小巴黎越南餐廳

营业中

休息中

叫左個撈檬配雞亦，餐牌明明話配下面雞亦小食加$10，最後埋單收左我$42碟雞亦，同收銀講個雞亦貴左，仲大大聲話我甘你食左幾隻？！我話5隻囉，佢話甘咪呢個價錢囉，同佢講個餐牌配雞亦小食寫$10ja喎，佢話$10果個得1隻！甘你係咪食左5隻阿？！我話我對住你個餐牌講上面配小食下面，我第一次食點知你個小食有幾隻，我唔係要話唔比錢食左你個雞亦，錢我會照比但起碼你d人落錯單對唔住都要講句掛，個收銀仲毫無悔意唔理我同佢講野，最後我掉低錢走鬼左，唔會再幫親，感覺上好似比人老屈甘

星期六响屯市行完街，諗住去小巴黎食我最鐘意嘅越南檬粉。大約七點度，餐廳內有七成客人，坐低叫了碗咖哩豬肉撈檬（＄43），另加濱海春卷（＄10/2件）。兩件春卷尚算香口，但碗撈檬就令人失望!咖喱汁頗咸，檬粉亦過淋，好似食漿糊咁!

呢間食過三次 次次都食香茅豬扒飯 今次就試下香茅雞翼飯 朋友就叫翻香茅豬扒飯 其實基本上成間餐廳都係食緊呢兩個飯咁濟佢地究竟有咩咁吸引呢 首先兩塊豬扒係好大塊 食落唔鞋亦唔un 醃得好有味 又唔會過鹹 而雞翼就炸得外脆內嫩 調味亦啱啱啱好 兩樣野既香茅味都算突出 不過重點其實係d新鮮翠綠既蔥油 食落好香 鹹味適中 拎黎撈飯perfect 十分惹味 不過略嫌有少少油 但整體個飯係好好味既

第一次食呢間野個時，喉嚨痛唔知食乜好，咖哩煎炸都唔食得。兩個朋友一個叫凍烤豬撈濛$40，一個叫凍烤牛撈濛$40。咁我就跟前者叫個豬啦，小食叫左炸軟殼蟹$7x. 等左陣，好快就上菜。撈濛賣相都唔錯，倒d 汁落去撈完食，又幾開胃wo. 夏天熱辣辣食個凍濛都幾過口癮。 個烤豬比我想像中好，至少有烤肉既醬料味，量都唔係話好少。 本身以為40蚊咁平既晚餐，不抱以厚望，其實又唔差wo! 但個蟹就麻麻地又貴，cp 值好低。第日又去多次，午市有凍烤豬濛撈餐$38, 又有野飲，叫左個鹹檸水，諗住消一消個喉嚨啦...隻檸檬就係佢隻撈汁個半舊，嘩，其實幾酸下... 有種鹹柑桔既風味。當然係比唔上既，但都算ok, 好似放左好多鹽咁好鹹...

出師之名: 晚飯想大口飯大杯茶, 除了茶記, 自然想起它裝修: 小巴黎一貫裝修, 無得讚亦無得彈座位: 硬座, 較窄, 2人坐4人枱較舒適服務: 服務員都是本地姨姨, 禮貌不錯, 反應也快飲品: 由於吾飲凍野, 無帮襯到, 不予置評。但坐低起碼有杯茶。食物: 黎到小巴黎, 食物先系重點！秘製牛肉連汁加上滿面油光的香矛大碟飯，建議撈黎食，口裡飯肉矛的融合, 寫緊食評都想再食...<讚>總結: 小巴黎重點就是食物, 尤其香矛+蔥油撈飯，其他吾是重點

以前去過小巴黎錦華舊店鋪常去,自從2年前汁咗後,最近知道它在華都開番,同事覺得價錢貴,我無乜光顧,話說拆禮物日即興約咗友人吃飯,友人又有時間 本來想吃EMO,我們去EMO門囗又好多人等,友人話改吃小巴黎,我們入座後,友人拎住2袋野,見隔離位冇人坐放在椅子上,店員先後3次叫她拎開物品,因為有客人要坐,最後又冇人坐,搞到友人好嬲,跟著我唔小心倒瀉野,店員只是看了一下無走來清理,小巴黎服務一向麻麻啦,友人在埋單時候即時投訴服務差 小巴黎唔當一回事,鬼唔望早日汁咗,咁差服務,唔好指意客人再光顧講番食物質素,我們点了3款食物,札肉撈檬覺得一般啦,我平日少吃,牛肉紅米飯似豉油撈飯,我覺得唔係太好吃,生菜卷就一般啦,紅豆冰冇乜味服務:我都是第一次番來光顧,服務勁差,店員冇乜禮貌可言,我不小心倒瀉野,店員竟然唔來清理,仲衰過快餐店,起碼我去快餐店,快餐店員工主動走來同客人清理下先環境;華都新店細過以前舊店 仲要好迫味道:整體只是一般番吃:不會再來 紅豆冰無味 一碟唔似紅米飯,似豉油飯,,又唔好味 呢個只是一般

與朋友看完戲便來吃個悠閒LUNCH~~~其實小巴黎這店已搬了去新墟蠻久的時間, 但發現地址及門面相還是不太UPDATED~~~說回食物~~~兩個人吃不多, 每人叫了個粉再加小吃~~泰式豬肉湯河~~~最喜歡吃河粉, 泰式的跟中式的不同就是比較細條及窄身, 而且感覺更薄(是不同地方出產還是店貨源就不知道了~~), 個湯好清唔算太多油幾好飲, 飲完唔會太口渴~~~豬肉還可以唔會太韌~~珍多冰~~~跟朋友都叫錯了, 本來大家都係諗住叫"三色冰", 哈哈!!XD 不過這個都可以, 棷汁及香味唔錯, 還有一些煙煙韌韌的啫喱物給大家咬下, 清涼的感覺!!!炸春卷~~~店的推介, 感覺料幾足, 但我有點覺得是否加了芋頭好像有點實實地及太膩的感覺, 還有粉絲, 豬肉及蝦米粒等, 而且個皮我覺得唔太脆, 有點淋了, 好像沒以前學生時代那麼好吃, 不過不失的一餐......

尚可接受既越南牛肉檬粉, 始終在香港冇乜好食既越南菜, 始終係難搵到香料既問題檬粉麵質太硬, 比正常更梗硬, 所以我要落好多甜酸汁中和番., 香料例如大蒜之類都係普通配襯, 冇乜特別, 牛肉算有咬口OK. 不過太普通吾會再食

我以前經常去食 但是搬左第一次之後就開始覺得冇咁好食了 已經去少左好多 跟住佢又搬 本來都唔知佢搬左去邊 之後無意中這幾天比我見到佢係華都 想再去試下 去到都知要搭台 但估唔到我同老公同bb3個人 同別外6個人 即係9個人用3張台 非常親密……我地3個比人迫到用半張 想話快啲食完走啦 點知啲飯好似食膠粒 好硬 味道更加一次不如一次 唔好話專門做越南菜 求其一間普通餐廳都可以做得到之餘仲可以比佢好食 我地食唔晒就走左 但係我覺得有時浪漫食物的 不是食的人 而是煮的人

食左幾年小巴黎，近期想食小巴黎湯檬，這間第一次幫親，環境都ok，員工都幾nice,食到一半開始多人,走前唔記得拎袋戰利品，好彩佢地提一提，至於我最想食既檬粉，有豬肉，牛肉檬粉，兩款之前我都食過，都唔錯，夏天冇咩胃口想食d凍野，最後都係食牛肉檬，39蚊，算係咁

一向對小巴黎無乜興趣，就算係屯門市廣場時都無諗過試，一係對越南菜無興趣，二啲裝潢令我好似油苙苙烏糟糟咁。今次係朋友建議下食，原來比想像中好。入舖時已經九點多啲，入面客人九成滿，我地要搭枱，環境唔算乾淨，張枱仲未清，好在阿姐一叫就過黎抹乾淨。由於我地都唔太餓，就各自叫咗豬扒飯同扎肉雞絲檬，加個椰青同珍多冰。飲品先上，珍多冰椰漿足，只係青色條條滿足唔到貪心嘅我，試椰青，好-大-問-題！完全唔凍，好懷疑有無雪過，印象入面，椰青=冰凍解渴，真令人失望。我嘅檬粉黎到，分量算多，扎肉同雞絲都足料，扎肉切幼條睇落多啲我又可以同雞絲一齊食，雙贏，滿意！朋友嘅豬扒飯一到，我嚇咗跳，原塊豬扒上，大過手掌，上面有大量粗粒葱油，好葱嘅朋友應該鐘意，我就會低能走青，試咗朋友比嘅豬扒，味道唔太濃，軟熟，唔錯。一路食一路吹水，到十點走剩幾個客，好似就收舖咁，就問侍應阿姐幾點收，佢好親切咁答十一點，叫我唔駛擔心慢慢傾，真係令我感動。今次算係改善咗我對小巴黎嘅印象，雖然未算勁乾淨，但都算ok，因為今次係食碟頭飯麵，價錢唔算貴。未知餸菜份量味道同抵食與否，要投訴嘅只係個室溫椰青，而親切阿姐又加番分，係咁。

在屯門土生土長的居民應該不會不認識小巴黎越南餐廳，而我都是由小食到大﹗不過幾年前屯市要改革，被受影響的小巴黎，需要由搬遷，甚至離開。直到她在年初回歸，選址在屯市旁邊的華都商場，幾個月後再在新墟開另一分店。我媽咪一直都是小巴黎的忠實粉絲，我告知她小巴黎回歸後，她都有幫襯過幾次(在新墟店)，但幾次的結論都是味道不再是以前那麼好，之後，我都沒見她再去小巴黎食飯了。我只知道食物價錢比以前貴了好多﹑好多，另外只在星期一至五有午餐及下午茶餐(說穿了其實只是送杯熱飲)，假期日子需以正價計算，是無餐的，所以至今我都未有興致去幫襯。不過藉著今天早收工，便去吃一個簡單下午茶吧。因為快要吃晚飯，所以不選擇飯麵之類了，縱使飯麵類價值比小食類會"值錢"一些。贈送飲品有幾款較特別，我選擇咸檸檬菜蜜，內裡有半棵青檸檬，表面無味道，要將它篤到爛，裡頭味道來會出來。可是，咸檸配菜蜜的味道原來是怪怪地，不是太吸引。因為咳嗽關係，所以炸物是不食得，點餐前我見小食中可選擇濱海春卷，我在想是否未炸前的春卷(事後查到，正名應該是米紙手卷)，我再看在主餐牌的英文解釋，因沒分析是否"炸"物，落單時便問阿姐"濱海春卷係咪唔係炸架?即係

Boxing Day 中伏了!忽然來的約會,本來打算吃隔離的韓國菜,誰知去到時好多人等,結果神智不清下,選了隔離呢間野,其實我是食過舊舖的,覺得都ok先會入去,但原來搬左舖,大時大節都冷清清無人幫襯唔係無原因... 當日七點幾入座,全舖只有3至4成滿,我們二人就坐在六人長台,因為無客,所以我把手袋放在旁邊的空位,20分鐘後,侍應叫我拎開個袋,點知係兩個客,根本用唔著我放袋個位,所以我把袋放返原位,半小時之後,又要我拎起個袋,話有客,但係三個客囉!又係根本我拎唔拎起都無問題喎!  呢個世界,只要你出品ok,食客通常都任你班侍應舞,但你D出品~~我只可以話係"劣食"越南菜,好啦!上菜!     扎肉撈檬 全部材料都係現成,好唔好味大概係靠個酸汁,個汁都 ok o既,但上台時,d粉飛起晒,樣衰過我平時的頹飯    好啦!更精采的畫面要出現了!話說,我朋友不小心倒瀉了食剩撈檬的汁,侍應望到竟然走開我o係手袋找紙巾,算我找了30秒,吸了一半,都無人理,之後我再拎相機影埋相都仲係無人幫手~有圖有真相!!!!不論係你自家職員倒瀉,還是客人不小心導致,你都要盡快抹乾淨,而唔係走左去抹隔離張台! 咁o既

結婚不久搬入屯門住, 已經見證呢間店出世 , 成長, 二十多年來, 在屯市中心區搬過幾次,最初因食物味道好, 價錢公道, 自然受歡迎 , 興盛時期小巴黎 , 取no.籌後沒一頭半個鐘,你不用想有位入坐,連荃灣都有分店 . 後來可能東南亞食品店普及 , 食家選擇多, 加上小巴黎食物質素明顯差左, 環境方面亦不太舒適 , ,所以在時代廣場分店開始 , 已經好少幫襯,只是試過兩三次因為屯市多間食店都要等位, 心急的我們便轉去小巴黎 (不用等位)最近到屯市逛完街 , 晚飯時間一到又是頭痛問題 , 兩間想食的店都要等, 於是亞仔又想起小巴黎 , 一查之下原本又搬了, 到新店再試試.同樣都是不用等位, 但一入門口已經"中頭獎" 路中間又放了一隻水桶, 原本冷氣機滴水....坐下點餐後好快就有得食 , 剛剛放下碗粉,嘩~又有滴水加料看看天花板, 多個位置都有水珠累積緊就快滴下來, 都唔知轉去邊張枱好 ~~~~唯有盡快食完走啦.亞仔獨沽一味--- 香茅豬扒飯走蔥, 份量足夠大碟, 我試少少覺得亞大廚可能重手了一點, 有陣陣鬆肉粉味, 食完都要飲多兩杯水烤牛肉粉絲--- 以往到此店必食的生牛肉因為怕唔新

下午茶在屯門搵食!!!  搵到小巴黎!!!  又搵到驚喜!!!越南生牛肉粉:  牛肉湯味濃, 又有地到越南香草味!!!  牛肉片薄但滑, 又有牛味!!!!  真是一碗不錯的越南河粉!!!!!  食得好開心!!!!又order咗一碗豬扒糯米飯煎蛋,  好特別, 又未食過!!!!  好似蛋包飯, 不同的是炸的!!! 外脆內軟!!!!  好味!!!! 還有飯裏有些綠豆, 所以令飯團很易入口!!!會一定再去!!!!