影片
港铁元朗站 A 出口, 步行约9分钟
继续阅读
营业时间
星期一至日
10:00 - 20:00
公众假期
10:00 - 20:00
公众假期前夕
10:00 - 20:00
以上资料只供参考，请与餐厅确认详情
搬咗黎元朗成三个月，都未认真行去鸡地睇吓有乜嘢好嘢食。之前都听人讲鸡地嘢食多，今日难得放假同老公去睇吓。海南鸡近几年开到成行城市，咁岩见到有间卖海南鸡既舖头叫小屠夫，见过名咁搞笑，就去试吓先。餐厅标榜佢所有鸡都系清远鸡。见到佢疫情期间出咗一个三送饭套餐，只需要$28 ，小编觉得真系好抵食。仲可以选择黄姜饭。小编拣咗鸡扒，蒜香骨同埋鱼肉莲藕饼。鸡扒正正常常冇乜特别。蒜香骨煮得几林几入味，抵赞。鱼肉莲藕饼系比较厚身，虽然放咗一段时间，但仍感受到有小小嘅香脆。特别称赞喺黄姜饭，平时我出去食𠮶啲，嫌佢哋比较淡未，但估唔到今日$28嘅价钱，可以食到一个比较浓味嘅黄姜饭，觉得真系好开心。小屠夫除咗鸡之外，仲有好多麻辣小食，我相信下次可以返转头再买黎试下。今日讲住咁多先！
继续阅读
之前都有听过呢间小店，话说见到open rice 有外卖自取优惠，所以即刻系open rice 落单外卖自取，谂住支持下小店。本身谂住打电话去confirm张外卖单，点知电话号码又冇，乜嘢联络方法都冇。半个钟头后，到达舖头打算攞餐嘅时候，show 俾佢睇OpenRice嘅订单之际，舖头有位年青女店员，态度好恶劣咁讲：「我哋冇你张单㖞，我哋冇OpenRice𠮶部机，唔会收到单，你取消咗张单佢啦。」然后就无视我，净系招呼其他客人，眼见店舖里边仲有好多其他店员，但完全冇人出嚟帮手，解决呢个问题，我只有好无奈咁样企喺度。之后我问店员可唔可以你现场买用返OpenRice 个价（外卖自取九折优惠）佢话可以。但系点知到俾钱嘅时候佢就话要用返正价买，真系好无奈。全程好似俾人玩紧咁，店员服务态度又差。总括而言，不！会！再！试！
继续阅读
之前喺网上睇到小屠夫嘅广告，咁啱琴日路经此地，就小牛试刀买一只试吓啦手工糯米蛋$12/只；$30/3只买返嚟已经冻咗，只蛋已经熟咗，即刻食都得，职员教我用电饭煲蒸15分钟味道会最好。返到屋企我就剥壳食，冇再返热，好淋嘅糯米饭，根据之前上网睇到嘅资讯，糯米蛋原名叫五福蛋，里面有五种材料，包括：腊肠、粟米、冬菇、咸蛋、糯米饭。其实只蛋咁细只入边装咁多材料，实际得2啖，都唔食得出几多野，个人认为个糯米饭太淋太湿，食到底部先食到咸蛋黄，啲新鲜野几得意呀，试下无妨。我见舖头仲有其他好多出品嘅，有机会就试埋其他食物不过如果真系肚饿，就正正经经买碗糯米饭食会好啲
继续阅读
28蚊就有两𩠌饭，可以点猪扒或鸡扒，再加凉拌小食（鹅肾同杂菜）或蒜香骨或莲藕饼，我点猪扒凉拌鹅肾黄姜饭，猪扒正常味，反而凉拌够晒辣入味，黄姜饭都有惊喜。28蚊有咁嘅质素，绝对无投诉。下次会再试下凉拌牛肚，凉拌牛展，仲有猪脚仔。早前苹果日报有介绍他们的手工糯米蛋，细细只咸蛋酿糯米饭，真喺心机功夫菜，出面好少见到，下次我一定会帮衬。经济环境不景下，后生仔老板local店小本经营，作为街坊一定要多多支持。
继续阅读
行过见到间新面孔，就入去睇吓有咩食。主要都系食鸡饭，老板话开咗一个月左右，呢排仲有抗疫优惠，每个饭减$10，几抵👍🏻多饭多𩠌，本人唔好炸菜，掉哂。黄姜饭，鸡都唔错，不过都系中意无骨海南鸡多啲。其实都唔可以叫海南鸡饭，因为佢可以点嘅汁系姜蓉，所以我觉得佢只系白切鸡配黄姜饭😂海南鸡饭（ $45减$10 ）鸡几入味，不过唔好彩，食背脊，无咩肉食。盐焗鸡饭（$45减$10）不过不失，$35都ok啦，下次试下无骨嘅饭，可能会饱啲😂
继续阅读