小廚港作

营业中

休息中

自從辦公室搬到荔枝角，已前前後後幫襯過無數次這間餐廳，位於荔枝角地鐵站A出口，步行只需約一分鐘便到達，店內面積頗大，座位也寬敞，當初一個星期大約有3-4天都幫襯此店，也是基於這原因。是次午餐時段，同事提議再次前來此餐廳用餐，邊二話不說的答應了。選擇12點前前來是為了避免午市時段的高峰期，這樣也就能更輕鬆的享用午餐而不被高峰期的緊張氣氛所影響。看一看是日的超值午餐，有鮮茄香煎豬扒($45)(可選擇配搭意粉、薯仔或白飯)、蒜香金菇牛柳粒焗飯($45)、鮑魚汁帶子雞柳福建炒飯($46)以及招牌咖喱雞球($46)，由於本身感冒咳嗽還沒完全好返，所以就避重就輕，選擇了鮮茄香煎豬扒配意粉。豬扒份量頗大，有些薄身，雖然淋上滿滿的茄汁，但依然難掩其帶乾的口感，味道尚可，而是次師傅調教的茄汁略顯淡咗啲，不能增加食慾之餘，也未能帶出該有的鮮茄味，反而意粉軟硬度適中，是唯一可取之處。

今天跟同事黎到這間港式茶餐廳Lunch我叫了沙嗲牛肉既常餐系列$41，包括沙嗲牛肉配出前一丁、豬仔包和火腿配煎蛋，沙嗲牛肉既味道有驚喜，牛肉好嫩滑，沙嗲味多層次又唔會太鹹。豬仔包烤到外層好脆，配上煉奶，可作飯後甜品。火腿分量偏細，煎蛋煎到蛋黃流心。 

今日，比平時早落車， 於是食個full set早餐先由落單， 到上菜不用五分鐘， 真快手。點了B餐招牌鮮茄牛腩湯蜆殼粉奶油豬，火腿煎蛋濃濃的鮮茄牛腩湯底 脆脆的奶油豬， 十分鬆脆， good滿分早餐， 為一天工作加油

小廚港作，比較新派的茶餐廳，新式裝修，環境舒服，價錢屬價廉物美，比“太$“, “#華“ 平宜很多，今天沒食午飯，來此處下午茶，鮮茄吉列豬扒焗飯，茄汁蓋面，豬扒肉質結實，唔會鬆散，份量不多不少，下午茶份量已經算合格，另熱辣辣，鋼盆上枱，賣相一流，連飲品，$29.-。

星期日下午返工，通常都會外出食LUNCH，填飽肚先！沒想到搭巴士由馬鞍山到荔枝角要一小時三十分鐘，預算少了點時間，於是決定到茶餐廳快食^_^先送上「小廚港作」特餐MENU天氣比較熱，所以就毫不猶豫ORDER C1餐，招牌鮮茄牛腩湯系列，酸酸地比較開胃當日都近乎坐滿，不過茶餐廳效率非常高，由點餐到上菜，前後都係5分鐘左右，值得一讚！美中不足是來了C2餐，豬扒變雞扒，不過唔緊要，趕時間照食。鮮茄牛腩湯底同羅宋湯味道相當近似，酸中帶甜，相當開胃通粉亦煮得幾好，沒有爛爛地….雞扒就幾香口，肉質嫩滑，亦沒有雪味，推薦^_^特別驚喜︰荷包蛋放入湯中，我以為會變成全熟，點知一食有香濃的蛋黃汁流出，再呻口湯，滿足ING熱檸茶，味道正常！檸檬沒有苦澀味！

星期日的這一帶似個飲食死城, 尤其是食晚餐的時段更甚 ...經過櫥窗處有貼著一蚊魚的優惠, 橫豎未試過這茶餐廳手勢 , 我們仨便走進去吧。剛巧, 入口附近正進行小型裝修, 侍應生們都會安排客人安座於較入的位置, 他們說出來的理由是: 「怕嘈吵到客人。」餐檯上也有介紹一蚊魚的廣告, 要得到這個優惠的大前題是 ... 1, 供應時間: 晚上5時至10時半、2, 要惠顧下列四款題目食物內的二種食物 (鑊氣小炒、招牌咖喱、生啫大煲菜、特別推介) ... 只要合乎上述兩點便可以享用一蚊魚。招牌菠蘿咕嚕肉 $63 ... 這就是他們的招牌~  茄汁的酸味是異常刺鼻, 不過咕嚕肉的外皮還有少許脆身, 肉質是全瘦, 嚼要嚼出肉味來, 但也很難抵擋極酸的茄汁。沙爹肥牛粉絲煲 $58 ... 送上檯時還正在沸騰 , 氣味隨熱氣而上 , 好香~  隨著熱度下降, 我們開始享用時才驚見煲內餸料只得很少, 汁料也是稀稀的, 用筷子及湯匙合力打撈, 只撈到一些斷斷碎碎粉絲, 還要薄弱到入口即溶。  肥牛縮起只找到數小件, 每人兩件是食得到的數量。清蒸鸚鵡魚 $1 ... 蒸好後再淋上豉油、熟油, 肯定會好送飯! 

筆者於荔枝角上班，雖然工廠進駐了不少西餐廳，例如黑麥、G-Gallery都是不錯的選擇，不過價格亦有一定水平，幸好，要找價格相宜又美味的餐廳，小廚港作作為港式茶餐廳會是一個不錯選擇！正正午飯時間，餐廳外每天定必排起一條長隊，今天和另一半一同午膳，幸好，不消十分鐘就可以安排入座。侍者們動作非常有效率！ 筆者點的是精選特餐- 一個簡單午餐，還可以配有奶油豬仔包，有咸食加甜食，味蕾可以好好享受！而另一半呢，則選擇超值午餐- 足料午餐，雞脾肉質非常嫩滑，配以蒜茸汁加以飯食，另一半能夠將整整一碟飯完全飯粒不剩，而且帶子口感嫩口，足有五元硬幣大小，的確乎合超值午餐這個標題。隨著短短一小時的午聚結束，又要繼續埋首工作了。

返工每朝早都係荔枝角地鐵站出聽人講呢間野D早餐都OK,諗住外賣一份返公司試下啦入到去冇人理我既 ,行左去收銀度問早餐有咩食佢睇都唔睇指份"午餐"叫我去點 8點鐘我食咩鬼野午餐呢....落左單,叫份B餐凍茶,收我$30之後想行去水吧睇下駛唔駛俾飛仔,俾個收銀叫住左(原來唔駛俾飛仔),佢叫我企係度等,但個場得一半人坐..... 之後有幾個唔同既堂食既客人入左黎,坐左我附近既台佢地由落單到有得食都只不過係5分鐘以內既事 我見人地咁快咪問點解個B餐(通粉餐)咁耐個似係高級既人答我,D豬仔包要"烘"但係我身邊個個都係叫B餐,堂食黎左 (堂食個個唔駛烘?)叫佢幫我跟下,應左但冇跟(行行停左係度同人吹水)左等右等等捉15分鐘連份早餐都拎唔到出黎,之後都係唔等早餐啦,俾左張單佢,30蚊當俾乞兒 呢間"西"餐廳,冇下次

荔枝角又好味又可以坐下傾下計，呢間真係錯。佢地既扒餐都幾大件，算係抵食，薯菜都好足，叫左個黑椒汁，唔算好辣，黑椒味都好足，薯菜都幾多。食咁多肉。要平衡下有個餐湯，好重既番茄味，有足料。好有誠意，值得推介。

當我第一次去食，我要太陽蛋佢比錯反蛋，叫佢地换反就話唔知會幾耐先换到，要我食左佢，第二次就伙計收野時大大力將d面水彈落我度，另外我知道每間食市都想坐無虛席，而你地整個場四人枱通常都係坐兩個人，而我黎親成日都最少兩個同只係早餐時間啦，但次次都叫新客坐我地果個位，一唔順你地伙計就話繁忙時間多人，噤仲咩唔叫其他枱d人坐埋一二邊先，仲有就係話人多又經常唔開所謂既vip房，都唔知係用咩度去唸野

~ 打從四月份已得知此新店, 只是要專誠來一趟需時: 在8 個月後嘅今朝: 陽光燦爛嘅早上竟然人頭湧湧( 門前要排隊: 竟有8 人以上!) 想來都有佢原因:1 .毗鄰大規模教會; 2. 價位合理 3. 流動率高; 雖然地方唔細, 但相對較擁擠的空間增加壓力 侍應多數有禮又頻繁遊走場內, 而且慣了以呼喊方式交流, 引人注目而教部份食家反感是可以理解~ 是日點了: 羅宋蜆殼粉配脆豬仔包, 食物到枱唔駛10 分鐘, 明顯廚房快過樓面 茄汁湯底味濃郁, 牛腩入味而且腍滑, 仲有火腿薯仔同西芹, 足料 但賣相可以好D , 因為未食就看見茄汁圍住旁邊蜆殼粉: 彈牙而且唔係間間有得食, 但因欠過"冷河", 當湯匙放入時竟然動彈不得 奇趣 ! 脆豬仔包較乾身偏甜, 仲要因廚房已做埋塗醬, 客人無法改變狀況啦 咖啡OK , 反而對面搭枱呀嬸好有要求 :1. 佢要入座隔壁嘅貴賓房( 入內看見是間有12人枱同2人枱各兩張嘅清靜地!)2. 佢要D阿姐另外比佢一份奶加在唔多滿意嘅奶茶度3. 佢打開枱下嘅柜筒搵晒要嘅物件, 包括將沙糖放在已超甜嘅脆豬仔包上面 另一方面外帶一份早餐 : 洋蔥豬柳蛋配厚多士, 小

中午時分同事又帶我都公司附近既餐廳, 話此店既午餐味道都唔錯價錢都算合理.見到超值午餐有4款選擇,同事要左個招牌咖哩牛肉飯, 我就要左個大蝦鮮茄火腿炒意粉.試左一口同事既咖哩牛肉, 牛肉肉質都夠淋身不過無咩牛肉味, 咖哩汁帶點辛辣相信用來配飯一流至於我既炒意粉份量十足用上酸酸甜甜既蕃茄汁醬汁一起炒都算開胃, 一般茶記既炒意粉都偏油, 但此店炒得都唔錯又唔算太油不過偏濕身.至於3大隻蝦當然冷藏貨式沒有蝦味, 不過總算彈牙.整體上食物味道都算唔錯, 最重要係唔算太油. 環境有點迫及嘈雜, 此終中午時分工業區食飯都會遇上這種問題.

1間嘈死人的餐廳：小廚港作：基本上我每日都會去呢間餐廳食早餐，食物系ok既，但d夥計既服務態度就非常差，呢篇野主要系針對兩個樓面，我特登睇埋佢地個名牌，一個叫謝X萍，今朝我去食野，等左十幾分鐘叫極刀冇人幫我寫野，次次叫佢都扮聽吾到，我趕住食完野返工嫁嘛，想要水又系咁扮聽吾到，完全吾知呢間公司請佢返黎做乜，另一個叫盧X茵，次次見佢都系玩緊手機，再吾系就同姓謝果位傾計，成間公司得2，3個人真系做野既，如果我吾系日日都去呢間餐廳我都吾會寫呢篇野，希望個老闆可以認真正視呢個問題，如果吾系遲早吾止我，連其他客都吾會再幫襯！

此茶餐廳係新開，所以我地最近試左2次。第一次係晚餐，叫左小菜套餐，味道係ok,份量亦唔會太少，2人食2個餐岩岩好，服務都可以。不過第二次我地再去，食早餐，都差不多食完，背後突然有1碗熱騰騰的通粉倒了過來，我被燙到的範圍約有10cm x 10cm，佢地即時反應並不是道歉，或者問我有無事，只係有數個人清理現場，直到我好嬲咁話＂你地唔係應該道歉咩！？＂，先有1個擬似經理嘅人出黎問我要唔要call白車，我被燙到背部確實有點痛，不過我又可以怎樣！？我只覺得今次好彩係淋到我，而唔係我個BB，佢地做野咁危險，唔可以用客人多為藉口，應多注意安全，anyway，我真係唔會再去！

都已經講過十萬次，在荔枝角一帶食飯真係好厭，所以凡有新餐廳食肆，不論好醜，大家也會仆緊去試。就在開張的首天晚上來。我要碗蕃茄餐肉公仔麵，朋友則來一客椰香雞飯。始終是新開業，運作比較混亂，我的公仔麵變成了通粉，幸好侍者都很樂意幫我更換。麵條淥得爽口，午餐肉除了有兩大片放入面上外，更有些已切粒，連同紅蘿蔔粒混入湯內，這點做得不錯。至於茄湯，亦幾濃郁。吃了件對方的雞，肉質反而有點嚡，未見出色，那碗椰油飯則確有點椰香。熱奶茶是可以的，茶和奶的份量平衡得宜。