富來小食

营业中

休息中

點解咁多白衣天使經過的呢既？非常癢眼吸睛，每次都要霸頭位食飯望街，更醒神醒腦開胃。煎雞扒，油潤雞皮滑一滑，甘甜的鳳脂，嫩一嫩滴汁雞肉彈一彈，薑蔥醃味暖入心頭。富來炒飯，爽嫩菜粒，嚥韌鬆軟香甜叉燒粒，咸香火腿片，街坊住家的炒功與味道，飯粒飽滿乾爽不濕不油香噴噴，炒蛋飯搭多舊靚雞扒肉更加美麗絕倫。瑞士雞翼，真的嗎？只覺得係糖醋排骨的味道，瘦猛猛乾鞋不肥美的皮與肉。煎蛋叉燒飯炒底，已經不是當年美味的黯然銷魂飯，大失所望﹗平庸的叉燒，瘦硬無汁，少少甜有豬肉香。煎蛋幾乎全熟，幸好還有一絲蛋汁依個撈飯一流，但炒飯質量偏低。老闆娘有誠意地炒底都加入生菜絲，最敝我最討厭生菜絲炒飯，生菜出水使到炒飯濕爛不乾爽，而且有著帶腥草澀味，如果換成菜莖粒就會加好。鍋氣及味道已被生菜絲完全破壞，試試辣椒油能否力挽狂瀾﹗只係普通的咸咸桂林辣椒油，失敗﹗漢堡扒焗豆火腿奄列，略咸油潤滴汁漢堡扒，味道十足豬柳一樣。茄汁豆只有一羹，攝牙罅都唔夠。火腿奄列，即叫即做聞得到的蛋香，熱烘烘入口蛋汁滑溜火腿咸香，全身暖笠笠。沙嗲牛肉出前一丁，使我懷念的古祖味沙嗲汁，似曾相識的味道，兒時在那裏品嚐過呢？美味濃郁襯托著鮮牛嫩嫩蠻喜歡。出

記得細個喺對面補英文 miss喺到請我吃個咸牛肉蛋治好好味～大個咗黎親都係食叉燒蛋（可揀炒蛋煎蛋）飯～ 或者洋䓤叉燒粒炒蛋飯 $50然後就必加沙爹汁 仲要多沙爹汁雖然好肥但配埋一齊食係大滿足。佢啲叉燒唔同平時食果種但都好味但最近好似冇之前咁好食（第一次吃果陣係邊位滿佈蜜汁又lone lone地）不過都好味的！佢啲羅白牛腩都好味但唔好太早就黎 因為羅白唔夠淋～想清淡吃個紫菜泡飯都ok但我逢親黎到都係會揀叉燒蛋：P太和想吃個快餐必到之處

好多年早餐都係呢度食最近裝修左 鋪面雖然變左但人情味不變 叫左個早餐 漢堡扒雙蛋配多士物超所值 水準keep到 另外仲有杯凍奶茶 茶味夠濃 又唔會太甜疫情下 小店好難做呢間繼續頂到咁耐 就知佢咩料👍

今晚一個人去啲間餐廳食飯，佢個自家製叉燒，簡直好食到飛起。再配埋咖喱汁，真係非常惹味。佢個咖喱汁又香，又好食，撈飯一流。以前食過去蘿蔔牛腩飯，超級入味。佢輸在位置唔好，裝修又唔高級。其實味道絕對一流，飲品又沖得一流。以前仲有愛心涼茶飲，非常清熱。以前個老闆娘唔見咗，肥女廚師都唔見埋。變咗又阿叔打理，改左叫做「女煑角」，但一個女人都唔見。不如改做阿叔私房叉燒好過。希望佢繼續有得喺度，佢啲飯真係好好味！

今晚想試新茶餐廳，左睇右睇就去富來啦。本來專登黎食蘿蔔牛腩，但剛才司機叔叔講佢今日恰巧食左牛腩，不過厭太碎，力推黯然銷魂飯，就信您啦！好多外賣自取喎，我單拖包場。撞啱老闆嬸嬸跟廚房妹妹訓話中，唔好意思。老闆娘嬸嬸熱情有禮，面帶笑容地招呼食客，多謝。太陽蛋雞扒出前一丁，煮理配料需時，淨麵先到。熱辣辣香噴噴，白煙輕輕飄起，麵條已吸收湯汁程啡色，不幸地入口有點生，中間依然脆脆地，好采浸多幾十秒就剛剛好喇！爽滑彈彈，煮得唔錯。結實烚腸仔，如果烚多一點時間至脹卜卜就最好食喇。生菜爽嫩夠甜，靚菜。慢煎蛋白勁滑，蛋黃暖暖，拈穿太陽蛋，甘甜蛋汁緩緩流出，麵條捲上蛋汁漿漿黏黏的一齊食好好味。煎雞扒皮香肉嫩超水潤，滑滑彈彈，肉汁澎湃注滿口腔。煎蛋煎雞扒加上出前一丁均非常有屋企 feel，家的味道。辣椒油無味，微辣單調麻麻地。煎蛋自家叉燒飯，猶豫炒底好無呢？要太陽蛋好無呢？最後都係決定基本吧！雖然其貌不揚，但真係好味喎。先入為主，經常都諗住周星馳食神既黯然銷魂飯，超靚美觀吸引既內功煎蛋叉燒蒜蓉飯！自家叉燒無甩拖，真心食得過！有別於坊間普通叉燒，甜美醬油完全滲入叉燒每絲纖維，鬆軟無比又不失咬口，有點日式叉燒