影片
营业时间
今日营业
06:30 - 23:00
星期一至日
06:30 - 23:00
以上资料只供参考，请与餐厅确认详情
亲戚多，家族大，一到大时大节就好多应节饭，相就影定先，有时间就会写吓，当作个记录。今次嚟到「富轩」做冬，一向以嚟都喺一手一脚由亲戚安排，我哋只需俾钱同帮手不停食，可谓了无牵挂尽情食。可惜，今次因为有啲亲戚去咗旅行，有啲病咗，唔算齐人，只开壹围半。环境格局就如一般酒家咁样，都喺灯火通明，正所谓做冬大过年，所以，第一轮座无虚席，但第二轮应该唔太多客，因为我哋食第一轮嘅，到8:00pm都无被催埋单。冬至晚饭全包宴分几个价钱：$3,688、$4,188、$4,888，预先落订金仲每席减$500，半席就减$200，讲明全包宴咁就梗系包茶芥加一，仲附送大支啤酒两支及汽水六罐。我同老婆就坐晌半席𠮶边，所以𩠌菜份量喺减半。上汤焗虾球伊面通常呢啲大时大节，枱枱都喺食套餐，理应材料啲预备、烹煮流程应该都有晒步骤，不过，实际就喺有咩出咩，先上场就喺呢道伊面。虽然喺半围份量，但份量十足，啲虾大大只，鲜甜弹牙，伊面无过腍，又煮到无碎湿湿。鸿运乳猪大拼盘 个人而言，俾我都宁愿拣大拼盘好过乳猪全体，有多啲唔同嘢食嘛！个拼盘除咗有乳猪，仲有海蜇、熏蹄、烧鸭同叉烧，质素就唔讲得话好好，但至少唔差。碧绿金钱鲍螺片虽然唔喺鲍鱼片，但啲螺片都炆得好够腍，咬落柔韧有咬口，而大大只嘅花菇好厚肉，口感软腍有菇香，用料唔失礼，底下仲有垫有唔少生菜。沙律盏天妇罗虾睇名好似好劲，不过，上到枱就鸡啲，一来所谓沙律盏其实只不过一碗仔沙律菜淋上胡麻酱，二来对比碟伊面嘅虾球，啲天妇罗虾真喺奀啲，咬落去变咗一半喺虾肉，一半喺粉浆，还好嘅喺唔太油。碧绿花姿兰花蚌鲍螺片嘅「碧绿」喺生菜，呢碟嘅「碧绿」就喺西芹，仲搭咗少少灯笼椒，加埋鲜鱿同兰花蚌炒埋一碟，清清哋都几好食。金汤海皇烩燕窝小弟戒食鱼翅，但好多时啲酒席、全包宴大多数都有翅，不过，今晚呢一道汤水就更啱我。老实讲，面头好似就一层层燕窝，但就真喺唔喺好食得出，海皇料亦唔见得多，但个汤头确喺几清甜。清蒸沙巴龙趸正所谓年年有余，蒸鱼菜式喺指定菜式，睇落已经觉得好够斤两，食新鲜鱼清煎就最好不过啦，搭埋少少葱丝，火喉又算啱啱好，肉质都颇嫩滑，又有鱼鲜味。富轩脆皮烧鸡全包宴去到尾声，烧鸡又喺另一指定鸡作，我哋喺半围，所以得半只，但斩得好，砌番晒个形出嚟。外皮金黄香脆，咬落肉质嫩滑，一啲都唔失礼。生炒腊味糯米饭老实讲，依家都好少机会食到真正嘅「生炒」，都喺煲好啲糯米饭作后期加工炒出嚟。啲饭烟烟韧韧，但就无一种炒到好爽身嘅感觉，还好腊味料都好多，食味唔错。大师糕点其实就喺杞子粟米桂花糕，晶莹剔透嘅桂花糕，糕身好清爽，确有阵阵桂花香味，加咗杞子、粟米粒，就增加多咗少少口感。其实我呢班亲戚对食要求唔高，志在过时过节聚一聚。招呼方面，虽然今晚（第一轮）好旺，但啲侍应嘅招呼都算唔错，上菜嘅速度亦都OK，虽然次序都喺随意架喇，但起码唔会急一轮又无嘢到，枕住都有𩠌菜上枱，最紧要都喺一班长辈食得开心。
继续阅读
同长辈去呢度食饭，叫咗陈皮蒸鲍鱼，芝士龙虾焗伊面，虾球伊面，脆皮烧鸡半只，仲有猪脚仔Overall 个质素都唔错，自己最钟意就系个脆皮烧鸡，碟鸡唔会太肥腻，即使鸡胸肉，都唔会鞋鞋柴柴，鸡皮即使冻咗，都仲系脆口，做得唔错。热食嘅时候，咬落去鸡皮会渗dd 油香味道口感都几好，呢个价钱咁嘅质素，推荐推荐！鲍鱼系即叫即又水缸捞上嚟，非常新鲜！上碟嘅时候会帮你将肉同壳切开，方便食用。埋单酒楼送两张$50 coupon，可以用到二月中，楼面服务都OK，新年可以去试吓。
继续阅读
睇完其他食评去冒险一试~除了点心算不错同平之外~无一可取~经理、侍应、传菜阿姐无不鞋口鞋面~十问九唔应~圈多了点心话转头再嚟点心时扣番，点知转头阿姐又同我圈落张卡到，仲怪我做乜唔题佢~无言~最终到了戏肉了，三点半未够有只阿姐已在我枱隔离大大力把D碟飞落去张枱度(摆位)~我大声讲话被人赶了~得到牠怒啤而视~从来试过去饮茶有这难忘的经历~真不枉此生了！
继续阅读
食完个碗劲多都无人收一收都算😌野食又唔系好食😊啲服务又无都唔系最夸叫阿姐俾多啲啲汁好似要攞佢命甘😇好声好气讲左好几次唔该可以俾“多啲”汁吗佢话俾左啦，就走鬼左俾多少少汁甘难吗？定系人未瞓醒？听唔明人话？🥸点心等成半个钟有多先到个小笼包好实，实到汁都无皮厚😌虾蛟是ok的，好似灌汤饺甘多汁我念佢直接改名将虾蛟叫灌汤饺都得烧卖又干又有阵味(唔识形容)牛肉球又细，而且冻既！！！半个钟有多既野，而且系牛肉球冻🤡🤡呢点我真系接受唔到难听啲讲连一次都唔想去，跟住话贪方便有升降机总结：食物差环境很迫又热卫生佢地连收野劲耐都未必收态度0,可能有钞能力就有挂？
继续阅读
饮了几十年茶从未如此受气过，这间酒楼价格是比较便宜，但员工态度之恶劣真是闻所未闻，特别某女侍应，已经不止一次见她跟食客起冲突，语调无礼，把点心纸丢到客人正在用热水洗濯的杯碗，还够胆跟食客吵架，难怪人人都宁愿北上。
继续阅读