影片
今晚晚餐系位于观塘协和街嘅富记烧腊饭店，买咗一份排骨瘦叉饭价值港币$30真系平靓正，啖啖肉，其实仲有其他好多烧味都好吸引呢一间烧腊我一定会再去买，叉烧同排骨好有蜜汁味，极度推介！
继续阅读
呢一间烧味店，有一个YouTuber成日播佢啲片，搞到我都好想试吓。 今日约咗朋友食饭，为咗唔想两手空空想去佢屋企，所以去咗呢间店舖斩料。本来我系谂住叫叉烧，但系比我见到呢度有金钱鸡，所以毫不犹豫咁叫咗金钱鸡同埋烧鸡翼。开饭𠮶阵时拎出嚟，个个好快咁已经食晒𠮶啲金钱鸡，但系金钱鸡呢样嘢真系唔可以食太多，因为都系好多胆固醇嘅朋友，可一不可再，间唔中食下就算。我哋四个人食饭，除咗呢个斩料之外，仲有其他家常𩠌，但系唔知点解，食饭途中，三个人都同时间肚痛，真系唔知点解，系我朋友煮饭𠮶度出问题，定系其他原因就不得而知
继续阅读
买了一磅叉烧，半只烧鹅，排队排完，斩了只鹅，有其他人来又比其他客，等完又等，唔知自己排乜！返到屋企，打开盒，叉烧大旧到可以一开二；半只烧鹅肥到不得了，更重要D皮，老到咬唔开，不会再买
继续阅读
以前都仲食得下，最近食叉烧烧肉饭，可能怕变质叉烧咸过咸鱼，烧肉又系，差好多，最后倒咗以后唔幇衬，附近几间都有已经做得好过佢，希望佢睇到有改善，唔系踩佢，埋去的食客越来越少
继续阅读
谢天谢地，又到星期五，收工之后唔想周围去 又懒得煮饭，连开炉煮个即食面都提唔起劲， 早前洗大咗，临近月尾穷个鬼，咁样就唯有买两盒烧味饭一盒自己食，一盒比room-mate食。我食嘅系切鸡饭，呢盒饭其实都好抵食，因为有好多件鸡，而且亦有好多饭，好彩我系吃货而唔系𠮶啲顾住话要keep fit嘅中女，要ko盒饭对我嚟讲其实系冇难度嘅，唔好睇啲鸡好似 样衰衰咁，鸡肉系好嫩滑好入味嘅，仲要系煮得啱啱好𠮶种，捞埋啲葱油嚟食真系正。
继续阅读