富華冰室 (葵涌廣場)

营业中

休息中

第一次由好友帶我來到，在葵涌廣場地下的茶餐廳 <富華冰室>，直至最近再幫襯！我們被安排到近落地玻璃窗的卡位，坐下來尚未落單，接著，有7位男食客走入來，店員安排大圓枱給他們，然後，還在附近的位置，開了一張摺枱給他們擺背囊，這一點都覺得要讚！Menu他推介一些他食過好食的菜式給我！粟米魚塊 $84混合蛋花的粟米甜美又美味，魚塊表面炸漿仍然金黃香脆，每件都幾厚身！中式煎牛柳 $89酸度不嗆喉，酸甜味恰到好處，不會喧賓奪主！牛柳薄身而肉質無韌勁！白飯滿滿的白飯看似太空館，哈哈！ 粒粒分明！至怕食到太濕腍的軟飯！例湯不算油，味道也不錯！ 特餐當時，我咳仍未好番，於是，點了簡單又口味穩陣的羅宋湯午餐肉通粉！羅宋湯午餐肉通粉 $55原來口味穩陣都未必㗎！ 要以羅宋湯水形容最貼切不過嘞！食西藥稍為令我口淡，當然想食重口味的食物刺激我的食慾，未嚐過如此稀薄的羅宋湯，味道微酸，湯底是湯麵或湯通的靈魂，通粉軟硬適中，口味最穩陣其實是午餐肉！XO 醬叉燒炒飯 $70他覺得這裡的炒粉麵較出色！當我食了一半通粉才送上來！朋友認為值得等！一送上桌已經香氣撲鼻， 入口微辣惹味有鑊氣，炒飯炒得乾身又色澤

閒日叫一個外賣,等左半個鐘都未有！！！你有你追佢有佢唔理！！！不知所謂！餐廳又唔係滿座,完全唔合理！！！同一個時段另外有個客人投訴, 等左一個鐘都未有！！！大家如果叫外賣就祝大家好運！！！！！

It seems every time we come to Kwai Chung Plaza, this cha chaan teng is always super busy with a line waiting to go in. We decided to find out why.Menu is in Chinese only. There is no 10% service charge. When we were there, they had the afternoon tea set available. Along with the usual cha chaan teng classics, they offered roast meat as well.I decided on the Stir Fried Beef Noodle ($52). Portions are definitely large here. It wasn't too dark in color but wow! Was it salty. The beef were small an

每次經過呢度都會排晒長龍，不過又唔係真係等好耐，因為呢個啲姐姐勁爽手，又會奶快安排啲人點坐，啲嘢食又試得好快，真心唔使點等菠蘿油超大個勁抵食，熱辣辣真心正，次次黎都會叫黎食

我哋去咗葵涌廣場嘅富華冰室食早餐，真係發現生意好好，而且早上人潮眾多，要排隊等位。我哋試咗幾款早餐，包括牛扒餐、菠蘿油同雪菜肉絲米粉。整體而言，價錢實惠，大約40蚊多啲。先講牛扒餐，份量十足，牛扒煎得剛剛好，咬落去肉質嫩滑多汁。配埋熱辣辣嘅黑椒汁，真係增添咗味道。餐點附送茶或咖啡，可以慢慢享受早餐時光。至於菠蘿油，味道不錯，但中間有啲問題。菠蘿包烤得酥脆，牛油同菠蘿餡都有份量，但係唔夠熱。就算等咗一陣，牛油都冇完全溶化，有啲可惜。希望下次可以改善熱度問題。最後嚟講雪菜肉絲米粉，味道鮮美，湯底清淡而鮮甜。雪菜同肉絲都煮得恰到好處，肉質鮮嫩，米粉軟糯。特別想讚揚佢哋嘅湯底，真係令人回味無窮。

平時富華冰室都長期排隊 今次好好彩平日下午茶吾使排不過價錢唔算好平 大家可以參考下- 芝士炒蛋魚柳包配薯角芝士炒蛋本身而係一個好夾嘅配搭 所以吾太食到個魚柳會唔會太乾身- 澳門豬扒包配薯角比起出邊呢款包個包皮冇咁乾身 吾會食到好吉口 個豬扒亦都唔會太油 蕃茄生菜可以去除肥膩嘅口感

街坊茶記，經常有人龍，等位都算快，不過繁忙時間就預咗要同人搭枱。招牌係食燒鵝，都幾好食，不過太油膩，間中食下就好。我鍾意食佢嘅早餐，同下午茶，早餐鍾意食午餐肉通粉配菠蘿油，個菠蘿油真係勁大個。再加埋杯凍奶茶，就係一個完美嘅早餐。下午茶都係好抵食，煎蛋豬扒公仔麵，份豬扒厚切，算唔錯。

my family came here for a quick breakfast and they were very efficient! I had an egg sandwich which was good, but the real winner was the pineapple buns! We even came back the next day to get more! For westerners (me), it’s a little harder to navigate and they say us communally (multiple parties at the same table), but it’s good for when you are running around and want a cheap and quick bite!

下午茶係平，但職員麻麻，明明入面兩座有位都唔比你，收銀隔離遮住咗眼見有人走我問佢佢答我無，明明真係有係都要你答枱，我都明白我比咩價錢咩服務，好彩而家另外多咗間選擇，成日都好想你快啲走

下午3.3 下午茶時間，同友人去貴店惠顧。雖然寶號叫冰室，但對於港式茶餐廳來說，做好一份即炸雞脾和一道干炒牛河是沒難度，也是最基本的功夫吧。我們不會像其他客人選擇不吃去表達心情，只會向店員反應問題希望他們去改善。一只外表似炸雞脾，但實際看似是炸粉包著雞肉的雞件，完全沒有炸雞脾的內涵，配搭的沙律就真喺看出沒有質量，遠看似足一座沙律醬山岳。干炒牛肉粉就更加失望中的失望，醬汁和河粉沒有層次，鑊氣就更不用多問了。感覺就好似把牛肉和河粉撈起上碟。真的一問，您們主廚是廣東人嗎？

公司三文治加一杯凍檸茶外賣$78，凍檸茶$27，係咪傻的，$78我食到大把野啦，貴到離晒大譜，冰室質素，高級收費，嬲到胃口都無埋，外賣又慢，超過半小時才送到。。

同朋友兩個去開葵芳區做嘢，完咗之後都係諗住搵間茶餐廳食飯最好，所以就走咗去葵涌廣場睇吓有乜嘢好選擇，結果都係去咗富華冰室，特別係因為落雨關係，響嗰度食完飯經過商場再經過新都會廣場就完全唔使驚會濕身。其實知道富華冰室之前已經轉過兩三手唔同嘅茶餐廳，不過之前嗰啲好多都捱唔住，主要都係因為食物質素問題，跟住根本唔夠同其他食肆競爭，直到變咗富華冰室，個人覺得其實仲好過新都會廣場嘅文華冰室，性價比高啲。今次我哋都好簡單，兩個人都突然間好想食咖喱，所以分別帶咗一個咖喱牛肉飯同埋一個咖喱牛脷飯，大家都係叫凍檸茶。兩個飯咖喱汁到好夠味，同埋都好足料，牛肉係亂口嘅，牛脷亦都煎過，所以咬落去多一層香煎嘅口感，飯嘅份量亦都適中，檸檬茶就真心冇乜特別感覺。整體嚟講如果響葵芳區要去茶餐廳，好多時都會自動走咗去呢間。

今日塔巴士山長水遠出中環送別鴨鴨，係巴士突然落勁大雨，以為要白行一趟，好彩影果時無落雨，但踩左草地對鞋變左泥鴨。本來想返婆婆屋企樓下飲茶，但影相用左好多時間，所以就係葵芳求其搵間餐廳醫肚算，靜係諗到地下有間富華冰室。我地1行6人，等左一陣就有位，佢比左窗口卡位，另加1張褶枱。老公叫左午餐A-黑椒豬扒漢堡飯+凍奶茶$68（吾記得影相），咁既價錢完全吾值，啲飯仲要生米，好彩我無比呀仔食。我叫左下午茶-鮮茄焗豬扒飯+凍檸水$55，即叫即焗，呢個好味好多。

同朋友系葵涌廣場行街，見到尼間舖好多人排隊，就想黎試下，結果不盡人意成間舖d侍應都冇乜好面色，落完單，比餐具時又比少一份餐具，唔知係咪未訓醒😓菜品質素一般，椒鹽鮮魷最難食，第一次送上黎時，份野食系凍既，完全就係預先製作，剩左少少就隨便擺盤出餐，同侍應話菜品質素有問題，淨係將份餐擺落微波爐叮左之後又比我，又油又硬又鹹，實在唔推介尼道菜。菠蘿咕嚕肉入邊竟然有魚，發達啦賺左啖魚不過咕嚕肉都算好食，就算數。魚香茄子煲，味道淡左d，不過都算ok。下次唔一定會再黎幫襯，希望餐廳有所改進。

侍應服務態度差，會西面，侍應與侍應之間常大聲傾偈，嘈到一個點，以上的主要要女侍應。男侍應普遍都可以，食物可以，普通，起碼唔難食。午餐個四寶飯可以，晚餐小菜都可以。