小息時間 (已結業)

落大雨 諗住近近地買杯嘢飲下本身係諗住買蜜桃冰茶但見到隔離餐牌原來係有芝士奶蓋梗係要試下，叫咗芝士奶蓋玫瑰茉莉茶點知個唯一嘅店員係咁問我係邊隻茶同埋係咪芝士奶蓋都心知今鋪中伏仲要28蚊望住個店員不停刮啲“奶蓋”出嚟最後成杯嘢飲出到嚟個“芝士奶蓋”係成pat屎咁堆係堆冰上面係得中間有一pat啊咁都算 飲下個茶底啦 結果係無味成杯嘢99%係冰姐係同飲水無分別啊諗住唉 撈勻啲奶蓋佢算點知個“芝士奶蓋”戳落去茶到嘅時候係茶中間都仲係成pat嘢咁真係中曬伏 心入面爆曬粗呢間嘢真係不了不了附圖係攪咗勁耐嘅奶蓋變做成pat嘢係冰到完全無乜mix埋個茶底

路過過幾次，心郁想試，但唔係食飽就係要追巴士，今次再行過，見有新春優惠，炸物全部＄10，咁又唔貴，覺得一試無防其實＄10有一個中份的份量算好低，而且可以食到好多款除鹽酥雞價錢稍為高D，其他價錢都Ok，仲分埋排名比客人作對比，説是台灣直送調味料，是否與台灣近似就要試過先知，而且小店亦有港式炸物小食，又唔台灣得晒喎鋪面不大，除收銀櫃檯，就是廚房佔用咗大部份空間，沒有座位可坐，外賣為主其實＄10都知份量唔多，我叫咗花枝丸同鹽酥雞，店員姐姐話鹽酥雞要等，建議我地轉第二樣，但我見有時間，所以話等都👌，最後…都等咗20分鐘，拎到時有D失望，原以為花枝丸會串住，但被放在杯底分量＂的骰＂，如平時D魚旦燒賣碗咁上下大細，但都放滿一碗，就＄10黎講又低。但花枝丸只有兩粒，覺得唔值，先說味道，炸得好透徹，但只是普通港式墨魚丸，不是台灣出品花枝丸，用調味料補救了個質素，但如果這個是中形份量，咁正常咪得三丶四粒？不值得買，原本都係＄18，咁買好似貴咗添，但鹽酥雞就有五嚿咁多，而且炸得好脆，不會太喊，炸得唔＂鞋＂，味道都近似台灣口味，呢個可以Encore，不過真係炸得有D耐，可能因為星期六又優惠嘅關係。

假日入元朗找朋友逛逛，其實元朗都幾多嘢食，但不是住附近又很少會來吃，這天放假就來找朋友聚聚，順便吃吃😋😋朋友帶我來了這間「小息時間」，是他下班有時會買來吃的小吃店！👩🏻‍🏫『小息時間』是商台DJ Oscar跟朋友合資的小店，食物貴精不貴多。我們吃了鹽酥雞和鹽酥菇，兩款都唔錯😋😋🍗小巧的店面，主要賣台式小吃和飲品🍄鹽酥菇份量比想像多，而且粒粒都好入味😋😋🍄店來有兩個位，可以堂食。左邊的菇已被我們吃了一半，右邊的雞滿滿一大碗！☪️總結是好吃而且抵食的！如下次再來也希望再去吃呢！

小息時間 初時新開張經過望到個招牌 咀巴不自覺地跟住讀呢幾隻字然後同店員眼神對上硬係好尷尬見到餐牌都係賣炸物 主打都是台灣夜市鹽酥雞 杏鮑菇 花枝丸可惜成日經過都放工趕回家食飯心底一直想揾日試試佢！！上個星期六 放半晝 天氣涼爽又經過呢間小店 雖然喉嚨本身都唔太舒服但當下呢刻好想好想食 把心一還照買！反正家姐成日話炸爆個喉嚨會好番😂點了一份鹽酥雞 一份杏鮑菇 坐低等 因為佢即炸 加上前面都有人order左都等左大概十分鐘 不過即叫即炸 誠意之作 我都明白ge 鹽酥雞完全驚喜！老實講 見入面啲店員年紀平均廿多歲 本身以為純sell小清新風格點知無論係雞本身醃製的味道 定係外撒的椒鹽 都跟足台灣的風味！一食就係夜市的感覺！由於新鮮即炸 多汁香脆 但唔會話油膩而個杏鮑菇 同本身預期的味道一樣 用同一款椒鹽 好香口 外面脆 內裡不失菇本身的水份！不過稍為大塊 心急的我 大塊嚥下 有少少燙咀後來多咀同店員傾左兩咀8卦到 原來個椒鹽真係台灣入貨難怪味道就係同其他小食店高下立見肯為食物花點小心機 就令人深刻好多希望呢班年青人加油 做野更加快手 推出更多心思食物😋💪🏻Ps 忘記影菇 上左佢地IG拎相貼

睇到個名覺得好有回憶。那時返學等小息，小息等LunchLunch 等放學。入正題先！幾特別有蜂蜜珍珠奶茶/奶綠！但我就試左杯朱古力珍珠奶茶，少冰，少甜。有點搞笑少冰，但珍珠好熱，結果啲冰好快溶晒。值得一讚！珍珠好味唔太硬又唔太軟，有口感唔太甜！

下午香港太熱 忍唔住要買杯凍野飲😂 落巴士見到間大卡司不過成日飲啲連鎖珍珠奶茶覺得都係要支持小店經過呢間見裝修幾靚就試下叫左個鹽酥雞薯條combo有跟杯梳打揀左蜜桃味😍 唔太甜幾好味不過鹽酥雞好好味 啲粉好野味但唔會過咸薯條唔知佢落左咩粉 不過味道都幾特別等左10分鐘open kitchen見佢係即炸既原本想試埋杏包菇不過太飽啦好味道😋支持小店見到都係後生仔看鋪 女仔服務好好因為我有選擇恐懼症 睇menu睇左勁耐佢都無黑面 抵讚👍

今晚食完正餐，又到咗口痕要食小食嘅時間，今晚呢間小食店舖叫《小息時間》，簡直勾起我中學嘅回憶😹⋯⋯就係咁，我被個店舖名吸引咗我過去，我見佢近Cashier位置有啲牙籤，每枝牙籤上邊嘅Label，全部都係人手畫（每一張畫嘅嘢同埋字句都唔同㗎，窩心❤️）！！而家好多鋪頭都比較商業化，一定見唔到仲會有用人手張張咁用心機同你畫～真係好有心思💕好欣賞😍好啦，講番個小食先～佢哋有個拼盤好抵食，所以我就Ordered咗😎個拼盤上層有炸雞粒 + 薯條，下層杯飲品係蜜桃🍑特飲，雖然個拼盤好抵食，但依然有得俾你揀炸雞薯條要咩味，絕對無Hae你。（我揀咗紫菜味，穩陣之選呀！哈哈！）最後配埋杯凍冰冰嘅特飲，真係透心涼。P.S. 我一路行一路食都唔會覺得唔方便，因為呢個小食一隻手都揸得晒😂😂

有幾耐無放過小息呢？中學之後啦！近期元朗巴士總站新開一間小食店，小息時間。以台式炸物為主，鹽酥雞，炸鮑菇，炸西多等等。可以散賣或者跟餐，餐就係炸物+炸薯條+飲品飲品有汽水或者梳打，跟汽水$29,跟梳打$33薯條亦都有多款調味粉選擇，紫菜，香辣，蜜糖等等信義妹就揀咗鹽酥雞同炸鮑菇。鹽酥雞，第一眼見到。。。。咁黑既。。。。肉質雖滑，但唔多汁，味道屬於濃味偏鹹。薯條調味粉揀咗紫菜，略少，因為有鹽調味所以不太淡。 杏鮑菇，呢個最合心意，多汁之餘又唔太鹹。薯條揀香辣粉，辣粉帶微甜，但信義妹嗜辣，所以覺得唔夠辣，普通辣既朋友應該可以的。 飲品分別係芒果梳打和巨峰梳打，無咩特別，唔太甜，係特別多冰。。。。。。。店員有禮，店舖整潔。地址：元朗擊壤路9號金寶大廈地下6B號舖