寶蓮素食 (已搬遷) 新店位置

服務態度欠佳: 1)每次order 食物時,服務員總是聽你order後就走開;完全沒有反應,根本不知道她聽到嗎? 2)buffet時段的尾聲, 服務員見到茶壺要加水,扮作看不到.食具多油漬 : 用熱水浸泡兩次後仍有些油漬, 頗為不衛生食物水準一般, 頗為失望.

之前行過見到有廣告…$48/位…都ok抵丫…終於星期六等埋屋企人放工一齊去…2點半去到…唔洗等位…夾埋有六、七台人食緊…Ｄ碗一定要洗過先用…好唔乾淨…有一舊舊油…小食：糖水菠蘿…盛惠每位$5齋鹵味…叫左三次…同平時食開既差唔多…(7分)錦滷炸雲吞…第一次食…個感覺好似蛋散…不過如果佢係熱的話會更好…(5分)生菜粟米粥…好味…基本上成餐飯最好味係佢…(9分)五柳素仙斑魚…ok啦…(6分）清炒合時菜…應該叫做「清炒合時雜菜…」…不過勝在一滴油都冇…(6分）紅燒山水豆腐…不過不失…(7分）銀芽火腿三絲…感覺上比較油…齋火腿同真既火腿都幾似…(6分）干燒伊麵…幾好(8分）怡香鮮竹卷…賣相同紅燒豆腐差唔多…不過Ｄ味好怪…(4分）羅漢燴上素…賣相唔得…食落都冇乜好食（5分）豆漿任飲的…有豆味…偏甜…(6分）48一位…加埋一&小食…174…即係每人$58...waiter既態度都ok既…幾有禮貌…唔知點解…一路食一路聞到漂白水味…同埋有樣野真係好大問題…後門唔關…走哂Ｄ冷氣…搞到坐左個幾鐘都唔夠涼…真係應該改善…唔好咁哂冷氣…野食既質數都對得住個價錢既…不過…試一次乜都夠…

環境一般，但味道唔差，因為即叫即炒，上菜都快，服務幾好平日午市任食 $38 + $5茶位 + 10% 由 11:30am ~ 4:30pm12:00pm ~ 2:00pm 最多人，似茶樓咁噪炒麵最好食，唔油又乾身炸蜜瓜奶最特別，十足維他蜜瓜奶味

: 星期日８月８日和朋友到了荃灣寶蓮素食吃了自助（其實應叫任點）晚餐我們一共五大一小埋單$454！（大人68元、小童42元加埋茶介及加一喎） 由六時半吃到八時半！共吃了十九碟十八款（有一款好味咪來多一勻！吃到肚滿腸肥！但因份量剛好故冇浪費！ 上菜也算快因那天滿座！好彩有訂位！地方算整潔但較狹窄，洗手間就..扣分了！不過始終地舖地方有限，算吧！Ｄ餸菜上檯仍熱騰騰！應是即叫即做。新鮮喎！可惜由第一輪（每次落order四個菜式）至第五輪也沒有五柳仙斑！但又沒說冇得供應！追過兩勻均沒下文！好彩Ｄ待應好好禮貌，咁忙都招呼周到，保持笑容！否則呢....等我記下食咗咩： 1雜齋 2.紅燒桂花翅 3.椒鹽炸豆腐 4錦鹵炸雲吞. 5.雙菇炒時蔬 6金菇西蘭花 7西湖牛肉羹 8咸魚粒炒白菜9枝竹金菇鷄片 10黑椒豬扒 11.什菜沙律 12 波蘿咕嚕肉13醬爆雙魷 14醬爆茄子 15腰果炒肉丁 16什錦炒飯 17五柳炸芋塊 18化皮炸雙拼Ｘ２次。

當睇見英釗聯個TOPIC時，即時知道你們是在我們坐位附近。本來也不以為意的，因見只有4個人坐在一張近收銀嘅細枱，但後來見你有家人(朋友?)到達，足足10個人但仍然安排坐在那張細枱，真的是太過唔合邏輯，何況當時人又唔多.....好，應該輪到自己講啦。自己幫親呢個齋舖大大話話都有6,7年，由以前要排隊等食到依家決定唔再光顧。其實一早都覺佢地服務態度大不如前，但係一來就腳，二來食品尚算KEEP到，加上幫親咗咁多年，所以都唔計較咁多喇。但今次真係好離譜，由開位坐低至開茶，正常都會有D小食好似菠蘿咁，我唔係志在碟菠蘿，但唔好點我呀，問完一個話轉頭，等咗陣，問另一個又話等等，好, 又等，再問第3個又話即刻到.....結果到我埋單都見唔到碟菠蘿。Order 咗羅漢齋炒面---無味; 豉召排骨炒河變咗炒面，我地話整錯，仲要凶神惡剎咁好似我地叫錯，睇完單晦晦氣氣咁拎走碟野; 當時如果唔係有老人家喺身邊，我一定唔會咁容忍。開齋舖唔一定要信佛，伙計亦唔需要個個菩薩心腸，但作為一間食肆，基本嘅禮貌同服務態度都無，客人又點會再返轉頭.....

極不快樂的一個下午茶, 一家大細10人(包括1個不足3歲的小朋友)在下午2時到素食店進食午餐, 初初是給予最入房內的枱, 滿心高興的, 因天氣熱, 房內的冷氣大大的. 也在此時已叫了一碟小食. 因家人只來了4個人, 疑因客人不多, 侍應要求我們轉到近門口的一張枱, 但這張枱是酒漊給予6人的座位, 老闆還說這已是大枱足夠10人坐的. 當我來到時, 極感嘩然, 10人為何只給予6人的枱, 我們也不是一般的身形呢. 我跟老闆說了, 他的態度是非常的差, 還說這枱能坐10人. 心想你說坐多少人都可以了吧. 只看枱上的杯杯碟碟也放了一大半枱面了, 還沒放上其它食物呢. 最終我們也不能接受坐這張枱而轉到內裏的一張大小小的枱. 我心常為何這間素菜的老闆包括侍應的態度是那麼差呢. 我們也沒多說要在第一張枱清潔了杯碗後要求我們轉到另一張枱也清潔了杯碗後又再轉到另一張枱. 唉.... 想想算了吧. 我們也只是食完便走. 待應還在討論之前的枱可坐到10人呢, 還說這個不足3歲的小朋友要收茶位. 有這樣的服務態度, 我相信更好生意的酒樓也沒有這樣的事情發生. 我們只能說以後不會到此

因為係同男友媽媽食晚飯, 所以先會到齋鋪食晚餐.之前都黎過兩次, 對我哩位食肉獸黎講, 佢ge味道都仍然ok^^今晚叫左羅漢齋麵 同 八珍伊麵, 點知.... 原來兩碟ge材料幾乎一樣, 好彩有叫其他野食, 唔係真係...叫左個荔芋圈, 好味好味. 但大澳果間東方小祗園就更勝一籌.西汁酥素鴨, 多油左d, 同稍為唔夠脆.

今日送機去荃灣,搞左成個朝早,十二點幾個肚打晒鼓,星爺提意食齋.見餐牌有38蚊任食,心諗我地兩條友一定有著數.首輪叫左炒麵,炸雲吞,菇炒雞丁,炒麵好入味,雲吞就吾係好夠熱,但個汁好正.菇炒雞丁入面d腰果好脆.再叫左粟米粥,炒三絲同素翅,估吾到樣樣都有番甘上下水準,豆漿又好鮮味,冇糖架,好健康...下次帶妹頭黎食,佢一定中意.埋單連茶芥兩人共94蚊.好飽呢

好耐冇約班團友出黎食飯. 所以呢次就約在荃灣 " 寶蓮素食" 食齋我覺得裡面啲坐位比較迫. 而且服務員要叫好多次先有反應. 不過啲食物質數都 ok..以 $68 任飲任食呢個价錢真係唔錯架喇...又可以墳飽個肚. 都唔錯丫

2010年5月9日 ( 寶蓮素食 - 1 ) 寶蓮素食是荃灣區齋舖中的老字號，早年全盛時期，門前經常有着龍仔出現，此情此景，現已不再，久未到此，今天下午茶時段，我倆路過，不用等位，想吃點嘢，又不想吃太多，只要了粟米粥及羅漢齋麵。粟米粥配料有粟米、東菇、紅蘿蔔及生菜絲，味道好味。羅漢齋麵，賣相好靚，碟子原本也很美，可惜碟子崩晒邊，感覺打了折扣，配菜用上了草菇、雲耳、粟米芯、麵筋及白菜等來炒，質素味道也好，麵底香脆，芡汁好味，脆麵醮上芡汁，特別感覺美味。今餐味道不錯，服務一般，但總體感覺也不及當年好。

同傻baby兩個食...每碟份量好多,兩個人食唔到太多,如果多人食可以試多d~齋鹵味有咖哩齋,酸齋,素雞,齋叉燒等~好入味!炒貴刁有鑊氣但味道較淡酸辣湯足四個人飲,好大碗!幾濃郁!西汁酥素鴨我唔中意食,好油錦鹵雲吞凍冰冰的...連個汁都係凍的!金菇茄子好味呀呢碟!銀芽火腿三絲:賣相唔靚但估唔到咁有鑊氣!簡單得泥幾好味!素鰻魚我食到有鰻魚味喎咕嚕肉素肉既口感好似真既一樣,幾好味~

是日, 同齋妹行行荃新天地, 順道為下次為食入新界既event, 攞攞資料. 當大家行到2點幾. 是時候要進食了. 由齋妹帶領之下. 來到呢間我好耐冇黎過既齋鋪, 寶蓮素食. 多年來, 呢間傳統齋都推出齋菜buffet, 上次來, 是食晚市的, 味道不錯. 現在午市食, 選擇一模一樣價錢就$48一位. 咁經濟抵食, 當然人頭湧湧啦. 而且, 我們被安排了坐在通過廚房同後巷之後既新翼. 不用多同老侍應講, 一手在點心紙上寫下$48x2, 表示兩個浦飛. 而我們肚餓, 先叫下點心兩份. 一個係呢度做得非常之好既咸水角, 另外是一般非素食者愛食的齋鹵味. 咸水角, 當然同有肉碎既咸水角有分別, 外皮咸咸地, 裡面甜甜地. 而且又唔油. 這裡的點心, 大部份是蘿蔔絲做出的餡料, 用在不同的點心上, 奇怪地, 可以出現不同的味道. 而這個, 剛好在素蝦餃, 同素潮州粉棵體驗到.齋鹵味, 好開心的食到不是馬虎製作, 味精不重, 味道不太濃, 咖喱根能夠有咖喱味而非純純的一個辣味. 素雞皮脆肉腍, 齋叉燒夠爽, 其他麵筋都能突出其醃料既味道, 不是純味精味. 幾好的.來了一些沙律. 係一間咁傳統既酒

其實係45元任點任食...( 36元+5元茶錢,再加1服務費....)任點任吃40款小菜..真係超多人呀..超嘈全是家座主婦.............果日都係在眾安街附近找找有無清淡的粥店have lunch..點知有幾間又覺得麻麻地所以決定試下黎呢間齋店食齋吧...其實鋪位唔係好大...仲之坐得好迫啦講起服務態度..真係幾差..特別係個男的!叫個女人上豆漿,杏仁糊,我都未講完仲要閃開左囉..又唔應人wor...點知之後又扲豆漿上桌....呢種服務態度,係此餐廳特色嗎??.....無言 杏仁糊都幾滑~正的!! 挺仔粥真係too bad..完全係米+水囉.... 有菇,榣柱,花生,生菜...唔太似尤魚的尤魚... 金菇茄子,係呢碟叫做ok 真係好味,唔係齋茄子,係真正的茄子來的.... 八珍豆腐,,都唔係豆腐黎ge...係麵筋,仲要唔好食 有d雜菜粒,,,,不過估唔到呢間齋鋪,係用呢d齋黎裝作豆腐呀,肉之類.... 蝦仁炒帶子..真係超bad!! 麵筋蝦...仲要d顏色又怪怪地...淡粉紅色=3=......不太尋常...我都唔知自己食緊d乜野呀..可能唔係麵筋都唔定...d紅椒好鬼辣

諗住慶祝朋友生日,就佢去食素食, 聽講這間店,好似話多人去,咩去試下 law, 點知去到未坐低, 巳經有人講 -- "幾多個人呀? 仲唔快d坐低? 一陣冇位唔好怨呀!" -- 好似講到唔憂冇生意做,唔食係你既損失 ~~ 我地見來到咩照坐 law, 叫幾次先有人應我地點菜; 試完之後覺得碟碟味道差唔到; 而且冇出面一般齋鋪款式變化咁多, 而且好多款都加左少許辣椒上去, 如果唔食得辣既人會比較"辛苦" ; 服務態度仲差過大排擋, 個個好似黑面神, 完全冇笑容, 更加到d待應好冇禮貌, 好冇耐性, 見到其他客諗耐少少,就"話"d客--"小姐, 麻煩你快少少,我地今日好多人,你見我地仲有隔離個台仲等住我地招呼" -- 我見到個女仔當堂呆左一呆 ~~ 咁都得? 加上有個帶眼鏡既阿伯都又多野講,我地只係想食野,冇興趣同佢傾計, 點知一同我地點菜既時候就好吋咀, 我先了解咩叫"倚老賣老" 教訓人, 我地都比佢吋, 不過我地冇得罪過佢咁既價錢, 咁既質素, 真係連大排擋都不如 !

買菜期間心思思的來買蒝荽餅，因為快到浴佛節不知還供應多久..所以每樣味道都買了一個~賣餅的呀姨見我只買蒝荽餅便好奇問我：為什麼你懂得買這種餅呢? 她的樣子帶有一點驚奇哈......其實都是上網學知識而已~三種味道分來吃~原味是最清甜的，豆沙是最甜的，但帶有一點流質，奶黃比想像中幼滑而且不太甜，最喜歡這個~p.s.蒝荽餅在市面上的價錢和質感都有不同...這間看上去是比較軟身~有興趣的可以試一試