將神車仔麵 (已結業)

叫咗個五寶面,又貴,份量又少,湯底淡而無味,白烚蘿蔔完全冇味,豬腸得嗰兩三粒,豬紅完全唔入味,豬皮白曬曬又硬又係唔入味,湯底又淡,加咗所謂嘅秘製辣汁,完全都係淡而無味,我諗佢都係諗住等執笠,絕對冇下次.

好食，湯底幾好，感覺無味精，食完無話成晚要飲水，整體製作認真，不過某啲餸份量少咗啲，可改善。見過老闆向食客查詢對食物質素的意見！感覺良好，老闆仲有主動比客試食！

其實多次在中午經過這間車仔麵，但都大多人排隊，所以都冇機會試下。這晚路經見冇乜人，有位就入去食番個車仔麵做晚餐啦！叫了一個咖哩5寶麵-48元，另一個招牌8寶麵-58元，下午2:30後88折，價錢都幾底！可以一次過試吃很多種餸。咖哩都幾香，湯汁都幾夠濃味，豬腸唔係幾臭，沒有太多肥膏。豬皮入味，豬紅、雞翼、蘿蔔都正常，魚蛋就麻麻！流心蛋唔錯，最期待的咖哩魷魚🦑就失望！唔夠林，是硬身不是爽口！不過整體而言，以坊間車仔麵的質素比較，是中上水準。不過一個麵唔飽，建議大食的男生要兩個麵才夠呀！

一間極之「冇心」經營嘅店舖，同一個外賣order，我叫小辣粗麵，佢可以比咗中/大辣，另外一個叫中辣幼麵，佢比咗唔辣！最大問題係，叫走蔥而佢竟然比咗勁多蔥，我第一幫親，應該冇野得罪佢丫！唔通D伙記有心想老闆執笠？咁冇心做，點會有下次呀

將神,,諗起”我和殭屍有個約會“🤣佐敦開咗間車仔麵叫將神🍜今日lunch叫咗碗依度”人氣咖哩五寶”配薯粉,平時多數食麵或者米粉,突然想食薯粉,薯粉口感煙韌,不錯,,有我最愛嘅魷魚同埋蘿蔔,豬紅,咖哩豬皮,豬大腸,,魷魚真係勁爽勁彈牙,豬大腸好彩沒有洗唔乾淨嘅臭味😅蘿蔔就好甜好淋,食落唔會有渣!再加埋佢哋自家製嘅魔鬼辣椒醬及辣椒菜脯粒,一啖湯一啖薯粉,吸收湯嘅精華,正👍$+9配(一杯冰凍嘅凍奶茶) perfect😋我落order唔記得叫佢多葱,後來我先叫佢加多D蔥,都好樂意加畀我,沒有黑面,仲問夠唔夠？幾好服務態度😅

食物物價太貴，亦未能以手藝彌補性價比。＄10滷水糖心蛋，5夠入味，蛋黃熟得滯＄10 金菇菜，出面超市10零蚊3包好閒，做食店批量入貨會平啲，但10蚊 佢地比嘅份量似1包裡面的1/6左右，計到食物成本壓到幾低＄14牛腩，碎腩偏多得幾舊係1舊舊有番啲咬口＞湯底無特別＞有得簡5好坐入面凹位座位(其他位正常)，員工5會特登take care呢啲位，落單通常要自己行出位＞枱邊配料 有辣椒油,辣菜脯，叫做比出面好但係成餐3餸連野飲收＄55，一啲特別都無嘅車仔麵，雖然大家可能會諗食舖租都慣左啦。但係間野附近又有食街譚仔，越南等等野，價錢差5多，有等選擇正常下次會簡其他～

搬來佐敦後，我久唔久都會去食下。 因為可以轉菜底，低碳飲食吖嘛。瑞士雞翼，一啲都唔甜，其實係滷水雞翼。 自稱牛筋做得出色，俾啲牛筋碎我。 咖喱豬皮，煮到林晒。 自稱自家製韭菜水餃做得好，皮都爛晒。 唉！ 我唔再幫襯了。

之前同同事約好試下呢間車仔麵，對佢有啲期望，點知最後食完係失望帶定頭盔先，以下內容純屬個人意見。希望呢篇文可以鞭策店主做好啲！做食客生意唔係一次就算，做得好食先會有食客翻兜！————————————————————————我同同事每人叫一碗，啲餸會share。第一碗嘅餸係菜心（$10）、蘿蔔（$10）、小花菇（$13）。第二碗嘅餸係溏心蛋（$10）、豬紅（$12）同美味酸齋（$12）。讚：唯一欣賞係菜心，夠甜。改善地方：1. 可能依家百物騰貴，酸齋$12 得兩嚿之前係同區囍x車仔麵講緊$10 有4嚿咁上下。2. 小花菇未浸得淋就醃，食落好硬，size又真係同名一樣，「小」，寧舍的骰好似有5-6粒。3. 蘿蔔冇乜味4. 溏心蛋都一般

唐心蛋係普通烚蛋，蛋黃竟全熟咖喱三寶最差勁👎🏿羅白完全唔入味，豬皮還可以，魚蛋都係好普通，比街邊更差。奶茶都唔好飲，連洗碗阿姐都冇，水吧一腳踢，杯感覺好唔乾淨一定唔會再食！

♡ 高性價比｜將神車仔麵♡-我一向都對車仔麵情有獨鍾☺️繼上次去完大角咀食車仔麵今次又黎到柯士甸近佐敦附近 搵到一間性價比高嘅車仔麵👍麵底都有幾多選擇 例如粗幼麵 番薯粉 公仔麵 米線等等 滿足唔同人嘅口味。至於醬汁就有三種 分別係招牌咖喱 秘製辣汁 同埋四川麻辣。- ♡ 人氣咖喱五寶 ♡ $48入面有豬皮、豬紅、辣魷魚、豬大腸同蘿蔔，全部都係我最鍾意食嘅😋魷魚🦑爽口彈牙 豬皮亦都好入味 -♡ 將神招牌牛魔王 ♡ $58作為牛魔王嘅我 一定要點埋呢一個入面有牛筋、牛腩、牛丸、金錢肚、肥牛、牛柏葉～ 一個價錢有晒咁多樣嘢，真係勁抵食 🤣-❥#⇢店鋪資料：將神車仔麵 (佐敦)佐敦上海街13號地舖#-#柯士甸 #佐敦美食 #香港車仔麵 #hkig #hk #hkfoodie #hkgirl #foodie #hkfood #foodstagram #foodblogger #foodgasm #香港美食 #香港好去處 #香港小店 #相機食先 #手機食先#拍拖好去處

《抵食豐富車仔麵🍜》———————————————-#將神車仔麵 🧑‍🏭-呢間車仔麵小店款式多元，經濟實惠，都幾抵食😚而且環境寬敞光猛，地方乾淨企理，幾唔錯😙-👑 將神招牌八寶唔想諗，有選擇困難症嘅可以嗌呢個八寶麵，裡面包咗豬腸、豬皮、豬紅、咖喱、陳皮、魚蛋、瑞士雞翼、糖心蛋、蘿蔔同辣魷魚🦑，十分豐富～加埋招牌咖喱汁，非常惹味🥰-🍜 五餸麵另外亦可以自選菜式，我哋揀咗豬骨濃汁貢丸、墨魚腐皮卷、南乳豬手、滷水腩片同自家製韭菜餃，特別推薦豬手，超大舊，份量十足，配搭沙嗲汁，香濃美味😋-⭐️價錢參考：將神招牌八寶： $58豬骨濃汁貢丸、墨魚腐皮卷、南乳豬手、滷水腩片、自家製韭菜餃沙嗲瀨粉：$77🍌抵deal 指數：7/10💰人均消費：$80

原諒我不飢放縱愛食油，近排食得太放肆，荷包減磅換來脂肪進脹，呢晚都係食返碗車仔麵沉澱吓自己佐敦呢間車仔麵店好企理，食得簡單但唔兜踎每次諗食咩餸真係諗到胃縮，嗌個招牌組合可止頭痛。招牌八寶有豬腸、豬皮、豬紅、咖喱陳皮魚蛋、瑞士雞翼、溏心蛋、蘿蔔同辣魷魚份量都幾多，滷水夠味，蛋夠綿魷魚夠爽，索晒秘製辣汁嘅香味，每一樣餸都好香口，瀨粉彈牙，又容易夾想食盡牛嘅唔同餸，小朋友先要揀，牛魔王全部都要，有齊牛腩、牛筋、牛骨濃汁牛丸、牛柏葉、金錢肚同肥牛牛丸彈牙，牛柏菜爽口，牛筋腩又好腍，河粉唔散又夠綿彈雲吞冇諗過炸得咁脆薄，咬落嗦嗦聲，餡料好有肉香，點汁食更開胃油菜幾新鮮，翠綠夠健康

平時呢間車仔麵晏晝好多人幫襯，今晚咁啱經過，發現有位，於是即刻入去食。呢度餸嘅選擇非常之多，入面有好多好多都係我鍾意食嘅嘢，而且醬汁方面都好多選擇。湯頭好好飲，食完完全唔口渴，個秘製辣汁一食真係會上癮！餸嘅味道都好穩陣，全部都好食，雞翼好入味，而且肉質好嫩，金錢肚同牛筋都好出色，自家嘅雲吞入面肉同埋蝦嘅分布係一半一半，好足料！金菇牛肉卷賣相雖然平平無奇，但係出奇地好食，唔知用咗啲咩醬汁去整，食完一碟好想再encore。好少食到啲咁高質嘅車仔麵，而家而且環境舒適，坐得好舒服，舖頭好企理，好乾淨，打破咗我對車仔麵既既一貫印象！

平時大家有冇食開車仔麵？ 我地就好少食嘅 因為食過啲麻麻地嘅車仔麵😩 但呢日食到間車仔麵😋😋 我覺得真係幾好食🙆🏻‍♀️🙆🏻‍♀️ 仲有沙嗲濃汁 正到爆🐷🐷.🐷將神招牌八寶 👅8.5/10 $58呢個招牌八寶好大碗 我就叫左蕃薯粉 真係正 索到啲湯 薯粉係最正嘅🙆🏻‍♀️碗麵啲料都係超足 有豬腸、豬皮、咖哩陳皮魚蛋、瑞士雞翼、糖心蛋、蘿蔔、辣魷魚🦑啲碗料都好多 同埋成碗野大大份🐷 蘿蔔真係大大舊😂😂 非常大舊 有兩舊咁多😌 魷魚好爽口🦑 魚蛋有3粒 唔係超大粒 但有3粒 都ok吖 雞翼唔會細細隻🙆🏻‍♀️ 豬皮豬腸爽口冇腥味😋仲有 我要左沙嗲濃汁 香到爆‼️‼️‼️ 好香花生味😋😋 極推😋😋😋 超超超好食🤩🤩.🐷將神招牌牛魔王 👅8/10 $58牛丸好好食‼️ 牛丸好好食‼️ 牛丸好好食‼️重要的事梗係要講三次架啦🤤呢碗碗料包括 牛腩、牛筋、牛骨濃汁牛丸、牛柏葉、金錢肚、肥牛🐮我地呢碗係叫菜底🥬 平衝一下！😂😂😂佢個牛丸 香到呢🤩🤩 牛筋幾爽口🤤 牛腩唔會太肥🙆🏻‍♀️ 金錢肚同牛柏葉都好爽口 肥牛都唔錯 正正常常 幾香咁啦🙆🏻‍♀️.🐷滷水三寶 👅8/10 $24呢個三寶有豬腸、瑞士雞翼、豆腐豬腸同岩岩碗面

突然間想食車仔麵，之後上網到依間餐廳係附近，咁就同老公去睇下。餐廳裝修幾靚，佢畫左d傳統車仔麵情境，好香港味，車仔麵黎講佢地環境都算極乾淨，檯面仲有自家製嘅辣菜脯。見到點餐紙種類都多，特別係佢必食嘅喇沙湯底好想試，不過可惜賣哂。因為我地太肚餓嘅關係都叫左好多款小食。如果有選擇困難嘅唔擔心，可以點招牌套餐，我依碗係將神招牌牛魔王。入面咩都有d，特別佢地嘅牛丸非常好食。另外一碗我就點左自選腩汁底，特別嘅有佢地嘅貢丸，味道都好濃味。希望下次可以食到佢哋嘅喇沙湯底