小巴黎越南餐廳

营业中

休息中

唔知有幾多人仲記得以前荃灣有間小巴黎細個成日同屋企人去食佢記憶最深就係佢個勁香既蔥油自從荃灣果間無左 我都無食過小巴黎Lu咁岩要去屯門搵朋友 Openrice發現原來屯門仲有分店!立即起行去回味下佢個蔥油撈飯!叫左三個飯，分別係香茅雞翼飯，香茅豬扒雞翼飯同咖哩羊腩飯好快就上齊喇，我食既係香茅豬扒雞翼飯($47)有兩隻雞翼同二塊豬扒 同海量蔥油建議大家叫呢個雙拼飯，因為雞翼飯($42)雞翼得三隻 雙拼好似抵啲蔥油沒有令我失望 是回憶的味道雞翼也很香 也脆!!豬扒稍為濕一點點，因為我喜歡比較炸的香茅豬扒但味道是討好的羊腩飯也很香 它不是偏椰汁的咖哩很淋很入味 朋友大讚不錯加配了椰汁黑糯米當甜品椰汁很多 但整體來說甜了一點點(我比較喜歡甜度較少的食物)總體來說食物蠻不錯 性價比高 下次去屯門再試下湯河先

我相信每個80後都會食過小巴黎！(是嗎？）而我同老公讀書/剛出來做野時，都大愛小巴黎的貪佢又平又大大碗，味道都好OK，性價比超高的越南餐廳！以前都有好幾間分店，現在只有屯門2間，如果今日唔係入屯門做野真係食唔番這個味道啦！現在食越南野閑閑哋$80-$100.. 小巴黎$40幾元咁大碗大碟，轉特飲都只係加$3仲去邊度搵呀！（另外荃灣都有我介紹過的抵食越南小店 - 小越廚）老公最鍾意豬扒飯多蔥 真係好希望佢係市區開番多幾間..

今日帶大家去屯門隱世越南小店該小店位於屯門市中心華都花園地下門面並不起眼，卻禾稻蓋珍珠價錢中等，大概40幾-50幾左右兩個人袋晚餐，每人各叫一碟！其實都幾大碟夾好食一碟香茅豬扒飯香茅布滿豬扒上香蔥撲鼻豬扒二大塊岩曬一眾食肉獸由於香蔥配料都算多，食飯都唔算dry值得推介！另外，我地叫左一碗香茅豬扒撈檬！檬粉配上香茅，花生，蘿蔔絲，菜絲及香噴噴既魚露十分醒胃豬扒亦一大塊薄切！啖啖肉之餘，方便咀嚼值得推介

食物節奏很快上到 但落單時候好敷衍 我要前後講三次先聽到 味道不差的 只是服務態度真的很差 不知是不是做了很久關係 對客人都呼喝形式 利申：咩都無做過 只係玩手機 我有同佢理論 但其中一個身形比較胖既阿姐比較串 同我講：細鋪係咁.大家都知...我明大家都係打份工 但我都只係想簡單咁享受我個晚餐 我覺得食物味道固然重要但服務態度都對得自己對得客人 邊個想食個飯都食得唔自在先得架 我知我係比錢買你既食物無權要求咁多 但有得揀我唔會再揀你呢間 根本係比錢買難受

2000年中學時期嫁小巴黎開到成行成市 荃灣都有2間所以會考溫書就好鐘意去食 之後執剩屯門2間 食家住屯門 當然要黎朝聖下 到lunch 時間好多人食 樓面只有2人 有的應接不暇 要耐心等候落單 食家叫左招牌香茅豬扒飯薄薄的2片豬扒 鬆軟 唔會過鹹過硬 配上大量蔥油 好幸福 本小姐叫左心心念念嫁沙嗲牛肉米 一黎到見到好似成碗熔岩 滿滿嫁沙嗲 同中學年代嫁回憶一樣 沙嗲味濃 好香花生味 米粉幼身我至愛吸晒的味 牛肉量都還可以 正 加幾蚊就可以加配珍多冰 龍眼冰等特飲 相當抵

小編我都唔記得又幾時開始，屋企人就鍾意係假日前往探望【小巴黎】，密度猶如公公婆婆到酒樓食點心腦海裡面都是小巴黎的回憶，但是眼見現在一間又一間的分店，我也忘記當初第一間在那裡。。或許，華都商場停車方便，我們多數就選擇了它，今天也不例外！依舊如初，來到【巴黎】第一件事就係問：幾多碟豬排飯印象當中，每次都有人回答，然而，小時候的我也常為了它而特別期待當天午餐！但是也不知道什麼時候開始，我變得不太喜歡了，豬排越來越細塊，飯越來越多，汁也越來越少。服務更是不用說，從一間店到幾間分店的增長！人流不斷，繁忙時段等候的人十分多，因此服務也隨之下降。店舖的安排也每加擁擠，各方面也不斷退步。

雖然係假期，兩點來食，同老公等咗一陣就有位坐，這裏很迫，放唔到bb車，這個場得兩個侍應，一個經理，因為假期好多人，人手完全唔夠，所以服務好差，冇時間招呼你你，等好耐先上菜同落單，又混亂。我們叫咗個豬扒飯，越式炒米粉，凍咖啡，熱奶茶。個越式炒米粉有豬同埋雞，個米粉完全冇味，同埋好濕，要加辣椒醬先好食，完全唔得，個牛肉都可以嘅，但係有少少韌，個豬就少肥，個熱奶茶就好飲，好濃嘅奶茶味，沖得好飲，杯凍咖啡就一般，個豬扒飯幾好食，個豬扒醃得好好食，個飯有葱有味精，都幾油，就咁用來送飯都好食，食左98元。整體都係覺得一般，因為服務實在太差，同埋個米粉完全冇味道

由細到大都住呢區，小巴黎都算其中一樣回憶，以前細個確係常常幫襯，到人大左，先唔好講有冇能力，就算差唔多價位，都仲有其他茶記選擇，孚都好耐冇再食過呢間餐廳。今日獨自晚飯，可能係週五啦，屯市嘅餐廳都幾多人，一枝公諗住求其食啦，食乜都得，於是行番過黎華都呢邊。驟眼望入黎就唔係好多人，唔再行黎行去喇，好好醜醜都係一餐。坐低點菜冇耐就聽到前面有枱客好似因為凍奶茶裡面有昆蟲而擾攘緊…唉，每次黎都同自己講冇下次。座位又逼，啲呀姐又無禮貌唔憂做，啲錢咁辛苦搵番黎，無謂貼錢受氣啊，親。點左個雞翼河，極速上枱，雞翼三隻，冇乜特別，唔難食。河粉份量睇落幾多，其實不然，食完好快會肚餓。湯底鹹到冇朋友，不過由於剛啱喉嚨唔舒服，唔想飲野，其後都忍唔住要狂灌水。總結一句，有得揀都唔好黎喇。

講開又講，我都唔知由幾時開始男朋友鐘意食小巴黎，定係我一直冇留意。你問我我就唔鐘意黎囉…啲位逼到傻仔，食物又唔係平，呀姐態度又唔好就係人都知，有時寧願行多兩步去新墟，起碼闊落少少。週六午市諗唔到食乜，先滿足下男朋友，同佢黎呢度食。當然都係滿座咁滯，被安排坐死角位，都好，起碼唔洗有人搭枱…因為張枱又有menu，又有調味料，已經逼到飛起…午餐飯類$42-$92、湯粉$40-$54、炒粉麵飯$47，熱飲+$3/凍飲+$5。香茅雞翼河 $40我黎呢度只有一個選擇，就係雞翼河。因為本身我鐘意食雞翼，並唔係因為呢度嘅雞翼河好食。河粉份量都唔算少，雞翼有三隻，香茅味欠奉。香茅豬扒飯 $43男朋友都係必定點呢款，佢成日都話呢度嘅豬扒好食…（我覺得好油）其實佢可能根本就係鐘意上面pat蔥油…豬扒都幾大塊，不過冇切開，唔方便食用，不過幾腍身，蔥油送飯好難唔好食啦。菠蘿冰 &什果冰 +$5/杯甜水味重。食到食快餐咁，我有大把其他選擇啦，以後會叫男朋友自己黎食，唔好預我。餐牌：

我問啲人可唔可以坐係度等2個鐘等朋友，個收銀婆居然話："不如你坐到明天"！食x啦，好聲好氣問，得就坐係度等，唔比就走人係咁多！講乜手然嘢不如你坐到天光，當我係傻仔？？

係屯門行完山，時間尚早，想試吓華都嘅小店，就嚟咗呢間。由於未到六點，仲可以叫午市“套餐”，但所謂套餐其實係得碗粉，野飲都係要加錢嘅。兩個人叫咗一碗雞絲湯檬，一碗香茅雞翼湯檬，加兩杯鹹檸蜜。湯底好重味精，冇鮮味。餸極少，雞絲得幾條而且好鞋。雞翼居然得兩隻，仲唔可以另上，俾味精湯浸到淋晒，幾脆都食唔出啦。係杯鹹檸蜜叫做特別少少，鹹鹹酸酸幾開胃。好喇食完埋單，咦點解比計出嚟貴4蚊呢？睇單先知原來檬粉要加2蚊！問題係menu完全冇寫過要加錢！落單個阿姐都冇講！即係咁，加錢唔緊要，你大大隻字寫明或者講明囉，咁樣同呃客有咩分別呢？一碗冇料嘅味精粉，居然要40蚊一碗，又貴又唔好食！咁唔老實，冇下次囉！！

星期日下午，去華都搵食，好耐都無食過小巴黎，今日就食呢間啦。入到去阿姐叫我地行埋去坐，但跟住好惡咁鬧我地坐左d 留座既位，邊個食小巴黎會book位？都算啦，坐過另一個位，叫左兩個假日午餐。香茅豬扒飯$43～呢個真係估唔到咁好食，豬扒醃到好入味，又好淋，有香茅味但又唔會太強烈，我地加左d 撈濛既汁落豬扒同飯度食，更加好味，個飯唔會好似平時咁淡戊戊，又有幾多蔥粒，豬扒份量幾多，成碟都好正。鮮牛肉湯濛$40～相比香茅豬扒飯無咁精采，不過都唔差，個湯底睇落清清地，但都好夠味，有牛肉香，d 牛肉大大片，幾足料，上到來有d 粉紅色，肉質嫩又有牛味。三色冰（加$5）& 椰汁紅豆冰（加$5）～飲品方面比較普遜色，椰汁有d 稀咁，淡淡地，紅豆又無煮融，紅豆還紅豆，椰汁還椰汁，三色冰都是差不多。

小巴黎一向醃肉都得得好,是次亦不例外。今次叫香茅豬扒凍檬,每次食凍檬都會加好多汁,帶出酸酸甜甜之味,非常開胃。而豬扒份量雖然比豬扒飯少三分之一,但豬扒香味重,香茅帶出越南風味,碗粉香料足,值得一食。另加$5有特飲,叫了三色冰少冰但冰的份量仍多,有半個碗仔冰,令人失望。而且椰汁不重,不香,似溝淡水,不推介。

自從小巴黎由市中心搬去地舖後，已經什少幫襯，今日經過諗起好耐無食過，就入去叫返個撈檬食其實價就加硬嫁啦，不過地舖加埋通漲就無計啦好係好在以前無得加飲品，要散叫，而家就有得加3-5蚊叫飲品小巴黎嘅香茅系列係最出名嘅，今日食香茅豬扒撈檬，香茅豬扒水準仍舊保持，豬扒醃得入味，厚薄適中，而且廚師將豬扒剪過但又唔會剪斷，由於佢夠稔，令到食客唔需要好用力就將豬扒分體，加上佢地嘅魚露，酸酸甜甜，極之開胃，配合花生碎同葱油，又香囗又有咬囗，ok~滿足晒！

Finally, I got a chance to eat my favourite lemongrass pork chop! It was just after two o'clock and there were some empty seats so I didn't need to wait at all. Once I sat down, I ordered the lemongrass pork chop with rice and extra spring onion. It arrived within 10 mintues! The pork chop smell so nice! There were two pieces of pork and they were very big. The pork was soft and tender, I could even eat some of the fat because they were so crispy. The spring onion was so crunchy and tasty. The o