小方糖甜品 (廣華街)

营业中

休息中

三個旺角行街口痕想食甜品。在黑布街附近的甜品聚集地見到這間。我沒記錯的話，我幾年前在九龍城食過同一間，印象不錯。眼見門口又有啲日文的獎項，於是我決定試這間。我選了黃金拿破倫。意外地大份！ 以為咁大份好重，所以當我想夾起分給朋友時，用得太大力，佢成舊飛出來😂😂😂嚇死😂😂原來是空心超輕的。 慢慢地一邊食一邊傾偈，但食到最後一舊都仍然脆的。到底是什麼焗法！？😂另外，難得冬天啲芒果都不酸，不錯！這個拿破倫給了我幾多驚喜😂另外我試了兩口朋友們的榴連甜品，榴連很香。朋友都食得好滿足。題外話，我很喜歡這圖😂😂可悲的是香港好難做到準時放工呢🤦🏻‍♀️🤦🏻‍♀️可是某程度上我挺喜歡OT的😂

週末同朋友喺旺角食完晚飯行過嚟食甜品。呢啲時段間間都多人，天寒地凍下幸好大枱都係15分鐘有位。叫咗個黃金拿破崙，即係千層酥上面有芒果粒同芒果醬咁。上菜時見到一碟三大件，以為好正啦$38大大件，但其實原來裡面都係空氣多。個酥皮係好脆但並唔鬆化同冇層次，啲芒果亦冇乜味，認真麻麻。

這桶豆腐花即撞，要等三分鐘先食，可能係石膏粉太濃，所以好似怪怪地又酸的。。所以退左……薑湯丸，有7粒咁多，不是好薑，好味的湯丸，又滑又薄入面黑芝麻好味。楊枝甘露，好多柚子係面，同事說正常味道。芒果紫米小丸子，賣相okay，味道幾好，芒果好甜，小丸子軟綿綿！腐竹薏米白果湯水，薏米有點硬，白果也是，不是好多，腐竹就煲溶晒，不是好甜。湯丸香滑皮薄。蕃薯甜又粉身，芋丸唔夠多，只有幾粒，都粉身的！！咖啡雪糕奶凍，同事話好好味，咖啡味道夠香濃。雪糕也是香滑！

是夜跟大同們gathering打邊爐。講到gathering，又怎會完了正餐就散水？當然要找個地方再磨多兩磨才返歸啦！10點這個時間，想要吃糖水當然要排隊，不過都是約十五分鐘便可以入座了。餐牌上選擇多，揀一個心水真是不容易～娜娜最後點了這個「風花雪」，有紅豆、條狀涼粉、底下有豆腐花，還有自選雪糕一球！各樣的味道如娜娜期待的，好滿足，只是稍為甜了一點點（唉... 講哩句好中女😭）另外朋友A選的這個咖啡嘜嘜都獲好評，下次再試試！食糖水時發生的小插曲，朋友B細細聲說了一句：你望下，我地係咪場內年紀最大果枱... 娜娜只可以說，心態年輕也很重要！

旺角街頭嘅黑夜真係好嘈 唔明隔離啲店鋪點忍試過係某商店買嘢 真係聽唔到個sales 講咩太嘈啦 咁我地夜晚預前已經搵定咗要食呢間嘢架喇去到個邊 呢條街食肆其實都多但係似死街多啲人流唔多去到都唔見有邊間嘢要等位我地就係黎到食呢間小方糖甜品去到門口望多兩眼有咩食咁就入左去唔駛等因為見天氣都凍所以都唔想揀啲凍嘅甜品黎食都想揀返啲熱嘢我揀咗個蛋白杏仁露嘅淡淡嘅杏仁味食下食下 有蛋白粒嘅雖然個感覺唔多夾但其實佢個杏仁靈唔身都唔錯嘅所以都可以接受 杏仁甜甜地唔會話好甜係啲坐比較泊

上面會加好qq既畫💖雪糕可以自己簡 簡左石板街同曲奇 雪糕不過不失 唔難食最鍾意佢心太軟外皮唔厚 粉味唔重 女生必點必點必點 傳染到朋友都鍾意食Good good good good!!!

旺角食完晚飯，去黑布街繼續搵食，夜晚10點半，小方糖仲要排隊，所以決定一試。最先上，$30，餡料份量非常少，得10粒左右的芋圓，口感算煙韌，但冇咩芋頭味。另有入口溶化的紅豆＆正常的西米。糖水好重椰香味，但偏甜，所以我冇飲晒。然後有糖水]，$26，蕃薯得2舊，湯圓有3粒，仲有幾粒芋圓＆少量紅豆。糖水只有輕微薑味，微甜。最後有，$36，外貌幾靚，酸甜適中。

放學後同同學去食甜品，見呢間小方糖咁多人食，就入去坐底試下。地方細細，人客需多，不過唔使點等位。因為一order完就上甜甜品，職員好快手腳。多選擇，中西式都有。呢個栮皇湯丸芋圓潡蛋白（熱） ，未食已經嗅到栮香味，鐘意椰子既朋友一定喜歡。內有3粒芝麻湯丸，好多粒芋圓，一個人係食唔晒呀，好飽肚。大大粒紅豆，配無數粒既芋圓，再有滑一滑既涼粉，甜而不膩。我地個肚撐到好漲呀。但咁好味，無可能唔食既。最後當然食返個西式甜品啦。香蕉船長，可揀三款雪糕，配埋d脆脆，都唔錯。不過，相比中式過兩款，普通左小小咁羅。下次再見啦，小方糖。

依家食甜品絕對係高消費嘅，食甜品真係要諗過度過，分分鐘貴過正餐。去到廣華街，甜品鋪有好多，今次就呢間。平日夜晚9點幾，要等幾張枱先入到去。就咁睇餐牌都多選擇，基本上中西甜品都有得揀。每人最低消費要最少叫一款甜品，我地三個叫左三款。首先先上嘅係呢款紅豆芋圓仙草凍（$28），味道還好，芋圓硬身左小小，紅豆都煮得淋，整體不錯。再上嘅係炭燒藍山咖啡雪芭（$33），佢個雪榚好味，而雪芭本身有咬感，兩者配合得恰到好處。最後就係心太軟（$48），雖然心太軟本身個樣唔好討好，佢嘅朱古力漿係越食越有，如果榚身可以硬身啲會好啲，兩球雪榚揀左一個綠茶，另一個係曲奇，兩球都正常，都可以配合到心太軟，平時食心太軟通常一球細加心太軟已經五、六十元，呢間算係好啲。

之前一路有聽過小方糖甜品唔錯，今日終於去試。因為食完飯仲有啲飽，淨係嗌左一個楊枝甘露。甜品份量充足，主要因為好夠芒果，好有飽肚感。芒果肉都好甜～另外，柚肉好新淨，咬落清甜爽口。整體稍為甜左啲，但價錢合理，有機會會再黎試其他甜品。

個心太軟d雪糕同心太軟本身都成(pat) 野咁， 睇見都唔開胃個芋圓既原料有3 粒芋圓，10粒紅豆， 糖呢就半茶匙， 仲有d西米tim。第一眼見到仲以為黎左野， 真係唔了到底都唔知

【😆有時...甜品比正餐更重要】 Happy Friday! 有時同朋友食飯是但食個譚子都好滿足，不過，不過食飽個正餐胃仲有個甜品胃🤤🤤🤤因為租金愈來愈貴？有時真係覺得甜品鋪點解D價錢可以貴到愈來愈離譜🤥用料出名靚的名店都算，普通一間旺市糖水店平均價都可以賣過$50...... 🔺宇治金時 ((HKD $30))咁呢間又真係幾抵食既，除左個雪糕太甜之外，我都無咩好投訴，旺角有$30甜品仲要唔係是但一碗綠豆沙呀豆腐花...又大大冷氣又有得坐有溫水飲，食完飯未想走又想食少少甜品都算唔錯。 🔺齒頰留香 ((HKD $48))覺得CP值幾高既榴槤系甜品😳有奶凍、啖啖榴槤肉、椰果、珍珠，最重要仲係榴槤汁(cream)底，最好都係同人share😂😂😂唔係既話幾中意都會滯lol

食完晚飯，甜品正是時間到，榴槤旺季，我的朋友紛紛食榴槤補補。日日見人食榴槤甜品，食完飯這間糖水店雖然裝潢不是很特出，但勝在榴槤香味超吸引，而且不太多人等候，所以我們選擇了這間糖水店。食糖水最緊要好食，平，靚正，所以這間都唔錯。款式糖水店五花八門，不過大致上都是健康，不太甜夠好食，價錢平為主。留戀天使， 齒頰留香都是榴槤愛好者必備，榴槤真是正品榴槤，超級香口，而且榴槤夠多，簡直是正品，空氣全散發榴槤味道芒果樂園芒果夠甜，不太酸，而且有片布丁，好味道。雜果豆腐花，超多雜果，豆腐花夠滑。店舖不錯，而且份量真是足料夠大份，價錢又不是太貴，等位時間也不太夠，甜度適中，花款都很多，服務態度好，所以比起其它名店，我覺得很好，現在很多名店有名無實，影相好靚，出嚟甜品完全唔好食。4樣甜品167蚊，算差不多

一向幫襯開九龍城總店，今日在旺角食晚飯，飯後順道試一下廣華街呢間，一座下全個舖面只有一個待應，仲要企在廚房不是在樓面招呼客人，等咗一輪終於幫我地落單，叫了一個蛋白杏仁露，一個榴連忘返，榴連甜品冇耐就送到，但我男友嘅杏仁露等咗10分鐘都未到，追佢就話^熱野要等耐D^唯有再等，再等多差不多10分鐘我都差不多食完，仍然未到，當時只有3、4枱客，大部份都食完，有咩理由等咁耐，等到發火最後同佢講唔要喇，完全唔會同你跟就直接取消，請著D咁嘅伙記....倒米！！唔會再幫襯

一直欣賞九龍城的分店，今日下午3點多經過人稱糖水街的廣華街，第一時間就進去小方糖。先叫餐廳招牌菜-芒果拿破崙（$36）是我太耐無食還是如何，好像加價不少。外表看，一個字！無得輸！脹卜卜既酥皮配上冰凍大粒的鮮芒果，好味。但一夾下去，酥皮散得頗利害。原諒我是對酥皮有要求的人，可能是酥皮根度未夠，而且份量過少，導致這情況出現。作為一個主打、馳名的菜色，可能成本方面要下得重一點點。再來一碗芋圓蕃薯湯水薑味夠，但太多料糖水太太太少。湯丸沒有泡浸過久，口感好。但芋圓實在是負分完全沒有咬勁之餘裡面有不少顆粒。西瓜汁西瓜、糖水比例合理，建議更冷一點。