小方糖甜品 (龍崗道)

营业中

休息中

通常與友人食完晚飯後都會去糖水店食甜品作結，是晚去了九龍城食完泰國菜後，便來到附近的「小方糖」食甜品。未行到去已經見到有很多食客等位，結果我們兩口子等了大約半小時便進到店內。甫坐下，我們已經見到幾乎每一枱食客都叫一款甜品，這就是「黃金拿破倫」，於是我們都決定叫這個來嚐嚐。黃金拿破倫 ($33): 三條大大條的拿破倫配上芒果汁及芒果肉，份量頗大，雖然每條拿破倫是空心的，但正因為這樣，拿破倫好脆口，口感不錯，配上芒果汁及芒果肉，能中和拿破倫的油膩感。

食完晚飯，女朋友話唔係好夠飽，咁就去食甜品啦！我地去到之後都係一如以往咁要等位啦！等左差不多十五分鐘度有得入啦！我地叫左個心太軟同埋芒果拿破侖！到左啦！嘩！個拿破侖好大碟呀！食落去好多芒果肉，好多忌廉，好正，但係ｄ皮就唔係好夠脆，可能放耐左少少啦！而個心太軟同之前一樣都係咁香朱古力味，而個公仔都係咁可愛，雖然我女朋友話肚餓，但係都係食剩，哈哈！之後都會再黎！

九龍城有好多甜品鋪有傳統、有創新今日想創新下😎芒果拿破崙一睇就知唔係平時食開個啲入面係空心太多忌廉，太流啦😕呢個由榴連肉，小丸子，拿呢嗱雪糕成個甜品都好夾唔錯！

終日大排長龍的甜品店，是日時間尚早，終於霸到頭位一嚐所願！像我這樣的榴槤控，遇上同樣也是榴槤控的朋友，一舉手就點了榴槤班戟，但原來已經沒有榴槤班戟了。失望之下以為榴槤已經唔當做，侍應說其他榴槤甜品還有啊。太好了，立即點了「留戀天使」！！！不負所望，榴槤Cream，雪糕，小丸子，甜而不膩。榴槤肉亦很香甜，大大杯，每一口都是榴槤味。而且口感不同，脆卜卜的小丸子，夾著香滑的Cream，還有啖啖肉的榴槤肉，很有層次的好味道！同時亦點了芒果樂園。沒有甚麼人會不喜歡芒果吧，說是樂園，即係甚麼芒果的東西也混在一起，雪糕，芒果肉，芒果汁，啫喱。同樣是滿足的大大碗甜品。

九龍城有唔少甜品店，今晚同個FD食完飯嚟到小方糖。入面全店滿座，好好彩我地2個人唔洗點等位。突然想食一D熱的甜品，就點左個木桶豆腐花。豆腐花以木桶裝住，旁邊有黃糖及計時器一齊上。放上枱後侍應就禁一禁個計時器，大約2分鐘後就食得。等呀等呀，焗2分鐘後個計時器大叫，小弟即刻打開個木桶啦!豆腐花望落光面，好滑手，仲熱辣辣。豆腐花每啖都好滑，不過無咩味，所以要加D黃糖一齊食。太多人，坐得比較逼，要快食快走。

九龍城，食完泰國野，行過見到甜品就大家試試啦其它食物無影相，只影左呢個芒果拿破崙不過，唔知係咪師傅贏左馬，興奮過頭，除左得個甜字，我真係唔知可以寫咩好，所以，我只會繼續寫佢有機甜首先芒果拿破崙，甜，甜到我唔知食緊咩，甜嘅程度係完全唔可以接受，我只感覺到小小酥皮味，同一堆糖漿系個口裡面，完全失望。第二，楊枝甘露，個底好“傑”，一pat pat，食落去，sorry，都係食唔到味道，只食到糖。。。。好大對糖嘅味道，係咪芒果類嘅野未試好味道就出貨？？？最後，榴蓮pancake，呢個，係唯一一個唔甜過頭嘅野，食得落口，不過cream好多，榴蓮好小，所以只食到cream嘅味道，而且，食完，覺得好“漏”整體。。。。失望

踏進店舖內,迎面而來是陣陣焗酥皮的香味友人坐下後立即下單要了個黃金拿破崙而我就要了個朱古力綿花冰黃金拿破崙很快便來了,友人看到這麼大份,嚇呆了因為她要自己一人吃掉呢.其實內裡只是很多層而已若然三人分享卻是剛剛好我嚐了一口,很香脆!與芒果汁很夾而且芒果是甜甜的最終友人還是吃剩了朱古力綿花冰,濃濃的朱古力味星星很脆,只是香蕉有點酸透明小珠子口感很特別,與綿花冰很夾吃完透心涼

小妹是九龍塘大學的學生同學仔們時常吹雞食糖水次次見小方糖人多到排長龍便放棄走到對面街糖百府今次一試的確令我愛上Staff 超好人我和朋友等位走到隔壁XX棧shopping過了三四張枱都立即安排入坐又同我地有傾有講講下野食先價錢合理，份量足夠對比其他，尼個價錢有咁大份算唔錯我最怕食野唔三唔四，唔夠喉一個甜品around $25 - 40有中有西，份份都包你食到夠喉抱歉我忘記它們的名字有蜜糖星星的草莓甜品有d涼粉條，朋友很喜歡有芒果的草莓甜品很多水果法式燉蛋，這是我吃過最大的超級香，但有點膩，和朋友share最好不過($29而已)番薯芋圓很香得閒到九龍城泰菜加個甜品 很不錯喔

前文提要, 來龍城吃完晚飯都要吃個甜品呢, 選擇很多, 如果想靜局些, 可以去偏遠少少的嚐樂但價錢貴少少, 想食得熱熱鬧鬧人聲鼎沸選擇多多, 不得不提人氣店"小方糖", 我推介為龍城甜品平靚正之首選, 款式多多價錢合理, 人氣鼎盛, 假日晚餐後店門通常都有十幾廿人在等位, 但其實等一會兒都有位因為店子內籠都算多位流量亦算快, 甜品款式真的花多眼亂, 價錢大概由28元至40元, 餐牌有好幾頁, 但地方略窄, 影完有我點甜品那頁快快落柯打還回餐牌, 因為店家真的很忙, 大家合作大家開心, 況且餐牌很殘舊唔想模上手, 同嚐樂那乾淨企理的餐牌完全無得比...正所謂各有各好, 各有各做, 大家各適其式! 今晚我吃了金銀滿屋, 有芒果雪糕球, 芒果汁, 大/小丸子, 柚子肉放在底, 芒果夠甜, 大/小丸彈牙, 份量恰當, $33元一客, 比嚐樂平幾元, 但地點較"就腳", 不過假期大家又要"就一就", 食完要起身, 因為真係好爆場, 大家將就一吓!    轉眼間就寫到OK篇之結尾篇, '龍城食記'又何止這麼少, 但接下來的10篇'喊面篇'所幸都沒有九龍城的店子在內, 暫時就在此歇歇, 龍城的店不

朋友們附近食完飯，要有個happy ending 所以要食啲甜野，禁岩經過竟然無人 諗都唔諗就走左去， 因為晚餐食得太飽所以share朋友推介 黃金拿破崙嘩 鬆化 香口 芒果汁好夾薑汁小丸子西米 上一個甜品太好味 所以呢個平凡啲

九龍城小方糖 風花雪 $28整體一般。紅豆刨冰不太甜，紅豆綿密但有口感。意式涼粉很幼細但甚有咬口，煙韌得用叉卷上來也不會斷，但係食落去就冇乜味，食完講真都唔知食緊乜－＿－另外可惜的是，豆花不夠滑，豆味不足，而且份量都好少，都未食完其他料，豆花已經一早食曬，而且綠茶雪糕也甚為一般，不過就大大舊，算抵食。食完之後，忽發奇想，如果配曲奇，又好似唔差Bo，連D色都襯埋。

店名:小方糖甜品地址:九龍城龍崗道23號地下好味指數:8/10價錢：$33黃金拿破倫拿破倫份量很大，有三塊麥當勞蘋果批大小的酥皮，但內裡是空心的。拿破倫外皮很薄，鬆脆可口，配上忌廉和芒果汁味道很match之餘，又不會太甜，而芒果肉多汁爽甜。

小方糖勁出名啊  勁多人排隊勁多人等啊我嗌左榴槤拿破崙$38啊 個酥皮好脆好脆啊 又好多件數 有3件啊 真係勁大份 一上枱真心嚇親... lol 一入口 真係勁好味個酥入面有啲榴槤蓉 好full, 榴槤味勁重, 齒頰留香 榴槤好濃又吾太甜 又有啲吉士醬成件事好full好濟榴槤蓉好足料, 拼埋酥皮好夾!!! 

今次有d趕時間所以淨係外賣左芒果糯米糍$24。返到屋企，有d芒果好似有少少出水(可能天氣問題)。依然皮薄餡靓，芒果大大舊同無左陣酒味。屋企掃淨一粒，沖完凉差d無得食！第日趕時間就算唔堂食都要外賣。

黎到9龍城食甜品，事前上openrice 做左功課，入到鋪路，好快咁決定叫芒果蜜糖吐司同 黃金拿破崙。芒果蜜糖吐司個賣相好吸引，但一食個雪糕，伏左，食埋吐司，仲伏，雪糕用維記，吐司係好脆，不過完全冇蜜糖味，而且係凍既，可能之前睇左openrice,對佢既期望好大，食完就感覺好一般。另一個黃金拿破崙，其實係芒果拿破崙，一上檯即刻嘩一聲，好大碟喎，有3大舊。佢個酥皮好鬆化，而且好薄好脆，有微溫，芒果好甜，依個就可以一試。