影片
港铁大窝口站 B 出口, 步行约11分钟
继续阅读
电话号码
24190810
24190288
营业时间
今日营业
全日休息
星期一至六
07:00 - 19:00
星期日
全日休息
公众假期
全日休息
以上资料只供参考，请与餐厅确认详情
中伏post 喺荃湾揾食 谂住呢间属于打工仔饭堂应该几好味 而且之前呢度啲post都讲过OK 点鬼知离谱到 个猪扒公仔面好似落咗成包盐 大佬难食都算 你仲要猪扒入边 咁厚都可以咸到爆 然后炒饭另外一个食 话好似食盐一样 奶茶淡谋谋 柠茶又系 乜嘢新张期包嘢饮50 免费我都唔鬼食呢餐 了解过好似停过一段时间 系咪转咗手？如果呢啲打工仔饭堂可以做到咁难食 点做啊？呢间嘢永远永远 冇得食都唔会再拣 可以话系最难最难食嘅一次茶餐厅 离谱到不能再离谱
继续阅读
久仰大名嘅宝业食堂之前喺社交平台见到呢一间可以转任何饭面底嘅宝业食堂，好耐之前已经谂住去试，但系上一次去到竟然喺门口有个告示写咗因为业权变更而需要停止营业，真有啲唔开心。咁啱早两日又行过食堂门口，发现佢竟然重新开张，仲有新张优惠所有炒粉面饭都系$50仲送冻热嘢饮，即刻入去试吓我哋嗌咗鼎鼎大名嘅干炒牛肉通粉，同埋粒粒午餐肉炒通粉。因为两个炒通粉都系差唔多味，净系有slightly different ，所以一齐写。佢除咗主菜之外，佢仲有芽菜鸡蛋同洋葱一齐去炒，两个炒通粉都好有镬气，炒得好干身好入味。$50嘅价钱嚟讲我觉得系一流，不过佢唔算好大碟，如果一个成年男子嚟讲可能会有啲唔够饱。
继续阅读
宝业食堂(荃湾)荃湾沙咀道395号地下早餐经常都会食，但小有食到好味就好难得，位于工厦食堂，平靓正鲜茄浓汤鸡丝通粉 $33转出前一丁 加$5冻饮 加$3小有食到蕃茄汤真系好浓稠，鲜茄熬制，特浓蕃茄汁挂系面条上，非常入味，鸡丝又鲜又嫩滑，汤都饮埋，成碗清哂。天上个太阳已经够猛烈，我再加多两个，呢两只太阳蛋煎到脆边又香口，蛋黄又大又圆，够哂猛料。多士即叫即烘，牛油搽适量，香脆可口。大大杯冻柠茶，茶底够浓够涩，啱哂我口味一早食到个咁精神嘅早餐，心情靓靓，真系Have a good day😊
继续阅读
呢日有事嚟咗有好多工厂大厦嘅荃湾呢一边，处理完事情之后，谂住简简单单食啲嘢，路过呢度，见到有呢间食堂，咁就决定简单快脆食个 early lunch😆「星洲炒米」就周围都有得食，「星洲炒伊面」就稍为少有，喺呢度见到就决定试吓，$52 嘅「星洲炒伊面」跟餐包「咖啡戓茶」😋「星洲炒伊面」劲大碟，好似座小山咁🤩，未食晒已经超饱🤣；跟餐叫咗一杯「热奶茶☕️」，几香滑🤩；饮完再嚟多一杯 $14 嘅「热咖啡☕️」🤩
继续阅读
再次做完瑜伽今次试下宝业食堂，黎个快Lunch.我食左常餐沙嗲捞猪排公仔面配火腿奄列，牛油多士奄列我觉得好好食真系细个食嘅味道一切开奄列，蛋浆就流出来，火腿丝份量都几多牛油多士烘得香脆，够多牛油沙嗲捞猪排公仔面个人黎讲沙嗲汤面好食啲猪排腌得好食我最喜欢的食物是葱油炸鸡脾太阳蛋饭葱油够多，豉油较到甜甜地唔会死咸炸鸡脾做得好好切开肉质好嫩滑，仲有肉汁连白饭都系粒粒分明呢个餐我大推荐！今次用咁平价钱食到出色葱油炸鸡脾太阳蛋饭我觉得十分惊喜
继续阅读