富記菠蘿堡專門店 (已結業)

在門口看到必食推介：吉烈珍寶豬扒，40大元即刻入去睇下有幾“珍寶”，原來是我錯了，是我誤會了，應該是“吉烈袖珍豬扒”才對，比我平時食開細，仲要貴成10蚊真系試過就算…查看更多

放假同老公去元朗行街街。途經見到呢間店名「菠蘿堡」幾得意，食物又幾有創意。叫左2 個tea set「手打牛肉菠蘿堡」同「流心西多士」，價錢都ok，味道也不錯，尢其西多士，流心之餘不太甜，下次去元朗會再食…查看更多

漢堡包就相信好多人食得多，但菠蘿堡就相信唔係好多人試過行過見到呢間餐廳，門口個大餐牌有菠蘿堡，即刻覺得好有新鮮感，一定要試試先餐廳都係一般典型茶餐廳格局，裝修冇乜特別，點左個雞扒菠蘿堡落左單後好快就送上，size就同一般菠蘿包，菠蘿包咬落仲熱辣辣，包面好脆，入面就好軟熟，雞扒就好腍，咬落好juicy,而且仲有沙律醬,令味道唔會咁單一，除此之外，仲有塊菠蘿係雞扒下一層，原來菠蘿包果然有菠蘿，成個包有肉類有水蔬果，唔會只食肉咁滯不過唯一要彈係價錢略為偏貴左小小，只係個包冇飲品，近40蚊…查看更多

手打牛肉菠蘿🍍堡 炸雞🍗脾黑糖薑汁奶茶朱古力紅豆冰叫左4款野食，手打牛肉好有口感，好厚🤤，好juicy，同菠蘿包好match!! 好有驚喜。炸雞腿 一啲都吾乾，啲肉仲好滑。 黑糖薑汁奶菜 第一次飲 即刻愛上。 吾會好甜 茶又吾澀 女仔岩晒！ 朱古力紅豆冰 原來好夾！比人飲晒 無影低。下次要再黎試下其他菠蘿🍍堡🤤😚😍…查看更多

鳳攸南街一帶有不少茶餐廳，雖然只試了數間，但要數好坐又好吃，價格又合理的，個人覺得富記做得幾出色，所以差不多每星期總會幫襯一次. 而且絕少茶餐廳的早餐會供應到中午12:00，絕對適合假日不能早起的朋友. $30 港式早餐 吃過好幾次，叉燒通粉的叉燒幾瘦，怕吃肥膩食物的我間中都會吃; 煙鴨胸不是每次都煎得金黃，但是去了肥脂後，蛋白質豐富又低脂的鴨胸適合需要長期keep fit的我. 沙嗲肥牛家人說牛肉偏瘦的，也不錯，但我個人就不太好吃沙嗲肥牛這些又多汁醬的食物呢! 迷你菠蘿仔 跟餐可選菠蘿仔or牛油方包，既然是菠蘿堡專門店，當然不得不選菠蘿仔啦~ 暖烘烘的菠蘿仔外皮酥脆，內裡鬆軟，很美味，值得一吃! 至於雞蛋、香腸等都是熱辣辣的，有誠意~ 熱奶茶 雖然奶茶很有名，但喝過2次，熱度都稍欠，有點失望! 熱檸茶 熱度夠，茶底香濃，比奶茶更好. 元朗鳳攸南街9號好順利大廈1座地下1號C-D號舖 61149966…查看更多

昨日臨訓前突然好想食菠蘿油，又好想食西多士，咁岩今日同屋企人出去元朗，就去左雞地搵野食。入去前見到有兩位女士係門口好似執梗野，但我爸無留意到就咁行入去，我見到其中一位女士有問過廚師（事後先知係老闆）既意見，老闆表示做埋我地既生意先，原來佢地已經準備收鋪啦。望住餐單見到好多好特別既菠蘿包，唔單止有我想食既菠蘿油，佢仲有好多自創既菠蘿堡，咁爸媽各自叫左個菠蘿堡，我就叫左西多士。豬頸肉菠蘿堡味道唔錯，沙律幾好食，菠蘿堡個皮幾脆口感唔錯，但由於個包太厚既關係，媽媽選擇左分開食邪惡西多士個多士燶左少少，老闆事後有表示唔好意思，但其實我不太介意哈哈塊牛油都好厚，真心勁邪惡🤤多士入面夾左火腿芝士，脆脆既多士加上牛油同不算太甜既糖漿，我個人好喜歡🤤不過杯凍鴛鴦我就覺得麻麻地，味道有少少怪，果然要茶餐廳先好飲🤔…查看更多

星期日啦 想簡單鬆一鬆 每個人方式都唔同 而我同老公 就係食啦小店座落小茄子、倫哥等附近 茶餐廳式經營吧 而重點是其鎮店菠蘿堡呢跟餐熱檸水 正常茶餐廳水平啦芝士豬柳蛋菠蘿堡餐配薯角 $50 OK薯角混著薯條 夠熱夠脆 但略嫌不夠鹽漢堡另加了芝士 好香 豬柳夠嫩滑 但菠蘿包不夠酥脆 略扣了分數再來個近距離看看芝士咸牛肉炒蛋菠蘿堡配薯角 $50 普通咸牛肉配上芝士絕對係最佳搭配 加上沙律醬感覺惹味 但 味道上同菠蘿包不太夾⋯豬柳那款相對吸引 總體黎講 都係可以一試既下午茶之地下次會來試試招牌菠蘿堡睇睇有無更佳表現:)…查看更多

之前見過雜誌介紹，於是抱著少少期望去試，結果是有點失望的。富記其實與一般茶餐廳冇大分別，食物也是大路的茶餐廳款式。特別的賣點就是菠蘿堡。顧名思義，就是菠蘿包+一片菠蘿再配撘其他肉類如牛扒、雞扒、蝦餅等等。我最後點了吉列魚柳菠蘿堡，講真，魚柳是炸得香口的，配上那片菠蘿也不錯, 但問題就在包著食材的菠蘿包，明顯是翻焗都算，但仲要係焗到硬左，有啲起筋feel...失望....咁樣，我唔會再試其他的了。…查看更多

知佢出名菠羅堡, 特登去試架。煙三文魚菠羅堡: 係幾有創意, 個包都好大個, 除左菠羅包, 入面仲有真GE 菠羅!個菠羅包烘過, 好脆, 但切開都唔會散哂, 放心。煙三文魚都唔少架。不過可惜GE係, 太甜了.... 本身菠羅包皮已經甜, 加埋罐頭菠羅更甜, 個包SUPPOSE 係又咸又甜GA MA, 而家係太甜了.... , 而佢地GE 煙三文魚唔太咸, 俾D 甜味蓋過了.... 中和唔到D 甜味。鐵板燒雞:佢地用細雞仔, 都有半隻雞架!!! 燒得幾香, 但燒得熟左少少, 所以D 肉有D 老, 但整體都好食! 另配薯菜, 加錢仲有湯同飲品, 晚餐來計, 價錢合理。…查看更多

黃金招財菠蘿堡 ＄30菠蘿包越嚟越多新花款，呢款人氣菠蘿堡，原來係菠蘿包夾住巨型炸魷魚！！魷魚爽口彈牙，炸得好酥脆，面頭灑上香草同淮鹽，味道香口惹味吉列魚柳菠蘿堡＄35大大塊嘅吉列魚柳炸得好脆好香口，肉質夠實唔鬆散，柳連埋甜甜地嘅菠蘿包同菠蘿片一齊食，一甜一咸味道非常夾每款嘅菠蘿堡都有一塊輕輕煎過嘅菠蘿片、生菜、沙律醬，直頭係港版burger！呢到既菠蘿包有成十九款咁多，果然夠創意！…查看更多

元朗最近新開了一間頗有特色嘅茶餐廳，故名思義係用菠羅包裏面有塊菠蘿做函嘅包。第一次同仔仔去，小朋友覺得好好味，我就覺得一般而且可能係新開張嘅關係出餐超慢及送錯晒所點的款式。見仔仔鐘意食就帶同爸爸去試下，點知第二次去約十二時許竟然放個牌出嚟話整唔切需暫停服務，裏面重有人食緊！今日同仔仔講應該係最後一次嚟食因為樓面服務態度欠揍更可以用差來形容，就連想要對筷子食公仔麵都話冇，重答我佢呢間係西餐廳冇筷子的。真心未聽過西餐廳有食公仔麵同港式菠羅包，都真係幾新穎嘅西餐廳。…查看更多

元朗間華嫂雖然我就未食過，但官塘個間就食過好幾次，評價就唔再多講，可以睇反我之前個食評作參考!雖然有人話元朗總店好食d，有機會再去考究下!https://s.openrice.com/QrbT0K2Cf00但依家唔晒山長水又遠咁去華嫂排餐屎，係又新街開左間小店，又係專賣菠蘿包! 見佢由細店得街邊檔兩三個位轉到入去有舖位，一定係做得好好啦！又見唔少人幫襯，實在係好吸引我去試下佢既實力！收銀處個櫃貼左張紙，好搞笑，忍唔住偷影！舖位好大，台同台中間都唔算太逼！但可能新開無耐，難免好多箱雜物放晒係樓面，d洗好碗碟又就咁放係個大灰色膠箱到，見到個箱入面仲好多水，黎出黎就咁用，好似唔係幾好咁！早餐價錢比隔離幾間貴少少啦，所以我都揀反佢地獨有菠蘿堡！揀左炒蛋芝士兩款！奶茶真係一如佢牆身貼個張紙所講包你滿意！我覺得佢杯茶係特別滑，味夠濃！我自問對奶茶都有d要求，都幾滿意! 飲左杯咁有質素既茶，就對個菠蘿堡更有期望!上台既賣相就一般啦，無蕃茄生菜伴下係差d色水，食落就當然無咁fresh同寡左少少。個包個味比平時街食個d無咁甜，唔知係未因為會夾餡，所以個包淡口左少少! 但最敗筆係唔夠熱，得微䁔，所以整體黎講如果個包係招牌菜就一d都唔合格! 不過，我都會再去幫襯佢。因為佢杯奶茶真係做得好出色！…查看更多

我同朋友相約在元朗食特色菠蘿包，叫左魚柳菠蘿包好味，我未食個X嫂 ，我朋友話呢度好食過，最重要唔使排隊，服務又ok, 之後我們唔夠喉再叫埋炸雞肶同邪惡西多士，炸雞髀都好食,又要平$2x, 抵食，西多士，真是好邪惡，有芝士同火腿，我就食咗少少，因為真係唔可以再增肥😅其他就朋友食晒了，呢間茶記值得推介，講留咗個開放式廚房，好大油煙，食完飯就有味上身，希望可以改善抽風…查看更多

見轉咗新鋪，即管嚟試下佢！由於鋪頭無座位，只有摺枱，所以預在有飛飛㗎喇，食之前都會睇清楚啲食物有無，不過好耐無坐室外食，感覺好舒服！叫咗沙嗲牛米配餐肉腸，炸雞翼意粉，富記招牌菠蘿堡。沙嗲牛米配餐肉腸及炸雞翼意粉就普通啦，重點係個菠蘿堡！包又熱又脆，有大蕃茄，生菜，芝士及火腿蛋，配搭好食，不過下次會叫走沙律醬溫馨提示: 菠蘿堡會食到周圍都係，記得準備紙巾！仲有係老闆好好人，打算落完單俾錢先，但佢叫我地慢慢食，食飽之俾！…查看更多