寶哥上海味館 (已結業)

包點確實在比其他厨點做得出色金沙青小籠包 $25/4隻外皮觸感有點滑, 皮身不算厚, 連打結位都算是軟身的, 輕輕一咬, 充滿肉甜的湯汁盡瀉；金沙青屬豬隻的什麽部位, 在網上很不容易才找到原來是「豬的腿筋部份, 一頭豬只有四隻」, 難怪肉味是那麽的濃。棗泥拉糕 $12 ... 新鮮出爐時會好軟身, 待冷後會慢慢地轉硬, 糕粉味道頗重而且甜度也高, 可是棗泥味道屬輕微, 觸不到神經寶哥牛肉包 $18/2隻 ... 外皮煎得鬆化脆口, 不會一口乾 牛肉餡只得小小的一件, 但是牛肉帶根勁, 胡椒味重, 一點也不糊, 肉湯濃甜, 謹記要小口小口的吃, 若不...後果自負檸檬薏米水, 跟招牌東坡肉飯送的, 杯子已經細可是侍應生都只會倒半滿, 証明店家真細心, 生怕各食客要時常上廁所(檸檬薏米水有清熱利尿, 去水腫的效用, 薏米據說還有美白之效。)招牌東坡肉飯 $36 ... 送一客蒜蓉四季豆, 四季豆清甜爽脆, 多汁, 用了大量生蒜蓉來撈起；白飯粒粒分明兼軟熟, 飯面那一把原條帶根大豆芽菜, 鹹鹹地脆脆地, 好送飯 不過主角東坡肉就......東坡肉的醬油濃甜但不涸喉, 用五花腩部位數得出一層肥膏、一層瘦肉, 可是那磚一開四的東坡肉就燉得未夠時間, 味道還沒完全透入豬肉內, 豬膏雖不膩但型像上、味覺上都不夠透澈, 豬肉質感有點嚡, 肉纖維粗糙未能去到鬆化階段；睇外貌就見到顏色深但是內裏都是白白淨, 無入味。秘醬三絲冷麵 $32 ... 麵條涼涼的、腍腍的, 麻醬濃味到偏苦, 非常普通的一味食品, 唯一要讚就是青瓜絲夠新鮮、多汁…查看更多

點左個花鵰雞麵，大失所望D麵正常，份量不算少問題係D雞，無酒味，唔嫩滑，又無肉雖然話加５蚊可以轉脾，但估唔到無加錢就只得一隻雞翼，同埋少少無肉得層皮的雞胸囉！店員禮貌同環境都ＯＫ既，不過應該未必再黎了！…查看更多

星期日沒有下午茶餐,原先$22連飲品的担担麵,散叫麵$28。担担麵,湯不夠麻醬味,肉碎也像後下,完全肉還肉;湯還湯。湯身沒有漿力,麵便吸收不到湯的味道。唉….講起麵條,竟然是未熟透!有點”生骨”。很差勁呢:(!!青沙小籠包,味道雖然ok以上,但賣相硬是怪怪的,圓圓矮矮的。皮不至於很薄,但肉餡不夠鮮肉味。一心以為小籠包如”翡翠拉麵”,而且見很多食友,也讚。但我真是覺得麻麻喇。…查看更多

經常係荃灣出沒覓食，今晚同大少左諗右諗，都唔知食咩好。本來想吃對面的一品雞煲，但係我唔想等，見到呢間係食上海野，我地都想試下。晚上8點左右，完全係唔駛等位，一入舖就坐低。我地兩個見到點菜紙，非常興奮，一份醉雞都係30元，酸辣湯12元，醉雞蔥拌麵35元，好平呀。兩個人都好貪心，左思右想，點左勁多個菜：醉雞拼蔥拌麵成七、八件雞，比係尖沙咀食一份5X元5小件的醉雞，呢度個份量算係多。雞肉唔係好上色，本來以為唔係好入味，點知又幾有酒味喎。蔥拌麵O既豬骨湯好香濃，唔似一般撈麵的味精湯。35元有呢個質素同份量，GOOD!酸辣湯呢個麻麻地，無咩配料，芡太厚。煎窩貼2隻熱辣辣上枱，個底煎到好脆，大少一食，D汁忡噴到一枱都係(好彩無噴到我！) 佢好LIKE呢個窩貼，因此仲想點埋黃金大餅，但係心知食唔晒，放棄左！難得無咩油係碟底，讚！雞絲粉皮無太多滯住個胃的醬，大少快速地KO了大半碟。棗泥拉糕又係熱辣辣咁上枱，有四件，疑似老闆的男人仲教我地等佢凍少少先食！無錯，凍D口感更加煙韌，唔太甜，表面仲有少少棗蓉，好味。豆漿薏米(熱)甜度適中，LIKE!檸檬薏米水(熱)都OK，清清地可以消滯....我地會再O黎試佢其他飽點和上海粗炒！…查看更多

行過見唔駛等位就試下啦, 點知就出事 :( 兩個人叫咗 : 紹興醉雞飯(轉菜飯) $35數得出得7件雞, 除咗三件係雞翼, 其他係雞背, 講真味道係OK, 不過太少喇至於個菜飯就非常非常非常之唔得 第一, 碗飯本食已經唔熱, 第二, 一D味都冇, 同食白飯冇分別(但係菜飯係要加$3 ), 而最大問題係菜飯中的菜, 有D係已經變黃咗! 令我覺得佢地係將D隔夜飯"no"埋D新鮮的飯再買過 鎮江小排骨 $28又係唔熱 點解? (有冇人可以話我聽, 鎮江小排骨究竟係熱食定凍食??)仲要用個碗仔上而唔係用碟, 我同老公都O咀大排擔擔麵 $35個湯似清湯, 完全冇擔擔麵應有嘅味道, 唯一可取係, 終於有樣野係熱的!!大排新鮮炸起, 但味道一般招牌小籠包4隻 $18唔記得映相, 但呢個係我唯一一樣野覺得係好食 埋單$116, 講真係唔貴(如果同同類的店比), 但以咁既質素黎講, 我覺得唔抵食另外, 呢度D員工真係好似游雲一樣, 好似完全唔知自己做緊咩, 坐低水都冇杯, 小籠包黎咗又唔比薑絲人, 要我望咗好耐佢地先識拎比我, 如果老闆見到我呢個食評, 唔該你再培訓下你D員工啦 :(題外話, 食完之後睇返其他人D食評先知原來個老闆係王家沙的前副總廚, 我去食之前都唔知所以對呢間野冇咩祈望, 但結果都令到我好失望, 如果D人係抱住祈望黎食, 我想佢地一定會超失望 :(…查看更多

途經眾安街搵食, 見到了一間開張不久的上海小店, 店面裝修得不錯, 價錢不太貴. 於是入內試試生煎飽及鍋貼: 即叫即煎,上桌時熱辣辣, 一囗咬下包皮軟熟，包底夠脆, 肉汁豐富, 感覺不錯.:) 值得一譖是店內的包點可以每隻計,適合人數少及胃囗細的人可多嚐幾款.口水雞份量不多, 麻辣味道不夠, 普通招牌擔擔麵: 試第一囗的感覺是麻麻地, 麵太硬了, 湯不夠濃, 辛辣及芝麻味不足, 但麵放了一會後, 麵與湯融合一起, 吃下去感覺還不錯:)2人共吃了76元, 抵食.此店飽點的水準比飯麵好,期待下次再來一次嚐試其他包點…查看更多

行過荃灣見有新上海菜打算一試, 點知超後悔叫左所謂招牌担担麵+小籠包+豆漿。個麵真係好淋,湯底得個辣字, 冇乜花生同肉粒小龍包算OK,不太差.食完見口喝叫豆漿(冇看餐牌後加), 一支豆漿$20.....一支出面賣$10蚊既豆漿係賣$20以後都會再去!!…查看更多

某日在等候剪頭髮的期間，拿起理髮店的雜誌瞄吓，見餐廳林立的眾安街又開了新的上海小館子，並且是讚得天上有地下無，有冇咁犀利? 馬上抽時間去一探究竟。隨口叫了些小籠包、生煎包和窩貼等，再加個冷盤及麵條，大概都夠了。小籠包皮偏厚，叫做尚且有點汁，勉強可以收貨；生煎包賣相歪歪斜斜的，肉不鮮，反而包皮軟熟，底夠脆；窩貼的水準跟生煎包差不多。冷盤點了醉雞，酒香明顯不足，好在雞肉不會嚡口。稱之為招牌擔擔麵，麵條欠缺彈性，芝麻醬味不香不重，卻又不是麻辣的板本，難以令人滿意；至於排骨蔥油拌麵，既沒有蔥油香，麵條又乾又稔，要撈湯吃才好一點。排骨更加是比我的荷包更乾，蔭公。或者係新開張未跟得上，希望會有進步吧！…查看更多

因睇完一本飲食雜誌介紹荃灣有一間新開的店舖，其小籠包及擔擔麵做得很出色，那決定放工後一試。去到店舖門口，已見6-8人在等位。店內的環境頗為逼，我被安排坐在角位，沒什麼空間，好像被困似的，其實在這裡用膳亦冇得坐d。我們點選了：小籠包醉雞生煎包窩貼擔擔麵食物好快到，見食物的賣相都OK，先食件醉雞，唔夠酒味，亦無雞味:(，小籠包尚算有汁，但只屬一般;生煎包同窩貼外皮略厚:(;最差的可算係碗擔擔麵麵條冇彈性，肉碎亦極難發現，湯只有辣味，唔覺有花生味。總括來說，價錢跟食物質素不符，在等車回家時已十分口渴，我估落了不少味精，我唔會再幫襯。(失望+貨不對版) X 10,000…查看更多

這是第二次到這裏用膳,第一次在2011-6-3,現場環境冷氣是不夠的,因是開放式廚房,門口位置是蒸小籠飽,煎飽及鍋貼,最入位置是其它工序廚房,所以在中間位置的食檯的冷氣是不夠的.這裏的鍋貼很好吃,咬開後肉汁四濺,生煎飽都好,但不及鍋貼.小籠飽皮薄多汁,以荃灣區計,鍋貼及生煎飽每個$3.50及小籠飽$18.00(四粒),不收加一,是非常低.三絲冷麵如果醬汁可以多小小就最好,口水雞不太辣,手抓餅香脆可口,豆漿好飲但$9.00略貴,侍應服務太慢,有待改善.我希望第三次去會好一點,同時再嘗試她其它特式食品.…查看更多

上星期睇到飲食雜誌介紹荃灣新食店,身為荃灣友梗係去發掘好野食啦......一入去唔使等,坐到全場最靚嗰四個位(單邊,唔使背脊貼背脊)野食選擇都唔算少,叫咗招牌小籠包($18/4pcs), 窩貼($3.5/pc), 三絲粉皮($25), 大排麵($32), 雲吞湯麵($28), 東坡肉蔥油拌麵($36)呢碟賣相呃得下人,味道正常, 有啲花生醬味咁囉跟住黎碗麵, 一睇個樣就知出事,直頭feel到佢啲麵條又"淋"又粗!湯底亦唔掂, 點都唔信佢係上湯餚製,仲跟碟乾柴柴既叉燒添=v=有無搞錯呀老細?!我係叫豬扒麵喎~~~宜家食分子料理咩=o=小籠包都叫做有啲汁既,但層皮就點夾都唔會爛囉=o=平時食小籠包要小心奕奕咁夾,驚佢漏汁出黎架嘛......寶哥啲小籠包就厲害囉!你夾住fing幾野都唔爛!!! 讚!!!…查看更多

見到周刊介紹，講到咁正，諗住去試下，但係未食已經一肚火！！！企喺門口等，無問題，坐低淨係等人嚟抺枱同收單(自己點野食)，都等得耐過等枱，落左單，又係另一個「等」！收單嘅時候，佢明明逐樣點過，過左10分鐘，個待應拎番張單返來五樣野得三樣落左單；最驚嘅係明明數人頭佢話：「3個呀。」返來張單人數係：「1」，真係撞鬼... 覆叫一次，又10分鐘，返來都係漏咗3個「生煎包」；再問，結果係「生煎包」已經售罄！喂，啱啱先見後面買外賣嘅人帶走好幾袋，過去20分鐘出嚟比咗遲過我到嘅外賣人士嘅生煎包不計其數，有啲仲係見住啲生煎包喺個碟俾人格梗拎左去做外賣，張單就再放過入廚房(真係唔好彩，我坐喺個Open Kitchen隔離)，你叫我點信你呀！？食到一肚火...食物就真係一般，叫左：生煎包(售罄)鍋貼：一般啦，唔係太油，但係個皮厚左少少，個底唔係好脆豆沙包：OK啦，同包點先生差唔多，個包面好食啲大排過橋担担麵：唔好食 NO Good~涼伴三絲粉皮：嘩...經典！暖嘅...有五香粉味(阿媽話係花椒粉...但係同五香粉無分別)...加埋嗰啲「花生醬」，食剩嘅就係咁...唔洗再去得二次...…查看更多

我從來沒想過一間要排隊的餐廳可以難吃得令人如此氣憤,沒一味菜可以稱之為吃得過,各包點類連皮也未做得好,更不要說麵類各粗幼口感,要蔥油沒蔥油,要酸辣沒酸辣,小籠包也不見得皮簿汁爆,加上每個服務人員也雲遊四海,任你老闆廚出自什麼世家也好,難吃到這個情況,簡直世間罕見 …查看更多

見到雜誌介紹，專程乘車到食店品嚐招牌菜,,,,,,,,,,,,,,,,,,,,,,,,,點知下午四時左右入到去，樓面有5人，食客10人，但無人執檯....都不緊要當落order時，選擇7樣食物有4樣都無，醉雞無、生煎飽無、鍋貼無、連招牌小籠飽都無、淨係得下午茶餐包飲品，點知連飲品檸檬薏米水又話無，最後焗飲豆漿:(好多客入黎坐得，又起身走la，然後一有客入黎，有員工就講:「淨得下午茶餐，其他無得叫呀」服務態度真令人我地落左order咪等食，但食物質素真係.................1.擔擔麵:好似白麵撈花生醬，無肉碎，有3至4粒炸菜粒......差2.紅油抄手:雲吞加少少辣椒，無生蒜無紅油豉油...差3.排骨麵:件排骨比較乾無肉汁......一般…查看更多

媽媽見係電話上網睇到又話咩王家沙既副總廚去坐鎮!又見係新開..於是就把心一橫去試去到就真係門口真係好多人..你知又熱..原本都唔多想等但見入面又好多人..而且衛生情況都幾好..感覺都幾舒服結果等左半個鐘!結果得黎就係一路食一路鬧!去食飯居然可以食到同隔離檯一齊鬧我相信真係得佢可以做得到!入到去..店員只係講:啦.你入去啦..去個條友度 (大佬..你間鋪頭都好多條友下喎?仲要個個都真係冇反應,之後問多次先有人有D反應叫我坐邊)D位真係好窄而且真係肥D都坐唔到..D檯又細張,根本唔夠位你放野坐低寫好紙準備比佢..一間食上海野既地方居然可以同我講冇豆漿...問佢仲有咩飲..佢話得汽水,,,真係已經扣分我地叫左以下呢D野食2隻窩貼2隻生煎包醉雞菜飯青菜雞燴麵酸辣湯三絲粉皮黎野既速度都算快...但其實坐既環境唔舒服都唔多高興..間鋪已經多人又係開放式煎生煎包個D..冷氣真係完全唔夠..SO SAD..認真個句..真係完全高估左佢..有幾樣野真係冇食晒..太咸了..價錢以中位食物水準黎計就真係OK但以佢既水準黎講真係不值!…查看更多