小南國狀元樓 (已結業)

好喜愛的上海菜館!其實舊店幾上海feel.. 家母最愛佢既小籠包. 我就覺得醉雞,小黃魚, 松子魚, 八寶鴨等都唔錯. 上海朋友就覺得小南國好正宗, 但係醉雞就唔夠醉(其實己經ok 係城中之醉). 馬蘭頭更係少數上海館有供應的小食. 另外, 花生酥同酒釀丸子都好好.好值得推介!

一家人向來愛吃上海菜這間能讓我們一再光顧最好當然係小龍包、生煎包菜煨面都唔錯年糕、雲吞就不過不失而要提早預訂既甜品，試左一次就唔會有第二次我地次次都叫點心，未試過其他小菜所以唔知質素如何不過有D菜式比較奇怪，例如石頭飯

13/3(一) 2pm男友要幫親友屋企整浴室,放工後黎灣仔浴室裝修舖睇睇.於是同佢黎此店食下午茶.2點黎到都有頗多客,環境屬新派中式菜館裝潢,較乾淨及modern.侍應比左張紙仔我地自己剔,我地要左一個$38及$28既下午茶餐,$38個餐揀左担担麵,豆腐什菜羹,桂花拉糕,糖水.$28個餐有小籠包4粒,油豆腐粉絲湯,糖水.担担麵---最初男友要求走辣,但自我既阿姐話担担麵無得走辣,只可少辣喎!真系聞所未聞.份量吾少,湯底吾覺有花生味,湯面有一層紅油,但叫左少辣吾太辣.味道一般,幼麵亦屬一般.豆腐什菜羹,油豆腐粉絲湯---一般小籠包---皮吾夠薄,但蒸得不過火,頗有口感,但肉餡略肥,湯汁不夠清.桂花拉糕---即年糕,上面淋上桂花糖醬,頗彈牙,味道亦不錯!糖水系雪梨水,總好過大路紅豆沙,芝麻糊,甜度適中.$73埋單,服務真系有待改善.食物一般,來黎光顧既話系為價錢及環境而已.

要個炒年糕.......年糕好食...但太咸了其他都只係一般service 唔係咁好

通常如果要同朋友吃飯的話，我第一個首選地方就是小南國。不是Times Square那閒，那閒太曹啦，Sogo呢閒和中環那閒就好好多。喜歡的菜：- 糖醋黃魚- 小籠包- 山煎包- 毛豆百葉海\"節\"頭在小南國就最好不要試。不好吃的。

上湯豆苗,糖醋小排骨都幾好個水煮牛肉就唔多夠辣個三絲春卷就剛剛炸出黎,都OK啦下次想去食個粢飯糕,佢話夜晚無架喎佢個下午茶都好似幾抵...$28/ $38

昨天黃昏跟男朋友兩人打算早點吃完晚飯再逛工展會, 所以在六時四十分左右選擇上小南國。此店開業初期去過一次, 直至它搬遷前都曾去過三四次, 食物與服務質素算是不錯。雖然食物依舊, 怎料昨天的招呼讓我們極度失望...大門知客說明最遲七時就要結帳交回座位, 安坐後發覺餐桌上未放有餐牌, 叫喚同一侍應兩次都沒有下文, 卻望見她顧著清理及執拾一張已「客」去「桌」空的座位, 一氣之下揚聲遠處的女部長, 於是我和男朋友傻坐了十分鐘後方獲發餐牌! 難道侍應們不曉得各在座食客都要分秒必爭、與時間競賽?不久, 上菜前本人離開座位經過女部長身旁時剛見到她在分發毛巾連盛載器皿, 但當本人歸位並觀察身邊一米方圓範圍內, 相信只有我的餐桌上沒有被擺放。其實當時座上客根本祇得三數桌, 反而空桌亦被擺放了, 這究竟代表甚麼意思...結帳時職員遞上帳單和收起帳款時也不作聲, 表現得十分冷漠。卒之在退回信用卡時, 見似乎是快到我們要離開才說句「多謝」。由於我們深深感到被待慢和不被尊重, 所以連一分錢的小費全給我省下來了。而且我們決定不會再上此分店貼錢買難受!

我們三個人都比較細食，只點了招牌菜小籠包，鍋貼，灌湯生煎包及菜肉雲吞，一共四款心頭好，只有鍋貼比較欠水準外，其他都用料新鮮，熱騰騰新鮮出爐，其中最得小妹歡心的是灌湯生煎包，它外皮鬆化，底煎得香脆外，內裏的肉汁更會‘標’出來，隨時射到左右兩旁的人，哈哈！

2點幾,o係銅鑼灣搵野食,知道小南國出左下午茶套餐,所以去試試.開頭以為下午茶都不外乎一碗麵加杯野飲,點知原來都幾特別.佢地有A同B餐揀,我同朋友一齊,大家都叫左個B餐,有勁多野選擇:我食左蟹粉小籠包+酸辣湯+桂花拉糕朋友就叫左石燒飯+油豆腐粉絲+桂花炸湯丸另外仲有糖水送真係好飽~~~埋單都係每位$38(再加一).....勁勁勁抵!!

樣樣都好細碟...蟹肉粉線小籠飽....同普遍小籠飽一樣, 食唔出有分別!黃金蝦....買左100幾蚊...比既係細細粒既雪藏蝦...又冇特別...炒麵....勁多油...有個湯麵都好d...d 員工聽就你講野...例如:「點解d左咁多蟹肉既, 以前多d架」...佢地唔出聲...扮唔知咁走開好在有cupon, 如果唔係張單係800幾...

星期六本來去南翔食. 點知下午last order過左, 因為好肚餓. 但又想食小籠包. 所以過左小南國. 因為以前係糖街食過好好味..上到去原來有午市套餐, 起平, 都係湯, 飯, 甜品. 約38位. 湯凍到過份, 石頭飯好味. 小籠包唔得. 擔擔面好難食，甜品起甜. 都唔會再來食. 但服務就想像唔到咁差，雖然唔係對我. 但真係幾過份. 個客冇cash 都比creditcard. 個經理唔比. 話唔夠一百唔可以比咭, 跟住個經理好冇禮貌對佢, 而且唔係一間餐廳”員工”可以做的態度, 佢仲叫著西裝的經理，真係我想像唔到。最後係個客拿盡$99零錢比錢完事。但我覺得餐廳的態度、處理方法都係沒有以客為先同唔識變通。算啦. 因為唔會再去。

我與男朋友到此店，我已訂了7:30，但我地7:10已到達，他們都俾位我地，坐低後，侍應便拿菜牌俾我地睇，但當時他只給我們1個大本既菜牌，初頭都唔留意，但我心諗食"上海"野點解果菜牌會冇小龍飽傢？但我睇曬個菜牌真係冇小龍飽，咁就算啦...點完菜後，我到附近幾張檯既食客都另外有一本細既菜牌，原來果本就係D小食類，但點解當時侍應冇拿給我地呢？有少少被騙既感覺囉！食物就普通，唔算好食，哩個價錢唔值。

第一次同班朋友去，可能唔識叫，唔好食．第二次同個妹&妹夫去，叫咗砂鍋雲吞雞，石頭飯及每人兩隻蟹粉小籠包，食到停唔到口，even好飽，但係都好想繼續食。無得頂!!!但係第三次去，可能佢要搬，師傅行咗去，好難食，搞到而家都唔想再去食囉．．．

想不到小南國舖位搬遷後，水準竟變得如此惡劣！環境狹小，眼見部份客人需以摺檯用餐...而我則被安排到洗手間門外的二人小檯，傳來陣陣異味，十分難受。誰料食物質素同樣強差人意：招牌小籠包與鍋貼粉皮極厚與肥豬肉極多都尚可原諒，最可怕的是，兩者內裡的豬肉皆是「未熟」的！！在這豬鏈球菌肆虐的時期竟然在食肆內吃到生豬肉，實在叫人震驚！糯米燒賣是唯一能入口的東西，只可惜味道太淡，皮有點乾，也不夠熱...。曾是小南國fans的我，眼看水準下降至如此惡劣的地步，著實心痛。

舊舖ok,估唔到新呢間咁差.週六晚book都要飛等餐懵,個新移民女知客係主因,經理/管理層都要負責.地方原來細好多,亂咁擺,坐得逼,侍應/部長/經理等全部唔想撈咁,食物退步...真係數佢都有數...算,幫襯少一間.