小島•澳門菜 (已結業)

很久沒有去澳門，又知道時代廣場新開了一間以澳門爲名的「小島。澳門菜」，一於去吃一解心癮。很旺場，幸好先預訂了座位。《馬介休橄欖油炒椰菜$72》馬介休是鱈魚經鹽醃製而成，是不少葡萄牙菜與澳門葡式美食的主要材料。椰菜夠嫩，味道鮮甜，有啖啖咸香，炒過更香口。《小島鵝肝焗鴨飯$168》葡國肉腸很有咸香，帶脂肪但因為薄身所以不覺膩。飯調得很入味色很深但不會很咸，飯中亦有鴨肉絲，入口更富口感。除了這些還有菇粒和橄欖作配料，主角當然有煎香了的鵝肝，厚身香脆，入口有脂香但不會油膩。《烤焗盲鰽魚伴檸檬牛油汁煮海蜆$178》好鮮嫩，肉質很汁潤嫩滑，調味很好沒有腥味，而且配菜很多，不會簡調。

香港去澳門雖然方便，但係要喺香港食到澳門菜選擇唔算太多，咁啱銅鑼灣時代廣場就開咗一間新嘅澳門菜，咁就梗係一定要去試下啦。餐廳位於時代廣場食通天13樓。喺門口已經見到好多唔同味道嘅葡撻同木糠布甸。餐廳紫藍色作主色，環境歡堂座位舒適。餐廳菜式選擇多，而且賣相吸引。除咗甜品之外仲有好特別嘅葡式水果酒。小島拼盤，一次過試晒各種唔同小食，芝士馬介休球，芝士平衡左馬介休球嘅鹹味，而且炸得香口，唔油膩，芝士脆多士，香脆嘅多士加上芝士同黑松露非常香口，霹靂醃魷魚，魷魚口感彈牙而且辣辣地非常野味，黑醋乳豬手，醬汁酸酸地非常開胃。烤焗盲鰽魚伴檸檬牛油汁煮海蜆，魚大條而且焗嘅時間恰到好處，魚肉結實，配上檸檬牛油汁非常清新，加上海蜆入口鮮甜多汁肉質厚實。橙薑綠茶，綠茶加上橙同薑嘅香味，飲落清香。加思欄花園果酒，不同嘅生果加上白酒通七喜，味道非常配合。抹茶黑木糠布甸，布甸每層既薄且平，綠色嘅抺茶，茶味清香，入口軟滑。果香軟心多士，多士外脆內軟，加上雪糕一冷一熱，再配合味道獨特嘅醬，整個甜品相當完美。

今日同朋友黎咗銅鑼灣行街，順便行到夜晚就食埋晚飯，見到呢間Time Square新開的小島澳門菜，餐牌菜式好有特式，就入黎試下。葡國雞飯，$138,葡國雞的醬汁好重椰奶香味，濃厚而香甜，有少少咖哩汁香味，椰子同奶的比例適中，雞肉煮得入味軟稔，咬落有嚼勁，面有椰絲，更添香味。葡式燒乳豬，$218, 配薯角同配菜，乳豬的外皮燒得好香脆，夠薄，入口香味散發，豬肉咬落好結實，香咸而不濃味，鮮甜美味。薯角香脆熱辣辣，配乳豬一齊食，味道富有層次感。

食通天呢頭嘅餐廳質素一向都好高～上次喺呢頭食完三希樓之後最近又試新野！呢間新開嘅葡國菜裝修勁有Feel～#香脆乳豬野菌牛油焗飯 $188呢個必食必食！一上台已經聞到好香～乳豬皮脆肉嫩～牛油焗飯勁Creamy～食到停唔到口！#葡國白酒香草忌廉煮青口 $158之前無澳門食過一次太好食太印象深刻～今次食覺得普普～如果啲忌廉再杰身啲包住啲青口就更加吸引～#小島併盤 $172豬太郎幫佢地排埋名～分別係 ->1 黑松露芝士脆多士2芝士馬介休球 3米紙卷4黑醋乳豬手5霹靂醃魷魚其實5款都好食～兩個人份量啱啱好～建議開波食咗米紙卷先～因爲味最淡lol 食咗其他野先會覺得佢無味～但其實咬落同入面蔬菜都好爽口～

日前同朋友過大海消費 。贏左錢後食左餐好食的澳門菜就念念不忘。。。。。竟然比我發現到times新開左間澳門菜就約齊人一齊試試佢!d野睇落唔錯， 照舊等朋友拍版!小島拼盤。有米紙春卷，豬手，魷魚類等。當然唔少得一定要食既馬介休薯波。 好有葡式風味又一碟馬介休，今次係炒菜!一舊舊馬介休，咸鮮十足炒菜夠味，正!葡國腸加焗血飯，熱辣辣，葡國腸香港好少食到，值得一試葡式乳豬又係值得一試，皮脆肉滑唔會乾白酒檸檬煮蜆就真係未試過酸酸甜甜幾開胃。配飯食一流最後竟然有葡撻送。。。認真感動香噴噴，熱辣辣，甜思思，不得了!以後想食澳門野唔使去澳門了

時代廣場的食通天, 近年中式酒樓少了, 轉變為多國食肆.  今次來 SHOPPING, 又發現多了一間澳門葡式餐廳, 小島.澳門菜, 要試試!從餐廳門外, 已見葡萄牙藍色磁磚藝術  azulejos .   帶給我們葡萄牙旅行回憶. 餐廳內座位多, 內裡裝修顏色也用了和諧 青瓷色 為主色.有梳化卡座及方桌, 樓面也有多個服務生.  招呼不錯.安排座位後迅速送來餐牌.  圖文並茂, 非常清晰, 點餐無難度.食品, 種類多.......葡撻, 打算下次再食.飲品選擇也不少.我們先點花果茶, 一壺兩人分享.櫻桃果粒茶,  $58-暖暖的, 酸酸甜甜, 櫻桃果味清香撲鼻, 飲完一壺, 服務員再替我們加水 .  好細心.如果備有小燭檯, 會更美.乳豬脆包澳門有出名的豬扒包, 我們時常吃, 所以今次點了乳豬脆包.乳豬脆包大大份, 配上特厚薯角及新鮮沙律菜. 法包烘得外脆內軟, 口感極為討好, 內裏滿載切好了的乳豬件, 沙律新鮮爽脆清甜.  吃過乳豬脆包後再吃沙律, 感覺清新爽口 !烤乳豬, 大大件, 皮脆肉嫩, 帶少許脂肪, 更令人感覺乳豬入口香滑, 越食越滋味,薯角,  薯香味濃, 香脆可口. 

早排睇戲 見到隔離有餐廳就開幕 現在開幕 當日要視察環境食澳門菜 ～ 環境當然要比茶餐廳好食物又精緻 價錢相對同一商場又不貴唔錯唔錯 有人話要食 馬介休所以 點了炒雜菜不是太鹹 有時都係簡簡單單好 大家最後都覺得有菜 所以好滿足因為無食過葡國乳豬 所以叫一個試試豬皮無中式咁脆 但肉就比較嫩滑 多汁又有好多蔬菜配肉 正食親澳門菜 都必定會叫白酒煮蜆 這個就特別d 用檸檬和牛油 調味而且我都係第一次見用這種蜆煮的入面仲有d蘑菇 如果有多d 麵包點湯食就perfect了 更住係小吃拼盤 有4樣野凍豬手好爽 配黑醋醬 隔離個魷魚 就有d辣辣每樣都夠4個人食點左個飯 有葡腸 和 最吸引的鵝肝 掌心咁大creamy 表面脆脆 飯唔會好咸 和d較鹹的配料 好夾最後就當然要食番個葡撻 有好幾個味的葡撻 不過第一次試個原味先  上面加了小小玉桂粉 增加了香氣撻皮 就好蝴蝶酥 鬆脆 

想食澳門菜嘅朋友，時代廣場開咗間名門茶餐廳高級一點的餐廳, 裝修幾好又光猛，唔使等位就即刻走入去以下。點知中伏！！！點左幾樣餸都唔對板：豬扒包唔脆，焗飯唔正中！鴨飯係飯還飯煮、鴨還鴨煮，又撈返埋一碟，份量亦非常細。再來一個「忌廉薯仔焗馬介休」，更係完全搵唔到馬介休，我叫埋經理一齊搵，佢話係馬介休撈薯仔一齊焗，呢個我明白，但我連一𢇁馬介休的蹤影都搵唔到，實在唔可以叫焗馬介休，最多係馬介休碎焗薯仔，因為薯仔係主角，馬介休只係菜名上出現！

琴日去左銅鑼灣時代廣場睇戲，買飛之前見到呢度有間以藍色做主色嘅餐廳。而且好特別係主打澳門菜，睇完戲就即刻同男朋友嚟咗試下。諗起澳門美食，第一樣野當然係豬扒包！呢度既豬扒包有係西式葡式fushion版，醬汁用上好香既黑松露醬，而且加左一粒粒辣肉腸碎，增加口感之餘仲辣辣地，更香口。主角豬扒亦都夠晒Juicy，完全唔乾唔鞋，麵包亦烤得好香脆。配角炸薯角亦都超值得一讚，每一舊都好厚肉，炸到外脆內軟。重點係外層嘅調味粉，夠哂味道，如果食得辣嘅朋友加埋個辣汁仲過癮。另外我哋要做一個廚師推介嘅十月初五蝦子松露意大利粉。意粉類似Carbonara，忌廉味好濃，而且仲有好重既黑松露味，再加左有澳門特色既蝦子，更香，好食！一入門口個陣已經被放喺櫥窗嘅葡撻吸引住，一定要一人叫翻一個！一共有四個味，包括普通嘅焦糖葡撻，流心奶黃葡撻，咖啡葡撻同埋鮮橙檸檬葡撻。我哋要咗焦糖同埋流心奶黃。兩個嘅酥皮都焗得非常香脆，蛋味又夠哂濃，而且好嫩滑，加左流心奶黃仲香，食一個真係唔夠喉！最後飲埋杯唔會太甜嘅牛奶朱古力，完成好滿足嘅一餐澳門菜。

銅鑼灣時代廣場食通天有間澳門葡式餐廳，冇時間過大海，一於黎食澳門葡式餐廳頂住癮先。門口出面個雪櫃有幾款英記甜品，有唔同味嘅木糠布丁，好吸引。仲有葡撻添，有原味、奶黃流心、咖啡味、橙味，好特別。叫左一份乳豬脆包，外脆內軟，乳豬皮超脆，肉嫩有少少肥肉，包有好香的肉汁/肥肉汁，配沙律醬口感超豐富，好好味！配菜有炸得好香脆的薯條和沙律，好飽！盲鰽魚焗的時間剛剛好剛剛熟，好新鮮，好香牛油味，配酸酸的檸檬汁好開胃。魚肉好易起出來，可以啖啖肉。

銅鑼灣📍1000000🌟🌟🌟🌟🌟🌟個推薦大家試吓呢個咖啡葡撻📣絕對有驚喜❗️咬落去酥皮又脆又鬆化💜食得出中間係咖啡味夾雜着啲朱古力味，以為自己食梗mocha葡撻💟要呢個唔係fans of葡撻嘅人都要食兩個⚠️⚠️**************$14一個🙆🏻‍♀️ **************

在中環吃過午餐後，徐徐走到銅鑼灣，逛着琳琅滿目的商店。得知有一間澳門菜新店在附近，被清新的裝潢吸引，進去一試新菜。談到澳門的特食小食，葡撻是不二之選。吃了一個特別口味的葡撻 — 鮮橙檸檬葡撻($14)，表面看上去就是普通葡撻，沒有因加了鮮橙味，而令葡撻轉成橙色。看似普通的葡撻，甫吃一口，就知所吃的非如表面。葡撻既有香甜的鮮橙味，又不失檸檬香。原以為較突出的檸檬味會蓋了鮮橙味，但這個葡撻兩味相融，頗為出色新穎。香辣煙肉煮海蜆($128)同樣是新穎的菜式，條狀煙肉散於微辣的汁內，伴以香草及橄欖，及粒狀的菇類，令整碟菜式充滿嚼感。十數隻大蜆，配以味道濃郁的汁，再加上橄欖，整碟的味道重而突出。咖喱B牛坑腩($128) 可配白飯或蒜蓉包。牛坑腩稔滑，蒜蓉包鬆軟。搭配白飯格外開胃，但蒜蓉包也絕不失色，鬆脆帶牛油香，熱騰騰吃下去感覺很暖胃。最後上了一道甜品 — 抹茶黑木糠布甸($46)。如盆栽的甜品，手工如此精緻花巧，真讓人不捨得吃。黑木糠如Oreo壓碎後的餅碎，比Oreo餅碎更鬆散微細。抹菜味濃郁，布甸底軟滑，伴以大量微細的脆黑木糠，每一口都是味蕾享受。這道甜品的水準很高，不僅味道及口感皆具層次，

真不知多久沒有去馬交了, 所以今晚在 Times Square 行街, 直接坐 lift 上13樓嘆下＂葡國菜＂, 好方便喔!很喜歡這裏的裝修, 尤其是顏色, 究竟是藍? 還是綠? 搞不清不要緊，混色得柔和， 並且雅緻便行！牆腰線配上藍色磁磚， 是葡萄牙建築的永恆特徵， 相當有文化特色, 好漂亮啊砵酒燴牛尾 ~ 砵酒中的糖分令肉質更軟稔，功效像冰糖，使牛尾更濃郁和富有層次感， 軟嫩入味 煮完不會散散的，是原整的尾骨，size 也很大, 份量充足!只要輕輕一咬，肉已離骨，配菜也是完整的，沒有溶掉，真是越吃越幸褔! 另一款: 盲鰽魚伴海蜆 ~ 保持了魚的原始鮮味, 超鮮嫩 吃魚最緊要是趁熱吃, 我和友人把這盲鰽裡裡外外, 魚骨魚旗和面珠肉, 通通無得留低! 小胃又出來了 友人是葡撻控，去到邊都要吃上的！ 呵呵，她竟然未見過“鮮橙檸檬味"的， 真失威！ 大家 share 焦糖和鮮橙檸檬葡撻, 2只的外皮都很鬆脆, 而鮮橙檸檬的香味, 混合在嫩滑蛋醬內， 我們一致認為很獨特和清香, 很適合夏天的季節呢這個小島二人下午茶, 真的不能錯過, 有很多不同種類的美食喔, 價錢又抵! 我們倆個已約好

同呀媽行街街，最鍾意去食下午茶。見到有新嘢就更加想去試下~餐廳光猛寬敞，坐卡位仲舒服，可以慢慢傾。我地叫咗澳門風味下午茶($158兩位)，有六樣嘢食。再配埋壺花果茶真係好寫意。豬扒包。豬扒夠味，包夠脆。一人一半啱啱好。芝士馬介休球。細細粒，脆口有咸香。黑醋乳豬手。得三件要爭食。加咗醋可以減低豬手油膩感。原來唔只滷水豬手好食架~手打墨魚餅。香口彈牙，不過不失。葡撻。正宗酥皮葡撻，脆皮加埋香甜蛋漿。想再去食多次。木糠布甸。我鍾意佢唔算太甜，作為整個下午茶一個完美嘅句號。總結係，人係貪心嘅。百幾蚊有咁多嘢食又好坐仲想點~

以前間中都會到澳門覓食，現在已經幾年冇去只好在香港回味，發現時代廣場開了一間新餐廳，名叫小島。澳門菜，被雅緻的名字吸引了。光猛簡約，澳門的葡國菜小店風格，門外櫥窗滿放各款葡撻，不乏新口味，例如奶黃流心、鮮橙檸檬、濃香咖啡等，可惜今晩忘記留肚，只好留待下次。餐牌首頁先來一個小故事，看後更令人期望澳門菜式的滋味。葡國直送沙甸魚芝士香脆三文治 本來想點澳門名物豬扒包，但又心多，最後選了這款葡國直送沙甸魚芝士香脆三文治。份量十足，方包烤至焦香，配合豐富的沙甸魚蓉醬及半溶芝士，口感豐富兼飽肚，不過唔覺沙甸魚味特出，唔講只會以為是一般的吞拿魚醬，但味道沒有出錯；薯條肥大，沙律菜配上可口酸汁，我認為比較特色是額外附上的橙色辣醬，口味上有新鮮感。葡式香烤乳豬件 作為一間澳門餐廳，葡式香烤乳豬是一道必要出色的菜色，幸好沒有令我失望，大大件、皮脆肉嫩，脂肪看來有點厚但非常滑溜，倍增香滑，因此我認為可以接受。配菜亦豐富，全部烤香，厚薯條配上相同的茄汁及辣汁。馬介休橄欖油炒椰菜炒得夠鑊氣。運作順暢，上菜速度快，水準方面，不走小廚路綫，出品平實抵食如澳門茶餐室，平均評分3.5。