富華冰室 (葵涌廣場)

营业中

休息中

午餐食得唔多，一陣就已經有點餓，好想坐低食野，咁就決定食番個下午茶下午茶必點雞脾紅豆冰。仲要係炸脾，唔熱氣點好食。雞脾薯條配紅豆冰紅豆冰紅豆太少了，幾下就已經清光。雞脾炸得過火左少少，不過入面仲好juicy，雞肉肉質嫩滑。薯條係我鍾意的口感。焗豬扒飯不過不失。正正常常，茶餐廳味道。飯就稍為乾身左少少，如果茄汁多少少就可以平衡番。紅豆菠蘿包紅豆略為少，同埋唔夠軟棉棉，菠蘿包面脆口。下次都係叫番菠蘿油。

朋友專程帶我睇中醫，疫後調理比較好。我一向唔慣飲中藥，但既然有人陪，我就鼓起勇氣吧！睇之前凍凍地，好想飲返杯熱嘢，於是先去附近茶餐廳，好開心見到 “好大好大好大個”的菠蘿油！手掌咁大個呀，即時要了一個兩份分！邪惡牛油仲要係冰凍的，菠蘿包就新鮮又鬆脆，Hmmm⋯⋯真係好好味😋食完乖乖睇醫生，點知原來當日冇開門！呵呵，藥粉飲唔到，但就賺咗菠蘿油！人生就係咁，意外或驚喜，其實都已經program好！至於中醫嘛，看來菠蘿油同我比較有緣⋯⋯

我係富華嘅常客，由初初開至今，差不多每個星期都起碼食2-3次，食物質素都不太差，味道比起新釗記好，但近日嚟左個高瘦識員後，變得好嘈，常常在我食緊嘢嘅時候，突然係我傍邊大聲高呼叫：有位入嚟，以前都唔係咁，講真覺得好滋擾，希望呢方便可以留意吓及改善。

老遠去到葵芳廣場，完全吾清楚依個商場有乜嘢好食，最慘係撞啱午飯時間，真係週圍都超多人。行左一個round 都只係見到好多小食店，最後都行返地下搵食。「富華冰室」依間有出爐麵包啱冇乜胃口嘅我。雖然餐廳外有不少人排隊，但係一條友可以直入。最讃系圓枱仍然保留間板，免費同搭枱嘅人有不必要接觸👍🏼芝士麻薯波波$6凍的，但口感幾好，小小煙靭，芝士味不濃但吃到有芝士味。鷄批$13暖暖的，牛油皮不厚且香味突出，白汁雞肉餡超多，小許油膩但好吃。熱央$22夠熱，茶啡味平衡，花奶亦夠多，吾錯。店員反應快，主動爲客人落單，讚!

一間普通有點點水準的茶記，下午茶時間要等位餐廳內外都佈滿人流等待🤷除咗出餐快，而我又趕時間食完走,佢又做到效果！Order Tea Set🌟［奶油豬仔包•奶茶］$34奶油豬餐落單連送來3分鐘都不用，值得讚👍加上熱辣辣脆豬溶化著奶油及煉奶，香噴噴的！🌟［ 豬扒沙律•凍檸茶］$45秘製醬汁微厚豬扒熱辣辣配沙津，肉質口感鬆軟，但沙律較多沙拉醬，其如的OK啦😆

其實我下午茶時間，成日都會食呢一間富華茶餐廳，一來近啦二來都算快有位！🤟今日難得星期日放假，所以諗住打返一個禮拜嘅食評上OpenRice，就叫咗一個我成日都食嘅燒鵝瀨加凍檸茶拎走，返屋企慢慢打返曬咁多篇食評。咁拎到返屋企都係一貫水準，燒鵝瀨我次次都話要食胸肉，如果平時堂食就會加杯紅豆冰，咁我覺得佢d食物同環境各樣都唔差嘅。係有時餐廳繁忙時間，d員工會請野大聲d，感覺好似有小小燥底je！🤣🤣🤣

0服務+態度差+執笠嗰日先會再去慶祝第一次去吃早餐叫落單0反應，問2句0反應，吹單0反應。等20分鐘，叫極都0反應。收銀員重要玩野。執笠果日我會番黎慶祝！！！！！！！！！！！！！!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

近兩年响香港嘅冰室開得多過藥房，冇咗遊客，本土文化突然快速崛起。如果冰室/茶記已經成為香港嘅名物，咁菠蘿油 ＋ 奶茶應該可以列入非物質文化遺產。要試間冰室/茶記得唔得，最好就用呢兩款食品入手。今日嚟到富華冰室。。。因為去樓上睇醫生遲咗，嚟到富華已經11:45，本來諗住食個 early lunch。點知佢12:00前仲可以食早餐，嘩！太好了。早餐餐牌除咗來來去去嘅ABC餐外，仲有好多選擇。我揀咗羅宋湯通粉配熱奶茶。上餐時間唔算快，5分鐘左右啦！但一上枱就差啲嚇死。嘩！乜而家興早餐啲餐包係食菠蘿油嘅咩？再睇睇餐牌，呢個餐真係咁樣配搭喎！😅 唯有駛出「真功夫」喇！菠蘿油大過一般男人嘅拳頭，都唔知點落口。個菠蘿皮超級脆，唔算好甜。但敗筆係唔夠熱，同塊牛油一齊做唔到「冰火」效果。擺咗一段時間，塊牛油麵係實咚咚，只可以硬食口感油膩。熱奶茶同樣唔夠熱，化解唔到菠蘿油嘅滯。但茶味香濃，入口順滑，算係合格嘅絲襪奶茶。羅宋湯通粉真係化油膩都係靠佢，羅宋湯味道酸酸甜甜，口感清爽，基本上無得輸。以$39 嘅價錢，可以食到咁大份早餐，真係非常抵。雖然水準一般，但合格有餘！雖然味道普通，但菠蘿包真心好食！雖然脂肪

一行兩個人在等卡位，侍應話可以，就開始等，當然排第一的。1)兩個嘟完安心，見未有位，朋友先去廁所。2)有卡座了，但侍應沒有给我，居然俾了排第二的3個人。我話我在等，她話我未齊人，我話我們兩個嘟安心了，只是去了厕所咋。再來個聲大大的侍應胡亂說是四人卡座，真好笑，所有卡座一式一樣，九乘也是坐兩個人。後來，無奈再等下一張枱。3)又見有一張卡位走人，以為到我，朋友也回來。突然前面見到一個擬似廚房工的人，帶了排我後面的三個人打尖坐了那張卡位。最後走人，不會幫襯這個不知所謂的茶餐廳。

富華冰室1.乾炒牛河$63（7/10）叫得乾炒牛河其實都知好油好肥，唔會真係好乾炒，間中食下無所謂。🤣🤣🤣呢間炒得夠油，牛肉夠淋，唔會硬，而且河粉份量算多，牛肉好似都有約5-6舊，唔錯！👍👍👍地址：葵芳葵富路7號葵涌廣場地下A63-66號舖#乾炒牛河 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

聽電話個個阿姐 勁無禮貌囉 基本禮貌都無 講電話又串又急 又聽唔到人地講乜 ！ 次次都未講完佢就急住掛線 次次都有出錯d嘢 聽錯嘢 一次兩次就算啦 無計較 越黎越過分 ！希望你地間公司好好培訓下員工啦 最基本禮貌 都無 👎🏼

13:28 落咗個同早餐無異嘅特餐，價值51元，包括有個蕃茄薯仔羅宋湯午餐肉粒通心粉、丹麥多士同埋北海道牛乳炒蛋 但係個羅宋湯通心粉係冇料嘅（冇薯仔）、得幾粒 1cm咁大嘅餐肉粒，同埋個湯係冇味又唔熱，重要等足20分鐘，然之後個炒蛋又鞋又唔滑，又少（得一匙羹咁少）又凍！多士冇牛油！我叫咗一個價值$65黑椒西冷牛扒意粉（散叫）！嚟到個黑椒汁冇味嘅！黑椒汁又唔熱！牛扒好老！以後不會到，想食唔熱嘅餐同要長等就黎啦！

今日經過葵芳，就同朋友嚟到呢間茶餐廳食下午茶。佢哋嘅下午茶有好多個選擇：公仔麵西多士紅豆冰應有盡有。今次我同朋友都嗌咗佢哋嘅西多士餐。必須要讚嘅係佢哋嘅西多士超大份，好抵食。餐廳都會比成支蜂蜜你自己加，連根餐嘅凍飲都好大杯。下午茶抵食之選

這間富華冰室，位于葵芳葵涌廣場地下A63-66號鋪，我間中都來吃個下午茶，每次來都很多人，基本坐滿，服務員很陽光有朝氣，勤快，但座位較擠迫。我點了一個【魚柳包餐】$36長型好大個金黃金黃，切開三塊，咬一口皮薄脆，包身軟香，魚柳菘脆，沙律醬同蔬菜配搭添加爽甜减輕炸魚柳的油膩，但蔬菜偏少了。配一杯熱檸茶，檸檬三片，加糖一包，味道剛剛好。店鋪冷氣够凉，幹淨企理，座位比較擁擠，但有條理。食物份量足，够熱。

同事買咗個菠蘿油比我做早餐 ^^望住店員從凍櫃拎出新鮮的大條牛油出黍，然後大刀一切!!!足足有成CM咁厚的新鮮牛油呀!!!!!菠蘿上面香軟鬆碎，但又好咗一咬落去又唔會碎哂食唔到麵包仲要係夠實在，唔會食完一陣風夠哂飽的早餐!!!真係好滿意呀