐廳仲不定期會有優惠餐牌入面有勁多泰國嘅小菜同小炒，仲有泰式串燒🤓價錢合理🥳🌸香芒蟹肉炒飯，炒飯嘅味道帶酸甜果香😍蟹肉份量都多😋🌸串燒方面，我地點左豬肉，雞腎，牛肉🤓串燒上面有秘製沙嗲醬😋食落好野味👍🏻🌸我地仲點左椰青同芒果沙冰，椰青好香甜，清潤😍芒果沙冰唔會太甜👍🏻夠綿😍