富雅海鮮酒家

营业中

休息中

看富雅的食評好壞參半，筆者久不久都會來西貢食海鮮的，曾到過幾次多間食店比較之後，近年就選定了在富雅落腳，原因好簡單，合理價。因為一不小心，海鮮也有海鮮價，想食海鮮，還是被人當作海鮮🐟🦐🦀飯腳們一向喜歡在海旁的艇家買海鮮到來加工，見到咩靚就買，買完就浩浩蕩蕩走進富雅，筆者只是負責食這部分，非常幸福椒鹽撻沙，佐酒一流，美味可口。椒鹽大墨魚，膽固醇萬歲豉椒蟶子皇，今晚㕑師重手少少，鹹味甚重足料海鮮湯: 由於今晚酒局，飯腳們都喜歡加插海鮮湯暖暖胃油鹽水花甲: 花甲肥美肉鮮甜豉油皇大蝦碌上湯龍蝦米粉底，主角並非龍蝦，而是米粉底，米粉九秒九掃晒椒鹽賴尿蝦: 鹽焗醃仔，醃仔開始屬於季尾，唔算太爆膏，明年請早筆者覺得醃仔比大閘蟹更為吸引整體來說，只要買得靚海鮮，其實邊間食店唔重要，只是來貨加工費合理便可

虾系死虾 螺系死螺 硬度咬唔到，又无送糖水，油菜话只有生菜，转头同人上通菜，无糖水话只有水果，叫上水果又话无水果，做咩生意。或者系专门虾游客或者年轻人，无水果仲要比人赶，black list certainly

行行下西貢想食下午茶，行到最入揀左食富雅，因為感覺上呢間餐廳比較老實，價錢貼地。勿怪我孤陋寡聞，人生第一次見同食跳螺，好鮮甜好滑好爽好好食！另一推薦爆膏膏蟹，師傅話揀左隻一定爆膏，完全冇揸流灘，真爆膏！我地叫師傅唔好斬件，直接原隻清蒸，蒸15分鐘。因為平時師傅都會驚比客投訴多數overcook，我地自己都煮開海鮮，唔想浪費隻咁靚既蟹，結果師傅有聽到指示，蒸出黎仲有流心膏，食落冇熟晒既實膏咁頂肚，肉又熟晒，簡直完美！

佢個$1488餐，除左白灼蝦同蒸魚食得落口，其他全部垃圾，一心帶親戚黎食飯，個個乸口乸面走😡😡😡😡😡真係果皮蒸鮑魚冇果皮味，薑蔥炒蟹蟹冇肉，龍蝦伊麵龍蝦又冇肉，最最最衰仲要係碟炒蜆，衰到冇人有，只有白灼蝦、蒸魚同生炒骨一般，奉勸大家咪中伏

要品嚐海鮮西貢一定係首選，在碼頭旁邊成條海鮮街任君選擇。行左成條街，其實價格唔係差好遠，只係睇食物份量和新鮮程度。行到最尾就揾到呢間，冇華麗的裝修，非常地道，生猛海鮮，而且有很幾圍大枱都坐滿，就知道唔會差得去邊。三人共聚套餐$540，茶芥加一全免，可以揀5個餸。最啱飲啤酒($20)。白灼海生蝦勁大隻新鮮，十隻都咁彈牙爽口。由於有幾枱大枱，上菜速度有D慢，食住郊外油菜西生菜先，油左少少，不過送的就無所謂。另送海鮮湯，有豆腐、白菜、魚腩，都ok，唔係味精湯，幾清甜。薑葱焗蟹有3隻蟹，分別大中小三個size，肉質都幾厚，與薑葱味道融和了，很惹味。清蒸海上鮮係原條倉魚，食得出係新鮮的魚才有滑溜的肉質，都幾大條。香蒜椒鹽游水墨魚，墨魚肉質滑，一D都唔韌，而且炸粉少，非常香口，火喉控制得宜，口感不錯。最後上芝士焗龍蝦伊麵底，龍蝦好大隻，肉質有嚼頭，十分鮮味。芝士汁較淡，有D似上湯煮，伊麵略嫌太結身，生粉水多左，如果多D汁令到麵唔會一餅餅咁。好有質素的海鮮餐，市區食肯定過千。仲有水果送，值得推介。

$1488套餐另加斑馬賴尿蝦，之前巳經覺得唔扺，這個先大件事，明明新鮮竟然黎到d肉係（梅），聽到隔離枱說俾換貨（賴尿蝦）、講好左加幾錢煮工、埋單時坐地起價，又漏單，仲反問返我地點解唔追，，菜單寫明有糖水，鳳爪，免茶加一，埋單才時說這些全冇母親節諗住開開心心食好d點知攪到一肚氣

卫生差，价格不公道，茶位费因人而异，还说信用卡要收手续费，点菜时的价格牌和收费的不一致，还不承认。这种服务态度体验很差，差评！以后不会再来了，建议大家也不要来了！

已經光顧這小店好幾年了，能夠保持一貫水準。之前吃過這裡的套餐，但還是自帶海鮮加工比較好吃。豉椒炒大蜆－夠野味，鑊氣夠。蒜蓉粉絲象拔蚌－生熟剛好，象拔蚌不太韌，正啊。蒜蓉粉絲豉油撈埋飯，一流。清蒸海臘－也是生熟剛好，魚蒸熟後保留了鮮味。很難得。豉油王海蝦－好香口。四碟加工海鮮，加一碟清炒白菜，共三百三十幾蚊。這裡沒有收茶錢，很公道。誠意推薦這家小店。

同事一個月前食過一位$180的海鮮餐大力推介，加上媽媽食過兩次都認為抵食，預訂了一行七人的海鮮餐。由於位置係西貢海鮮牌坊比較入，乘巴士可以係市中心前一個站下車行過去。剛好早一日颱風海馬掠過，晚上六點到未見太多人。大家心裡有猶豫打風怕海鮮唔新鮮。$180餐以人頭計份量，人數愈多菜式也會更多。個別海鮮可以換款，當然要同伙記問一聲啦。套餐之外加錢叫多一碟小食，大約四五十元 。雖然酒家主打海鮮，這碟沙薑雞腳好好食，老舖的做法非常入味。外層好爽口而家調味足，是是晚的亮點。白灼蝦比起媽媽上次來的明顯遜色，蝦身灰橙色可能死左一段時間，二來蝦的大小都細左一截。食落有點痴殼，蝦肉唔太鮮甜。女，但在接受範圍內。蒜蓉蒸象拔蚌都係細隻過之前，同部分有離殼現象。數量方面唔只一人兩隻，味道還好無食到沙。椒鹽鮮魷正！炸漿薄粉唔笠，師傅落油時間掌握得宜。魷魚肉厚軟綿綿唔霉，上面一大堆炸蒜蔥花撈飯好食，大家好快清碟。芝士龍蝦伊麵上次食係似波士頓龍蝦，全紅色細細隻的。今次可能因為打風拎唔到貨？換成有直條紋的不知名龍蝦，肉量少亦比較瘦削。餐廳有提供骨鉗所以食到大半份，放棄剩餘的頭頭尾尾。伊麵幾好食仲彈牙，如果多少少就更好！

之前同啲同事閒日來食過幾次都唔錯嘅。上個星期日晚同啲家人嚟食每人一百八十蚊嘅海鮮餐，白灼蝦夾雜咗啲白色殼嘅蝦，炒蟹啲蟹膏好似橡筋，桂花蚌帶子有啲係橙色嘅，椒鹽瀨尿蝦成碟淨係得兩隻食得嘅，龍蝦麵龍蝦好少肉。鼓油撈麵一個鐘頭之後先話冇，成餐飯食咗兩個半鐘頭。

碼頭買左蟹同魚，黎呢度加工，漁夫話呢度低食，我覺得係串通，加上見到隔離間野影都無，呢度就甘多人，兩碟$100加工費，錢唔係問題，等左成個鐘先上菜，問題係個薑蔥蟹炒得淡而無味得個油字，我覺得一個無咩經驗既人都炒得好食過佢，碟魚就正常味道，求其蒸熟淋鼓油，連上面d蔥都無淋，直接生既擺上去，無下次

星期六，三個人入左西貢食海鮮，係西貢碼頭漁船上買左鮑魚仔、瀨尿蝦、本地龍蝦、扇貝、西星斑～之後，就去左「富雅」將海鮮加工～鹽焗鮑魚仔：等左超耐的一首菜，但值得！超好味，因為鮑魚本身沒味道，但鹽引出鮑魚鮮味，而且鮑魚肉質彈牙不un,令人忍唔住一口接一口！椒鹽瀨尿蝦： 因為我地買到兩隻大隻殼軟又多膏的瀨尿蝦，用黎椒鹽就最正！外殼炸到岩岩好，裡面多汁鮮嫰！芝士焗龍蝦伊麵：芝士汁好水，唔夠杰，但味道不錯，伊麵普通～龍蝦肉質煮得都算幾好，仲好鮮味！蒜蓉粉絲蒸扇貝： 扇貝大大隻啖啖肉，但味道算ok,正常味道～清蒸西星斑： 全晚最正呢味！條魚煮得岩岩好，好嫰好鮮味！最正係d鼓油，好鮮甜不死咸，配埋魚肉超正！加工費加一碟芥蘭，總數$278，真係平靚正！買海鮮買左$1100，所以呢餐海鮮總共用左$1378！

當晚我地公司一行廿一人，包左兩圍枱黎到呢一間西貢富雅海鮮酒家，試完之後想強烈推介！首先講講個環境，因為我地係公司同事聚餐，所以都希望有個靜d既環境食餐飯。事前電話聯絡已經知道佢地有兩間大房，每間有三張枱，於是預早book定佢地其中一間房既兩張大枱，而當晚間房第三張枱都只係一家四口，所以環境方面一d都唔嘈雜，非常適合我地一大班人聚餐！如果大家去的話，一定要搵廚房大佬馮師傅！因為係公司活動晚飯，所以要睇住個budget，亦都因為咁，同廚房大佬傾個菜單傾左好多次，但係佢俾我煩左接近成個月都仲好好耐性！仲勁周到幫我地設計個菜單，好細心幫我地諗點樣可以抵食d！！亦都滿足到我地既要求，菜單有晒我地想要食既菜式！價錢方面，佢地比入選米芝蓮的平成半，但味道同事認為更佳！份量亦都完全冇打折頭，全部大大隻！睇下面d相就知！因為只可以upload八張相，所以補充下除左相入面既食物之外，其實當晚每圍仲有白灼基圍蝦、海鮮湯同埋兩碟菜，真係非常抵食！當晚餐廳其他伙計服務都好好！唯一不足係可能因為佢地太忙，所以當晚準備左慶祝同事生日既兩個天使蛋糕係需要自己問廚房拎，之後自己放d焦糖脆脆上去個蛋糕度同埋最後＂上菜＂。

今晚聖旦節同女友諗住去全記食海鮮. 可能因為入選米之連關係, 全記七點幾爆晒長龍. 之後就行入去食富雅.要了二人套餐, 送海鮮湯, 有鮮味, 應該冇味精. 食左1. 黎焦炎尤魚, 做得唔錯, 唔多粉, 尤魚鮮甜. 2. 炒花蟹, 有三隻, 隻隻有羔, 鮮甜3. 龍蝦E面, 唔錯4. 蒸好鮪, 好滑加送油墨菜一碟, 自己叫多白飯一飯, 啤酒兩隻(獅威). 埋單HK$334. 抵食. 女友也很滿意, 過了一個快樂聖旦.

母親的生日, 選擇到這裡食晚飯這是海鮮街最入的一間比較細的食店豉汁炒聖子皇－　好大隻同埋好鮮甜，豉汁同洋蔥都好好味油鹽水浸花甲－　叫左老板加辣，效果唔錯，不會過熟椒鹽瀨尿蝦－　都夠大隻，仲有蝦膏鹽焗重皮蟹－　細細隻不過肉就好飽滿薑蔥生蠔- 都ok清蒸星斑（接近兩斤)－　好大條，斤兩十足．蒸得唔錯清炒菜心－　都唔錯，睇相就知送海鮮湯, 西瓜可能因為店舖較細，餸上得比較好，不會一次過上晒．冇咁易凍