富豪軒

营业中

休息中

好友早前生日，可惜閨蜜抱恙，唯有延遲與好友的飯聚。不久前曾在這館子飲茶吃點心，感覺寜靜，於是把延遲了生日飯設於這裏。西班牙豚肉叉燒的選材優良，叉燒肥瘦適中，肉質柔軟，是不錯的肉類前菜。芙蓉黃金蝦曾獲得由旅發局頒發的至高榮譽金獎名饌之賞，一份有五隻十分巨型的黃金蝦球和炒鮮奶，鋪滿鹹蛋黃蓉的蝦球爽彈鮮香，炒鮮奶滑如布甸充滿奶香，不愧是得獎菜式。茶王燻雞也是得獎菜式，雞皮燻至焦糖色，色澤誘人，茶香味亦盡現在雞皮之上，雞肉亦滲着絲絲茶香而且嫩滑多汁，值得好評。鮮淮山、蜜糖豆和銀杏十分清爽，輕炒十分合適，加上適量的琥珀合桃，令菜式鮮中帶甜。已點了不少肉類菜式，因此主食便來個素食煲仔飯，職員沒有事先揚聲便把煲仔飯內的金瓜、芋頭及雜菌上碟和把米飯分碗上桌，因而吃之時的溫度驟降，兼且金瓜等用料的味道確難與臘味或其他肉類相比，令煲仔飯顯得平平無奇。香港人最愛的就是不甜的甜品，因此這合桃糊不是香港人愛吃的甜食。——————————————————————補充資料： 因以「開飯喇」平台訂位，所以有8折優惠

Regal Court is not really big with a large main room, guess placing around twenty tables, and they also have private room, the environment is elegant and comsy, having a enjoyable dinner here haaaBraised Grouper Fillet with Mushroom and Pork Belly Casserole is a bit too salty, esp the grouper fillets, and also these are not really fillet instead they are grouper bonds with some meats lollll, not very enjoyable eating these groupers sadly, you can find some small cabbages insides the pot too, las

之前喺富豪軒食過不下十次晚飯鍾意佢環境闊落，食物味道亦都唔錯所以今次試下飲茶果然係一試難忘，再試投降點心冇一樣出色蝦餃淡而無味同埋完全唔明點解可以做到好似小籠包咁有湯汁真係第一次試咁新派嘅蝦餃食完咸點，落單加多個紅棗糕等咗大約廿分鐘，問侍應姐姐係咪漏咗單佢淨係回覆話有落單㗎，等多陣啦過多五分鐘再問另一位侍應哥哥又係同一樣答案，再叫我哋等多5-6分鐘前後等咗30分鐘我以為自己叫咗隻火雞 最後真係唔想再等，叫佢哋取消埋單嘅時候仲要同我講「你唔要個紅棗糕，我幫你取消咗喇」我話「唔係我唔要呀，係等咗30分鐘都冇嚟呀」之後屋企人仲話聽到呢兩位侍應俾說話我哋聽話「淨係招呼你一檯咩」「係要等咁耐㗎啦」其實我覺得冇問題嘅 如果真係要30分鐘先做到嘅話可以喺落單嘅時候講清楚而唔係要個客去追，仲要用咁嘅服務態度回應咁嘅服務態度加食物質素我相信絕對有更加好嘅選擇

閨蜜是某餐飲會籍的會員，在此用餐有優惠，因此特意到來飲茶享用優惠。館子的空間不小，枱與枱之間的距離合理，而裝修比較懷舊，客流也不多。這裏出品的沙薑豬手是帶暖的小食，雖然不及冷凍版本的豬手爽彈，但天氣寒冷，溫暖的豬手更合胃口。蝦餃的皮與饀料都爽彈，餡料的蝦味濃郁是近期吃過的蝦餃中的出色製作。小籠包的水準比較一般，小籠包皮子軟塌但口感依然帶韌性，湯汁的份量還好，而且味道鮮美。黃沙豬膶既粉且嫩，一點豬的臊味也沒有，腸粉也蒸製得薄而滑，搭配豬膶的細膩口感，值得一試。雪山焗叉燒餐包是常叫的點心之一，這裡的餐包酥皮脆度不足，餐包有點過厚，但口感尚算鬆軟與甜甜的叉燒饀料還是相配的。街頭小食進駐酒家，可惜並沒有為菜式帶來驚喜，蘿蔔條有點硬，明顯燜煮得不夠火候，金錢肚口感尚好，只是調味有點清淡。

同媽咪訂咗富豪酒店staycation，諗住check in完近近地同佢喺返富豪酒店飲個下午茶先，下午茶時間都好多人㗎，我哋叫咗好多嘢食，最最最好味就係個鮑魚撻😚

今日與相熟客戶茶聚，見到有懷舊點心，第一眼就見到蝦多士，席間有客人有印尼的華僑，說這點心多年無食過，所以點了蝦多士、黃沙豬膶腸粉，春蛋燒賣、芋角、蝦餃等。蝦多士的確香脆，蝦滑爽，不覺太油， 黃沙豬膶腸粉，真的是值得一試，是從前酒樓的味道，春蛋燒賣就比較普通！ 芋角真係非常之鬆脆，芋香夠。 蝦餃嘅水平正常，蝦味新鮮。酒樓的服務很好，侍應主動及反應快，香港餐廳嚟講係好難得。另外值得一提係地方寬敞，而且更主動送上甜品，我哋叫了綠豆沙，客人很滿意這些懷舊點心。

💁🏻‍♂️未點餐已經有故事，隻碟唔乾淨，隻茶杯崩咗，仲有烏蠅陪伴！哈哈！連侍應姐姐都話「點解你睇到咁多嘢！」Well….高敏人係咁上下🫣1️⃣嚟呢度最想食就係呢個脆皮牛坑腩，果然冇失望！肉質好鬆軟，咩角度咬落去都易咬得開！肉味都係有嘅，而配合呢個秘製芥辣醬會令人回味！不過呢道菜式仲天外有天呢！2️⃣本來冇諗住點，但點咗有驚喜！豆同蝦都食得出係新鮮嘅！尤其啲蝦好鮮味但若果四川菜嚟講，呢個醬汁有啲似泰式，如果可以乾身啲多少少花椒麻椒就正正子！3️⃣油雞叉燒雙拼，味道肉質都係高質，但係唔知點解次次呢啲燒味拼盤，啲雞嘅位置都係麻麻哋！成$298 就有點…..4️⃣中規中矩啦，菜係幾嫩嘅，不過冇咗梅菜嘅鹹甜香味。而且份量就少咗啲喇。5️⃣呢個3小時無限暢飲係吸引嘅！Happy Hour Dinner Together!!

Today was to celebrate my own and my friend's promotion. The food was of great quality. My favorite is definitely the soup. Each dish had quite a large portion and lots of us packed the food away. However, we all had room for dessert as it was quite light despite being fried. Even some of us who don't like desserts love their egg twirls. The price for 8 of us was $5600, which is quite a bargain for the quality and quantity. 

家庭聚會與長輩中午飲茶，點心算多選擇，而且味道唔錯，價錢亦都合理，環境OK唔會太逼夾，侍應服務亦都非常之好，如果真係要講唔好嘅其實係酒店太舊洗手間略嫌有啲舊。家庭聚會唔錯選擇👍性價比高。

又參與香港餐廳週活動，本次檔期(2023年春季)預約了６家餐廳，第１站：尖東富豪軒是本次檔期吃的唯一中式酒家。198元/位 午餐，包括以下的：#點心拼盤：蝦餃、燒賣、叉燒包各１件，３件味道都挺好的！叉燒包嚴重爆口，仍然給客人吃，不達星級酒店水平。#燉湯：店員上菜時沒有介紹，材料有瑤柱、松茸、螺頭、瘦肉，好好喝！整個套餐最喜歡這個燉湯！#豉油皇煎鱈魚球：有鑊氣，魚肉很嫩，調味剛剛好，好吃！#乾燒伊麵：份量足，味道好！但吃着油膩感重。#紅棗糕：微甜不膩，不錯。套餐以外加收以下的：#茶位：26元/位，普洱茶濃淡適中，好喝！#餐前小食：26元 銀魚仔雜豆味道很不錯的店。

網上訂購富豪酒店電郵介紹四人盆菜、年卅晚取貨晚吃、二人吃四人份當然容易發覺問題、沒有𧎚球、豬腳仔變咗大豬腳、實物與圖片及內容介紹不符、是否誤導消費者及觸犯商品說明條例？

這天再訪這間格局寬敞舒適的酒家，和至愛家人做節🥰雖然依次book唔到房，大廳位置檯與檯之間距離也夠遠，絕對可開懷暢談💞🔹️蜜味黑䐁肉义燒🔹️脆皮牛坑腩🔹️蒜片牛柳粒🔹️胡麻醬淮山🔹️四喜烤麩🔸️舞茸菌螺頭燉竹絲雞湯🔸️荔茸鳳尾蝦🔸️骨魚石斑球🔸️蟹肉扒豆苗🔸️京式片皮鴨🔸️片皮 生菜包鴨鬆🔸️生炒糯米飯🔸️蓮子桂圓湯丸🔸️蛋散 合桃酥 馬拉糕整體餸菜味道都不錯，我個人更喜歡下面幾款，回味無窮🔎✳️脆皮牛坑腩外層炸得超鬆脆，牛坑腩肉質嫩滑有咬口，好快搶清✳️胡麻醬淮山晶瑩剔透，咬落口感冰涼超爽口，配上胡麻醬好夾好好味✳️片皮鴨即片功夫不俗，厚薄適中，皮烤到脆卜卜，入口滿滿肉汁; 二食用生菜包住鴨肉碎同菇粒，更能食得出鴨香味！✳️蛋散簡直是經典甜品，炸得很香口又不會過甜，依家好少地方整得咁好食，必點

今日又有好朋友要離開香港，移民到遙遠嘅外國。為咗同好朋友餞行，於是book左尖東富豪九龍酒店嘅富豪軒食晚飯。我哋一行8人大約7點左右到達，可能係平日嘅夜晚關係，只係得兩三枱客，十分冷清。我哋當晚由於人多嘅關係，所以叫左好多餸，例如胡椒粉絲海蝦煲，片皮鴨，蜜汁黑豚叉燒，什菜煲等。。。我個人認為最值得推介嘅係脆皮牛坑腩，脆脆的十分香口。當晚由於有朋友仔有富豪membership，所以埋單有75折，非常抵食。

原本想買佢地嘅年糕同蘿蔔糕～但見到今年多左幾款特式糕～而且上網訂見到有折，唔洗2舊水又好抵～即管試吓喇！💛金玉滿堂素糕 外表金黃色夠曬好氣氛，仲嚴選日本南瓜、日本花菇、🍄雲南乾牛肝菌等等素食食材～食落好有驚喜，口感層次豐富有咬口～基本上每一啖都咬到唔同材料，淮山清甜菇菌香～仲要真係全素，素食者都一定啱食😋🤍椰汁桃膠蓮子糕 屬於凍糕類🥥椰汁味香濃，仲有原粒嘅蓮子同桃膠～滋潤又養顏，質地亦都實在唔鬆散～唯一壞處可能會覺得甜左少少🤏🏻但送比啲貪靚嘅女士，一定鍾意❤️

見app有半價，即管book黎試一試。酒店既價錢，但無論係食物或服務上都係一般酒樓既quality，有d失望。趕住落場要我地埋單，限單又無主動比返折扣我地😅。半價左都完全唔抵食😅，應該未必會再黎。