富臨皇宮

营业中

休息中

當晚book左位6:30食晚飯，一黎到只叫我地企埋一邊等，後面啲人都入晒坐，問左佢一句已經勁吾耐煩答話整緊個位，好啦，等到安排坐底左，叫人點菜，冇人理，跟住落到單叫左4個菜，當中已有一樣冇，咁就轉嗌另一樣餸，點知隔左陣有位侍應行埋黎只回應：呢2樣冇！就走左去，極冇禮貌，嬲到果下真係想即刻起身走！同埋當時7點都未夠就好多野都話冇！好嗌到到啲送黎喇，見啲姐姐推住啲送行左幾個圈先送到黎，場面好亂，好似完全分吾到檯號咁。野食質素就其實真係吾差，但呢啲咁既服務態度真係以後吾會再黎食！

Tdy just have family lunch with my parents and siblings Haven’t tried this restaurant before The food are quite expensive Five people caused around $700 The food are okay, not as good as expected It was trying to use trendy dimsum as a selling point Food are a bit priced up and service isn’t that good

尋日(4-3-2019 Mon)公司食迎新飯,一行十人book咗呢喥,俾咗張算角落,靠牆冇其他枱喺隔離迫住嘅枱,好舒適.我哋叫咗:1. 南瓜煎堆仔兩碟絕對唔係煎堆仔,一碟3個,比網球更大,一開二都大件.唔覺有南瓜味,口感正常冇問題.2. 蘿蔔千絲酥口感味道都正常冇問題.3. 蘿蔔糕料唔算多,煎唔夠.4. $28.00嘅脆鹵豆腐大大件,一開三都大件,外脆,但冇乜味.5. 鮮竹泡菜苗好味嘅鮮竹得好少,菜苗係菜心,夠腍同甜.6. 唔知咩炆米味道清淡又冇乜料,真係唔知咩米.7. 蝦餃Size正常,味道唔係食慣嗰種惹味.8. $58.00嘅脆皮燒腩仔OK啦,都唔係好脆.9. 香麻流沙包同事冇睇到係香麻,我以為係流沙奶黃包,咬咗睇見係黑色嘅芝麻至知,呢個唔太甜,芝麻餡係流心同好熱,都OK 嘅.10. 北菇棉花雞大大碟,但魚肚鹹咗啲.11. $98.00嘅籠仔蒜香斑件飯斑件滑,飯唔會太乾,ok.12. 上素蒸粉卷兩碟味道好濃.我冇食到嘅有:13.-20. $38.00嘅京式素鵝,泡椒鳳爪,叉燒包,$58.00嘅原籠馬拉糕,燒賣,健康燕麥包,牛肉腸價錢:睇到好似係$935.00.味道同抵食都係2.7分

超級中伏，假期間間餐廳都爆滿，行下行下就求其入左呢間，因為有位，其他唔好講，食物質素真係不能接受，湯不熱，叉燒超老，乳豬肥又凍，小菜鹹到不能接受到，最離譜就係連叫個白飯，飯都係超級爛，真係衰過自己煮，好後悔，自問自己都唔係浪費食物既人，但真係食唔落去，以後都唔會再考慮，完

「富臨」呢一家連鎖中菜館，話好唔好，話差又唔喺好差，以街坊角度，佢確喺實惠經濟，又不時提供好多晚市優惠，之不過，質素較參差，曾經有一年我哋嘅死佬飯局，都㷫到我要出手俾負評。但今晚嘅晚宴，服務及食物嘅質素又比預期好喎，加上喺一次意義重大嘅宴會，整體感覺又會喺唔同啲嘅。「富臨」呢個品牌，感覺近年主力開托一啲擺酒市場，始終，每年結婚嘅人唔少，擺婚宴確喺較搵到錢。就好似呢家「富臨皇宮」，唔需要多描述，一張大堂全景相就知環境有幾堂皇，而且，整個大禮堂大得嚟少柱位，確喺擺婚宴、搞大型酒會嘅好地點。而要走到入嚟石門咁遠水路食餐飯，當然喺因為特別事啦，皆因喺我母會嘅90周年堂慶，宴開百多席，咁盛大嘅事，亦喺機會難逢，當然要撐啦。菜式方面，都喺一般擺酒席嘅大路嘢，但睇菜式可見都喺揀啲平實經濟嘅，一圍幾錢就唔知喇，收費每人$300，相信都喺差唔多。汽水開得席，先喺12罐汽水，相信個酒席喺啲全包宴，包埋12罐汽水，由於喺百事系，我哋呢圍飲剩好多，哈哈，小弟竟然都可以帶走兩罐美蓮達添。侍應快快手放好晒所有醬料，亦喺上菜嘅前奏。金裝燒味拼盤雖然唔及乳豬全體咁有睇頭，但拼盤勝在俾大家有選擇，分蹄、豉油雞、煙鴨胸、

今日放假瞓醒已經到中午。。。哈哈！咁啱我要去石門買野就去埋個度搵野食醫肚啦。行到京瑞廣場二期地下。。。嘩 超多人間間都排長龍，上到二樓買完野見有酒樓不如去嘆下茶差唔多二點已經人頭湧湧攞張飛好快入坐，點了五樣野即刻比阿姐落單哩度裝修得好靚有好多好大盞水晶吊燈牆身又整到好似教堂咁，啱晒新人係到擺酒。點心終於送到喇煎釀茄子富臨蝦餃皇，皮薄蝦真係好大隻。山竹牛肉球，大大粒。點心拼盤。。。有7樣點心每樣一件熱辣辣芝麻流沙包，好新鮮芝麻醬流晒出嚟好好味。最後叫埋肉絲煎麵好大碟脆卜卜汁醬同配料都多好味食飽飽又可以落商場濕平喇。

樓面姐姐和傳菜姐姐都極有禮貌，但主管級主任，經理，就不知所謂，居然叫客人接受一條未蒸熟嘅魚，還說有血水先最好食 本來一家人開開心心去食飯，點知撞著一班廢柴經理主任，十問九不知，以後都唔會再去幫襯 最後還有小強由枱底扒上枱面襯熱閙 😱😱😱

今日星期六同屋企人去沙田石門富臨皇宮食晚飯，唔駛等位，呢度比較多枱，坐得都好舒服！我地三人叫左4个餸，有一隻好大盤木桶豉油雞，好有雞味！大碟，好新鮮，今豉汁蒸魚，蟲草花螺头雞湯，好濃好好味！今晚菜式錯，都好滿意！👍😋

教會去旅行，lunch去左石門間富臨食，意外地好好味的圍餐，我們一行110人，十圍格枱lunch,上菜速度不錯，七餸一個魚肚粟米羹，菜式包括一隻鴨、魚香茄子煲、生炒排骨、雲耳蒸龍躉、炒菜心、椒鹽豬扒骨、翠玉瓜炒肉片同埋白飯任裝。生炒排骨好好味，魚肚粟米羹夠熱又入味，椒鹽豬扒配唔係好多肉好好味，魚香茄子煲啲茄子唔係好淋，因為我比較鍾意食硬硬地的茄子，所以我覺得好好味。雲耳蒸龍躉就麻麻哋，因為啲魚麻麻哋新鮮，我哋都冇食晒。總括來講， lunch圍餐算幾好食，當然環境比較嘈因為係茶樓，服務都馬馬。

今早又嚟沙田食平靚正早餐！每朝都嚟食，都好多款色，粥加炒麵都有，我比較鍾意食酉式早餐，有通粉，银針粉，米粉任揀，煎蛋或烚蛋重有件多士，還有杯咖啡，都好夠飽又健康，價錢都唔駛30蚊！真係平民化，早餐時段都大排長龍，抵食！

沙田石門好易揾食，開左二个大型商場，今日下午嚟到石門富臨皇宮飲下午茶，未到二点已排長龍攞位入座，因下午茶超平抵食！义燒，燒鸭，油雞賴粉都是12.8一碗，点心好多款式，飲个下午茶，兩人找數都唔駛一百蚊，真抵食！

呢日黎到石門搵野食, 知道新起左個商場無乜人流, 應該易搵位~~平日既夜晚~完全可以咁形容~門可羅雀~三份一個場都坐唔滿。正, 唔駛等。餐牌唔算多野食, 不過就有兩樣好抵既, 18蚊1隻雞 同廿蚊鮑~~因為太抵只可二揀一二選一之下我地揀左1隻雞一d都無揸流攤, 大大隻雞, 半肥瘦。抵啊!味道不錯, 雞有雞味 夠新鮮。唔太鹹 , 雞肉唔會太老。幾好。跟手108蚊嗌個海參花菇玉掌煲, 大大條海參6-8粒大冬菇。不過, 海參炆得唔夠冧, 真係失策啦廚師。不過兩舊水 埋單, 都抵。

石門都幾多嘢食喎，今次食間中式酒樓。餐牌好多選擇，花多眼亂，咁不如叫個套餐啦，唔使諗叫咩嘛。個套餐信用卡有折6百幾。 芝士波士頓龍蝦伊麵 龍蝦唔係好大隻，亦都唔算好多肉，不過都叫新鮮嘅。椒鹽八頭鮮鮑 鮑魚大大隻，用椒鹽整都幾特別，不過就整得辣左d喇。金銀蒜蒸帶子啲帶子好似蒸到過咗龍，啲肉就比較實左啲喇。蒜蓉既調味就ok。清蒸沙巴仔蒸既時間啱啱好，條魚唔會太鞋，都幾嫩滑。極品燒鵝皇燒鵝外皮幾脆，肉質夠結實。

今天我們一家十三口來這家酒樓吃晚飯，但卻給了我們10人枱。我們叫了10個菜的套餐，但他卻一次過上了六七個菜，盤子很大，筷子也未來得及拿起來，就有下一個菜送上來，我們根本就來不及吃，明明桌上已擺滿了菜，他仍繼續上菜，我們已經多次向經理反映，但仍然繼續，還不斷要求我們把菜放到小碟上，好讓他們繼續上菜。然後當我們吃完桌上的菜時，要求繼續上菜，他卻不再上菜，多番催促後仍然遲遲未到，足足等了半個小時。其次，它的食物質素參差，炸子雞十分咸，甜品卻不甜，聖子大部分是殼，實在令人失望。由此可見，這家酒樓的食物質素與服務態度均不佳，以後也不會來。

2018年的母親節，去左呢度食。我地17:45 已經坐定定，然後18:00落單，但係19:00都未有得食，人地遲過我地的已經在食。中途我地追左兩次單，d職員兩次都話有同我地追。我地到左19:00再追個經理，個經理話同我地打尖。然後過左一陣，有張單黎，不過張單寫住19:00。分明依家先落單，仲呃我地話幫我地打尖。之後d野食一樣好慢先黎，食物又凍，有d仲係未熟。呢日只可以叫餐，仲要成1288四位。但係d服務同食物質素都咁差。