富臨漁港

营业中

休息中

又係一樣好耐都無去食嘅嘢--去酒樓食火煱,係門口睇$68一個,連煱底,花生,醬油連加一$108.任食煱另送一碟有四隻蝦,一撮珊瑚蚌,同埋幾舊帶子,蝦出奇地有鮮味,珊瑚蚌亦算爽,帶子雖不是鮮帶子,但亦不會有雪藏味,至於其他的評價如下;羊肉 -- 夠淋,都有少許羊味.美國肥牛 -- 雖然牛味不夠,但不會太肥及不會太多筋,亦不會靱.龍蝦丸 -- 夠味,好大粒.魚皮餃 -- 一般.鮮冬菇 -- 無乜味.芝士腸 -- ok,味道不錯.白膳片 -- 比想像中好,不會"鞋",仲有些少鮮味,有點爽.通菜 -- 幾新鮮.這裡的食物水準可以接受,不過出菜的速度非常慢,尢其是加單,就非常非常非常的慢,幸而遇到的侍應肯幫手,親自入去幫我地攞嘢.

今晚某一些原因而相聚一刻的反局一行13人,不知吃什麼好~ (因為又太多人,結果選擇酒樓)見到$68一位, 好似好托扺食咁, (包任飲任食添)叫了很多食物羊肉片 好不瘦又唔"so" 都ok美國肥牛 佢吔食咗好多呀, 應該係好味墨魚丸 變壞咗..... 貢丸 幾香好味丫鯪魚球 ok~竹笙 不是靚果d, 但都ok豬潤 算好, 不是不靚這些蟹子丸 好好味~ 多人食呀蟹柳 好長呀, 味道都ok韮菜餃 好好味~鳳城水餃 無貨囉雲吞 ok , 一隻蝦加少少菜... haha 點解係菜既?魚片/鱔片 夠脆身... good 菜 無特別還有很多食物, 不能盡錄但佢既飲任飲品超差, 勁甜囉

上星期六飲茶攞左張coupon "HKD 188 足料8兩翅,4-6人(原價HKD388)",於是今晚一家6口去食飯當做節.預訂左一煲,阿爸鐘意食,臨時要加多煲,最後LAST煲,"立"埋.)兩煲翅合上一煲,有個火滾住,而且翅係另外上,再放湯煲的.翅是足料,而且不是散收收,是一群群的,湯亦相當美味,唯一不足是湯太少,叫兩煲每人都冇碗半(我是湯皇,寧願翅少D,哈哈!)小菜叫左脆奶肉排,碧綠蝦仁珊瑚蚌,燒煵仔,什茶煲 - 普通料以下值得一讚:花膠鵝掌煲 - 勁得,花膠多,鵝掌多,HKD85-值!!!粟米斑塊 - 食一口發覺完全冇味,懷疑佢冇落鹽,但酒樓非常樂意煮過一碟,唔理好唔好食,SERVICE GOOD!埋單HKD980P.S. 不過想講上次飲茶差左好多,原以為不會再來,點知佢張COUPON果然吸引到我地,呵呵!比多次機會佢啦

富臨漁港 唔使多講野食算好味...點心小菜都算有水準...不過唔係咁夠侍應....冇人斟水....同埋要搭台....每人五十幾蚊....但係未飽.....中中庭庭啦~~

今日下午約埋屋企人黎呢到食lunch~原因只有一個:近學校1:30入座~唔駛排隊~叫左2碟點心~首先出場o既係~高山野菌餃(中點)一籠三隻味道一般~冇乜特別...真係好普通~蘿蔔千層酥(大點)唔係好記得個名~(差唔多啦~)佢話係「推薦」喎~的確~冇介紹錯~十分十分百分千分好食!酥皮一層層~好鬆脆~裡面蘿蔔絲夠多~而且好清甜!口感同味道都一流!果然係good呀!!另外叫左套餐半隻油雞+一窩米線($68)幾抵食呀~油雞肉質嫩滑~加上甜甜o既豉油~味道不錯!米線夠大窩~三個人食o岩o岩好~仲食淨少少tim~最後加多碟蠔皇芥蘭~$22!大碟到你唔信~又係抵食!!唔明點解呢間富臨同灣仔間富臨差咁遠~...灣仔o個間雖水準一樣~但價錢差好遠...可能因為rent cost緣故吧...~但...食物還食物..服務又係另一回事囉...埋單o既時候...o岩o岩係下午茶時段門口有人排隊我地3個人食坐4人檯其中有位侍應居然叫左其中一位排緊隊o既客坐埋黎阿姐...我仲未走架!!!!咁都得??唔係丫ma....!!!?!!?服務真係要改進一下...差到爆燈!

全家人係曬度,婆婆公公咁, 廢事影相啦本身但我見大家都唔多撐佢好想貼下相討下公道!!雖然我好似食晚市, 同樓下食點心有D唔同!哈哈..富臨D套餐, 咩8人餐,6人餐就真係唔多抵啦因為海鮮餐既關係? 個個都差唔多千千聲,而d餸名都唔見得太吸引(可能係我唔多好海鮮掛)去到叫小菜食一行7個人叫左腰果西芹炒蝦仁, 香桃甜酸骨(咕嚕肉), 青豆炒鱷魚肉, 片皮鴨, 蝦米蛋白西蘭花, 蝦米節瓜粉絲煲, 蔥煮蟹, 燒腩仔肉, 加埋碟鴨肉炒苦瓜(跟片皮鴨既) 好好味:腰果西芹炒蝦仁D蝦仁勁爽口, D味唔會太咸太淡,岩岩好, 腰果都脆口, 唔會太油青豆炒鱷魚肉D鱷魚肉真係超似雞肉味,不過至少係好好味既雞肉!!D味真係好好, 其實係分得出同雞肉有唔同無雞咁韌咁難趙, 老人家都食到呀=)燒腩仔肉呢個小食我係唔同酒樓食過幾次左右最好食呢度, 個燒肉皮好脆好新鮮, 好味道!幾好味:片皮鴨D鴨皮好脆好好食,又有D肉, 唔會成舊油痴係度咁,好好!但係D配料麻麻, D青瓜好似唔多新鮮咁,無曬水份, 而D面包皮都唔新鮮,用碟同保鮮紙送出黎, 拎上黎包個皮邊仲有D痴碟!但我覺得鴨皮先係最重要既講真正常:香桃甜酸骨(咕嚕肉

任食火煱9pm后只係約$90 per person,好抵.choices都好多,好吃的有:Shrimps,羊肉,鱔片,魚云,鮮墨丸....仲有竹筒糯米飯. 始終係集團经營,服務同食物都有一定水準,吃得放心.

先感謝閣下的寶貴意見，對於此個案，本集團已交有關部門反映及跟進。如日後有任何問題，歡迎致電2353 5866反映，謝!

12月17日在這處飲下午茶.點了叉燒米線, 流沙奶黃包,魚餅,叉燒腸粉,雲吞(超鹹).鮮竹卷(超鹹),蝦餃楊枝甘露.(好一般,唔夠味道)未飲之前有期望,點知去到又唔係那回事,好失望8個人飲了200多元服務好似溝通唔到,叫拎乜都拎拎到黎,激死

今年22/10同23/10兩日我屋企有人辦白事, 咁辦完之後都係去呢間野到食飯(~2圍枱), 22/10果日~10:00pm到, 個部長就即刻同我地講頭先有人又係用完法事就係食左呢張菜單上的餸菜, 每圍$1280.00全包另加一, 但到埋單時又要俾茶位費$3xx.00.咁當然問佢點解啦, 最後搞左好耐先至肯唔收茶位費, 咁樣已經較興.點知第二日, 去食"英雄宴"(因為已付訂金, 所以焗住去)埋單時佢又減收翻筆訂金喎, 明揾苯, 連死人錢都想呃, 真過份...

跟太座一家共賀中秋，响呢度食餐飯。原來就响三河屋旁邊，估唔到隔咗短短一段時間又再次造訪呢條"小食街"...集團式經營，對食物要求不會過高...特價蒜茸蒸蟶子。食落口竟然係凍嘅，連粉絲都仲未浸透。唉...大部份小菜味道偏鹹，師傅自是少不免...直搖頭.....

20070902起大早來飲茶，五個人，還是要和一對公公婆婆搭枱，看著他們相敬如賓的樣子，令人不免唏噓。10點前的早市很抵，盅飯、粥都只不過5.8~7.8元，當然，選擇會少一點。芸芸款色之中，最好的始終是腸粉，煎腸粉暫且不論，就連完全無餡料的布拉白腸粉，也軟滑過人：）

好耐無黎食飯因為怕人多,星期日預早訂位但又唔係咁多人.部長介紹有生大老虎班,每份$288(炒球,炆頭腩),好新鮮,不過份量就少D得幾塊.芝麻($68)都ok,生炒骨($38)平就平,食就麻麻地,什菌炒牛粒就唔錯,仲有幾個家常小菜都OK.最後要D大壽包做甜品.以前食過好OK,今次就差.

有晚好夜未食飯, 見富臨標榜48蚊任食火鍋, 諗住食少少都ok喇!習慣我每次入單都唔會tick好多, 唔需要琴琴青, 因出黎份量很少(可能係2個人, 魚片出4片), 正常無問題, 食完咪再叫唔好浪費, 但入了第2張紙時, 見部份野唔出, 再入第3張本應好平常. 但我太太去廁所, 途中有位侍應同部長講, 144號台叫到第3次, 真不以為言, 太太回來看看, 我們咪係144號台. 諗住食埋d菜走人(註: 菜係出齊仲好多好多). 鄰近有台4個大男人打完波果隻, 都食左好耐下, 再見時見侍應走近我們台旁部長問"俾唔俾佢地好"部長示意點頭. 真係不可思議火鍋任叫(不係任食)事件簿.我地全程冷靜有EQ, 無同佢嘈, 但咁大間酒樓集團以往晚飯都好扺食, 唔好因小失大, 做臭個名. 不過, 晚飯飲茶我會再去, 食宵夜, 太不可思議喇!

20070128難怪不論哪一家，2：00PM過後的富臨都是這麼人滿為患，蓋因之實在太抵，Uncle早了半個多小時來那位子，都只排到第16號……我們只有五個人，所以要與人孖台，倒也沒什麼關係，對面那家人也很友善：）我與honey遲來一步，已經落完單，只追加了一味白灼菜遠。今天以煎炸的東西為多，諸如蘿蔔絲酥餅、香煎釀茄子（4.8）、香煎蘿蔔糕（6.8）、香煎腸粉等，我沒敢試，只知道蘿蔔絲酥餅是始終如一的美味。香茜牛肉腸（9.8）、南瓜蒸鴨腳（6.8）與白灼菜遠（18）都是預想中的味道，鴨腳略嫌油了一點。香芋糯米卷（6.8）大受歡迎，外皮薄而酥脆，內裏香而綿軟，芋皮脆得來有些糯口，吸足那墊底的些許湯汁，味美尤甚，幾乎想要encore。另外兩樣物美價廉的東西是足料碗仔翅和鮮百合南瓜露，均為4.8。南瓜露如果甜度再減一減就更好了。最後是一個榨菜鵝松炒飯（28），大大碟，除我之外每人分了兩碗，都還能再打包大半個飯盒回家。其實便宜午市也有不少蒸煮的點心，下次再試過。