富豪雪糕流動車

营业中

休息中

其實就算唔係食回憶... 富豪的雪糕都係好食的!夠香, 奶味, 軟滑而帶點"煙un"的口感, 正~講真, 麥記雪糕無奶香, 7仔ok唔夠滑, dreyers的雪糕一食落就知好肥... 富豪雪糕一律無以上缺點, 所以抵俾笑臉la!我都係一個學生仔, 富豪對我黎講無童年回憶(我都係食7仔大), 不過佢真係好食~ 而且$7真係抵~

其實見到咁多人講起,已經想食,畢竟都係童年時開心既回憶!喺朗豪坊門口俾我見到佢,就用七蚊買左枝軟雪糕食,其實當然佢唔係d山珍海味,但係都係好好食既野,自己做小朋友既時候都成日掛住佢,今日再食,心情既享受多於味道!

一朝早o係新世紀天橋下面見到就去左買啦!幾驚想食果時又遇唔到呀。好開心呀我叫左叔叔大杯d佢真係大杯d!! 開心左幾耐架都。但之後黎番openrice睇都唔係真係咁大杯姐... 好似個個都係咁上下咁。但好似已經係我食過以黎最大杯都係富豪雪糕最好食。如果要我諗食dreyers定富豪雪糕... 我諗...................................... 都會係富豪雪糕既!!

在去香港之前有做足功課,也看到很多人推薦看到這個要去吃.說真的,味道比台灣的M蛋捲冰淇淋稍微不甜罷了.沒有驚人之處.

近排成日都有架雪糕車泊係屋企下面,終於都忍唔住買左一杯軟雪糕黎食!!!D雪糕真係好香好滑,同細路仔個時食一樣咁好味!!!希望佢架車唔好咁快走住啦!!!

三月二日(星期日)同老公去完食一壽司...之後去左科學館睇影展(順便比老公偷下師)!仲去埋銀號展覽!經過金水!本身諗住試下佢個tea!不過到左既時候已經成5點8lu!所以都係下次先試,我地大把機會^3^呢排富貴雪糕車都幾受歡迎!所以一定要試試啦!d雪糕真係好滑,好有奶味!!正呀!!!同埋佢個waffle筒都好脆好食!...

有日見到雪榚車,買枝雪榚食,好味,但冇音樂播,阿哥話有人投訴,今都有...投訴D人有冇攪錯?今就失去一大特色.

其實雪糕車d雪糕真係好香, 好滑, 好有味, 好有雪糕車的味!

見架車停左喺朗豪坊門口,又諗起最近有好多openrice既朋友仔俾笑臉,就貪得意買左枝食!七蚊一枝,我覺得太細枝了,好似無咩特別,seven反而大枝過佢,麥記又平過佢,問題係,味道我又唔覺得有過人之好處!!大家都係食一個回憶,所以覺得佢好,但係我以味道計來評,所以唔覺值得食,各有各意見!

雪糕車真是陪伴我成長的一個好朋友,他陪伴我差不多廿幾個年頭了!!!小時候每次一聽到他從遠處哼著唱聲時,我都深深被他所吸引.他的軟雪糕實在太~~~~~~~好~~~~味~~~~~~喇~~~~~~~!!!!!直到現在,味道依然無變,好軟,好香,好滑,好正!!!

我沈晚係旺角迎花園街果邊見到富豪架車,忍唔住即刻衝左埋去買左杯先之前想食專登搵又實見唔到,雖然now貴左($7),但得佢呢間d雪糕禁軟滑,始終都係佢最好味,支持富豪雪糕....

無論吃過什麼牌子...xtc, cova, haagan daz, i scream, mc donald's, 7-11, ok無論在什麼國家....usa, jp, tw, cn始終有您永遠好味的牛奶味!"轉多個圈啦~師傅!"

唔係成日可以見到雪糕車, 咁難得見到, 梗係要食返個, 原來加左價, $7, 不過唔緊要, 係食回憶, 食味道, 貴d都唔緊要入口, 真係好軟好滑好香濃, 比起一d賣$2.5 o既軟雪糕, 好呼同滿足度真係不止10倍!!

小時一聽到"藍色多惱海"的音樂就興奮無比..因為雪糕車又在附近了可惜零用錢不多..而雪糕車的售價又比m記貴..所以..好少有得食..每當有零用錢時..又巧遇雪糕車既話..都會買番杯黎品嚐..脆筒好脆..好好味道..甜道又適中軟雪糕..幾甜幾好味.而家已經好少見到..閒時係旺角見到一架..小時鍾意佢既味道..大個左..卻鍾意佢既另一種"味道"教人回味一番..

我響東涌逸東邨返工, 成日都會見到富豪雪糕停泊在避車處賣雪糕.今日午膳時間, 見佢停泊在此, 即刻衝上前, 點知賣雪糕阿叔又係午膳時間, 唯有吃完飯, 回程時再來.今日午膳為左個龍蝦湯, 去左麥當當, 食左杯朱古力新地, 之後仍然口癮大作, 決定回程返公司時去買富豪雪糕, 平時食開軟雪糕的, 今次決定改改口味食甜筒, 甜筒有兩款味道- 朱古力及蜜瓜, 平時少食蜜瓜味, 就食蜜瓜味啦!拿上手, 一咬落口, 嘩, 軟熟到痺, 而且整個甜筒都食唔出有朱古力味- 除左個脆筒本身是朱古力味之外, 出面買的甜筒, 無論乜野味都會加朱古力脆皮, 但係富豪的甜筒就是很純正的, 完全沒加朱古力脆皮.一路行一路食, 拎到返公司都未食完, 繼續食食食, 食完很回味, 但收工時想再買, 車已經走了.晚上再經過尖沙咀天星碼頭, 見到又有富豪雪糕, 於是又走去買軟雪糕, 富豪的軟雪糕眾所周知, 以Cream味多見證, 唔食麥當當的兩個半食富豪的七蚊軟雪糕就係貪佢夠軟熟, 脆筒又有朱古力味, 絕對比麥當當的好味.就咁, 小弟張八達通就一日內將$14進貢左俾富豪雪糕了.下次試下佢既橙冰同蓮花杯先.