富臨漁港囍臨門酒家 (已結業)

長老爸爸話要再encore 一人一籠蝦餃，所以再戰富臨，不過今次唔去上次嗰間， 我哋去試荔枝角這一間一入去見到個企堂同嗰客傾計，傾到唔記得俾飛入座， 前面兩位小姐嬲到自己走上前問，幸好入左大堂，侍應生立即安排座位我哋被安排坐係一大酒櫃同魚缸前， 看著一大條一大條魚游來游去，非常寫意很多款點心揀， 當然有蝦餃啦！還有乳鴿好平，點返兩隻試下先我哋點左每人一籠蝦餃， 叉燒瀨，油雞瀨，燒鵝瀨， 豉汁魚肉釀茄子，順德雙皮奶同兩隻炸乳鴿一人一籠蝦餃，蝦餃無將貨就價，蝦多還有竹筍很好味，難怪長老爸爸一同要 encore叉燒瀨，油雞瀨，燒鵝瀨叉燒偏瘦，不過油雞入味同燒鵝皮脆味美，瀨粉彈牙豉汁魚肉釀茄子:看似大件，不過竟然用茄子頭，還要保留嗰頭一齊釀， 根本無辦法食順德雙皮奶:香滑奶味濃炸乳鴿:應該改名叫凍黑油乳鴿，因為乳鴿極速送上，望落去炸得色澤不錯，可惜只將乳鴿一分為二都唔知點咬， 再者一口咬落去凍冰冰嘅不是炸乳鴿嗎？可能炸左好耐，跟住放左係室溫啦！？長老爸爸問侍應生點解凍嘅，不是炸嗎？應該是熱烘烘的，點解凍嘅？！侍應生竟然這回覆:“凍呀？！最多放佢返入微波爐叮返熱俾您囉！”長老爸爸話算啦！快些食完

琴晚公司搞聚餐，公司幾十人，咁就梗係要揀間係公司附近而又抵食既酒樓啦！經過一輪格價，到最後揀左係長沙灣廣場上面既富臨酒樓琴晚揀既唔係普通既酒席菜式，我地揀左阿拉斯加黃帝蟹套餐，睇下有咩食啦乳豬拼素鵝乳豬味道麻麻，肉質都唔係特別脆口，反而個素鵝出奇地好味皇帝蟹兩食蛋白蒸蟹爪，每隻爪都幫我地分開左一半，食落方便，夠細心，抵讚！而蟹爪肉真的太少，食左好似無食咁，蛋白超好味，吸收晒蟹既精華，口感嫩滑油鹽焗蟹身，呢個味道普通，而分量實在太少啦！全碟都係炸米粉蒸元貝鮮味夠，無蒸過火，好味道蒸沙巴珍珠躉夠大條，份量足，十分鮮味，肉質鮮美可口！燒鵝去到最尾先上既燒鵝，因為太飽了，所以無食到，而賣相都唔錯總括黎講，味道唔錯，服務都唔錯，下次公司聚餐都會再黎食過

荔枝角地鉄附近逛完街，走去長沙灣廣場巴2樓既富臨漁港喜臨門酒家飲茶。約了朋友先到先取位。由於自己早到便取位早些人座。實在太肚餓便隨手揀左胡椒豬肚，胡椒味道夠香夠辣，配菜料酸菜也好味，豬肚爽。另外也叫了年糕但太普通也沒有什麼年糕味及也不夠甜味啊！

星期日朝早梗係同屋企人飲下茶啦...之後坐底就叫左3樣野食.... 之後就真係齋飲茶同吹下水講返D野食就麻麻啦... 致在搵個位食下點心...個骨腩粥比起街邊的粥檔頗為失色.. 個粥底唔夠"眠"個XO炒腸粉上到台個樣就真係認真麻麻... 但好彩地食落口都OK...唔太差....呢個炸豆腐同鴨胸都係普通貨色啦...

飲個較快既晏晝茶，叫左啲正常點心，包括腸粉etc，見佢有個冬菇包好似幾得意，於是都叫埋.腸粉就正常野，食左個蝦腸，舊蝦都係爽甜既，幾好味. 不過個腸粉就唔係特別滑，但都冇乜野，可以叫做預左. 冬菇包就係今日既重頭戲，成碟真係好似冬菇，佢個包皮唔知點整到個顏色同紋理好似冬菇甘. 賣相甘特別，食落去就有小小失望，因為裡面冬菇並沒有想像中甘多，雖然菇味都算濃郁. 個包方面，就表皮有少少脆，但內裡都是正常蒸包，所以並不是太特別.

端午假後 嘅 同學聚會 長沙灣廣場 近 地鐵 又有泊車優惠 場地大 比較熱鬧選 "全包宴" 免選擇煩惱再問埋 紅酒唔收開瓶費“散叫“ 人多意見多 最怕係失預算 雜項又多 唔知份量 唔知價錢 呢個餐 “環保“冇魚翅 竹笙海皇燴燕窩 ~ 叫做“雪耳海皇羹“貼切啲有雪耳 唔見有燕窩(熔咗)乳豬併盤 ~ 乳豬 燒腩 义燒 木耳 煙鴨胸都上場乳豬切得細細件放中間 脆皮可能翻焗 皮黑蒸帶子 ~ 金銀蒜香 新鮮又大隻 很干淨 細心開邊 唔過火切雞 ~ 上枱隻雞凍 碟熱 海鮮“菇“泡翠翡~ 秀珍菇泡菜心 寫“海鮮菇“ 唔明蒸龍躉 ~ 大條 氣派 剛剛熟調制過嘅蒸魚豉油汁 加 蔥絲 唔“馬夫“整體而言 富臨好多間 呢間特別好大廚有heart酒席宴 有水準 回味

這款美食蘇炸鵝肝卷，我未試過鵝肝係炸，所以要試下，賣相很美觀，面層炸面絲，一定好過用炸醬，冇咁油膩，裡面原來係用鵝肝醬，仲加有配料，火腿絲，西芹絲一齊包住炸，雖然有小小搵笨，但都好好味，有創意既

話說星期六黎食晚飯叫左個湯加芝士龍蝦伊麵竹笙上素蠔油冬菇炆鵝掌每碟都幾大碟可惜碟碟野都出晒事個湯係五指無桃煲雞d雞油同脂肪浮晒係個面上面完全係飲雞油芝士龍蝦麵d龍蝦根本就無肉既，咬落口成口粉漿又無龍蝦同芝士味只係覺得成堆粉漿加伊麵竹笙上素我真心想講粗口可以成碟野係無味明明係有個汁芡但可以係連咸味甜味都無係連墊底既芽菜都無芽菜味雪耳未浸得淋菜心老既菇無菇味好似係白烚完搭成一碟上枱咁同個侍應姐姐投訴佢話：係呀，齋係淡味d架~連話換個碟或者其他解決方法都無只係一句唔好意思就算，仲要屈因為齋菜所以無味蠔油冬菇炆鵝掌算係最正常既一碟不過個味都係好淡最後要用呢個蠔油汁自己撈返落個竹笙上素到，要我係另一碟汁撈黎撈去，不如我直接入廚房自己煮啦？咁就550蚊落樓真係多謝晒。

中秋佳節，為了歡迎遠道歸來的友人，特意來到荔枝角食，訂了兩圍檯，基本上菜式與其他酒樓沒有分別，只有好味與否．在這種節日之中，服務態度甚麼的就算了吧～只要準時上菜步走單已經很ＯＫ～所以呢間都算合格～上菜很快～而且是一道接一道～讓檯面不會太多菜式也不會沒有東西食講到菜式～正式進入正題首先上了期待已久的龍躉，有別其他酒樓一條過～今次係一條龍躉兩味菜～最精華的全在此碟，魚肉鮮滑～不過Ｄ蒸魚醬油與滾油的有些小比例不均，蒸魚醬油少導致味道略淡（可能我比較喜歡濃味Ｄ啦～）第二樣比較深刻的係呢個名菜（蝦仔柚皮伴日本花菇）．．認真講自己真係唔識欣賞，食落去的口感好似食緊麵糊咁～而且無乜味，Ｄ朋友話呢道菜靠的醬汁～但我食落去都係無乜味，至於，蝦仔在那兒？可能融成醬汁掛～我見唔到　哈哈最後都只係食曬Ｄ配菜的菇同西蘭花ＪＡ～至於個主角～留待有心人慢慢品嘗啦最好食係呢脆皮炸子雞～Ｄ皮都算係脆，起碼食落去都唔會覺得食緊油雞（你知有Ｄ酒樓啦～）～呢度的炸子雞勝在肉質嫩滑同醬汁（醬汁微甜）的配搭一流～，成晚最好食呢道啦！ 

由於爸爸在附近工作 留意到酒樓做緊優惠就係一係簡一蚊一隻雞 一係就48蚊龍蝦上湯烏冬或者龍蝦芝士烏冬咁我一家就叫左上湯烏冬 都幾特別 平時用開伊麵架Ma 個人認為上湯比較清清地 無咁膩龍蝦入味 上湯烏冬滑溜溜 易入口仲有兩隻5太咸既乳鴿 仲有鮑魚 比較淡味左小小當然仲有冬瓜盅 12位用 我地3位用 一人四碗 好清甜消暑 又入味 可以清油膩 爸爸媽咪都讚仲有叫左一碗飯 同 一碟炒西蘭花仲有最後送埋桂花糕好飽 仲有得打包  爸爸都估5到500元內仲有找見到我地附近既枱幾乎全部都係因為呢個優惠黎呢間酒樓食 要堂食先有呢個優惠 仲要係星期一至五先48元冬瓜盅都有好多枱叫 果然我地無叫錯 好滿足呢

Lunch 時間，入去飲茶，水仙加滾水，蘿蔔糕好味，叉燒飯，飯比較硬，但叉燒好柔軟惹味，蒸燒買不過不失，但上菜很慢，搞到我遲晒到，埋單亦埋得好慢，我返到公司真的遲到了

一到大時大節媽咪就好緊張, 因為我地永遠都係食中餐永遠都係唔book位既...於是6點就去左攞位, 啲員工先岩岩breifing完@@經理想sell我地$998雞鮑翅, 但梗係唔會咁蠢俾佢呃到啦!節日食套餐真係搵笨!所以散叫左6個送, 4個人乜都夠食啦!燒腩仔($48)-當餐前小食啦, 因為真係幾少@@ 皮都算脆既, 不過腩就太瘦同埋有啲乾。泰式炒通菜($68)-無莧菜, 所以連金銀蛋都唔嗌啦哈哈! 通菜幾爽口, 有少少辣幾惹味但唔會太咸, 仲有蝦乾添都算足料。花膠鵝掌冬菇煲($128)- 嘩有三隻鵝掌咁大把, 四個人唔夠分... 鵝掌都炆得幾淋, 花膠就cheap野啦無咩膠質, 冬菇都淋既不過唔夠入味囉...鐵板黑椒豬手($98)-真係鐵板上@@豬手都好大隻, 經理幫我地切埋, 又幾好人喎! 豬手好淋好滑, 不過食多兩舊就好膩啦!燒鵝例牌($98)-見到個樣就知係伏了... 好似燒燶左咁, 勁黑!無咩燒鵝味, 肉又唔滑皮又唔脆份量又少, 真係好差...薯仔牛柳粒($98)- 份量都可以既, 薯仔食落幾煙韌, 好似係炸過皮有少少脆, 牛粒好奇怪有啲好淋有啲好韌, 但都好味既整得幾入味。

不是第一次到長沙灣廣場的富臨吃晚飯，除了可以訂位外，主要是因為其地理位置方便，在荔枝角地鐵站上面，大伙兒踫面的中間點，要是落雨也不用擔心會淋濕，加上酒樓空間感足，也可以包房點餐，省時快捷；所以 跟朋友們聚會也再次選了這裡，可惜食物的水評好像比上次下降，首先是乳豬一點也不脆(有點翻熱的感覺)，其他食材的調味也是很一般，就連翅湯也很稀很咸；壽包的餡料也是硬繃繃的，真的掉了眼鏡啊! 實惠價錢又包有酒水的一頓開心飯局，也不可以有太高要求囉......點了一圍12人的酒席套餐套餐沒有炸蟹鉗(哭)，變了不知道是炸什麼牛仔粒+薯是全晚最吸引的一道菜鴨腳鮑魚，鮑魚很爽口令我失望的翅...壽包，餡料有改進的空間

這天下午，跟E先生的親友—行五人去飲茶。蘿蔔絲蝦餅 $11.8像蘿蔔糕的蝦餅，煎得香脆，味道可以。 韭菜煎薄撐 $11.8只嚐到麵粉餅的味道，其他餡料味道不突出。 富臨蝦餃皇 $27.6皮厚，餡料沒鮮蝦味道。 鮮蝦菜苗餃 $19.8鮮蝦餡料少，切碎菜苗味道不錯，還可。 古綿馬拉糕 $16.8馬拉糕不夠香甜鬆軟。 蟹籽燒賣皇 $19.8賣相味道皆不俗。芋絲炸春卷 $19.8表面香脆，可是芋絲做得頗稠腻，感覺太heavy。 金珠咸水角 $16.8炸得非常油膩，餡料少而且味道奇怪。 翡翠鮮蝦腸 $22腸粉皮不夠薄，而且不夠滑。 菜遠牛河 $36菜遠牛河芡汁厚稠，牛肉的梳打粉味道強烈，除此以外倒沒什麼味道。可能是下午茶時間，價錢特便宜，可是質素亦同時成正比。

今次冇份發板不過叫D餸又OK唔錯WOR，OVERALL都可以既生炒骨,D骨炸得過火,硬但係層汁又唔錯,唔會一味死甜/酸。半隻,炸得幾好,入口算嫰夠脆有口感,不過食唔哂。湯，沙參玉竹，但D渣有雞有螺肉有翅,算甜既。當選全場最差，我覺得係豬皮，D汁好濃好“利”，最好食反而係D菜豆苗，蒜頭炒，入味，嫩唔過老,而且草清味去得好好，全場最佳上湯龍蝦,唔足2隻上湯個"顯"冇乜味,D蝦又切得好似亂葬岡咁,D麵太咸...花彤湯有鮮味。太少渣，花膠補而不燥。