富臨皇宮 (已結業)

網上見到有個$1788嘅海鮮餐，都算抵，早三個星期打去訂咗兩圍，仲問埋加$88壽包駛唔駛訂埋，駛唔駛落訂？佢個同事話壽包到時先加都得，唔駛落訂。點知我地去到佢個經理話我地冇訂到餐，冇得即場叫返$1788嗰個餐，叫我地叫其他餐，最平嗰個全包宴都要二千幾！明明係你地做錯，仲賴我地冇訂，一句對唔住都冇就走咗，完全冇跟進，亦都冇人再理過我地！咁嘅態度仲點食得落，一行十八人起身走人！

Stella上月又購買午餐團購，每位$48+$8茶費+小費$6=$62。因為購買六位午餐團購，所以不必任選一款，款款都吃匀，美食源源不斷送上，桌面都放得滿滿的，口感很豐富，視覺很滿足，感覺很開心！每道食物質素是可口的，有幾款特別好味和大家分享吓！圖上：鮮茄豬潤湯麵，豬潤是很鮮味！圖左：燒鵝瀨，燒鵝皮脆，鵝肉味濃！圖右：瑤柱蛋白炒飯，粒粒飯香爽口瑤柱絲甚多！圖左：泡椒鳳爪，辣得很入味、夠味道！圖右：蘿蔔千絲酥，外層千絲酥香酥香口惹味！圖下：脆鹵豆腐，熱辣辣的外酥脆皮，內豆腐滑！六份團購七位姊妹分享，原意唔夠飽才再柯打其他點心，但款式和份量都很滿足大家，開開心心地享用了！

味道俾左3分,d野普普通通啦,不過不失,一般酒樓水準,冇咩特別只係某幾項(例如鳳爪)會係太咸環境2分:雖然夠大,,但係太嘈,仲有時會有d迫服務1分:1分係員工態度方面還可以,其他方面就大大鑊等位會好耐,因為樂富ge酒樓唔多,d人自然去哂呢度人手係極度不足!!!舉手要接近成1分鐘先會有人應 (倒楣ge話要再等耐d)等野食又係耐ge...閒閒地都要等15-20分鐘,有d會仲耐d tim最大鑊ge係,,呢間野成日都會漏單架!!!離哂大譜,都唔知搞乜埋單又係極龜速,,,都係應該自己行出去,唔好叫人來衛生: 正常吧,,都算幾整潔抵食:多數下午茶先來食,,叫點心的優惠點心都幾抵食ge,,$12.8樓下都有十幾種唔錯ge野食揀仲有燒味瀨粉,,$10左右炸!!必叫的,好多台ge人都有叫

嘩 .......差差差1. 叫 上湯龍蝦 來 芝士龍蝦. 問侍應, 侍應 話: 『呢個係上湯龍蝦』, 離晒大譜! Too bad 我不能吃 芝士!2. 金銀蛋菠菜 賣相讓我吐了, D蛋亂七八糟.3. 栗子雞煲 D栗子直頭唔食得, 硬如石頭.4. 燒鵝 OK. 唯一食得.唔掂, 唔會再去!

這裡喊評如潮，知道要來吃飯的時候，也有點擔心．但吃過之後，並非大家所說的差．吃了一個４人套餐，有芝士龍幔麵，沒有什麼期望，誰不知上桌的竟有板有眼，龍蝦不是只有殼的貨色，肉也不少的，肉質結實，芝士汁香濃，配上蛋麵，味道很不錯呢．

於3.8.2012下午1:00與幾個朋友飲茶,同事叫一名穿橙色制服短曲髮女侍應(不知是侍應定主任) 開茶,講得好清楚係要香片同普洱,結果只開咗香片同滾水, 於是同事再叫佢, 話佢開漏咗普洱唔該佢開番. 佢立即就語帶不滿話我淨係聽到你話開香片. 我哋都費事同佢坳.:huffy 隔一陣, 點咗三張點心紙, 想搵侍應落單, 四周都冇侍應, 最後先見到嗰位亞姐, 就俾咗佢落單. 又隔一陣, 其中兩張點心紙的食物到齊. 之後差不多1:35, 因為所有食物差不多吃完, 仲有一張點心紙(兩個點心)點的食物完全未到, 於是找侍應CHECK, 點知又係想搵個侍應都冇, 最後又見到嗰位亞姐,佢行埋離, 我就同佢講叫佢幫我哋CHECK吓d 點心未到齊 ,點知說話都未講完佢已經面露不悅走開咗, 又過一陣, 嗰兩個點心仲未來, 再找侍應, 附近又冇侍應,見遠少少有侍應便舉手示意, 點知的侍應好似受過訓練咁, 明明視線望向我哋, 都可以當睇我哋唔到, 之後又見到嗰位亞姐唔知係邊到走出嚟同我哋後面張枱d 客講嘢, 唯有再問佢話有兩個點心仲未來, 佢好悔氣咁問我哋咩嘢點心, 今次真係肯去CHECK, 但番嚟就

星期六下午茶, 預早半個鐘等位取籌, 開張左咁耐都好旺場其實價錢唔平, 質素亦平平媽媽食過兩次後就話唔會再去, 因佢去飲茶必定會叫既粥只見粥水唔見米, 已經大打折扣 墨魚餅: 裏面墨魚膠淡口, 墨魚味不濃, 不過尚算彈牙 青瓜海蜇: 海蜇夠爽, 青瓜新鮮脆口, 個酸甜汁醬好醒胃 好難食既小籠包, 肉餡鬆散, 皮內還包著沒有什麼味道既黃色湯汁 鳳爪排骨飯: 排骨過於大舊過份肥

book左位7：30pm,8:50pm先入得，那跟walk in有分別嗎？睇住樓面支客俾12位入,聼到客人說8：30pm 12位（可能是熟人），真係火都黎！order了一席12位用餐,魚、飯都未上就先上果盤,最基本上菜的次序都錯，重話自己是大集團！！

我見佢三個劣評, 決定同佢平反下hahahaa~~涼瓜煎麵: 麵底脆卜卜^^"杞子桂花糕:大菜唔夠, 但我阿婆好鐘意食 南瓜煎堆好大個花枝炸雲吞: 香脆不油味道尚可, 賣相不錯比較欣賞既係個裝潢好靚, 白光水晶燈, 桌間距離算闊落, 不算好吵雜其實不失為一個飲茶好地方

公司預訂了三圍晚宴本來都唔想浪費我保貴的光暗係到寫comments(因個人理由)!但今次唔寫唔得,呢間新開張餐廳實在差到爆!我簡單d去介紹,一圍三千六蚊,真係貴又難食!食物超級唔新蘚, 味味都激咸!!!!!有三樣餸一定要批評1)蒸魚 成條死魚上枱, 魚肉又散 又琳 2)炸子雞超咸 ,成圍枱d人都無食!3)西芹炒吊尤, 未見過實白色的物體,又係勁難食...當然當家同酒樓理論條魚係未星斑,佢話主家席先有靚魚食,其餘兩圍條魚唔同d,口下榮休晚宴喎,噤樣分!!!!個别同事食完仲要肚胢.我當然係其中一個啦!我還胢左兩次!超錯!如果有需要,好多人証! 唔好話我吹水亂up.

因為唔使等位，所以同阿媽去飲茶，樂富中心重新裝修後，新富臨上場，裝修格局都唔錯時為早上十一點幾，待應送來一叠優惠點心紙，點心$8.8起，又有蒸飯又有粥，抵食同阿媽兩個人點了幾客點心，粥，腸粉老實講，平野未必一定無好野個粥唔錯，腸粉都夠滑之但係，去嘆特價茶真係要識點菜好似我咁就係失敗，點錯左春卷唔知想點，粒燒賣脹到散開，粉粿皮厚到無口感可言，我至愛的蒸飯直頭可以唔食簡單而言，得個平字

呢間酒樓都開左成個月, 今晚諗住同Daddy Mammy 同埋老公一齊試下:知客九唔搭八我: 唔該梁小姐四位知客: 卅四位?我: 梁小姐, 四位, 有訂位知客: 貴姓話?我: 姓梁.... 如是者來回幾次之後, 要喝佢先識寫張紙位俾位 坐低之後, 另一個伙記問: 趙小姐呀?(暗叫: 妖!)我: 係梁小姐伙記: 噢! 唔好意思, 梁小姐, 請坐, 3位係咪?(由於媽咪未到, 佢眼見3位就啽3位)我: 係四位(佢寫好張枱卡就走開了)由於張枱擺左兩個半位 (半位=一隻水杯+一對筷子, 未係全套), 好正常就搵個人幫忙加位, 叫左另一位阿姐過黎: 唔該加多兩個位呀, 我地四個人架阿姐: 加位? 好呀, 你地飲咩茶? 幫你開左先啦我: 水仙、滾水(阿姐走去準備加位, 但同時將隻水杯收走 )跟住埋黎加位, 然後問: 你地頭先叫咩茶? 我唔記得左...(暗叫: 咩料呀呢間酒樓)我估D伙記要 '咩quota', 所以佢地個個勁sell 湯同燉翅, 短短落單一分多鐘, 佢問左我地3次?!!最最最激氣, 令我要寫呢篇食評係因為佢個推廣緊o既炒聖子, 我足足等左45分鐘先到, 當然係經過四次追問都無人理

見樂富開咗間連鎖酒樓，就去幫襯吓早茶，去到9點幾，個WAITER呼呼喝喝，成日問個洗杯用GE大碗要唔要，唔要就收返，逼我哋快啲洗嘢，點咗嘢食先洗都得掛？點完嘢個WAITER已經話10點定唔知幾點早茶時間完，@口@使唔使咁早？兩個人叫咗6個點心︰1. 煎蘿白糕 - 麻麻，成舊粉。個甜醬個面喺一大層油，勁嘔心，我要倒咗佢先食得。2. 薄撐 - 好似熱香餅，又厚又唔好食，仲要冇醬點嚟食。3. 燒賣 - 賣相麻麻，但喺味道喺咁多點心之中最好4. 棉花雞 - 啲魚肚我好懷疑喺豬肚，有陣「蘇」味，雞就幾好食，芋頭都OK。5. 牛肚 - 唔喺好入味6. 叉燒腸 - 一PAT嘢咁，夾都夾唔到。埋單13X，我計極都計唔到點解咁貴，除非佢收我$10幾茶錢一位(要記得呢間喺一間屋村茶樓)，咁就有可能。(我哋3個大點+1個中點+2個特價點心，計埋都應該唔使$100)應該唔會再幫襯，難食之餘，啲STAFF由門口個知客到入面啲傳菜WAITER，個個塊面一喺黑過鑊撈，一喺呼呼喝喝，一喺叫極扮見唔到，唔知呢間茶樓點TRAIN人。

又係一間套餐黨，如果你唔係order指定的套餐，散叫的話，就會叫乜冇乜，例如：叫鮑魚仔、元貝、帶子等...海鮮，全部都話冇，叫餸時間為晚上七時左右，唉，冇都算，最多咪唔食，但係叫再個福建炒飯，見半個鐘都冇嚟，就問吓侍應，佢話幫我追追，追咗半個鐘都咪到，再問吓部長，佢又話幫我追追，卒之十五分鐘後嚟到喇！總共等咗七十五分鐘的福建炒飯，我哋用咗五分鐘處理咗佢。