寶記豆花 (格蘭大廈)

這店的服務極差。不會回頭。當進店內，見有一張吉枱，於是坐下，見有一條長龍在櫃枱前，自然意識是排外賣或者埋單，見有服務員過來送食物給同枱客人，於是請她寫嘢落單，忽然她大聲叫：要排隊啊！！我於是回應：唔知要排隊落單，我當時已起身想去排隊，她即時又大聲再叫：唔知？咁咪要比人鬧囉！！當時所有人望過來，這樣的招呼，當時我還能留下店內嗎？我亦不涉潑婦罵街地跟她對罵，於是奪門而出離開。太過份，店內規矩新客人如何知道？如此對待，簡直趕客。今時今日咁嘅服務態度，香港會輸㗎，檢討下，改善下啦！…查看更多

去到舖頭時滿坐未有吉位，而女職員正在同老闆「理論」，我站着等待他們「理論」完才開始落單。一開口，收銀話未得，等她做埋上一張單先可以落單。落咗單，收銀向後跟同事落order話「豆腐花、豆漿行街」，我跟她說：「我係堂食」她突然大大聲話：「你哋又唔坐低，點知你堂食！」我冇出聲她撳完計數機，再晦氣地叫我：「你自己計吓」，但我計出嚟嘅數同佢唔對，所以問吓佢，佢話：「轉豆腐花要加錢，餐牌寫咗！」我同佢講我唔知，你剛才冇說明，所以我計唔到，佢話：「我唔會講㗎！」坐低食嘢時，我發現手撕雞腸粉有兩條短頭髮，諗住由得佢，掉了，再食，又發現多兩條．．…查看更多

唔需要等，直入👍🏻員工姨姨態度好好👍🏻客人散叫，建議叫餐，好體貼👍🏻不過食物質素真係麻麻地👎🏻👎🏻叫左一碗熱豆腐花 + 一杯少糖凍豆漿豆腐花質地幾滑，枱面放了冰糖、薑汁、黃糖，任客人隨自己喜好添加，豆腐花份量都ok, 不過$16一碗覺得有啲貴，無加糖先食一啖，無。豆。味嘅 ?! 加埋糖再試下……都係一樣，只得「滑」 無豆香味👎🏻👎🏻🫣凍豆漿更差，完全無豆味彷似生水🫣🫣🫣我只飲咗2啖便放棄了🫠🫠🫠…查看更多

肚餓經過又未到食飯時間，就入去寶記食返個套餐A,B。腸粉，燒賣都好食，魚蛋無腥味豆漿要少甜，味道正正常常。食完覺得唔夠喉，再加多咗個粉果同咸豆花，咸豆花有蝦皮、榨菜、紫菜、芫荽（走）豆花好滑呀，可以一試嫁。食咗兩啖先記得影相見之前啲食評都好差，依家舖頭有改善，有3個姐姐都好有禮貌，有抹枱無烏蠅！我哋入舖叫嘢食已經坐咗8成客人，街坊小店，經過花墟覺得餓可以去試吓呀，起碼我覺得呢間啲燒賣唔係實的的咁嘅，腸粉係幼身嗰款。…查看更多

入面條友，態度又差，叫聲佢姐姐落單都叫人唔好嘈，然後碗嘢嚟仲要我地自己接住，但係態度差到pk。到埋單嗰陣，本來嗌b餐轉豆花，見menu都冇寫係豆漿轉豆花，以為加碗豆花啦，結果出到嚟要我比多你16蚊一碗豆腐花最後谷到我要比多嗰10蚊啲豆腐花冇味，啲燒賣魚蛋又細又冇嚼口，然後啲腸粉勁少，豆漿完全冇味道似飲水環境都好差，四周圍都有蚊飛嚟飛去，張檯完全唔抹menu唔寫清楚條款，玩文字遊戲，最後仲指責返係我冇食開佢地舖頭，嗰個阿嬸嘅態度都好趕客，大家唔想入去比人鬧就唔好食啦…查看更多

逛完花墟，腳有啲攰，想搵個地方歇一歇……衰為食，走咗入間小店，中晒伏！後悔都嚟唔切！本人「極度欽佩」並「充滿誠意」想「請教」店員點樣能夠做出一碗完全無薑汁味兼既凍且硬嘅「熱薑汁豆腐花」！？！落咗兩大湯匙糖水同埋黃糖之後，都仲係淡茂茂，絕無僅有；錢又唔記得找，溫馨提示完，人哋竟發晦氣將嗰四蚊雞拎喺枱上面！今次經歷實在令食客「大開眼界」！「高手嘅味道」真係喫唔出嘞，全港最難食嘅豆腐花，絕對係首選，我極力推薦！…查看更多

滑溜！滑到一個唔小心就會吞左！！！地址：寶記豆花 (格蘭大廈)太子運動場道8-10號格蘭大廈地下AB號舖A餐30蚊！ 腸粉3條+魚蛋4粒+燒賣3粒 豆漿一杯！腸粉 好食！又滑又軟又嫩魚蛋 冇特別。。係好空虛果隻。。可以唔食燒賣 唔錯 可以一食 唔好好多麵粉蒸到透晒果隻 有d咬口慨！！豆漿 有豆味 小甜 試下無問題不過唔知係咪因為佢話自己磨 所以有d粉粒咁 豆腐花 16蚊！ 滑溜 滑到用匙羹 筆佢都會有機會漏走！好正 豆味就輕 上海咸豆腐花 都係激滑 有d虾皮 紫菜 榨菜 芫茜 感覺上有d似食緊日式麵豉湯 未試過可以試下 唯一問題係個店員 叫人排隊 又亂咁比人入又話見到人出做咩唔入 唔通塞住個門口咩 有d混亂 同d態度好串 😑😑😑 …查看更多

正正常常排隊買腸粉，排咗5分鐘，到我嘅時候用支付寶，錢都俾埋原來佢自己係睇唔到嘅。用咗1分鐘搵返個記錄出嚟俾佢睇。我嗰個店員就開始發癲呀，講完一次又一次人哋俾錢都快過你。直到我忍唔住大聲講你講完未先收聲。住喺附近，但呢一世都唔會再幫襯。…查看更多

食材有誠意,店內環境簡潔衛生,我欣賞~還缺什麼呢？再行往太子,喜歡坐corner小店既感覺.喜歡從店內望向街上人和物.寶記豆花,用加拿大非基因既黃豆,腸粉用米芝連既供應商.凍豆漿,微甜,豆味不淡,比室溫低dd,但飲落去,感覺未夠順滑.粢飯,肉鬆好,微辣更好.糯米的緊緻度有點鬆,不似用手握成形.但味道可接受.腦海中,有把聲音叫我快去銅鑼灣再試那手握的粢飯,初一十五路過時,強調唔要肉既粢飯.才完成下半部的午餐.~但有點不滿足...再向前行…查看更多

上午十一點多, 想搵D野食填下肚子, 來到這家店, 店名是賣豆花, 沒想到有腸粉套餐, 估計可以填肚, 於是入內試試。姐姐稱之為便餐共有九項選擇, 大部分是腸粉的配撘, 另類的選擇有粢飯或潮洲粉果。我點了一個細腸粉餐, 包括有3條腸粉, 2粒燒賣, 2粒魚蛋和豆漿。腸粉的醬汁是一碟腸粉的靈魂, 但姐姐並沒有問我要甚麼汁料, 即自行為我加醬 :( 腸粉的口感太粉, 有點黏糯, 食兩口即唔太想食魚蛋只有2粒, 而且是超細粒的, 唔小心食左都唔知燒賣的質素算是碟內三款食物中算是OK可以接受的一款 反為我點餐時, 姐姐會問我豆漿要唔要少甜, 要涷還是熱, 來到的豆漿也真的不錯! 我得到的總論是, 這家店是賣豆花的, 來這裡是應該點豆花,豆漿才對, 我點了其他的食品, 似乎是我搞錯了! …查看更多

手撕雞腸粉套餐行到攰攰地見到呢間豆花店，以為食糖水，原來都有小食，入面位置唔多，舖仔細細，店員都好有中氣。見佢有套餐揀，就叫左個手撕雞腸粉套餐，包埋豆漿，有凍有熱，有甜有唔甜。第一次食手撕雞mix腸粉呢類型配搭，配埋小小青瓜絲，腸粉有三條，出黎嘅份量唔算多，唔知實質一條有幾長不過所有嘢撈埋黎食加埋d醬同芝麻又幾野味，食完重想叫其他嘢食。最中意飲冇糖豆漿，覺得咁先最試到有冇豆味，不過都係冇乜特別豆漿，好在可以減去啱先食完嘅重醬感。…查看更多

今日返學前有多少少早餐時間，就諗住係附近他食街覓下食。一轉彎，就見到呢間小店，內裡座位不多，大約十個位，店內木系設計，平凡的小店也看到不一樣的感覺，店內有兩張看街景的高櫈，坐在這位置用餐也別有一番味道。早上時段堂食客不多，但我就當然坐底慢假享受我的早餐。員工禮貌很好，我Order了粢飯凍豆漿套餐，員工還會問豆漿需要少甜或走甜嗎？我選擇了前者-少甜。粢飯熱辣辣，料夠，大小適中，但如果有多一個大粢飯選擇更佳，那就可以當午餐了。豆漿我個人喜歡飲凍，但當然知道識飲既人一定係飲熱，可惜我本身對豆漿沒太大興趣，但粢飯豆漿天生絕配，為了完美就一定會係咁配搭而無憾。有驚喜，對豆漿沒太大興趣的我，這杯少甜凍豆漿，豆味夠，入口滑，不甜不淡剛剛好。總括來說，我的第一編食評就寫了給這小店，感覺是值得的。…查看更多

食過幾次，每次經過花墟都會專程去食碗豆花，因為夠滑，豆香略嫌不足但都ok 嘅係可惜每次呀姐收錢都要小心計一次.. 講到明叫餐，豆漿加$5轉豆花，佢每次最後都當分開逐樣計。但當你糾正佢時，其實佢係知架喎「哦咁你叫餐呀，就平$4 囉」食咗3次都係咁就令人卻步唔想再幫襯啦。…查看更多

行過花墟經過這家小店，被她的香濃豆香吸引着。小店內的餐單以豆花豆漿及腸粉等小食為主，我們兩人點了咸豆花、黑糖豆花、手撕雞腸粉、豆漿等，豆花底好滑好有豆香，咸豆花配料好有驚喜、好夾，有紫菜、蝦米仔、榨菜及新鮮芫荽，味道好得；黑糖豆花個黑糖好香，配上滑滑濃豆香的豆花好出色，都好推薦👍腸粉都是必試出品，加上豆花豆漿，是個perfect match的小食組品。小品空間不大，但店員服務有家庭式經營那種親切感☺️…查看更多

喺對面餐廳食完嘢，見到街角呢間豆腐花舖，自覺都有空閒食個甜品，於是喺門口望下，十幾蚊唔算貴，所以嗌咗個特色嘅薏仁白果豆腐花～18蚊仲可以另加一包黃糖。份量唔算大，但係夠。出奇地豆花非常滑，薏仁煲得夠淋，整體微甜，真係甜品健康之選可以過到口癮，係女士心水選擇下次會再幫襯！…查看更多