小南國 (已結業)

我老板已訂位請客食午餐,於是叫我打電話去問下有咩套餐, 點知上午打電去, 個waiter就話依家好忙, 唔得閒fax俾你,於是我就話不如我自已來拎呀, 佢又話無得拎, 話下午三點會fax俾我, 三點幾, 我見冇fax, 於是再打去問佢地, 又有個人答我, 話我地有好多種套餐喎, 點fax比你呀, 喂, 我又唔係訂D好cheap套餐, 我話淨係要午市套餐喎, 佢都唔想fax, 真係激氣!如果唔係我老細要去食, 我真係唔會去食, 價錢同服務都成正比.我會叫D朋友唔好去囉!簡真狗眼看人低!!!!

今日臨時臨急，老闆話請食飯，本身想去和民，不過肯定冇位啦，於是我SUGGEST黎小南國叫左炒年糕(這個我第一次食)，其實同我既至愛桂花年糕既口感好似，不過係咸，對我黎講油左D，我寧願食桂花年糕，不過同事們好似唔太PREFER....另外仲有雞絲粉皮，擔擔面，小籠包，鍋貼，樣樣都唔係特別出色，黎呢度，都係因為佢唔使等位...不過今次服務差左好多，個侍應插左隻手指落D擔擔面度....

很久沒有寫食評......差點連用戶名也忘了。女友聽同事講得多，便提議在這裡食一餐晚飯。之前略看一下食評，都是食物一般，服務麻麻。其實我最怕服務差，唔鍾意貼錢買難受，還好今晚沒有遇到不禮貌對待。也不知甚麼是馳名，點了個二人餐A。有小籠包，灼蝦仁，齋菜，兩碗粉絲豆腐湯，豬肉，還有兩碗糖水。粉量適中偏少，味道就部份出色。喜歡小籠包及蝦仁，那兩舊豬肉就唔多掂。價錢以質數來說，是偏貴了點，因為好多上海店都做到呢個水準，以前食過既滬江大飯店比這裡好。服務就百仲之間，都係好好好一般，木口木面。環境？可以掛，因為自己那張是摺，其實感覺差一點。

嚟過幾次，今次算係最多人啦，要等位，可能係因為星期五晚既關係囉。同男朋友兩個人，叫咗小籠包，皮薄多汁，又唔會好大舊肉，唔錯，一客有五只。蘿蔔絲酥餅，即整，好熱，好味。津白炒上海年糕，味道不錯，都幾大碟。皮蛋豆腐，豆腐好滑呀。整體嚟講，食過咁多次都OK，仲有，今次冇食到既灌湯生煎包都好味嫁。

平時都鐘意幫襯小南國, 覺得佢好味, 又唔係太貴. 上星期先知道原來公司對面就有一間小南國, 攪到我平時仲要千里迢迢去銅鑼灣個間, 真係低b左.同事一行十一個人一齊去食lunch, 點左好多菜, 其中藉得大力推介既有1)糖醋小排骨: 酸酸甜甜, 好開胃, 而且小排骨好淋, 好味~(2)雪菜粉皮: 清清地, 粉皮好滑, 好味^^(3)小黃魚: 其實都幾大條, 脆卜卜, 幾香口(4)生煎包: 我的至愛, 暫時都未食過一間係好食過佢既, 每次必點.仲叫左好多食物, 如蘿蔔絲酥餅, 皮蛋豆腐, 菜飯, 螞蟻上樹, 川辣雞等等. 好豐富的一餐, 十一個人最後都食唔曬.

唔，我成日都黎呢度，好多同事鐘意食。地方唔太差，好好食又唔覺，不過唔差啦。加上我成日叫來叫去呢幾味：椒鹽小黃魚、蔥油拌麵、生煎包、毛豆百頁，大致上可以。不過就真係味精落得幾勁。

繼續跟行家交換情佈。前同事在downtown 上班，介紹這兒，貪其舒適和經濟。點了個「$3xx 二人餐」，另加一個酒釀圓子（$18），連茶芥，埋單才$386。食物方面，味精下得凶！自己的舌頭和身體自然反應，係騙不了自己。座位舒適，服務一般，對答略見唔夠專業，呢個領班真係留意呢D 軟件野！百頁卷拼醬排骨（賣相比食味優）、蔥油拌麵（豬油和味精下得凶，所以相當香口和好味）、清湯燉獅子頭（豬肉丸的瘦肉比例較多，但做到唔鞋口巳經好好。唯好甘香肥肉者會失望！）、乾煎大蝦（好味，甜酸洋蔥汁料好惹味開胃）、豆卜時蔬（幾油膩）、南瓜西米露（唔差）。另點的「酒釀圓子」（$18）：酒釀味道超淡，圓子量多。若只為請客和談天，這兒係幾好的選擇。若想吃好些，灣仔的「留園雅x」會更好！

早前跟好友晚上到這裡吃飯,點了炸醬撈麵,雞絲紛皮,桂花糕和蟹粉小籠包.估唔到蟹粉小籠包真係咁好食喎!超正呀!但一定要熱食凍左無咁好食呀!另外我第一次咁大個女食一個咁好味道的麵,炸醬撈麵但衰在多油左少少;雞絲紛皮唔覺得有咩咁特別但好友勁like喎!d雞絲咸左dd,但都唔錯ga! 好食過x肥羊!哈哈!最後好友勁力推薦的桂花糕, 我本人就未試過但好友之前過話勁得,於是就叫左,真係幾得喎!食落口嗰隻味道好清新,好似食緊年糕咁但呢隻糕就硬多少少囉!整體上非常滿意!又坐得舒服喎! 謝好友推介!

18.12.2006 星期一今次次我們一行10人到中環萬宜大廈小南國食lunch，本來懷著愉快的心情想著要來這裡大吃一頓，因為我真的很喜歡這裡的上海點心。可是中環分店其在令我們大失所望了！我以往到尖沙咀分店都相安無事，但今次卻令我下定決心以後都不會再去中環分店。其實在1個月前，我與2同事來午膳，已經有不愉快經歷，不過亦不算太過份，只是有位女部長對我們無禮罷了！該女部長為我們寫菜時已經黑口黑面，不知是否我們只得3人，而且所叫的全是點心，她所推介的菜我們全都拒絕的關係，所以才如此招待我們，但我見她對其他大均笑面迎人，真是莫名其妙。其後我們想將一個點心改為另一個點心，她晦氣地說︰「未必得！」，之後又不回覆我們是否已改單。另外，我問她可否再給我Menu，我未拿到，她已經放手，最後Menu跌在地上，我唯有自己執起，那是何等無禮！ 可是今次主角又是那位女部長，今次女部長對我們招呼周到，為我們寫菜時，又提議我們該叫什麼份量才足夠及介紹2款菜給我們，今次我亦覺得她招呼很好，令我忘掉上次的不愉快經歷。 可是，我們在興高采烈品嚐美點時，突然有一隻在上爬過，我有名同事眼明手快地把那隻用茶杯蓋著，在我們驚慌之

今日開ot..lunch..有人請食飯..正無乜所謂地去左食上海菜..我係第1次食..所以好期待!5個人叫左7樣野食..包括:a)醉雞b)上湯豆苗c)青菜擔擔麵+一隻辣既擔擔麵(忘記了名字)d)齋雞e)糖醋排骨f)生煎包豆苗真係好好好好味..擔擔麵都唔錯..不過有一隻話就話辣..但一d都唔覺囉..=口=其實第1次食..覺得樣樣野都唔錯..無咩特別要求不過同事就好中意係到食..加上佢地話呢到平日會排哂長龍..我諗佢呢到既質素都唔差!!不過lunch既價錢..有9折..都仲要4百幾..都唔係話貴..但都唔係話平囉..好彩係有人請..真係多謝哂囉^^

今次因為唔係我發板，所以冇得叫粉面，叫左以下食物：1.川椒雞：都唔辣既，唔係咁得..2.上湯浸年糕：好咸，不過都ok既3.小籠包：ok啦, 有d汁，皮亦唔厚4.桂花糕：呢個係成餐飯我覺得仲正既，煙煙un un，又d似酒釀丸子既味，so good....

和媽媽的兄弟吃晚飯，共十一人，點了$1,980的十人套餐，另加一打小籠包和青菜泡飯。前菜小食：- 花雕醉雞，酒味濃，雞肉鞋，可以不試- 糖水蓮藕，甜甜哋，蓮藕窿釀了糯米，貪得意可一試- 馬蘭頭，有陣好怪嘅味，唔係人人接受- 糖酷排骨，甜酸冷盤，排骨肉又實又鞋- 蔬菜沙律，麻醬調教得唔錯，蔬菜新鮮，大家讚好- 葱油蜇頭，非常爽口，值得一試主菜：- 砂窩雲吞雞，雲吞皮厚，包得鬆散，雞肉鞋，不用試- 清炒蝦仁，蝦仁好咸，只可用"唔太差"嚟形容- 椒鹽小黃魚(見圖)，魚皮脆卜卜，魚肉鮮嫰，必食- 毛蟹炒年糕(見圖)用上十隻大閘蟹"開半"原隻炒，食時十分不便，食相恐怖，很多人都怕麻煩，所以食剩三隻蟹。蟹羔唔多，汁料亦太濃，是全晚最差的菜式- 蟹粉豆腐反而有水準，蟹粉稀杰剛好，唔腥唔油，推介- 蹄膀伴棠菜，做得算好，瘦肉部份不夠滑，皮亦不夠腍，普通啦糕點/甜品- 芝麻大餅，好難食，一啲都唔香，餅亦唔鬆化- 酒釀小丸子，好好好難食，酒釀糖水超杰，味道怪怪散叫菜式- 小籠包，皮厚，不是我喜歡的type- 青菜泡飯反而出色，飯泡耐了亦不會變淋雖然食物質素非常一般，但勝在套餐價錢抵，是一大班人gather

二個人，其實唔係點左好多野，由於我地點既組合好奇怪，所以d野食唔哂都超級飽：1.蔥油餅：我覺得幾好食ah。大大件又唔會太多油2.蝦仁炒飯：呢個有d咸,不過個飯炒得好幾好,爽口唔油3.擔擔面：一般，無驚喜。唔使點等位，環境亦算ok。

同事話以前做日本菜的部份裝修了,做埋上海菜CWB開店時食過一次,不外如是冷盤馬蘭頭卷-無油,夠健康醬鴨舌-一般特色蝦-小蝦用炸雲吞皮盛著,賣相幾精緻,味道OK蟹粉小籠包-皮薄,蟹粉少,太多肥豬肉(可能係傳統做法),唔多鍾意百葉咸肉湯-濃且甜松子黃魚-唔夠熱,好彩仲脆,太多汁醬,好”漏”炒津白-最失敗之作,炒到黃哂,賣相唔得,味道非常一般甜品:桂花酒釀湯丸-酒釀overcooked,變酸,桂花太少唔掂服務:上菜速度快,但坐房沒有人serve,搵人收碟,加茶,好困難總結:菜式一般,服務麻麻,唔係別人提議,自己唔會去

午飯時間，與友好同事們圍桌共吃，不亦樂乎。這裡的菜式不錯，很對胃口，大概是個人口味對麵點包點等情有所鍾吧。推介這裡的生煎包和小吃薺菜卷:生煎包: 用筷子弄開方知內藏足足一大匙湯汁，滿口肉香，對致力纖體的女士們來說是吃一只已充滿罪惡感，但偶爾滿足口腹，算了吧。薺菜卷: 用百頁捲著剁碎薺菜，綠白相對，像一隻隻棋子，造型別緻，口感清新，中和了吃其他菜色的油膩感。