富臨酒家

营业中

休息中

因為婆婆住在附近，我和爸媽不時都會來這附近跟她飲茶，所以我來過這間酒樓很多次了，可是最近幾次飲茶的時候，都覺得這裏的質素和點心都大不如前。今天來的時候，酒樓地下剛好在拜神，於是地下和一樓近電梯位置煙味彌漫，把人薰得頭昏腦脹。雖然明白酒樓拜神想擇個良辰吉日，但顧客的用餐環境顯然未被顧及，個人覺得得不償失。今天來的時候是兩點左右，吃下午茶。吃過的點心之中，要數叉燒腸粉（大點）最差強人意，腸粉不夠滑嫩，色澤暗啞，倒比較像粉皮；叉燒肥瘦不均，肥肉居多，而且味道帶酸，不新鮮。銀蘿脆皮腸（特點），外觀還不錯，味道還好，但裏面的脆皮不夠脆，令口感有差。豉椒排骨蒸粉皮，份量十足，但粉皮吸收了太多油，太油膩。春卷一般。家鄉煎薄罉（中點），上菜時已經冷了，令口感沒有預期的好。魚肉釀茄瓜（中點），較正常，鹹度適中。雞蛋豬腳薑（大點），味道太淡，而且頗油膩。生煎菜肉包（大點），云云點心中較為可取，沒有烤焦或不夠熱，不錯。雙皮奶，不夠細滑，表面明顯有氣泡。我們一共叫了12-13個點心，結帳時大約是$270，價格適中。總括來說，這裏價格可接受，對附近街坊來說也很方便，但環境和食物質素頗差，以同區酒樓來說，一定不是

今日到長沙灣拜山，然後一行人一選擇都冇嘢廣場嘅富臨飲茶，地方光猛，日光照進餐廳，感覺良好，地點便利，坐得舒服，安排都偏廳，人手稍為有點不足，不過服務還是殷勤，食物等候時間有點長，不過質素很高，部份的食物也頗為抵食。龍躉蒸飯份量不少，只是$88 ，每粒飯也有魚油的香，兩點的時候開始下午茶，無緣一試，下次一定要試一下。

很久沒跟家人上酒樓食飯了，今晚就來到富臨跟家人相聚一翻，畢竟談天說地不限時，大聲一點都不怕XD離我家不算太遠的貿易廣場介乎民區與工廈區之間，可以吸引打工仔放工後跟同事來個飯局，也方便居民下班後扶老携幼吃晚飯⋯小菜包羅萬有，海鮮、肉、菜、燉湯⋯⋯每台都有果仁一碟，茶錢＄10位，果仁＄10碟成屋湯怪，每次到酒樓總要點燉湯，今晚就叫了金銀菜燉白肺湯，湯頭清澈，豬肺洗得很乾淨，而且很腍，非常滋潤，我們都是連湯渣吃的人，所以一點都不浪費食物⋯是次推廣的蠔皇金頭鮑魚扣金錢每位只售$26.8，當然要每人都點一份泰皇蝦球抄通菜令人滿有驚喜，蝦醬味濃，而且香辣惹味，越食越辣的很刺激﹗脆皮豬手已經切件，所以一上枱就可以享用，豬手皮脆卜卜的，肉質倒是很Juicy，醃料很入味⋯這一餐有鮑魚有燉湯，又可以跟家人相聚，大滿足啊﹗

父母總係鍾意上茶樓食中菜，但係屋企樓下果間屋村酒樓又食得太多，開始覺得悶。橫掂呢排天氣幾好唔熱又無落雨，我就提議去屋企附近富臨酒家食飯，我仲記得細個間中阿媽都有帶我黎飲下茶架。富臨呢度嘅選擇比起屋企酒樓多好多，又有冬瓜盅、各款燉湯、最強海鮮推介等等，真係睇到餐牌都已經覺得好肚餓了。另外，仲有晚飯3寶推介，加上一系列精選特價小菜，樣樣都咁好味，既然係咁，我地決定唔叫飯，只叫餸。由細養成嘅習慣，就係開飯前先飲湯，呢個金銀菜燉白肺，可以潤肺止咳，而且阿媽話洗豬肺好麻煩，而家出街食唔洗自己洗又有得飲，特別好味喎。限量每位只可叫1份嘅蠔皇八頭鮑魚扣金錢，特價只需$26.8一位，冬菇大大隻，鮑魚就炆得夠腍。真係估唔到，有冬菇、鮑魚食$30都唔駛，去邊度搵呀。老婆最鍾意食泰式炒通菜，加上新鮮爽口嘅蝦球，所以就叫左呢個泰皇蝦球炒通菜。有阿媽鍾意嘅豬肺湯，又有老婆鍾意嘅炒通菜，咁又點少得老爸至愛嘅火腩大鱔煲呢。半肥瘦嘅火腩肉，混入呢個惹味十足大鱔，食得老爸津津有味。脆皮豬手份量夠大，而且外皮煮得非常香口，但略嫌比較乾身，但整體黎講尚算不錯。雖然話今晚唔叫飯食，但為免老爸半夜要起身煮麵食，最後都叫個生煎菜

同朋友去深水埗睇電腦，諗住食完飯先散，傾好食小菜又唔知去邊，我索性捉佢哋搭多個站，去長沙灣富臨開飯。中國人嘛，食飯梗係要飲湯啦，金銀白菜豬肺湯，啱晒秋天涼涼地，時令又滋潤⭐️⭐️⭐️第一食生炒龍躉球，大大片啖啖肉，四人份量，認真足料，又要泡油、又要夠鑊氣，$268 兩食，自己買料都唔夠, 認真抵食⭐️⭐️⭐️⭐️清蒸龍躉，皮爽肉嫰，勝在銷流快夠新鮮，原汁原味清清地，簡單豉油巳經好好味。⭐️⭐️⭐️⭐️⭐️生煎包熱辣辣，脆卜卜，最啱食餸唔食飯，配餸點汁一樣正⭐️⭐️⭐️蒜香鹹豬手，蒜香金黃，燒肉帶住豬手皮，咬落QQ彈牙⭐️⭐️⭐️大大隻炆鮑魚認真晒睇頭，一樣要用刀叉切，雖然係鮮鮑魚仔，煮法同樣講究，味道出色。⭐️⭐️⭐️大廚手藝街坊價錢，睇吓個餐牌，就知點解咁旺場，酒樓四圍都有，去富臨都係果句，好食又抵食

約左屋企人飯聚，幾時都係上酒樓最得我心，皆因中菜才會有「家」的味道多款晚飯小菜，豐儉由人，價錢只是數十元起，還定期有不同優惠一家人食飯，又點少得飲番個老火靚湯，「金銀菜燉白肺」，滋味順喉，潤肺養顏「龍躉兩味」先來「西蘭花炒龍躉球」，啖啖肉，魚肉切得夠厚，帶皮部分特別爽滑，無得頂第二味「清蒸龍躉頭腩」，嫰滑可口，件件肥美肉厚，抵食夾大件，超級滿足蠔皇八頭鮑魚扣金錢，優惠價只需$26.8一隻，絕對要用刀叉享受，貨真價實，唔試係閣下嘅損失，千听咪走鮑啊仲有呢味「脆皮豬手」，皮脆肉嫩唔在講，幫你分得整整齊齊，食得特別方便滋味，送酒一流嘆埋個「生煎菜肉包」，簡直係完美加完美，連埋兩小時泊車優惠，四個人每人都係二百元左右，真係抵佢越做越旺

今天到長沙灣探屋企人，晚飯去酒樓食，屋企人話貿易廣場有間富臨酒家幾抵食，所以今晚就去。原來酒樓近排搞噱頭，會不定期做”太公分豬肉”送給食客，幸運今晚給我們遇上了。雖然係送，但一點不馬夫，新鮮切開還是暖暖的，皮脆肉嫩。鮑魚口感不算韌，都夠入味，汁香味濃，還有配菜西蘭花和東菇。平時通常係杏汁白肺湯，今次有金銀菜，清清地都幾好，白肺嫩腍。平時食上海菜才有，而家富臨都有做，賣相飽滿油潤，麵包質感鬆而實在，肉餡味道香濃，如果再汁潤些就更好。菜夠大碟，芥菜新鮮，用上腩肉炒，芥菜都食到腩肉的香。份量都幾足，而且白鱔每件都好厚切，肉質爽韌，鱔味香濃，配豉汁最好不過。粉漿好薄，咬開肉都夠大件，做到外層脆內腍軟，酸汁開胃，配有菠蘿和青紅椒。

今日到長沙灣貿易廣場開會，約好同事工作完就在貿易廣場食晚飯，原來仲有泊車優惠添，滿300有2小時，今日有揸車啱曬。睇睇餐牌，見到這個晚飯震撼推介2選1，可選蠔皇八頭鮑魚扣金錢(每位上限一份26.8/份)或頭抽走地雞$28/隻(2至5位1隻，6位以上2隻)我地揀左鮑魚，鮑魚唔算大，口感亦不算韌，味道都可以，還拌有東菇和西蘭花。金銀菜燉白肺 $128點了個白肺湯試試，沒有想象中咁好飲，略為有點失色。生煎菜肉包 (6隻) $38外表金黃底部香脆，包質感鬆軟，味道香濃，酒樓比較少有的菜色。鮮菠蘿咕嚕肉 $78份量都幾足，粉薄肉厚，咬落外脆內軟，開胃惹味。豉汁蒸白鱔 $108鱔每件都好粗身，入口爽韌有口感，豉汁調味剛剛好唔咸又入味。水東芥菜炒腩片 $78叫左個蔬菜平衡下，芥菜新鮮翠綠，配上腩片的咸香，幾好。太公分豬肉，不定期會送給食客。今日巧遇酒樓做太公分豬肉，情境都幾搞笑，店員會同乳豬繞場一周，再分給每枱食客，我們也分到一碟，乳豬還是暖暖的，肉質腍軟汁潤，肉味香濃。

星期六,難得可以晨早鬆人. 本來約了細妹叫她等我放三點的突然提早了. 兩點已經會合大家來到, 首要任務, 就是先安慰肚子中午時分來這裡飲茶人流雖說多，但有一部分係吉枱，侍應都要我地搭枱唉！呢啲就係今時今日既服務態度？點心紙經常有特價，點心、小食、粉麵飯都有叉燒同燒鵝瀨粉（忘記正式價錢）燒鵝瀨雖然份量吾多湯汁帶有濃香的鹵味，瀨粉的爽滑燒鵝的確不比鏞記差！更是非一般酒樓食肆能食得到的羶香的鵝肉帶著更羶香的鵝油再加上脆度十足的鵝皮，而鵝肉爽口，十分之有味道如果是脾位就更好！叉燒瀨叉燒也是極厚切的. 此叉燒夠蜜味之餘, 真正用上了梅頭肉的叉燒不肥, 而且非常之淋，是值得一食再食的.湯底雖只是一般既高湯. 但味道不差, 味精不多飲多兩口沒事去茶樓食一定係食點心雞扎一點沒有欺場有冬菇，魚肚，芋頭，蟹柳！大量雞片仲有就是大量味精！而蝦蛟就比較理想。蝦的size係適中的而表皮亦無爛，代表包得好完整。配搭上辣椒醬就一流。總結食物水準唔錯但奈何因搭檯感覺得不舒適而且又嘈最慘到我地走不斷地有吉枱呢！

放工後與朋友相聚， 近近哋又容易訂枱， 而且有朋友推介這裡的黑椒豬手不錯， 一於去試吓。這晚來到近八點， 都八九成滿座， 非常熱鬧！從餐牌上看到小菜價格中等吾算貴， 亦有 三寶、孖寶 選擇再相宜一點； 而今次我們5人就選了單點的，繼有鐵板黑椒德國豬手， 再選了白飯魚菜甫煎蛋、泰皇蝦球通菜， 再多選了一款肉，大澳香蝦骨， 並且點了冬瓜盅！ 但落單後才知冬瓜盅沽清而轉了金銀菜燉白肺！另外再加點蠔皇八頭鮑魚扣金錢及生煎菜肉飽。金銀菜燉白肺， 材料充足， 清潤好味😋鐵板黑椒德國豬手， 入口肉質軟滑嫩口， 黑椒汁亦非常香濃入味😋 就連洋蔥在鐵板上都烤到熟透香甜😋 確實冇介紹錯👍大澳香蝦骨， 用蝦醬醃過肉骨， 入口咸香夠惹味。蠔皇八頭鮑魚扣金錢， 上枱時鮑魚滿滿的在煲面霎時全吸引視線😍 鮑魚入口香軟不韌👍 冬菇肉厚😋 蠔汁香濃， 小朋友愛嚟撈飯仲食多碗才滿足🤪泰皇蝦球通菜， 這味上枱未算吸引， 蝦球太細不吸引亦口感不足， 通菜有點老， 這味菜比下去👎🏻白飯魚菜甫煎蛋， 吾知係漏單還是廚房太多單， 這菜幾乎在我們已吃哂飯才上枱， 入口滿足感大減！ 但看見白飯魚這麼粗大有點意外， 味道亦不錯的👌最後仲

去完荔枝角的GYM Room做運動，當然要補充體力食個豐富晚餐。近近地食個中式晚餐，在貿易廣場有間富臨，又夠大可以坐得舒服D。睇下餐牌有咩食，$9.8一份「蠔皇八頭鮑魚扣金錢」我無睇錯😱真係每位$9.8大大隻鮑魚仲有肉厚肥美的冬菇，加上西蘭花，無理由唔叫，個蠔沖扣得隻鮑魚好淋，個汁送飯簡直係一流。再叫多一味好耐無食過的「白飯魚菜譜煎蛋」真能夠令我回味媽媽飯的感覺，白飯魚好大條，而蛋餅煎得好薄，配上菜譜真係相得益彰。朋友最愛野味的小菜，他一見到「鐵板黑椒德國豬手」即刻叫了一碟，一上枱鐵板非常熱，一大隻豬手放在中央，而個黑椒汁是另上的，當淋上黑椒汁時，香氣撲鼻，酒樓提供了刀叉比你，方便切豬手，一切隻豬手D肉淋到自己裂開，個豬皮好似啫喱咁淋，配上黑椒汁真的好好味。另再叫了「泰皇蝦球炒通菜」呢個好香好野味，好好下飯，有大量的蝦乾，及鮮蝦。而「大澳香蝦骨」平切的豬排骨，肥瘦肉很均勻，蝦醬味香濃，但又不會咸，加上炸得火喉剛剛好，唔覺唔覺食咗三四件，推介之選。極品燉靚湯「金銀菜燉白肺」好大煲，又足料，有大白菜膽、菜乾、鮮雞、豬肉、豬肺、紅棗，可以分到成十碗湯，足料又抵飲。 送埋生果拼盤。

雖然酒樓就係屋企附近，但因為同家人夜晚好少去酒樓食飯所以就冇幫襯過富臨嘅晚市。今日就心血來潮同屋企人嚟食下晚飯。知客好友善，會推介下食咩好。晚市有好多精選小菜揀我地叫咗個金銀菜燉白肺($128)，份量好多，侍應話足夠六至八人飲用。足足有一大碟湯渣，有瘦肉、豬肺、雞腳同金銀菜。豬肺洗得好乾淨，而且份量好多又大件。鼓汁蒸白鱔($108)一般出面食嘅鱔都會又細又幼，今次食依條size適中，都幾新鮮。味道唔會過喊，口感爽口，魚皮彈牙。海參花菇玉掌煲($108)花菇又大又腍，海參如果可以炆得軟熟d會更好。

同屋企人食飯，就近近地選擇返樓下門口對狗公仔好可愛屋企人有兩聲咳，叫左個金銀菜豬肺湯: 個肺都洗得好乾淨，平時唔食豬肺既我，都食左2舊，另外個湯好清好甜，火喉十足頭抽雞一隻，都只係18蚊，好意頭。雞肉嫩滑，上色均暈，味道岩岩好生煎菜肉包: 菜肉包餡多汁，外面煎到好脆，食得出係即叫即煎黑椒汁豬手: 黑椒味香濃，豬手肉皮香肉滑，洋蔥好甜炒通菜: 有少少似椒絲炒通菜，食食下會有醃過既肉係入面，唔錯豉汁蒸大鱔: 我既至愛，魚肉肥美爽脆鮮甜，唔會蒸過龍食完餐飯仲有水果送，長輩好滿意呢餐，以後食飯又多個聚腳點

冇去富臨酒家食晚飯已經一段時間, 今晚約了阿媽到荔枝角貿易廣場這間富臨酒家, 今次d食物味道比之前好食了， 加上有啲特價菜式可挑選，又食得過。這間富臨面積相當大， 所以檯燈之間係非常濶落， 在酒樓食晚飯最重要除了食物好食外，坐得舒服也是一個重要嘅元素。餐牌是圖文並茂的， 特價精選小菜都有18款可選， 價錢有平有貴，最貴才是HK$138元, 我們就揀了三款 ,別點了一個燉湯， 豐富極了。先嚟燉湯--金銀菜燉白肺, 材料豐富,尤其是豬肺， 豬肺切開一舊舊, 好在size適中, 不太大嚿，點豉油食特別美味， 燉湯中的大白菜和菜乾, 令燉湯很有菜味, 飲落特別潤喉。 大澳香蝦骨, 肥膏不多, 但蝦膏令肉骨特別惹味， 佐飯一流。鐵板黑椒豬手, 黑椒味濃， 加上豬手炆得特別軟身， 令我不其然連豬手皮一齊食,好味道極了。食埋豬手皮，？就不介意咁多了。泰皇蝦球炒通菜,蝦球雖然比較細隻， 但通菜炒得夠曬鑊氣，味道香濃， 連汁與飯一齊食， 不知不覺間食多兩碗。最後點了一嚇生煎菜肉包， 滿滿嘅芝麻和蔥花， 加上菜肉包面層煎得香脆,熱辣辣食,好正。

都好耐冇食得咁豐富嘅中菜，因為真係要人多先食得開心，又因為可以叫多d款式痳! 今日大家揀咗好多叫做傳統嘅菜式，美味，抵食，多滿足既一餐! 仲要座位好寬敞呀！先黎一個生煎菜肉包， 飽底煎得好脆，麵包又鬆軟， 餡料又夠多，甜甜既菜肉都juicy!跟住再黎一個金銀菜燉白肺湯，自己做唔到嘅嘢一定喺酒樓食啦仲要喺富臨食，包你話好味! 呢個燉湯真係要推介，味濃夾醇😚。另外，記得食啲肺前點佢個辣椒油啊，特別香㗎!走地雞真係走地雞，唔多肥膏，而且食到雞味! 少有!呢個黑椒豬手真係唔得了，入口即溶。由於係鐵板上，食到尾啲汁都唔傑!食咗咁多肉梗係要用啲菜嚟清下腸胃啦! 佢落咗好多辣椒蒜頭去炒呢個菜，非常惹味!呢個鱔係今晚比較突出嘅菜式，豉汁味香，鱔亦都好新鮮，口感好好!南瓜西米露，全枱人都讚夠濃夠香夠滑!