富興潮州粉麵

营业中

休息中

元朗市中心一帶民生食肆林立，平靚正餐廳比比皆是，今次呢間潮州粉麵店都係其中之一！餐廳整潔企理，而且上餐速度快👍✦ 鮮蝦雲吞麵 💰30五粒大雲吞皮薄滑嫩，入面仲有原隻鮮蝦！麵條滑溜爽口，配上香蔥少量芫荽炸蒜，簡單就係好味道👍✦ 富興三牛泡飯 💰46用餐廳名命名嘅菜式，一定係餐廳最拿手，最標誌性菜式啦，唔係唔叫阿麻？ 大大碗泡飯配上肥牛、牛腩、手打牛丸，十分足料，牛丸咬落仲會爆汁🤣誠意推介之選！✦ 紫菜上湯 💰15食野前想飲碗湯先，清清地叫個紫菜湯試下。食唔到有沙而且幾鮮味，如果可以淡少少就perfect！✦油菜 跟餐+💰10崇尚健康既人士可以加多碟菜，有通菜、生菜或菜心三款選擇。✦椰子冰＋凍檸茶 +💰12 & 💰8跟餐叫野飲有優惠價，特飲椰子冰只係加＄12一杯好抵！其他凍飲加＄8，熱飲就加＄7。

今日同好朋友去咗元朗度掃街 去完又新街到掃完街之後仲未夠喉 於是就去咗呢間富興潮州粉麵度食啲嘢啦 夏天最緊要就係夠冷氣 呢度嘅冷氣非常之強勁 座位唔多不過都幾闊落 坐得夠曬舒服 叫咗個牛腩淨食 淨雲吞 淨墨魚丸牛腩炆得有咁又入味 肥瘦均勻 有入口即化嘅感覺 牛腩汁味道香濃 而且下面仲有幾條生菜 索曬腩汁嘅味道 雲吞皮薄餡料多 入面仲有大大隻鮮蝦 肉碎一啲都唔肥膩 最重要係雲吞皮非常滑溜 墨魚丸大大粒又幾夠彈牙 入面仲有粒粒墨魚肉 非常唔錯呀

估唔到平日買開宵夜嘅又新街行前少少，有一間潮州粉面店，買宵夜又多個選擇喇，唔使怕熱氣。店員姐姐服務非常殷勤，而且手腳快，一個人應付全店嘅所以樓面工作，犀利！五香牛雜$98牛肚、沙腩、大腸、粉腸、牛膀、牛肺等，各款食材都炆得好入味，唔香味十足，而且非常之腍，我自己最鍾意嘅就係牛粉腸，既肥美又軟滑，而且味道剛剛好。牛肺都好唔錯，爽口軟滑，而牛肚就偏咸，可能因為用同一款醃料，但係唔同部位入咩時間都唔一樣。鮮蝦雲吞河$30豬肉同蝦分別各佔一半，雲吞餡充滿麻油香味，雲吞皮非常滑溜，河粉份量都好充足，唔錯唔錯👍🏼京都炸醬麵$30酸甜醒胃，肉絲有咬口，估唔到附送嘅湯都幾清甜，仲有芹菜香味。新鮮炸魚皮$12雖然係來貨炸魚皮，但堅要讚下，炸得非常薄脆，味道不會太咸，食完會好口渴。估唔到平日買開宵夜嘅又新街，有一間潮州粉面店，買宵夜又多個選擇 唔使怕熱氣。

疫情下有餐廳被逼暫停營業，但亦都係一個發掘其他唔同餐廳既機會！今日嚟咗呢間潮州粉麵店食早午餐，竟然有驚喜😍店面唔算大但乾淨企理，唔怕坐得太迫餐牌上除咗潮州粉麵外亦有泡飯小食等等，好多選擇富興魚三寶河粉魚三寶面有魚皮餃魚蛋同魚片頭，潮州魚蛋同魚片頭比較稔身，加埋紫菜令成碗麵口感味道更豐富。鍾意辣的話記得要加埋枱面上擺放嘅辣椒油同埋辣菜甫，好味！雲吞麵雲吞皮薄，餡料飽滿，蛋麵唔會太重鹼水味，正常發揮手打牛肉丸單叫手打牛丸有七粒牛丸同兩件蘿蔔。大大粒牛丸好彈牙，牛味濃郁，蘿蔔亦都燜得好稔好入味，成碗食晒！炸魚皮、腐乳通菜炸魚皮超級酥脆，大大份都係$12。加油菜都只係加$10，大大碟通菜配埋腐乳汁，好抵！早餐時段去會送飲品，嗌咗好耐冇飲過嘅凍檸賓，好解渴

朋友想食牛雜，所以隨意入咗呢間潮州粉麵食個快lunch。🔸富興牛十寶麵（$58）牛十寶有沙腩、牛筋、牛肚、牛肺、竹腸、大腸、粉腸、沙瓜、牛膀及牛腩，各款都炆到好腍又入味，最鍾意沙腩、牛筋及牛肺，湯底加入腩汁後，每啖都食到牛香，呢個價錢配呢個份量真係幾抵食。🔸富興八味寶麵（$58）八味寶麵好豐富，有魚蛋、片頭、魚片、扎肉、牛丸、肉丸、墨丸、紫菜及魚皮，魚皮好香脆，另湯底都夠味，配埋米粉一齊食幾好食。🔸熱檸水（+$7）🔸凍豆漿（+$8）熱檸水正常發揮冇乜特別，而凍豆漿夠凍又唔會好甜。

🔆正宗潮汕牛丸🔆富興潮州粉麵 (元朗)元朗又新街33號怡豐大廈地下9號舖喺朗廷酒店隔離之後，有時間沉澱落嚟思考人生，我出返去之後要做啲咩呢？首先我要珍惜我對腳，禁足之後，定立目標努力行路，日行10,000步先，💪🏻💪🏻💪🏻💪🏻Keep番個身體健康，對腳係有用㗎，唔好再話佢攞嚟襯。第二樣嘢，就係要食好啲，同屋企人👩‍👦一齊食好啲，振興返本地消費😎😎😎，決心要捐窿捐罅搵嘢食😋😋😋今日帶爸爸去到元朗呢間正宗手打牛丸，因為佢係勁鍾意食牛嘅，咁梗係等佢大飽口福啦。喺呢一個乍暖還寒嘅天氣，今日係熱辣辣🔆🔆🔆🔥🔥🔥入到去就即刻叫咗杯凍奶茶同埋凍檸茶先凍檸茶茶香足，甜味味剛剛好，咁就夠晒解暑開胃啦🌟🌟🌟我就最鍾意杯凍奶茶🥤，奶香茶香沖得啱啱好。我哋叫咗淨食，淨手打牛丸，淨原汁牛腩，因為唔想食麵同飯呀，天氣太熱太飽。手打牛丸呢$32就有七粒啦真係好抵呀，又勁大粒喎，搞落去一半嘅時候呢彈牙都會吱一聲，仲要跳彈咁跌落個碗度，真係好正，入邊呢又有啲油脂又有甘香又有Juice嘅汁，真係食到索索聲。淨牛腩，份量係勁足料嘅勁大碟，啲汁係超好味㗎用嚟送飯係一流，加上佢嘅配菜呢都好足個喎，成碟生菜薦底，上面又有蒜香同葱

返工放飯得一個鐘頭時間食飯 食粉麵就最適合 快靚正 好味之餘 價錢又親民 除咗有各式各樣粉麵提供之外 亦有飯類，泡飯，淨食，時菜... 飲品有豆漿，汽水，咖啡，奶茶，凍檸茶，仲有特色飲品...沙冰啊!食粉麵醬料當然離不開豉油，辣椒油，紅醋...店內嘅辣菜脯必食 加入粉麵之中 不但可以增加口感 還令湯底帶有微辣效果 整個味道更昇華五香牛雜麵$32 個湯底清得嚟夠濃味 牛雜夠多 炆得好淋又入味 我最鍾意食牛蒡同牛肺 牛腸超肥美 充滿牛脂香味 牛肚又厚又大件 一啲都唔韌 生麵生熟程度啱啱好 口感依然爽彈 冇鹼水味 亦都唔會好糊口 是我喜歡的麵條質感潮州四寶丸$38墨丸，魚蛋 ，魚皮餃，豬肉丸，魚片頭... 樣樣都有啲好豐富 粒魚皮餃好出色 勁大粒 餡料又夠多 食落有爆汁效果 淨丸嘅湯底係紫菜湯 唔怪得知個湯底咁清甜啦 仲有幾棵生菜墊底 夠曬健康凍飲+$8 叫咗杯凍奶茶 好飲 茶味香濃 入口夠順滑

放飯餓餓地去左食牛雜粉，是日食富興，就係凍肉舖隔離個間，耐唔耐都會食佢，因為價錢好平呀，味道唔差又大碗。枱上有潮式辣椒油同辣菜莆，個人覺得佢個菜莆唔多夠辣，食得辣就加埋個辣椒油仲正。朋友叫左富興牛十寶河粉，見店內都幾多人叫呢樣，一次過有晒所有牛唔使諗食邊樣啦。牛腸，牛肺，牛蒡，牛筋，牛腩，牛肚等，朋友話全部都好入味好正，無怪味處理得好喎。河粉吸了腩汁好味，又滑又鮮味。自己叫左碗水餃粗麵，賣相無十寶咁澎湃，但都唔細碗㗎。水餃爆大隻，入面有原隻大蝦，勁爽口，仲有就係豬肉同木耳絲，鮮味豐富，好食。粗麵爽口無鹼水味，加加辣勁正。仲有小食炸魚皮，好脆呀～再叫左碟菜，無通菜就要腐乳生菜啦，腐乳醬鹹鹹辣辣好好味。最後就係特飲啦～紅豆冰＆凍檸賓，杯紅豆冰勁多紅豆，煲得軟綿不過甜，正。檸賓好多片檸檬，酸酸甜甜好飲。食咁多野都係七十蚊人頭左右，抵食！

約咗朋友去元朗農莊玩，食完晏晝再搭的士入大棠。先去超級市場買一些飲品。行下行下就到又新街。因為時間不多，就隨便搵一間醫肚。我們一行三人，一人一碗麵崩沙牛腩牛肚河粉$56 雙拼加$10湯底好清甜，飲咗幾啖，唔會好鹹。崩沙牛腩貴啲都值得，非常入味，牛肉冇渣嘅好軟淋 。朋友食雲吞魚片頭河$42 雲吞新鮮包起的，蝦肉彈牙，另外魚片頭都好食。崩沙牛腩撈粗麵$54 朋友覺得好好食，都係一樣崩沙牛腩唔會好韌。嘆返杯凍檸茶，再加個炸魚皮$12食飽飽就出發去農莊 。價錢又實惠又好食。

難得一星期一次假期，與朋友結伴到元朗大棠看紅葉。一早行山，中午回到元朗市中心，就行到又新街揀嘢食。朋友鍾意食湯河粉多過飯，就入咗呢間餐廳。朋友點了五香牛雜河粉$32 大腸、牛腩、牛肚、牛蒡都非常新鮮入味。湯底很香濃。食晒成碗面都唔覺得頸渴。而我就點原汁牛腩湯河雙拼魚片頭$32 ，雙拼加$10魚片頭好彈牙，牛腩炆得好琳，而且件數好多，好抵食。食湯河點少得炸魚皮$12炸得好香脆。再加個腐乳通菜$15 ，大大碟真係好抵食我以為自己睇錯價錢。兩人平均消費都只係$60 ，抵食。

2022年第一餐出街食嘅飯❗️好耐冇食牛腩麵，決定搵間過下口癮。行過見呢間幾full，又有人等外賣，應該唔錯，一於試下。富興牛十寶河粉 $58朋友叫嘅餐，有沙腩、牛筋、牛肚、牛肺、竹腸、大腸、粉腸、沙瓜、牛膀、牛腩，非常豐富。除咗平時食開嘅牛部位，仲可以食啲特別嘅部位！牛肚出面嫩、入面爽口。之前未食過牛肺，味道口感有啲似蠔豉，鹹香得黎厚實。竹腸質感爽脆，大腸就有豐富嘅油脂感，粉腸肥厚，我個人最鐘意竹腸。每份牛部位都有至少2件起，份量足，幾抵食。崩沙牛腩+鮮蝦雲吞米粉 $46（雙拼+$10）崩沙牛腩有7塊，牛味香濃；肉質軟腍，膠質就彈牙，整體口感層次豐富。鮮蝦雲吞有2粒，入面有大大粒鮮蝦，彈牙唔軟爛，仲有半肥瘦嘅豬肉餡。米粉份量多，麵質唔錯，幾有咬口。通菜 +$10食落幾嫩口，唔會有渣，配埋腐乳，有少少辣同鹹香味。生菜 +$10口感爽脆，配蠔油更帶出鮮味。紅豆冰（少冰）+$12本身想嗌雜果冰，不過冇晒，所以改為紅豆冰。飲落甜度適中，紅豆有咬口，幾大杯。椰子冰（少冰）+$12椰子味香濃，解膩消滯一流。食得好飽，周圍行下當消化～

同女朋友仔去左元朗行街，行到咁上下想食野但又唔想食商場餐廳，就決定出街邊覓食，經過一間粉麵鋪俾佢地嘅香味吸引左，就決定入去試試佢。餐廳叫富興潮州粉麵，空間唔算大間，但座位都算坐得舒服。餐廳除左粉麵之外，仲有牛腩飯供應。最後決定叫爽口墨魚頭米粉同爽滑崩沙牛腩飯～🔻爽滑崩沙牛腩飯味道：9/10價錢：$55估唔到咁出色嘅崩沙腩，份量算多，有8-9舊。每一舊腩肉都肥瘦都啱啱好，食落去都好滑，而且個腩汁都好出色，好好餸飯！而且呢個仲包埋一碗紫菜湯，都幾足料，好飲～🔻爽口墨魚頭米粉味道：7.5/10價錢：$32女朋友轉左做米粉，麵底都算多。而墨魚頭雖然份量唔算多，但都夠一個人食。墨魚頭爽口彈牙，唔錯！另外我地仲叫左一碟油菜。呢間個崩沙腩超得我心，有機會黎元朗一定會再黎食！

今日約好同朋友踩單車，由大埔出發，北上經粉嶺、上水再沿新單車徑打橫過踩到去元朗，其實舊年10月都踩過一次，不過，當時踩到去元朗就回程返大埔，今次就唔同，踩單程，到咗元朗會再繼續，目的地喺屯門，然後坐返屯馬線走。上到去到元朗外圍嘅「南山軒」食晏，今次就入咗元朗市中心「富興」食粉麵，喺友人介紹，要試試一款大雜會式嘅粉麵，喺絕不輕盈之選。時值午飯時間，所以，鋪內都幾多人，加上室內環境唔大，枱櫈間隔又有啲逼，故此，喺有啲擠壓感，不過，嚟得港式粉麵鋪，環境都喺咁上下，依家疫情緩和都無乜所謂，我哋好彩趁有人埋單，搵到個埋牆位，感覺好少少。枱邊插住餐牌，大大版底面兩頁，選擇非常之多，唔止有粉麵，仲有飯類、泡飯、淨食、單點、飲品，定價都大眾化，可以以優惠配飲品。我哋各自嗌，快上快落，費事阻人做生意，所以，今次就只寫自己食過嘅嘢，富興八味寶麵 $58踩咗幾個鐘頭車，下午仲有一段路，所以，豪少少揀碗八味寶麵，啱晒心多多嘅人，餐牌就列明有魚蛋、片頭、魚片、扎肉、肉丸、牛丸、墨丸、紫菜、魚皮（應該喺指魚皮餃），查實仲有雲吞，直頭喺十寶啦。湯頭算清甜，而各種食物嘅食味都唔錯，唔會話好有驚喜，但亦唔差，起碼魚蛋、

富興潮州粉麵 (元朗)📍元朗又新街33號怡豐大廈地下9號舖 👉🏻富興牛十寶面 $58 （沙腩、牛筋、牛肚、牛肺、竹腸、大腸、粉腸、沙瓜、牛蒡、牛腩）聽個名都夠哂架勢！有得食甘多款牛既地方 ！🤣🤣就俾距吸引左入黎呢d粉面店已經買少見少 突然諗起細個同婆婆食牛肚河走青既情節 🥲 好有兒時同香港地既回憶 😊碗河粉都幾大碗碗面都有勁多蔥蒜 亦都有辣菜蒲， 幾好咬頭佢啲辣椒油幾辣鍾意食辣嘅人可以食下夠哂野味另外牛肺同牛蒡比較好味道可能太少食了😋👉🏻鮮蝦雲吞麵轉撈粗 $30（+ 10轉撈粗） 抵食價錢！撈粗有好多蠔油汁俾你撈 夠哂野味雲吞入面有好大粒蝦 幾好味道！👉🏻另外加多$15叫通菜有超多腐乳汁 碟菜又大碟面底可選河粉、米粉、麵、粗麵、米線、 轉伊麵加$5粉面轉加：雙拼/撈麵/加底/加紫菜加$10熱飲加$7/凍飲加$8/油菜加$10/特飲加$12👉🏻雜果冰$20甜甜地利賓納有超多雜果、椰果同菠蘿👉🏻柑桔蜜$15咸咸地 清清地 🔔餐廳環境方面大眾化的一間粉面店啲位坐得都算舒服抬頭就有一部電視機俾你慢慢睇當日夜晚10點幾嚟到食都仲有好多街坊嚟食宵夜證明餐廳有一定嘅吸引力我喺附近探完朋友都嚟食個宵夜

「望一望呢邊，係係⋯⋯ 個頭向左邊少少」男聲繼續講「先生就望住太太下」「Close 啲攬實太太！」卡擦！卡擦！「今日你好靚仔啊！」每個女仔都希望自己有著上婚紗既一日，今日終於都到我啦！感覺開心又緊張！唔知道佢又點識呢？「我既一生幸運就係娶到妳！」聽到真係甜到入心啊！有錢冇錢都冇所謂，最緊要就係以後一齊過既日子。卡擦⋯⋯卡⋯⋯擦唔記得同大家講，我係嘉蔚。今日去左南生圍影pre wedding😚 好快就會同佢-諾言廝守終身。或者咁講，喺呢個最壞既時代遇上最幸福嘅事！「好啦！今日到呢度啦！辛苦晒兩位，返到公司執完晒啲相再叫你哋過嚟攞啦。」攝影師講完之後就執野上車，仲話送我哋出返去元朗。「嘉蔚妳食唔食啲野啊？」「影左成日都未食過飯」諾言咁講。我化晒妝影相點食喎，又怕整污糟件婚紗。今日連水都冇咩飲過！所以我諗都冇諗就走左入間麵檔「就呢度啦，好攰唔想再行啦！」「一杯紅豆冰，十寶麵 水餃麵同埋正雙丸。唔該！仲有多啲蔥！」估唔到佢幾時都記得我要多蔥，仲有我最鐘意既紅豆冰😍但係⋯⋯「叫咁多食唔食得晒架？」佢咁答「見佢貼咁大張相出嚟應該係招牌菜？」「仲有啊，妳食唔晒就等我食晒佢啦！」最初同佢一齊果時明明好