富臨皇宮

营业中

休息中

✿╮❤╭✿ ✿雜感女生 好味日記✿ ˚*•✰。富臨．滿意小菜在富臨。✰•*˚ ✿✿舌尖上的柴灣✿✿ ❤餓底飯聚．食勻全世界❤ ❤ 難得幾個同學可以準時收工 去酒樓吃飯，回憶一下第一次中學生飲茶的情景 也很有趣：想當年我們要扮大人，就是去飲茶 今天，大家都變成大人了，說的話題，總是公司事 HAHAHA，不知不覺，時間就飛左去LU~ 極品燒鵝皇 香脆多汁，皮香口，肉嫩滑，令人愛不釋口 菠蘿生炒骨 酸甜好吃，生炒骨除肉外更有骨香，特別要和白飯同吃 花膠燒豆腐 花膠不吝嗇，大件上碟，豆腐索晒燒汁的精華，好好味 沙嗲金菇肥牛煲 是朋友必點的作品，熱辣辣上台，金菇盡得沙嗲真傳，又是下飯作品 紅燒乳鴿 脆皮和鮮香的肉汁，用手一扯，汁香四射，贏晒 脆皮燒腩仔 味道不錯的，脆皮脆皮脆皮，真的很脆！ 芒果布甸 真料的香甜，很想要多碗，不過份量真的好多 紅棗糕 + 綠茶千層糕 傳統的熱食甜品，真的要趁熱食，因為這才吃到最佳的口感 紅棗糕煙韌軟糯，補身Q軟，好好味 綠茶千層糕口感傳統，反而不太覺有綠茶味，更似椰汁糕 小評：味道：★★★★☆環境：★★★☆☆服務：★★★☆☆衛生

放假前夕，心情開朗又高興，可以放下緊張心情，放縱一下自己，隨意的生活，為自己找個舒適的晚上，唔再，為左要做家庭煮婦而趕餐死的，又加上大仔不在家食飯，只剩下細仔，一於兩人撐檯腳，去開餐，食飽才回家！晚餐小菜，樣樣都是特價，樣樣都想食，實在太吸引了。紅燒乳鴿～每隻$38元，份量都大隻，不肥，有肉地，啖啖肉，肉質結實，皮脆肉嫩，有肉汁，唔乾身。金銀蒜蒜三頭大元貝～有手掌大小，每隻$18元，好超值，元貝新鮮鮮甜、彈牙爽口，粉絲吸收了蒜香、及元貝精華，入口鮮甜美味。清蒸沙巴龍躉斑～特價$68元/條，大條又新鮮，比筷子長，蒸得剛好，肉質嫩滑，一梳梳魚肉，啖啖鮮味在口中盪漾，入口溶化。生煎菜肉包～即叫即做，外皮煎得香脆，內軟熟，餡料菜肉平均，夠清甜！

昨天，我們farewell一個同事，於是就請他到酒樓食lunch , 我們選了富臨皇宮，一來位置近公司，二來這間酒樓出品算唔錯。我們到達後，點了一些點心，籠仔荷葉班片飯和海皇瑤柱泡飯。點心有酥炸鵝肝， 雖然賣相不錯，但鵝肝的味道一般，中式鵝肝畢竟有點腥味，而且酥炸始終油膩，所幸的是飲茶能夠沖淡點油膩感。接著是煎薄罉，薄罉皮厚身點，個人覺得薄罉皮薄較好味，但亦有人覺得薄罉皮厚身會較飽肚， 跟著來的點心是牛肉燒賣，酥皮叉燒包，牛肉腸等，味道適中。這裏比較有驚喜的是籠仔荷葉班片飯，班腩片很新鮮雪白，籠仔飯香氣四溢,因為有蒜蓉，蔥花等配料襯托，飯吸收了這些配料和荷葉清香，香味繞舌，味道一流。至於海皇瑤柱泡飯也是不俗之選， 泡飯內有魷魚， 魚片，冬瓜，冬菇，瑤柱等配料，用料很足夠，泡飯則硬身了點，但湯底很清甜，令人愛不釋手，亦令第一次食泡飯的我對這款飯的食法有一個很好的印象。總括而言， 這間酒樓中午餐食物質素可以，價錢亦算合理。

今早，同好友約左陳婆婆飲早茶，阿婆揀左富臨，話好味d，環境又靚d。一行三人，叫左九款早茶優惠點心精選，即叫即蒸，熱辣辣，怎會不好吃呢？鮮蝦菜苗餃 – 皮薄餡靚、鮮嫩菜苗配合爽口蝦粒，好味﹗黑椒蒸爽肚 –以酸菜墊底，豬肚入味夠腍有嚼口。 鼎湖腐化卷 – 外皮脆口、內層菜嫩，炸得乾身，唔會油淋淋。 蟹籽燒賣皇 – 料足，咬落啖啖豬肉及蝦肉，有水準﹗ 梅菜肉餅飯 – 逢一至六早上十一點前，僅售$1.8碗，嘩，超低食﹗飯略嫌淋左少少，梅菜肉餅份量適中，幾好味﹗ 皮蛋鹹骨粥 – 皮蛋及鹹骨料足，粥夠綿夠滑，不錯﹗原隻鮮蝦腸 – 一般，勝在夠熱﹗北菇棉花雞 – 大件爽抵食，上層有滑雞、魚肚、蟹柳及冬菇，下層鋪有南瓜。時菜鯪魚球 – 最後上，忘記了影相。一吃，質地偏粉及偏淋，冇魚味，明顯粉多過鯪魚肉，全不彈牙或爽口。

裝修幾靚。服務一般。套餐好貴。散叫幾好。脆皮豆腐，如有甜醬﹑辣醬更好。德國咸豬手，推薦，抵食又好味OK，好味。一般。一般，而且幾貴。好味，熱辣辣的

嚟過幾次飲茶，除裝修光猛乾淨，樓頂夠高感覺舒適外，服務與點心都係好普通，今次係第一次食晚飯。酒樓人客三份二滿，餐牌頗多特價餸，同老婆點咗成枱餸：足料無味精，就係要清淡嘛，好飲；肚爆都要飲呀(上)：上湯龍蝦伊麵，無乜味，但我話你知一大碟只賣$38嘅話，你仲會唔會炸形？(右)：海蜇拍青瓜，我好鍾意食青瓜，此店海蜇尚夠脆，而青瓜亦新鮮爽脆，好食(左)：泰式生蝦，生蝦新鮮但無蝦味，而碟青色嚇人嘅泰色辣汁就勁好味，點蝦食甚至撈飯一流，價錢就平過泰菜店(中後)：菠蘿古嚕肉，肉係即炸，但骨多肉少，味道尚可。有$1一隻雞，勁抵食，但唔可以併龍蝦伊麵一齊叫。當晚係一個阿姐及一個約二＋出頭男侍應負責我坐嗰一帶，阿姐睇得出有經驗且勤力。但個哥哥仔可能新人，做嘢唔熟手，經常唔知佢想點，幾次行過嚟無啦啦掂吓我張枱啲餸碟，但真係無啦啦，佢似夢遊緊到茶壺開蓋加水、骨碟蝦殼滿瀉時，佢明明行過好認真咁望我張枱一輪後，竟然行咗去不過佢唔係瀉膊唔做，因為好幾次都係咁樣，但當我出聲時就如夢初醒似的即做；所以我話佢似夢遊緊囉最後埋單成枱餸都只係$310，價錢抵但味道一般

尋晚慶祝阿婆生日，之前黎開上手個間東翡翠，食物質素唔錯既，但唔知點解近來執左，開左呢間富臨皇宮，因為阿婆年紀大行動不便，所以近近地都要黎食。叫得皇宮，裝修係有返咁上下，水晶吊燈淺花色牆紙，叫做光猛舒服。因為套餐唔太岩食，所以散叫，各檯自己叫自己既菜，我地叫左半隻燒鵝、半隻雞、生炒骨、班腩煲、沙薑雞腳、滷水鵝翼、薑汁芥蘭、蝦煲、其他唔係好記得啦。大部份食物質素好普通，雞同鵝都過咸，芥蘭一d薑汁味都無，最離譜個班腩煲，無汁整熟再係咁易淋左少少汁係面，完全唔平均，有D有汁有D又無，晒曬。服務可能新開，唔叫唔做，侍應部長成日係客面前嘈，最後個知客走埋黎問D野得唔得，我地照直講太咸，佢居然唔係話會改善，而係話成場得你地話D野食咸咋喎，講到我地老屈佢咁，又要扮聽意見，又要唔認衰，呢餐雖然我剩係黎食唔使比錢，但質素咁差下年真係去遠少少都唔會再黎。