富萬稼海鮮火鍋

中國風火鍋餐廳，裝潢有特色，地方大又舒適，服務周到，食物有質素。100分！三五知已，良朋聚會，十分有feel~有露天座有冷氣房供選擇，食物好吃之餘還別具風味，值得一讚。人生如夢 朋友如霧難得知心幾經風暴為著我不退半步 正是你遙遙晚空點點星光息息相關你我那怕荊棘鋪滿路替我解開心中的孤單 是誰明白我情同兩手一起開心一起悲傷彼此分擔總不分我或你你為了我　我為了你共赴患難絕望裡緊握你手 朋友今晚真是很盡興開心，哈。…查看更多

廁所係踎廁，相當簡陋，感覺好似番左大陸咁。周圍環境係啲屋村，諗住食得有啲風味，但係野食得個䶢字。一大班人去食左十幾個餸，得個螺片雞湯係清清地入得口，其餘啲味都真係太濃。老實講，普通酒樓都好食好多，唔值得入去藍地食。…查看更多

呢間野，真係一肚火，7 點坐低, 6人食飯，7:18已經落好曬單，等到8:00，一個餸都無，追啦，有位小姐話追左廚房，陸陸續續會出。。天哪，仲要等？？？？結果走去隔離另一間食，坐低叫餸5分鐘就開始上菜。 真心想試下呢間D懷舊菜，點知中伏。。。。一定要入黑名單…查看更多

冬天試過佢嘅特色邊爐都幾好好味😬我試咗牛雜邊爐都好足料湯味濃郁，牛肉新鮮擺設精美夏天再去試佢嘅小炒又有另外一番風味滷水鵝都好好味😋試咗自己帶海鮮去價錢都好公道煮出嚟都好新鮮🥂🥂🥂…查看更多

本來想去嘉爵，去到原來被人包場，所以去左尼間，行過幾次未幫趁過，好似開左冇幾耐，見到歺牌，覺得佢哋想漁翁撒網，又雞煲，又水煮牛肉，又魚煲，又打邊爐，又小菜。第一感覺，唔知佢定位系乜。好啦，叫左半隻雞既煲，兩個小菜。首先講吓個雞煲，賣相真係一百分，但係食落去呢，冇乜香味，覺得好甜，好似落多咗片糖，總之就唔覺得係好食，但係又未至於太差，跟住叫咗個豉油王炒麵，呢個就差咗啲啦基本功都未得。叫咗個小炒王好一般囉，總之就冇乜驚喜，我見佢出邊買兩餸飯好似仲好生意。　　…查看更多

今日被邀到這家火鍋，睇圖話露天火鍋，係帶咗我去露天，但落住雨叫我哋喺帳篷下邊爐，算啦，我話夠哂情調。一心以為炭火燒，結果變電池爐。其次，叫一半藥饍鍋，一半沙爹鍋，藥饍鍋變芫荽皮蛋，問佢另一半是甚麼，佢反問我叫咩？我哋話沙爹，佢答咪沙爹囉，真心笑咗好耐！啲食物貴，份量少，若好食，又唔太介意，但真心麻麻。海鮮嘅價錢堅係貴，若想食，小心中伏。杯茶先正，瞀淡又唔熱，唔知沖咗幾耐。房入面4個人服侍，我哋無。結果快食快撇，直接去食糖水安慰一下。話自己係新店，都咁失敗，沒有下次。…查看更多