影片
点解咁多白衣天使经过的呢既？非常痒眼吸睛，每次都要霸头位食饭望街，更醒神醒脑开胃。煎鸡扒，油润鸡皮滑一滑，甘甜的凤脂，嫩一嫩滴汁鸡肉弹一弹，姜葱腌味暖入心头。富来炒饭，爽嫩菜粒，咽韧松软香甜叉烧粒，咸香火腿片，街坊住家的炒功与味道，饭粒饱满干爽不湿不油香喷喷，炒蛋饭搭多旧靓鸡扒肉更加美丽绝伦。瑞士鸡翼，真的吗？只觉得系糖醋排骨的味道，瘦猛猛干鞋不肥美的皮与肉。煎蛋叉烧饭炒底，已经不是当年美味的黯然销魂饭，大失所望﹗平庸的叉烧，瘦硬无汁，少少甜有猪肉香。煎蛋几乎全熟，幸好还有一丝蛋汁依个捞饭一流，但炒饭质量偏低。老板娘有诚意地炒底都加入生菜丝，最敝我最讨厌生菜丝炒饭，生菜出水使到炒饭湿烂不干爽，而且有著带腥草涩味，如果换成菜茎粒就会加好。锅气及味道已被生菜丝完全破坏，试试辣椒油能否力挽狂澜﹗只系普通的咸咸桂林辣椒油，失败﹗汉堡扒焗豆火腿奄列，略咸油润滴汁汉堡扒，味道十足猪柳一样。茄汁豆只有一羹，摄牙罅都唔够。火腿奄列，即叫即做闻得到的蛋香，热烘烘入口蛋汁滑溜火腿咸香，全身暖笠笠。沙嗲牛肉出前一丁，使我怀念的古祖味沙嗲汁，似曾相识的味道，儿时在那里品尝过呢？美味浓郁衬托著鲜牛嫩嫩蛮喜欢。出前一丁住家味道表露无遗，煮理得宜滚热辣湿润挂汤，滑嘟嘟大啖大啖地吸啜，心情舒畅。沙嗲汁鸡扒猪扒，肥美多汁娇嫩轻腌清新鸡扒食得过﹗有骨猪扒松化咽韧带猪肉甜，沙嗲汁花生甜味突出可口讨人喜欢。甜豉油火腿煎双蛋饭，煎过的火腿格外香浓，搭蛋夹埋腿送饭，纯朴美妙。甜豉油火腿煎双蛋沙嗲鸡扒猪扒饭，大大旧弹滑厚身鸡扒连饭塞入；大大块嚼劲焦香猪扒连饭塞入，同样无比吸引，食唔停口﹗荷包蛋嫩滑蛋白，如果煎到焦脆会更香口，煎蛋充满甜滑蛋浆，刺穿捞饭那有得输﹗白饭只得1粒星，劲湿劲烂黏住我的嘴，食感十分差，扣晒分咯。我要沙嗲汁鸳鸯扒饭加火腿煎双蛋，但老板娘改为甜豉油火腿煎双蛋饭加沙嗲汁鸳鸯扒，价钱较平吗？甜豉油捞沙嗲汁？标准价$75大元。猪软骨，松化的质地，甜甜酸酸的味道，软骨卜卜脆，酱汁完全渗入猪肉中，送炒饭一流，净食有点漏。榄菜肉松炒饭，炒得干爽香喷喷，咸榄肉开胃醒脑，肉松弹弹味淡。猪软骨榄菜肉松炒饭，两者一淡一浓相撞得十分精彩和味，浓浓糖醋味搭著咸榄菜别有翻风味，更美味更缤纷。菜甫火腿粒炒蛋煎鸡扒饭，意想不到喜出望外，好味到不行了，好好好味道！老板娘表示请耐心等候，慢工出细货 15 分钟先有得食，售价 $68 蚊物超所值。肥美嫩滑滴汁煎鸡扒，鸡皮微脆带黏，厚厚白肉弹弹，腌味得宜吸引神秘，使得我舔舔脷。新鲜出炉焦香金黄热辣辣炒嫩蛋，火腿咸滑、菜甫咸爽，齐齐躺在甜豉油捞饭再搭旧鸡扒一次过塞晒入口，那种满足感非笔墨可以形容，十分幸福啊﹗我要比10粒星。煎猪扒芙蓉蛋饭，猪扒泛著鲜柠檬味，肉味甜美、肉质松化，略咸了一点点。芙蓉蛋只有红肠火腿，因为我唔食葱唔食芽菜旳，是关受不了她们的青草腥味。即叫即做新鲜热辣辣香喷喷，甜豉油炒蛋捞饭千年绝配当然好味道，无机会挑剔！酸菜鱼汤米线，鱼柳无骨滑溜溜，豆卜松软吸汁味道一流攞满分。虽然卖相颜色单调，平实而美妙，合我心意。浓酸不辣，味道浓郁醒胃，最敝米线散碎短戚戚，美中不足扣掉不少分数，整碗拿起灌落肚，全部汤饮掉一滴不漏﹗喇沙汁水鱿萝卜猪红，水鱿有渣既？猪红只有滚水味，不嫩不滑。萝卜够腍微甜不酸，平凡普通。红烧牛肉，老板娘推介就试您一试。外暖内冷的牛腩，松软带甜还可以。太阳蛋饭，太阳蛋捞饭最稳阵，加点红烧牛腩汁提味，比较可口。猪手捞粗面，忘记了依度系食车仔面，唔系潮州粉面档呢﹗猪手骨杉杉只得层皮，无面香味平价粗面硬掘掘无弹性，桂林辣椒油咸咸的带微辣，总好过食无味粗面呢！腩汁通菜，翠绿劲爽甜多汁，意料之外有惊喜，色香味爆灯。牛腩牛肚牛肠豆卜辛辣面，牛肚牛肠劲膻带酸，牛腩瘦猛猛松化干干唔难食，最好味豆腐卜索晒辣汤。辛辣面要煮耐少少的呢，依家艾丹提紧紧熟有点韧啊﹗
继续阅读
记得细个喺对面补英文 miss喺到请我吃个咸牛肉蛋治好好味～大个咗黎亲都系食叉烧蛋（可拣炒蛋煎蛋）饭～ 或者洋䓤叉烧粒炒蛋饭 $50然后就必加沙爹汁 仲要多沙爹汁虽然好肥但配埋一齐食系大满足。佢啲叉烧唔同平时食果种但都好味但最近好似冇之前咁好食（第一次吃果阵系边位满布蜜汁又lone lone地）不过都好味的！佢啲罗白牛腩都好味但唔好太早就黎 因为罗白唔够淋～想清淡吃个紫菜泡饭都ok但我逢亲黎到都系会拣叉烧蛋：P太和想吃个快餐必到之处
继续阅读
好多年早餐都系呢度食最近装修左 铺面虽然变左但人情味不变 叫左个早餐 汉堡扒双蛋配多士物超所值 水准keep到 另外仲有杯冻奶茶 茶味够浓 又唔会太甜疫情下 小店好难做呢间继续顶到咁耐 就知佢咩料👍
继续阅读
今晚一个人去啲间餐厅食饭，佢个自家制叉烧，简直好食到飞起。再配埋咖喱汁，真系非常惹味。佢个咖喱汁又香，又好食，捞饭一流。以前食过去萝卜牛腩饭，超级入味。佢输在位置唔好，装修又唔高级。其实味道绝对一流，饮品又冲得一流。以前仲有爱心凉茶饮，非常清热。以前个老板娘唔见咗，肥女厨师都唔见埋。变咗又阿叔打理，改左叫做「女煑角」，但一个女人都唔见。不如改做阿叔私房叉烧好过。希望佢继续有得喺度，佢啲饭真系好好味！
继续阅读