寶膳美點火鍋小廚 (已結業)

做野經開麗瑤呢個小區 隨意入左間好local 既餐廳入到去見到好大一家大細食早餐而且店員好熱情同佢地傾計, 感覺幾有人情味。我叫左沙牛通腿蛋配牛角包 飲熱央沙爹牛肉份量都唔少, 口感調味唔錯熱央夠熱, 茶底不錯對我黎講早餐既野飲好重要, 呢樣絕對係精神食糧👍🏻食完早餐都見有唔少人開始叫午餐食, 見到佢地有得揀中湯同西湯, 午餐既賣相都唔錯, 下次會想再試午餐!

一直支持鴻發，不過難敵場主，房委漏洞，唯有去寶膳，新推港式下午茶不錯，如果再多選擇更好，脆豬不錯，老闆像是新接手，滿好相處，是香蕉，一定支持👍🏻，食完焗飯，老闆健談，接受意見，由於邨中真是選擇不多，希望有新變動，由其早餐及晚餐上，晚市的炸薯牛柳粒，是推介的，另外燒味上叉燒香口，如果再減價就好了。

今日喺呢間茶餐廳見到一個好耐冇見到嘅嘢食就係，什會炒河！！！什會炒河，平時喺茶餐廳真係已經買少見少所以見到有就一定要叫嚟食，就係以前嚟講呢一種什會炒河都要喺飯店或者大酒家先至食得到嘅，所以茶餐廳有就真係好罕有，係必食！不過咁樣，有得食唯有得食又唔代表係好食，呢度炒呢碟什會炒可以認真唔夠正宗，因為什會炒何必有嘅就係豬膶、魷魚、豬肚、而且應該仲有少少芽菜咁樣， 但係呢度呢個什會炒河就認真唔夠料， 味道同傳統嘅什會炒河，相差好遠好遠

有個好出名嘅 DJ 鄭子誠，曾經講過，豆腐火腩飯係男人的浪漫，計我話呢，人類唔應該分男人同女人，所以係冇分男人的浪漫或者女人的浪漫。我向來就鍾意食豆腐火腩飯，咁樣係咪應該叫做女人的浪漫呢，不過的的確確踎茶記食佬飯係一件好浪漫嘅事，呢一種浪漫唔係嗰啲淨係識得著高踭鞋，拎住手袋仔去 high tea 嗰啲女人仔所能明白到嘅。今日我又叫咗個豆腐火腩飯嚟食，呢度啲飯好大兜，我意思係好多白飯。個獻汁好咸，啲豆腐炸得唔係咁好，火腩都係好咸，味道上面其實一般般，不過都可以收貨嘅。呢度杯凍檸茶就認真掂，茶底夠香濃，好啱我口味。