影片
相关文章
最近流行自私食，一黎可以拣自己想食既野，二黎控制到驶费。心血来潮想食越南野，所以谂都无谂就入左去。我拣左Menu 左下角既 越式金边 $58有四𩠌，我仲叫埋个餐饮。一开始因为见到茶记咁既样都无咩期望，点知又几好食，欣赏个鸡翼，都几入味。
继续阅读
33蚊下午茶，冻饮唔加钱！唔好以为呢个价钱实会hea你，呢度嘅食物质素系茶记嚟讲，坚系食得过！已经嚟第3次，但第一次食呢个生牛肉汤檬。斋睇样已经好足料，意想不到系啲牛肥瘦适中仲好有牛味！汤底一如既往清甜。如果要挑剔就系个汤可以再热啲，不过啲牛熟唔晒又好似系好味啲😅😅依家香港地，咁嘅价钱食到咁嘅质素真系好难得㗎啦！唔怪之得咁多街坊捧场，系值得鼓励嘅！但呢度逢星期六休息，返五日半嘅朋友仔就叹唔到呢个咁高性价比嘅下午茶餐啦😌😌
继续阅读
在香港既旧区买少见少，好多以前独特既小店，都俾D大财团赶走，或者成个区买起左，搞到要食D小店，都只有几个区域。新蒲岗系其中一个，依然保持到香港旧风味的地方之一。呢D有好多小小的食店，好多都好街坊但系又每间都有自己的风格。今次午餐行到来呢到，就四围行左一阵，多到呢间越南餐厅都好多人坐，所以就入左去，一个人比较易有位，见唔多要等，就即刻试下。叫左一个午市套餐，包埋饮料都系$40左右，叫左一碗鸡扒捞檬。个样都几靓仔，而且都好多肉同粉，份量好足。呢到既鱼露，都好香同有味，因为之前试过一D，有色但倒几多都冇味的，呢到就一定唔会。檬粉比较硬左一D，鸡扒的煎得好香，而且都唔会太咸，热天时食碗，都系几好。见好多其他食客食左汤粉，见到都觉得好吸引，下次如果有机会，一定再来呢到食。
继续阅读
新蒲岗少有越南野食，心瘾起，lunch time要帮衬吓呢间小店~同事叫咗小巴黎熟牛河($39)，佢话河粉好滑(唔系即食即冲果种河粉)，牛肉又好食，只系汤底偏甜少少，但大致上都赞。我比较为食，叫咗猪扒鸡翼扎肉饭($46)，可以多啲野夹，虽然猪扒油咗少少，但整体个饭都好食，仲有配菜跟埋腌萝卜，食咗啲油腻野再食呢样好舒服其实呢间都抵食，午巿都好多人，奉送冷热饮品(不过我杯热奶茶偏浓，好重茶味)，学生仲有九折。所以过咗1pm，都开始要等位了。。。
继续阅读
食过两次,都是捞檬,外卖包装很细心, 捞汁另外用纸杯装 蔬菜摆底,再放檬粉, 肉和腌萝卜片我觉得萝卜片和捞汁都是甜甜的,酸味很轻香茅猪排味道很好, 带甜口,有点肥肉,好食.应该有加松肉粉虾饼好食，有虾味, 加了马蹄,口感比较好香茅鸡翼, OK奶茶好饮, 浓,香喜欢食物带甜味的话, 可能也会喜欢这家店的食物（个人喜欢酸一点的,所以都是另外加白醋落捞汁的）
继续阅读