富盈廚坊雞煲．海鮮專門店 (已搬遷) 新店位置

跟朋友慶祝生日，其實覺得佢既食物唔錯既，生日正日仲可以free。但一夠鐘就趕人走，我覺得係冇錯既。但其實出面仲勁多空位吉枱，冇人等，我地都冇再叫野食，只係覺得要食埋煲入面既野食，同埋個蛋糕，但就望實你 要你快啲消失咁樣.....一行16人，得兩個煲，結果成煲野食咁樣倒，覺得浪費左啲囉，個蛋糕就切左一半拎住走.....

由於嚟食過覺得可以無限任添嘅鷄煲真係好抵食，所以我們今晚再去咗旺角奶路臣街嘅「富盈廚坊」食鷄煲火鍋！我們照樣叫咗招牌鷄煲「少辣」，鷄肉嘅肉質嫩滑入味，就算係「少辣」嘅味道亦調教得好惹味，唔會好淡，上次食我們加添咗兩次，今次我們加添咗三次，而其他嘅火鍋材料我們祇點咗一次，出品都幾新鮮同清洗得都幾乾淨！

今晚我們去咗旺角奶路臣街嘅「富盈廚坊」食火鍋！今次我們叫咗他們嘅招牌鷄煲「少辣」，雖然係少辣，但味道相當惹味，鷄肉嘅肉質好鬆軟嫩滑，而且仲可以無限次添加，真係幾抵食！因為一開始食嗰店員已放咗一渣湯畀我們喺食完鷄煲之後自行加湯去煮其他火鍋材料，材料都幾新鮮乾淨！而飲品除咗有多款罐裝飲品之外，仲有新鮮豆漿源源不絕咁供應！

今日中午我們去咗旺角奶路臣街嘅「富盈廚坊」飲中午茶！我們叫咗鮮蝦菜苗餃嘅餃皮好煙煙韌韌，菜苗好鮮嫩！蟹籽燒賣皇嘅肉質好爽滑彈牙，蝦肉亦好爽甜！四寶滑鷄扎嘅鷄肉肉質好嫩滑，魚肚燜得好腍好爽口軟滑！鮑汁燜鷄腳燜得好腍好入味，鮑汁嘅味道亦唔會好鹹！籠仔北菇滑鷄飯嘅鷄肉份量相當多，北菇嘅味道滲入晒米飯入味，令到味道更加芳香，米飯亦好軟熟！蒜香排骨陳村粉嘅排骨肉質好爽口嫩滑，陳村粉嘅麵質煙韌軟滑，而且份量超多！胡椒豬肚湯嘅豬肚好軟滑彈牙，胡椒嘅香辣味，令到湯底嘅味道更加惹味！古法馬拉糕嘅糕質好香滑鬆軟！黑糖蜂巢糕嘅糕質好煙煙韌韌，感覺好似白糖糕咁，黑糖嘅味道相當香甜！

今晚我們去咗旺角奶路臣街嘅「富盈廚坊」食火鍋！湯底我們選擇咗芫茜皮蛋湯底，湯底嘅味道好清甜，皮蛋好軟滑甘香！肥牛嘅肉味都幾香濃，有其中一啲嘅脂肪就比較多，色澤都算紅潤！脆肉鯇魚片嘅肉質好爽脆彈牙！豬潤好爽口軟滑，唔會有怪味！其他火鍋材料同蔬菜都清洗得幾乾淨衛生，而且都幾新鮮！但店員嘅服務態度就極之無禮貌，我們問店員：「唔好意思呀！請問有冇濕紙巾？」店員超晦氣咁答話：「無㗎！呢度濕紙巾同乾紙巾都無，如果你想要嘅話就畀錢買啦，$3一包！」之後即刻轉身走咗去！今時今日咁嘅服務態度真係，唉⋯⋯

今日下午我們去咗旺角奶路臣街嘅「富盈廚坊」飲下午茶！我們叫咗富盈蝦餃皇嘅餃皮雖然比較厚身咗啲，但都幾煙煙韌韌，蝦肉都幾大隻同爽口彈牙！鮮蝦菜苗餃嘅餃皮都幾晶瑩，餡料好豐富惹味！黃金煎薄𦉘煎得都幾香脆，材料相當足料！皮蛋瘦肉粥煲得都幾綿，皮蛋亦都幾軟滑甘香！招牌流沙包嘅包質都幾鬆軟，入面嘅流沙蓉相當流沙，味道好香滑濃郁！古法馬拉糕嘅糕質好香滑鬆軟！脆皮燒腩仔米線嘅脆皮一啲都唔脆，脂肪比肉仲要多，所以非常油膩，米線嘅麵質亦比較粗「嚡」！籠仔鳳爪排骨飯嘅鳳爪燜得好入味，排骨嘅肉質相當爽口嫩滑，而且份量都幾大碟！

已經去過富盈好多次😂但由於太平太抵食，加上雞煲的辣好正，所以返黎再食過！唔洗點等位，一入去就即叫「少辣」，好快就有得食，最正就係雞可以無限次任叫，食到飽都得！野飲方面有忌廉溝鮮奶，甜品有我的童年回憶牛奶朱古力雪條！至於邊爐方面就麻麻，特別是芝心丸好難食，所以黎到淨食雞就最好，邊爐叫少量就夠。

今日同2位6月之星慶生壽星想食雞煲 於是朋友就簡左富盈富盈係任食雞煲同邊爐但部份好d既食品係需加錢既150 +10% 限時個半鐘雞煲無限次加以無要求情況下 質素係唔差雞肉入味 夠辣雞件啖啖肉 而且肉質都滑既味道總算合格而打邊爐既配料都不過不失算係咁啦

雖然沒有小食食但竟然雞係可以任叫講真第一次聽...雞都嫩滑份量多…飲品都以可樂和康師父為主，但竟然飲品係有一杯杯包好豆漿仲要味道吾錯，食物質素都新鮮同份量剛好，一些如響鈴另外加$18就有，但即炸脆又香吾太油，的確係抵食之雞煲放題

12點唔知食乜，醒起朋友介紹過依間，諗住兩個人上去試試，同坐counter 既女職員講兩位，佢嗌我地等等，睇下比邊度我地坐，之後話坐入面，正當我地行入去果陣另一個男職員話嗌我地坐出面（照我睇就係因為入面收檔mode)跟住我地想坐低果陣就話未擺好位，出出面坐低等啦，我地就出左去，之後隔左一陣個男職員出黎同我地講幾點last order 幾點要離坐，我地之後話ok 然後跟左佢入去諗住坐得啦，入到去果陣個男職員用極差既態度問：你地入黎做乜，未搞掂呀，出去坐多陣先啦，好趕時間呀？（明明你睇住我起身跟住你入黎）我自問全程都好禮貌咁問同答，咁恨收工就唔好開門啦，聽完佢咁講我地即刻走去第度搵野食算數，你要set 位整乜整物既唔緊要，唔洗咁既，你唔休做你既事唔洗咁樣趕客既，你寫明收兩點，我12點入座唔算過份掛，我一點入黎你就話我搞到你爛尾姐

星期二既晚上黎到 雖然唔洗等位 但全場都好full 呢間雞煲既賣點係可以無限添雞 岩曬雞煲迷雞煲嗌咗BB辣 個煲有好多配菜同香料 食落去好夠味 辣同麻都有 不過麻就少啲 一開始嫌唔夠辣味 煮煮下就愈來愈辣 好入味 至於主角既雞 雞肉好嫩 而且會俾雞既各部位 大大舊 有雞脾嗰啲 唔似出面 有時會俾啲頭頭尾尾你食完當然就再添雞 添既雞可以同原本個雞煲既辣度唔同嫌唔夠辣既可以嗌再辣啲 嫌辣得滯就可以嗌返BB辣 釋隨尊便~不過添既雞質素就冇咁好 好多都係雞胸肉 食完雞煲就接住打邊爐 食物的選擇唔太多 不過可以加錢嗌其他 例如海鮮嗰啲 唔算話太貴 覺得冇野食既可以加錢試下整體黎講 雞煲嗰part都幾好味 邊爐就普通 會再幫襯

想食雞煲放題，有朋友話呢間好抵食，$150任食，聽落真係好吸引，於是就嚟咗呢度啦呢間雞煲地點方便，環境都企理，不過就比較逼同嘈咗些，呢晚仲幾旺場下不過門口伙計有些串，問佢有無做緊優惠佢就話係咁多錢架啦諗清楚先好入嚟。雖然我早知係百五蚊，問多句都得掛。雞煲一黎到已經香味撲鼻，煲熱左之後更香，雞夠雞味，加上辣辣地真係一流。雞肉肥瘦適中，難得雞食完仲可以encore，我哋都encore左一次。食完雞之後我哋又叫咗其他火鍋配料，第一件事緊係食肥牛，牛幾新鮮又係好食。仲有芝心丸都唔錯。除咗野飲任飲外仲有甜品任食，我哋食到勁飽，好滿足。咁好食，難怪個伙計咁囂。

一行6人同個fd慶祝生日一去到要等位,叫我地45分鐘後上翻去,門口迫到爆45分鐘後入位,嗌左個中辣雞煲等左10分鐘後到,唔太辣,但好嗆鼻,全場都係咁咳,雞就每人2舊都係完一煲了食完雞煲就嗌火鍋料嗌左第一輪都來得幾齊,但肥牛寫左8都係來2份10條,算都預左但之後果2-3輪,寫幾多都係來得1份, 4條然後就出去問個經理,佢就話''係阿你寫幾多都無用,師傅會因你人數比''我就答佢''咁我地6個人,你比4條,即係想點先?''佢:''啱架la,唔夠你咪再寫lor''我都係唔想浪费紙章姐之後再嗌,寫左幾様芝士丸,肥牛...但個阿姐係咁放低一份牛就走左去,完全無視左其他,芝士丸除左第二輪後就再無見過了無咁多食物就唔好做任食啦,食到人谷鬼氣,大家去之前真係要諗清楚!果位男經理我同你反映完,你竟然係態度照...我諗你睇到呢篇野都應該記得係我,既然你唔care你嘅business goodwill,咁我都唔客氣啦

叫左個中辣雞煲，食到中段先開始覺得辣，但唔麻既。雞肉可以無限 refill，肉質都好鮮嫩、非常驚喜。試過去元朗食過另一間既雞煲，雞肉好柴。另外火鍋配料都好新鮮，都幾多選擇。木耳呀，珊瑚蚌唔常見既都有提供。鮮腐竹好滑好好味！另外雪糕係阿波羅，仲有我最鍾意食既香芋味。終於唔駛食雀巢雪糕咁行。個人覺得阿波羅比較好食！環境方面，因為樓底較矮所以會覺得個場好嘈。比較難傾計。有個男侍應好好人招呼得好好，又唔似其他食評咁講到服務好差。

我同啲朋友一向好鐘意周圍食好野，雞煲來講都食過幾間，但食到呢間之後就無再轉過。無他，佢最好食，仲要任添呢下屈機。去第間逐樣計，一班人叫一個全雞煲，加少少火鍋料一般都百幾蚊落樓。呢間一個價錢，150蚊，雞煲火鍋全部任食，仲有汽水任飲仲有雪糕任食，真係抵過食放題。味道方面每次都保持水準，雞煲個汁好惹味，香料夠香，雞夠滑，煎起上黎香味四溢。我地四個人加埋食左6、7round雞煲無黑面，加埋火鍋料，自己煮分分鐘都要呢個價，其實我都唔知佢賺咩😂。不過有個矛盾就係無得一路食雞煲一路打邊爐。你一加水，之後再叫雞煲，一倒落啲湯咁啲雞汁就洗走哂無咁好味。咁嘅情況識食一定唔會加水打邊爐，就咁落啲火鍋料用雞煲汁煮。有咁惹味嘅雞汁，嗰啲豉油呀沙爹醬通通唔需要點。老細都讚我地識食，佢都話雞煲一定係咁食，十個客得一兩個識食。就憑佢呢句，平時有好野我一定收埋收埋，今日就破例為你寫個食評啦。當然都要真係好食我先會俾好評嘅。唔好意思我吹大左，我個acc無咩級數，但我自問係一個嘴刁又識食嘅星級食家。但我真係會幫你寫食評希望你唔好介意！其實我本身去開大角咀嗰間，點知去到唔知裝修定執左，你唔會明白我當時有幾傷心，好彩上網se