小仙子 (已結業)

難得揾到一間新開嘅party room 又未俾人book咗 玩五個鐘加埋嘢食$300都唔使 咁就決定去試吓空間幾大幾舒服 又有千秋同燈飾呃like 遊戲方面都幾多嘢玩 有boardgame有賽車有switch同唱k添老闆好好人 一入去就幫我地set左個BBQ場嘢食都幾抵 每人加多$60就有勁多嘢食 我哋最後都食唔晒 啲咖喱魷魚勁好食 想食豪啲你仲可以加帶子同一口牛添 嘢飲可以任飲 完全唔驚食得太熱氣口乾嘅時候 周圍一啲嘢飲都無題外話如果BBQ唔啱食仲有打邊爐呢個選項下次有機會會再去

因公司活動而尋覓到呢個場地，地鐵出黎行兩三分鐘就到，方便唔難搵。佈置簡單但各類娛樂設施齊全，有卡拉ok、Boardgame、Switch、賽車、麻雀、等等，室外燒烤爐同座位都充足，我地三十人以上都好闊落！老闆好熱情，一早幫我地雪左野飲、準備好我地人數用到既臺、座位同炭，場地包既飲品係1L樽裝既，無咁方便但都環保啲！我地燒既係自備食物，老闆仲即場組裝多個爐俾我地燒海鮮。提一提室外仲有個月亮同心型燈飾係唔錯打卡位，夜晚氣氛幾好。年輕人用心創業，好應該支持下，個場較大同新淨，適合一班人聚會！有機會下次再幫襯！