富盈廚坊雞煲．海鮮專門店 (已搬遷) 新店位置

雞煲啲雞唔乾 但量少 食完一輪打邊爐 啲雞都好似未食夠咁.邊爐料款式正常 少量海鮮類但我地冇叫扮唔新鮮 叫左個水魷魚 口感軟軟的 一啲都唔係爽口脆🤷🏻‍♀️ 好似擺左幾日咁 豬肉片好厚 而且十分"hi"口 咬左勁難都吞唔落 最後吐左🤢佢仲有野飲任飲同一個甜品櫃 但甜品就真係不了 啲布丁啊 慕絲都十分之難食🤦🏻‍♀️ 得朱古力雪條正常啲 野飲種類多 有汽水 茶 酒都有176$我覺得可以食到更好既野食 食完好似冇點食過啲乜咁🤷🏻‍♀️

態度差得不得了，食完野，想切蛋糕，叫人黎執枱吾汁，就話你過時間，講到明切完蛋糕就走，不停用惡嘅語氣叫你走，今時今日嘅服務態度，咁差你不如唔好做，吹人走吾緊要，吾洗用一d惡言惡語叫我地走明明好好地食個飯都要比人既言語及態度騷擾，重要吾係爆曬人喎，周圍又吉台，又未夠鐘落場，如果係滿人，食夠鐘，幾次叫我地走都吾走就話我地D食客無賴姐，第一次叫人走就好惡叫人走，話過好內鐘。全靠個惡鬧人叫人走就真係吾得囉，一埋完單我地就叫你地汁台切蛋糕，叫左10min,就搵個人鬧我地叫我地走。之後個丫姐先黎執枱,問丫姐可唔可以清潔少部份枱面用黎切蛋糕影相，丫姐就話吾會清潔，執完野比你地切完就算，嘩，講到敢，我重切蛋糕咩，見到D禁惡既員工，吾想做不如吾好做，敢你不如貼張告示話，超過時間者罰錢或夠鐘立即離開本店（過鐘時間大概15-30min)

家人今晚去完 long trip 返港, 補返 "做冬" 做節。婆婆講左好多次想試佢平日飲茶嘅呢間。老實講我地全部人都有保留, 唔係好想 book 呢間。但一品雞煲要夠 10 人或以上才可以訂枱, 要 walk in 排隊。其他火鍋如一鍋堂又怕坐得太迫, 而且婆婆要坐輪椅, 所以最後都如婆婆所願, book 左呢間。雞煲先上, 叫左少辣的。不過用湯浸住上, 而且頗咸, 同倫哥的乾身香口雞煲差太遠了。響鈴比較油, 但很香脆。第一碟追加的安格斯牛都 ok, 但後來加的兩碟很穌, 不好味。其他火鍋配料只屬一般。蠔從來不是我杯茶, 也從來不吃。家人話有渣的, 也不算十分新鮮。蝦就係我至愛, 食左 4 隻, 都算鮮甜新鮮。追加的安格斯很穌很一般。飲品還可以, 最愛鮮豆漿, 總算挽回一些分數, 不至喊臉! 可惜很快就沒有了, 只好揀 tea!甜品款式不多, 亦只係一般。Chocolate mousse 就係必食, 唯一比較好吃的了。

昨晚5個人第一次去食，由入去到走食堂都有空枱，沒有人等位的。大家食完雞煲只叫了一次火鍋料，當想叫第二次火鍋料時，忽然有個侍應過來講：「你哋埋咗單先，仲有20分鐘就夠鐘㗎喇，如果想再坐就算吾叫嘢食都吾得㗎，除非每人加50蚊，加吾加吖，抵㗎，你話我都冇用規則佢哋定！」差不多20分鐘，突然有個女士埋枱：「你哋夠鐘要離枱喇⋯⋯呀邊個邊個埋嚟執枱」嘩，好似做錯事俾人趕咁喎，離晒大譜⋯⋯第一，有空枱又冇人等，最多吾俾再叫嘢食啫，無謂趕人走兼浪費食物吖第二，態度呼呼喝喝俾錢食嘢仲要受氣⋯⋯我未試過俾一間食店咁趕法，好多店舖冇人等都會俾客人坐。咁搞法絕對冇回頭客喇，幾平幾好食都無用，何況吾係⋯⋯

食物一般，二小時未到便提你走。但店內有多張空枱也沒有客人等枱。一到時間不久便不客氣地叫人清枱。食物快餐店質素，服務差過茶餐廳！食餐飯好似趕收工咁。不去也不會可惜。如一家大細，朋友敍會生日喜興，打算開心食餐飯，就真係想清楚。服務員開囗埋口就話唔關佢事，要坐多半個鐘按人頭每位加五十。我奉勸大家了解清楚收費才決定是否光顧。不想開心食餐飯掃興而回，絕對建議附近有其他選擇，可能是食堂關係，所以不要有要求心態可試。

今天早上我放假。媽媽又和我一起去飲茶。今次由我決定去那間茶樓飲茶，就選擇「富盈廚坊雞煲，海鮮專門店」。在門口直入，等𨋢上二樓。專門店的環境和食具餐桌擺設陳舊。侍應生，上餐服務員及收銀員的服務態度一般。所有點心上枱需時十五分鐘左右。我在點心紙上點了蟹子燒賣皇，懷舊糯米雞，叉燒蒸腸粉，皮蛋瘦肉粥，山竹牛肉及北菇蒸雞飯。普洱茶，茶味腥澀，茶色不夠亮麗，茶味也不夠香濃。蟹子燒賣皇：熱呼呼的。燒賣皮層薄，蟹子味鮮，豬肉味香，蝦肉味甜。味道鮮甜美味，口感爽軟。懷舊糯米雞：雞肉質鬆軟，半截臘腸的肉質鬆散，肉碎醬汁味濃，糯米煙韌鬆軟。不過，水份較多，好處是飯質較黏，偏削少少。嚼幾口，糯米飯差不多溶在口裏。叉燒蒸腸粉：叉燒粒細。不過，數量也多，肉粒鬆軟，肉味香濃。腸粉，色澤通透，質感幼細，柔軟綿密，黏度不高。皮蛋瘦肉粥：皮蛋較少及瘦肉細粒。粥味很淡，味道不夠香濃，質地尚算綿密。山竹牛肉：稍為細粒少少。馬蹄爽軟，有蔥香及牛肉味濃。質感配搭起來爽軟，口感就一般。北菇蒸雞飯：蒸雞爽軟，雞味香濃。冬菇爽軟，味道濃郁，蒸飯的飯質柔軟，豉油汁的味道適中，不甜也不咸，飯粒圓扁，飯質爽軟及濕潤。

呢間位於旺角既雞煲，好方便，旺角東站行兩條街就到。店內空間都好大，有好多大張既台，我同friends加埋有十幾個人，一台都無問題。食物既選擇都唔少，首先有一個雞煲，食完之後就落湯，我地叫左好多種唔同既野食其中一款好正既係一盤海鮮，有圖，可以睇睇，有好大既海產，另外仲有蝦，真係好正！店員既服務都好快，一開始既時候，有一個爐運作有d問題，店員都好快過來處理好，服務態度都好唔錯，下次同friend gathering 應該都係會簡返呢間雞煲

睇完戲好嘢已經成11點5個朋友一齊搵嘢食 又想食麥當勞是但搵間開到好夜既任食 打電話去見唔使排隊就去左.... 原來一間出名嘅雞煲我第一次食....d雞都幾滑 你叫嘅嘢通常都黎小左 同落單等候時間大概係15分鐘但係有樣嘢唔係太滿意嘅係可能係宵夜時段所以啲嘢飲都好少選擇 康師傅真係甜到傻 係得汽水同埋好甜嘅康師傅簡話就話限兩個鐘食 過咗兩個鐘都冇催人交枱只係叫咗人埋單 之後都比落嘢食下次如果宵夜要再揀雞煲食嘅話我諗我都會再返嚟食嘅

之前已經陪屋企人黎過幾次，每次都係周末朝早。每次大概10點幾黎到，雖然客人好多，但都唔難搵到位。呢度嘅點心真係大碟又抵食～而且食物質素都相當唔錯架！其中比較推薦嘅有豉油鳳爪，每次必點！腸粉都好足料～粉絲睇落以為會好淡，實際食落味道啱啱好，適合食齋嘅人。另外比較值得一提就係個薄撐，好薄好香口，食落唔會覺得麵粉太多。最后通通食清光埋單都係$3xx由上面嘅相都見到食物款式好多，上菜速度快，價錢抵但又唔會偷工減料，所以好推薦大家同屋企人黎試下。

今日突然興起食個雞煲 貪佢有得無限refill雞 同 有任食火鍋一開始就會要你撈左醬先 有6款我就唔係好食得辣 所以叫左bb辣一開始上雞煲啲雞係7成熟 所以要等一陣先食得咁上下就要搞下佢 如果唔係就會痴底😣啲雞幾嫩滑幾入味 唔算好辣 都香口既食雞食到悶就可以叫料加湯打邊爐但個湯同雞煲本身隻味唔係好夾 所以麻麻地建議主力食雞煲就好~

黃氏力場今日去到太子區搵食，天氣熱辣辣，竟然有朋友想食雞煲，一大班人好難搵位，好像朋友推薦或介紹呢度雞煲唔錯於是一試!呢度每人都係$170左右就可以無限食啦，雞煲嘅份量正常，味道亦都唔錯，最重要係佢哋嘅雞煲可以不斷地添加，每個人都有特定份量的海鮮供應，上菜的速度極之快，我會介紹大家食豬腩肉，因為牛肉就比較難咬，而蔬菜就極之新鮮，尤其是皇帝菜及生菜，而他們的豆漿都好好飲，我一個人也飲了三杯，最值得一讚嘅係佢哋嘅甜品選擇很多類型，多種的味道，每一隻味都幾好食，這個價錢簡直係超值，不過最令我失望就係沒有響鈴，因為我好鍾意食！總括來講，在太子區可以用這個價錢成班人聚會又便宜，值得為大家推薦！👍👍👍

我是經朋友推介才來富盈廚坊雞煲吃火鍋，只能說，飲品種類很多，食物種類很多，但服務態度一般。飲品櫃裏應有盡有，可樂,啤酒,甚至凍豆漿! 在這方面絕對值得正評。食物有肥牛, 海鮮, 蔬菜也是正正常常，也沒有甚麼特別之處。本想着只是一間普通的雞煲火鍋店，但沒想到服務態度真的挺差。夠鐘前半小時就不斷提醒夠鐘要走，令我吃得也不放心, 安心。總害怕超時要加錢，對我和我的朋友呼呼喝喝，給我的感覺超不好。下次也不來這間了。

一夠鐘即刻趕我地走 五六個人拿拿聲走過黎倒咗我地個煲同啲野食 係咁趕我地走 痴線架 加咗野又黎得慢 成半個鐘先黎 都唔知食咗啲咩就要走 仲要冇黎禮貌 十分離譜 奉勸大家唔好黎食 貼錢買難受 咁嘅服務態度真係未見過

朋友介紹呢間雞煲抵食加有得追加雞煲嘅雞，於是慕名而來，去到唔洗等位即刻有得入座，見到都幾多人食，坐底後叫咗個雞煲，之後服務員送上雞煲，等佢熟期間玩住手機先，但眼尾見到有個黑影郁緊， __ __ 呀，有隻2cm左右大曱甴喺枱行過，成個人彈起，然後同返服務員講然後話我唔食要走，佢仲搞笑地問我洗唔洗轉枱。其實都知好多食肆都有曱甴，但唔好猖狂到喺枱行呀，見到真係乜食慾都無晒啦，雖然朋友介紹好似幾抵食，但真係唔會再嚟，淆底！

叫左個桶蠔，點知又酸又苦！同個經理講左之後，佢態度勁差！我地本來諗住一系又換過碟一系就取消佢，點知佢話本來拎出黎都無事既，點解會突然又酸又苦呢，甘咪姐系要我賠！之後就叫同事系第二張枱開個爐用滾水煮熟叫佢啲伙記試食！試完之後個伙記都話系有怪味！緊住等左佢勁耐先肯行過黎道歉態度又差！真系不可一不可再