小方糖甜品 (龍崗道)

营业中

休息中

食完飯總想食一些甜品，食完生日飯後，我們步行去到九龍城的甜品店「小方糖甜品」，此餐廳也是我們經常都會來光顧，因為家人愛食它們的即撞木桶豆腐花，而且可以自行調較甜度(紅糖會另上)，幸好只是等了一會兒已經可以入座。個人選擇了冰涼可口的創意甜品的「龍眼」$33，內餡有椰汁沙冰，珍珠，新鮮龍眼肉及椰果，好鮮甜充滿龍眼的汁液，每啖椰汁沙冰都有香甜可口的龍眼肉及爽口的椰果，再加上煙韌的黑珍珠， 口感相當豐富，解渴又清甜，吃多兩口已經感到冰涼透心，超正!家人慣常都是點「即撞木桶豆腐花 」(焦香) $32，上枱時，木桶仍然蓋著，店員同時送上了計時噐，2分鐘倒數後會響就可以打開木桶蓋，即撞的豆腐花真是熱辣辣，散發出好似焦香的味道，我也舀了幾啖來食，豆香濃郁，好香滑，可是店員一早加入了少少SYRUP，所以會有少少甜味，個人建議店方不要加入糖，因為我個人喜歡不是有甜味的豆腐花，過往來過幾次都沒有加入糖，但今次有少少失望，希望下次可以食到沒有加入任何糖份的豆腐花，希望店方關注此意見。

每次小方糖門口都一定大排長籠, 原因好簡單, 性價比高我同友人叫左一個芒果拿破倫就夠喇, 每舊都同我部I PHONE PLUS差唔多, 拿破倫岩岩焗起, 酥皮好脆, 一咬落去鬆化, 加上香甜芒果果肉, 芒果汁, CREAM, 簡簡單單既材料好夾, $38 已經買到既快樂

芒果拿破倫($38)每次一大班fd👯去親小方糖都必點既芒果拿破倫！大大份之餘，芒果量算多，加上每次都係新鮮出爐😍。熱辣辣上枱，拿破倫亦夠酥脆，加上cream、芒果粒同芒果汁一齊食真係好唔錯👍🏻！一份有三大件，同朋友一齊share就岩晒。

同肥柑太係九龍城用完晚膳，意猶未盡下一試當區甜品，就選上小方糖，入內後二人只點一客黃金拿破崙，因為我們已半飽，但想不到仍此甜品的份量實在有點嚇人。黃金拿破崙由三塊酥皮卷疊出來，外皮非常脆不過裡面是空心，所以看起來好像很大塊，口感還好。上面有加有忌廉及芒果，芒果切得OK大塊，底下有芒果醬，可惜分量不多，不足以沾滿酥皮卷，有點美中不足。

o係九龍城食完晚飯意猶未盡, 就搵左呢間甜品店坐得再食過, 甜唔選擇有好多, 有中有西, 而且價錢十分抵食, 最後點左一個風花雪同椰皇湯丸燉蛋白~風花雪係朋友點既, 入面有豆腐花, 意式涼粉, 紅豆同雪糕+椰汁底, 朋友話豆腐花唔夠滑亦無咩豆腐味, 不過紅豆撈埋椰汁底會好味道~而椰皇湯丸燉蛋白就無得輸, 集齊Vi中意既野於一身, 椰皇入面有3粒芝麻湯圓, 有唔少芋圓, 有西米椰汁浸住, 下面仲有燉蛋白, 燉蛋白超滑, 夾埋d椰汁食好正, 而芝麻湯圓亦好好味, 芋圓十分煙un, 成個配搭好正, $40好抵食, 三兩下就KO左成個, 份量十足, 食完超飽好滿足

小妹係個好愛食榴槤之人,但因為太濕熱定濕毒真係唔敢成日食但次次黎到小方糖都會必食佢呢度既榴槤甜品, 因為食落去真係有種好幸福既感覺嫁!  -留戀天使-留戀天使食落去個口感好creamy, 佢真係好似一舊舊新鮮榴槤切落黎咁  食落口啖啖榴槤肉, 而且佢既榴槤肉好甜好林好creamy  正因為佢係好足料用好多榴槤肉黎做, "筆"起上黎會比較難, 一"筆"就會一大舊榴槤咁"筆"左上黎, 好難好斯文咁細細口咁食所以食既個甜品請唔好太斯文, 如果唔係你會食得好唔開心加上佢仲有d粉圓同西米係入面, 食落會有好飽肚感覺!佢地既留戀天使肉料好足嫁! 入面差不多有80%都係榴槤肉榴槤蓉榴槤榴槤榴槤榴槤榴槤榴槤  食落去真係覺得有100%滿足真心覺得正!

Came here after dinner with my friends and of course we have to stop by for dessert!it's always crowded and we have to wait about 10mins for Tuesday night around 10pm.It has both Chinese style and western style dessert.Sesame Dumpling (Eat while it is still warm:Green Tea Shaved IceNicely made shaved Ice with some condensed milk as well.Mango napoleonVery Crispy with sweet mangoOne of my favorite place for dessert:

去親九龍城，都會食埋甜品，因為好多甜品店選擇，今以選這間，因為约下午4:00去無乜人，唔驶等位，晚上是超多人啊。芒果拿破倫，超正齒頰留香，個人認為一般，都ok既糖不甩，ok既芒果糯米糕，正2人埋單好似130-150，貴就貴D，但覺得都值既

跟朋友在附近吃完晚飯 仍然覺得聊得不過癮於是稍移玉步到這吃甜點我點了：名字非常有創意 餐單上會列明裡面有什麼材料有紫米飯 榴槤肉 小丸子 全部都是我喜歡的東西榴槤因為是當造 所以味道非常濃郁飄香 雖然不可能是金枕頭 貓山皇這兩種產物但味道也很有驚喜 而且吃得出來中間那坨是真材實料的果肉 旁邊的才是果茸 紫米飯在榴槤肉下面 口感略硬 不夠綿軟 可能吃熱的甜點會比較好小丸子不用多說 夠「煙韌」整碗份量很足 作為餐後甜點絕對充足一定會再來的以上。

一個陽光燦爛的星期天，熱到汗水猛流，食完晚飯，梗要食番個冰凍甜品cool down一下！呢款叫'龍珠'的甜品，材料包括椰汁沙冰，龍眼肉，珍珠同椰香菓粒，一啖入口，涼透心，香甜彈牙村料，食落層次不同，絕對係夏天好選擇！

依家八點還是飯市爆晒棚囉，食家們當飯食？思羽 BB話因工作不太開心要食甜品開心一下，我一向唔食甜品，唯有捨命陪美女。鮮奶燉蛋，滑滑質感蠻滿意，奶味香濃芬芳，滑滑但無震騰騰感覺。不過起晒豆皮，賣相唔夠靚，分數扣一大截，無用篩隔過先燉？又無用保鮮紙罩住？楊滋甘露，柚子不是季節所以又乾又苦澀，沒有甜味。水晶珠卜卜脆好得意，芒果漿非常厚身又黏黏，甜味重帶少少酸，撈埋一齊還可以。芒果肉份量都不少，滿足。

今日女友人食完飯，未算很飽腹又想吃甜品，於是我們便想起九龍城的小方糖。小方糖當中的芒果拿破崙($33)十分出色，一碟有三條拿破崙，附上大量芒果肉，芒果汁，少許忌廉。份量十足，賣相相當吸引！拿破崙非常鬆化，一口咬下，口感豐富。芒果味道不酸，甜甜的，與拿破崙一起吃，味道很配合。

前幾晚同朋友專登過黎小方糖幫襯, 鋪面雖然唔大, 但客人超多, 都等左陣至有位.我地每人點左個甜品, 唔算太耐已經黎齊, 朋友點左個焦糖燉蛋, 個蛋好滑, 坐係對面都聞到陣香味. 自己就點左心太軟, 隻碟介有朱古力醬畫既馬騮仔, 好得意. 個心太軟真係好正, 我喜歡佢唔膩, 又唔太甜, 岩岩好, 而且配埋佢兩個雪糕, 望住馬騮食好開心.

每逢朋友聚會 去到九龍城食糖水 都總會去小方糖 即使九龍城甜品有好多選擇 即使要排隊排好耐 最後都係揀呢到 真係唔知點解 總之 就係想黎每次一係食佢地既吐司 一係就乳酪雪糕 今次又再叫左士多啤梨乳酪雪糕 價錢合理 味道又唔錯 最鐘意其實係食佢球乳酪雪糕 好味😬 食到底底仲會有幾舊好似蒟蒻既野 味道有d淡 食左咁多次都唔知其實係咩味😂但好好咬 都好鐘意食又一我支持既小店 眼見佢地分店愈開愈多 加油 希望可以繼續保持到質素💪🏼💪🏼*店方唔會主動提供水架 想要的話 可以問店員拎的！

宵夜時間，在九龍城找甜點吃，見到平時常常排長龍的小方糖竟然有位，二話不說就進去坐下了。很快就選了想要的甜點後，不消一會，甜點已經放在眼前。第一個是椰皇湯丸燉蛋白，內裡有西米，燉蛋白配合椰香，嗅覺和味覺也得到了享受。第二個是即撞木桶豆腐花，有趣的是會附上一個計時器，能讓你於最佳的時間吃到最嫩滑的豆腐花，在等的過程亦令食客有一份期待，頗有趣的感覺。豆腐花也很嫩滑，也難怪平時那麼多人排隊在此等候了。。。