壽司達人 (已結業)

這壽司小店好早期和朋友堂食過2，3次都可以，近日買了一次外賣回家！誰知~出品比以前差咗好多！第一次叫「鰻魚飯」，這價錢估到一定係用平價的鰻魚，但感覺好差！！不夠熱同好硬！分量多！但感覺似食緊魚乾！！食咗少少已不食了！D 鰻魚真係好唔掂！**** 「炸蝦」以前係金黃色！今次夠脆但不是金色！係偏向比較灰灰黑黑色！**** 「鹽燒雞中翼串」！烤得不夠耐，白晒晒不夠燶！內外也沒有味！唔得！****「粟米沙律手卷」，一樣大大件！但壽司飯沒有醋味！不好食！紫菜好淋！**** 只有「北寄貝刺身」還可以。為何會變到差天共地？廚師換了？定外賣先咁差？不清楚。價錢雖平，但也不能出品咁求其！俾人感覺好差及趕客！因無預會再寫，所以沒有影相（食完後覺得好失望！）難以想像和以前係同一間舖！

宅在家中不想煮飯，又想視覺及感觀都有享受，壽司便是我的首選 。壽司達人是一個平價小食堂，室內坐位不多，以區內外賣為主﹔價錢在設有堂食來說都幾抵食，本區宅一族食壽司真的靠哂它 。比起其它專營外賣壽司的門市，由於刺身罷放在雪櫃一斷時間而失去光澤，變得暗淡無光的刺身，新鮮度嚴重欠缺。比較起來壽司達人的刺身另我感到有大滿足的效果，一片片新切起帶有光澤的三文魚，有鮮味的北寄貝，真的新鮮度99.9%。壽司達人的爐端燒物也是一個驚喜，鹽燒雞軟骨串更是燒物之最，雞軟骨燒得剛好不硬，仲要有肉汁，技術真是一絶。(可惜冇映相)更有好多3元特價的壽司，但只做外賣自取及堂食，所以太宅也是不要得的。

平日間中也會過來食的壽司店，地方雖然不算太大，主要係外賣客多，當然堂食比較好食啦！夠熱嘛，哈！價錢大聚化，抵食！每次和朋友來食都感覺「常滿」 三文魚刺身 ／北寄貝刺身 (各$32／5片)    刺身新鮮，不錯！ 炸蝦$32，正！夠脆又夠熱！ 鹽燒雞中翼串／鹽燒雞軟骨串 （各$25／3串），正正！味道不太咸，剛剛好！ 吉列蝦卷／蛋壽司／八爪魚壽司（朋友話八爪魚壽司，好好食），吉列蝦卷當然係我首選！有三大件！賣相及味道也不錯！ 粟米沙律手卷／吞拿魚沙律手卷，大大件！好抵食！

前幾日入大圍開工，見到有人派外賣傳單攞左張睇下3蚊件壽司咁正，一向喜歡食平野既我梗係去試下，睇張傳單地圖我跟住去揾又比我揾到，註定午餐有著落，個店員好有禮貌招呼我坐，我就拉拉聲點左10件壽司，有三文魚，蟹籽，八爪魚，北寄貝帶子，甜蝦，油甘魚，馬刀貝，雖然有壽司唔係3蚊，但3蚊壽司每塊都真材實料，正，之後見佢油金魚咁新鮮點左客刺身48蚊，扺食，原來間鋪有樣野自家制燒餅20蚊梗係試下，勁多料有三文魚，八爪魚，尤魚，椰菜，最特別有芝心，今餐真係好滿足

早幾日經過大圍港鐵站, 收到張傳單先知大圍又開多左間壽司店. 唯一唔同係呢間有送外賣服務. 宜家天氣咁鬼熱, 有人送到上黎, 最岩我呢d懶人. 咁岩阿媽同阿爸今晚去橕店腳, 留底我呢個孤兒仔係屋企, 就決定試佢一試.因為未試過沙煲, 唔敢叫咁多, 所以試左佢地一個壽司盛B. 唔貴丫, $68蚊 有16件壽司. 等左約15分鐘就送到黎. 估佢唔到係小店竟然有驚喜 三文魚壽司d三文魚新鮮, 北寄貝+赤貝爽口. (佢地d wasabi 勁辣, 頭頂狂噴煙 =.=") 總結係可以再食. 下次等埋阿媽唔想煮飯既日子就再試過.