富臨漁港

营业中

休息中

本身住附近成日同我男朋友去富臨打邊爐每人都係70蚊左右又好食!!不過衰係衰在佢d酸梅湯唔係咁好飲整體上口黎講都唔錯! =]

我是去安達中心果間的,親友擺壽酒訂左兩圍,是晚菜式如下原籠花彫生蝦:無特別大紅乳豬全體:皮幾脆,又唔太肥翡翠碧綠花枝蚌片:西芹和花枝片,一般黃金海鮮卷:好夠熱,仲有蝦,唔錯紅燒竹笙雞絲翅:一般,唔多夠味蠔皇花膠扣鵝掌:好味道,花膠好多,但個汁如果唔係咁杰好好多清蒸大海斑:無食,唔知味道脆皮炸子雞:雪野,唔好食生炒糯米飯:無食,唔知味道金瑤炆伊麵:即係金菇,麻麻唔多夠味精美甜品:紅豆沙,都煲得幾夠, 起沙的,但豆太少,唔好食富臨桃包:都幾好食,當然東海最好啦環球鮮果盆:西瓜和哈蜜瓜,唔掂,唔好食服務唔錯,只是不明白為何飲品,只會加可樂,橙汁和七喜全晚也沒有添飲

兩人在旺茶樓，搭檯是必然。能吃的不多，只叫了大桃包、燒賣皇和時菜：大桃包比鴻星的大和小色素，甜度、軟度也適中；燒賣皇貫徹了「慢工」出「細」貨的原則，也熱得燙嘴；時菜是西生菜，果真白烚（油鹽也少），正對脾胃。飲的是香片，濃香且澀。早些年頭，飲茶仍是三代聚首的好晨光；晨光雖不復再，但歡樂與日俱增。

呢間一d都唔起眼的酒樓，原來都幾大，同埋裝修都算唔錯（相對一般酒樓黎講）。是日同朋友共10人一齊打邊爐，2個半鐘頭任食。我地要左冶味鴛鴦湯底，一邊係清湯底，一邊係麻辣湯底（對於我呢個唔食得辣的人黎講真係好辣，雖然一眾朋友都話好味，我都係堅持食清湯底o個邊^^）推薦的食物有：肥牛，魚皮，墨魚丸（好新鮮），魚皮餃，枝竹，包心丸，花枝片，山根。服務較好，有叫必應。同埋d野真係跟番點菜紙tick幾碟就黎幾碟，唔會好似有d火鍋店求其亂o甘俾，呢樣值得加分。10人埋單700幾，抵食^^。

係"大酒店"幫完手,主人家拉大隊黎呢度食宵夜。等左大半個鐘就有野食,嘩.....好豐富!!先黎燒味拼盤,再黎蝦球炒西芹、鮑魚小棠菜、鼎湖上素、豬頸肉炒芥蘭、瑤柱蛋白炒飯、炆魚煲+魚片粥。話時話呢度d菜式又真係幾好味,蝦球大大隻又爽,小棠菜好甜,芥蘭好幼嫩,連炒飯都好炒得好香而且少油,真係幾好。送左2 jar酸梅湯、竹蔗汁,不過收得人咁貴,用多少少心機煲一煲蔗水都不為過丫,而家只係用竹蔗茅根精開水! -_-"埋單千幾蚊,暫時黎講係自己食得最豪既宵夜;講真呢度食物係幾好,但無乜特別事,應該都唔會黎呢頭飲茶食飯咯。