宝发食馆

早幾年港人喜歡上深圳消費，貪其兌換價有著數，時移世易，一百港幣只兌得約八十人民幣，難怪有歌仔唱：「人民幣，係最威！」這天與太座上深圳辦點事，又走入向西路八卦完後，回程前想在樂園路的海鮮酒家吃晚飯，但看整條街都有海鮮檔在門前，不知去哪一間好？在附近的影音店老闆介紹我到這間「寶發」。在門外選了些海鮮後，便入酒家等開飯。這晚差不多座無虛席，點了壺普洱，索價十二元，用金色茶壺盛著，茶湯色澤如琥珀，甘香順滑，飲後令疲乏的我們感到舒暢。侍應介紹門外用巨罈烹燉的老火湯，唯不想喝得滿肚水，便不打算喝湯。先來的白灼海蝦，爽口彈牙，隻隻新鮮，二人吃半斤剛好。粉絲蒜蓉蒸小象拔蚌，不知是火候問題或是其他，肉韌，鮮味也欠奉，像吃橡皮膠，蒜茸和粉絲也不好吃。蒜蓉炒菜心，侍應送來時，碟邊貼了一貼紙，寫著：「五號師傅為您服務，吃得好請告訴您的朋友，吃得不滿意請您告訴我。」是信心的保証？菜心非常新鮮，炒得爽脆和夠火候，真想吃多一碟。果皮蒸泥孟，魚味不彰，肉質鞋，果皮味近乎零，下次試其他魚較好。賬單有齊兩種貨幣的價目，付賬用港幣或人仔，悉隨尊便。…查看更多

與2兩位兄弟約好到深圳在東門行街(買模型) & 按摩 (鬆一鬆). 當然要搵晚飯食. 大家都想食海鮮, 我當然選樂園路, 因為夠多間選擇, 上去次前也當然做功課, 邊間最多人評價, 就是寶發食館 .菜式如下:1) 啫啫介蘭 (必食)2) 白焯河蝦 (普通)3) 潮式庵司奄(唔怕就一定要食,我自小就食, 所以一定叫)4) 陳皮蒸鮑魚(抵食)5) 紙包骨 (一般)6) 豉椒炒花蛤(冇位放相)(都係殼多過肉)7) 牛油薄餅 (超香牛油) & 蒜香薄餅 (佢超多蒜, 好似食法蒜蓉包一樣, 我的朋友就覺得OVER了,太多蒜)8) 蒜蓉蒜扇貝 ($1/隻, 但超細) 9) 蒜蓉蒸生蠔 (普通野)10) 黃金焗肉蟹 (其實大陸食蟹唔抵)…查看更多

樂園路裡 ,算是 人氣最旺的一店, 次次去都人頭湧湧要等一輪位置.必叫四寶:*豉油王鴨舌*啫啫大魚頭煲*蛋白菜頭炒米粉*生啫芥蘭海鮮都抵食ok, 但唯獨唔多鍾意佢地椒鹽既煮法.…查看更多

尋日(26-9-2009 Sat)唔想o係屋企虛度光陰,咁o岩,.爸爸又要為鄉下個鄰居帶藥,順便同佢返去行吓,順便o係深圳食埋晚飯至返o黎啦,男友又o岩o岩o黎到我屋企,於是就一齊出發.到傍晚,爸爸話搵親戚ZSY一齊食,佢都o係深圳,咁就一齊食啦.佢帶佢一個仔o黎,而且地點又係樂園路o既呢間.匯合o左佢後,我o地7:20pm到o黎,都幾full,但幸好有一枱客o岩o岩埋單走,我o地今次叫o左:7. 潮式庵司奄上次6月份o黎食時,已經叫個,但見ZSY又叫,且唔想推佢,就叫啦,o黎到,同上次一樣,都係都係生生地,一樣有鮮味,仍屬可以之作.2. 啫芥蘭鑊仔上,但唔太多菜,食到有腐乳味,OK o既.5. 沙薑豬肚我都係唔好豬肚o既,不過一場o黎到,而且ZSY都叫o左,就試吓啦,咦?!又幾好味喎,豬肚唔腥同冇異味,夠爽口,沙薑味又夠,唔錯.:)3. 椒鹽茄子落單時侍應提醒我話辣,我問係咪好辣?佢答小辣o既,我話咁得啦,唔好太辣就可以.o黎到,賣相好得意,竟然唔係紫色o既茄子,而係米白色o既,有好多椒鹽,諗住一定好辣啦.撇開椒鹽o黎食,熱辣辣,但冇味o既,外面原來係一層冇味酥皮包住,內裡o既茄子好腍,就算我夾啲椒鹽o黎食都係唔夠味.呢個比想像人差.:(1. 西檸骨我覺得呢個酸甜度適中,算唔錯.4. 椒鹽瀨尿蝦都幾大碟,瀨尿蝦細細隻,呢碟o既椒鹽惹味啲,但瀨尿蝦肉質唔爽.7. 冬瓜盎其實開頭我叫川貝海底椰唔記得煲咩o既,但食食吓o野,侍應走o黎話冇.咁ZSY就叫呢個,呢個size雖然唔大個,但每人都分到兩碗,料唔太多,有蝦,冬菇,豬肉粒同腎,呢個又好熱辣辣o既,湯好濃,但我唔鍾意呢隻味.叫o左兩罐可樂一個白飯,呢餐$216.00.環境岩o岩呢張枱同其他枱o既距離都幾足,唔會背撞背,幾舒適.服務:今次比上次好啲,主動o左.…查看更多

今晚好多人,因為星期六呢~本想去第二間食,但朋友搵了張檯剛剛結帳,所以等了一陣就可以坐低了~之後點了例湯,乳鴨,涼拌海蜇,東坡肉,芝士焗西蘭花,椒鹽瀨尿蝦,"司蛤",蒜蓉蒜扇貝,避風塘炒蟹,揚州炒飯~以為他們點"司蛤",來到時原來是生食的...呆了...司蛤今次點錯了....原來是生食的....因為衛生的關係,還是勸大家都是不好點這個了~內裡還有血水的...嘔....朋友話呢d先爽口,可惜我唔識欣賞....唯有叫侍應烚熟(-20分)涼拌海蜇真係幾正,辣辣地,海蜇好爽脆,正!!!(80分)乳鴿都不錯,$18很大隻,但跟香港的價錢差不多~(70分)芝士焗西蘭花都ok,好多芝士,好香濃,不錯不錯~(70分):)東坡肉我就覺得麻麻地...好多肥肉,惜食的可能覺得好正(40分)椒鹽瀨尿蝦幾正,都算大隻~(70分)蒜蓉蒜扇貝平靚正,只是$1一隻~但細隻左d~(65分):)避風塘炒蟹,廚房炒錯了辣椒炒蟹,之後叫人換過,再炒過出來後,太乾了...但好辣....$200兩隻蟹無肉食,我個人覺得唔抵.....(50分):(揚州炒飯麻麻地.....不是跟香港的炒飯一樣炒法,但可以接受到.....(60分):)例湯普普通通,味精湯(50分):(這裡的檯真的很狹窄,而且又多檯....有d還要檯疊檯.......搞到都無咩位行.....服務就麻麻地,不過勝在夠平就真~所以大多數來幫襯的有70%係香港人呢~大家可以去試試啊~…查看更多

上個星期去左寶發食晚飯... 好有期望... 聽講唔錯...食完覺得一般...1. 蒜蓉粉絲蒸扇貝: 細到見唔到...2. 蒸墨魚: 超腥... 嘔晒出黎...3. 薑蔥炒蟹: 一般...4. 蒜蓉蒸開邊蝦: 好細隻...5. 陳皮蒸鮑魚: 呢個正...6. 蒜蓉蒸生蠔: 好味... 但蠔殼系Recycle的...7. 炒通菜: 好味...8. 九肚魚: 公仔noodle味... 唔得...9. 西瓜汁: 超假...走個陣, 系門口玻璃窗見到d廚師系度Recycle蠔殼, 唔怪得一食完蠔殼就立即俾人收走... 其他殼又唔收wow...…查看更多

今朝剛同一個大前天從澳洲返來的老朋友食完早餐 , 佢第一時間問我有無去過深圳海鮮街食海鮮 ( 佢所指係深圳樂園路 ) , 仲馬上滔滔不絕大讚樣樣海鮮都好新鮮 , 即叫即蒸 , 而且價錢簡直係澳洲嘅五分之一……:). 跟住我就問下佢最後俾邊間阿姨拉咗入去食 , 佢就唔係好記得個名 , 不過就攞咗包用剩嘅紙巾袋俾出來 , 才知道原來就係最多上開深圳玩嘅港人落腳飯堂樂園路寶發 :). 唔難明白點解寶發叫港人飯堂 , 兩層樓高 ( 二樓有露天位 , 夏天咪搞 , 有風扇都熱到滴汗o架 ) , 好明顯十枱有六枱係香港人跟國內朋友開緊餐 . 呢到點解吸引到咁多港人幫襯除咗海鮮夠平夠新鮮之外 , 佢地嘅各款小炒 , 燒蠔同老火湯都非常OK . 個人推介海底椰煲廋肉 : 湯味濃夠火侯 , 少味精飲完唔見太口渴 , 如果2 至3 個人叫半煲就可以 ( 價錢都係收一半 $34蚊 ) 焯河蝦 ( 大頭蝦 ) : 蝦身中size , 肉質爽口 , 蝦味甜香 , 撞正有糕就更加 Very Good ( $ 48蚊一斤 ) 避風塘紅蟹 : 辣味算是中等火侯十足 , 蟹肉本身帶點甜味加上蒜香 , 辣椒炒到入晒味 , 好正 ( $ 38蚊一斤紅蟹 , 避風塘炒加5蚊 ) 紙包骨 : 肉質彈牙 , 味好濃 , D調味汁入晒落D肉內 , 好香 . 不過就好油 ( 注意 : 佢地係用釘書釘來封住D紙o架 ) , ( $38蚊 ) 西蘭花花枝片炒百合加腰果 : 西蘭花同百合好新鮮帶清香甜味 , 花枝片爽身有o趙口 , 腰果好脆送老青島就更加100分 ( $ 32蚊 , 腰果另加 $ 5 蚊) 啫啫芥蘭 : 如果食開冰震芥蘭嘅朋友 , 不妨試下今次用啫啫整 , 熱力十足 , 味香有咬口 , 絕對有另一種感覺 ( $18蚊 ) 油爆鴨舌 : 辣香味加上鴨舌嘅爽脆 , 雖然份量就少D , 但真係好正 ( $ 28蚊 ) 食後評語及注意 : -坐的士從羅湖火車站到樂園路約25蚊 , 巴士 $ 3 蚊 ( 京鵬大廈站落車 , 過班馬線再前行 3 分鐘 ) 晚餐最好6點半前去 ( 包括星期六 , 日 ) , 一般都唔駛等位同有電視機位小菜每枱一碟 , 每碟 $ 2 蚊 , 紙巾就 $ 1 蚊 , 唔要就即刻叫佢拿走就唔收錢帶紅酒唔收開瓶費 , 仲會幫你開無加一 , 不過埋單一定一定要睇單計數 , 我試過發現佢地兩次計錯錢o架食飽飽 , 可以行去湖貝路 ( 慢步約10分鐘 ) Face KTV 唱K再玩過 ( 好平 ) 羅湖關口收12點 , 玩夜咗就要從皇崗走 ( 的士約 $ 35蚊 ) …查看更多

尋日(9-6-2009 Tue)同爸爸,男友被親戚ZSY留住o係深圳食飯,連同佢工人一行五人,ZSY駕車,又係到呢條路,不過今次唔係湛江大鮮然海鮮酒樓,而係呢間.o黎到,都未full晒,仍有位,女侍應畀o左張八人枱,好大張.我o地叫o左:1.潮式庵司奄我第一次食司奄,原來要生食,不過工人話呢o度係整到七成熟.我覺得真係好有鮮味,同有好濃郁o既酒味同芫茜味,不過食得多就覺得鹹.2.台灣鹵肉半肥瘦o既鹵肉下面墊o左玉子豆腐,鹵肉好入味,夠腍,而肥o既部份都唔太漏,但味道又係偏鹹,而玉子豆腐係煎過,都幾香口,豆腐亦夠滑.3.茄子煲由於menu冇寫明係咪魚香茄子,我落order時問女侍應,佢答係魚香茄子煲,咁我就落order.食落,唔覺有鹹魚同肉碎,茄子夠腍,微辣.呢個只係好油o既茄子煲一個.4.椒鹽瀨尿蝦瀨尿蝦唔大隻,肉有啲梅,唔係太新鮮.5.紙包骨呢個做得好香,但太鹹,鹹到連食得鹹o既爸爸都呻鹹.6.蒜蓉蒸開邊蝦.雖然見到有好多蒜蓉o係面,但覺得唔多夠味,不過啲蝦係鮮甜o既.ZHY後加o既:7.蒜蓉生菜呢個同樣好清,但味道o岩o岩好.8.欖角蒸邊魚蒸得o岩o岩好,條魚又滑又鮮甜,不過食唔到欖角味.環境同服務都OK,冇問題.衛生:都係地下跣跣地.呢餐應該係RMB260.00…查看更多

約咗幾個義工去笋崗買文具,我就買咗3枝 MIFFY 塗改液,3枝6蚊,買咗膠水,釘書釘,墊手既公仔FOR打電腦時隻手唔會太攰,抵....買完,相約深圳朋友CANDY同佢老公,去樂園路既寶發食DINNER,本來係諗住對面個間舖架,點知無位,咁...我地就去咗寶發啦,唔好以為寶發冇人幫襯我地先有位,我地都等咗一陣架,大致呢條樂園路D食肆,都滿晒座,唔驚冇生意.大家入到店坐定定後,我同義工PIK PIK去咗點海鮮,我地選咗 鮑魚,扇貝,帶子,蜆,生蠔,5款貝殼類,另外再叫瀨尿蝦,白灼蝦,豆鼓鯪魚油麥菜.燒乳鴿,炒飯等等.再叫咗2枝青島啤酒.鮑魚6蚊抵食,用陳皮黎蒸既鮑魚幾好食,呢一味唔錯.....帶子,生蠔都OK,又係幾抵食,基本上新鮮既貨,唔係死既海產都好食啦,而炒蜆,蒸扇貝,瀨尿蝦,裡面冇乜肉架,可以唔駛叫,改叫其他既菜式豆鼓鯪魚油麥菜又係炒得幾好,冇乜油燒乳鴿,我唔食既,但聽我D FD講,D乳鴿都OK架.下次再黎,都可以再次選擇,因為6個人食咗咁多野,埋單都係310元人民幣,你話係咪好抵呢???…查看更多

上次上深圳食飯, 已係上年十月.手機內仲有d相同大家分享既.係朋友介紹, 才來樂園路呢頭食.行了幾間, 都係呢間最"似樣".又有電視睇, 又不用等, 入內坐先.8個人, 想叫海鮮, 出門外睇吓海鮮先.見d蜆幾正, 叫阿姐攞, 奇怪的現象就出現了.阿姐: "門口d海鮮係睇架.... 唔係食架...""你叫的話, 廚房有另外的..."吓?! 我真係再次孤陋寡聞呀... 算啦, 餓啦, 搏吓啦.叫了幾碟, 有相睇, 又ok 噃.芝士蠔正, encore 了一碟, 8人共食了兩打!啫啫雞煲都好食, 但好細size, 又係叫了兩碟.係細碟, 但又幾經濟, 8人都係食了約一千蚊.但"不能吃的海鮮"事件又幾難忘...…查看更多

和在大學三年間唯一認識到的好友到樂園路<寶發>食海鮮~~食左~~蒸墨魚: 真係好多墨汁架~~嘻嘻~~薑蔥炒蟹: 好惹味~~好夠鑊氣~~燒生蠔: 好香口~~加D蒜泥超刺激~~豉汁蒸帶子: 都幾新鮮~~好鮮味~~加個土"服"靈煲龜湯~~香港好少飲得到~~正~~再加幾枝"大老千"就一定架啦~~…查看更多

食完周圍行下check in下又到入黑，因怕人多老早六點就去到樂園路，今次試左一間叫寶發的海鮮飯店﹗懶人從來都係懶，揀海鮮交比老友負責﹗叫住啤酒飲住等﹗白灼海蝦普普通通香港酒樓貨色，細細隻咁無甚特別﹗豉椒炒蜆既味道幾鮮不過隻隻仲細隻過我隻手指甲，幾鮮都無用﹗呢個避風塘炒蟹係全餐重點，55蚊斤成三斤幾野$180﹗大隻鮮甜實淨肉厚，0的避風塘粒粒真係就咁食都唔過份﹗蒜粒辣椒永遠是我的最愛﹗食完友人仲話0黎多round叫多隻，不過想想下都係貴得濟少食多滋味卻步﹗椒鹽瀨尿蝦一向都係最麻煩的海鮮菜色，又難拆殼又少肉我感覺上就普普通通﹗一唔小心仲會拮傷隻手添﹗扇貝好大隻喎今次﹗就係叫一斤已經有八隻喇﹗成隻連埋0的粉絲蒜蓉放入口真係人生大享受﹗蟶子大隻好好肉﹗最緊要一樣野﹗就係無沙﹗無沙新鮮咩貝殼類都係好食的﹗精神分裂無人食我自己叫左燒蠔，10蚊三隻﹗味道少少腥不過絕大部份真味已經比蒜味掩蓋左喇﹗食足七味海鮮，捧住個肚走一人都係百二蚊左右﹗抵呀﹗來過呢條街幾次﹗呢間寶發被幾個歐陸身型的朋友評為樂園路最好味既海鮮飯店，大家路過可以試下﹗更多相:http://hk.myblog.yahoo.com/smallsmalllin/article?mid=1145…查看更多