富豪雪糕流動車

营业中

休息中

雪糕車的音樂真令人懷念,添加不小分數!雪糕本身實情沒有什麼特別,但奶味十足,本人比較喜歡,而且不知什麼原因,當想食雪糕的時候,雪糕車就在附近,很奇怪!

雖然我是個雪糕迷，曾經在日本吃了很多款式、口味的雪糕，有次見到童年時幫襯了不少次數的富豪雪糕車，想重拾回憶就買了個軟雪糕吃…畢竟人長大了，口味也變了…吃了一口，只覺得自己像吞了一大"pat"奶油…>_< 個人認為雪糕要冰涼的才好吃，而富豪的軟雪糕就完全不凍，越吃越口渴，吃後仍需喝水…對我來說就失去了吃雪糕的樂趣…!!!要吃軟雪糕，我還是選擇麥當勞、circle k或7-11的好了(個人認為circle k的很不錯!!! ")

之前經過碼頭,唔係忙住去第二度就係去左買XTC...但係今日都買左喇~~食到雪糕既第一刻~好幸福~好耐未食過丫嘛~~~好有奶味~超好食~~~* 諗起以前我媽見親有雪糕車都會買比我食果種開心心情~~~講真~比起haagen-dazs,ben & jerry's,XTC...我都係鍾意食麥記or富豪or7仔果d軟雪糕架喇~~~*

我都覺得便利店既雪糕, 甚至McDonald既雪糕, 都唔及富豪雪糕車, 但可惜唔係成日都見到有雪糕車!!!

今日係銅鑼灣見到富豪雪糕車,即刻好開心咁去買左個軟雪糕,總覺得佢既軟雪糕係特別唔同,特別好食,好滑,好好味,便利店既雪糕及唔上,所以係貴得有道理既!最緊要既係,食佢既雪糕時,勾起我既兒時回憶,就好似自己仲係細路女,同媽咪,細妹出街,要阿媽買雪糕,然後就好開心咁係街食...我同意KC 所講,真係有感情分架!

日程中寫住今日過尖咀有唔少野做，要去睇MM 的英姿同影展，今晚又約左老婆鋸扒，同個同事在eat啤完就去坐船。唔知係好彩定係日日都係咁，未上船在大會堂側見到一架，落左船又在鐘樓旁見番佢，見天氣咁熱食下軟雪糕都好，就要了一個。老實講你話我係bias都好，總覺得雪糕車的軟雪糕奶味濃又軟滑，雖然係快溶少少，但同果D懶健康又貴的生果雪糕galeto都係差不多，不過佢平佢幾倍，而食左廿幾年有感情，所以講起食雪糕，除左平霸老麥，再來就是這裡。不過唔知咩野原因，果首經典的「雪糕車歌」藍色多惱河已經不再播，起碼今日見的兩間雪糕車都係淨英英的，呢一代可能已經沒有了在樓上一聽到歌就立即衝落樓下買雪糕食的樂趣。

有無人食過??係雪糕車有得買架...唔知宜家仲有無,記得好耐之前食過一次,好難食...=.=

雪糕,我覺得佢好食喎.好香奶味,又滑.佢個溫度我覺得喎,太凍反而會影響食味.不過其他野就麻麻.

唔準笑...做左廿零年人, 尋日第一次食富豪o既軟雪糕cone. 一路都未試過呢度o既軟雪糕o既原因係, 媽咪由細到大都話俾我知食呢度o既軟雪糕十次有九次會肚痾, 所以一直都有個concept: 呢度o既軟雪糕唔食得. 今次會作第一次嘗試係因為朋友不斷話呢度軟雪糕正, 就嘗試排除自己o既成見.食落好滑好軟,似......奶昔? 點解個雪糕好似唔係好夠凍o既? 係因為太好賣, 個軟雪糕機未ready就唧左出黎賣? 定係本身就係咁?雪糕唔夠凍會唔會有好多菌?食完一路驚自己好肚痛, 驚到夜晚...好彩無事...不過好難叫我再試多次!!