富山餐廳 (已結業)

中環近Soho區斜路一間快靚正嘅茶餐廳，午餐價錢都幾優惠，50幾蚊已經有大大份量嘅午餐，而且選擇都算ok ，今日叫左🌟炸豬扒飯同埋🌟蒸鯇魚餐，有例湯包埋野飲都只係$110，中環區嚟講都算好經濟實惠。

十幾年前初到中環返工四圍去覓食有一天去嘉咸街街市買餸見到間麵包舖好多人買野所以入去八卦吓嘩!原來好多種類,珍珠奶茶都有但只有芒果糯米糍一試難忘皮薄及煙韌餡料好多味道剛好,不會太甜由$5一粒食到現在$7一粒數年前麵包舖不見了我以為再也吃不到了後來買餸時涷肉舖店員話我知搬了入餐廳我才找回我喜歡的芒果糯米糍

📍 富山餐廳中環卑利街33號地下.🤓蜜椒薯仔牛柳粒 Diced Beef Tenderloin & Potato w/ Bell Pepper💰$50 (w/ hot drinks).普通茶記但佢醒目在有英文menu短短食餐晏嘅時間都見到一對外國人couple入黎幫襯原來啲translation真係有用😂好想知啲西方人入呢啲地道香港餐廳嘅時候係咪同我地港豬揀餐廳一樣見日本餐廳多日本人食 喺韓國餐廳聽到韓文就覺得好地道好有保證？.我係衝著薯仔而揀呢碟飯基本上成個組合都係我鍾意食嘅薯仔 仲要甜 加黑椒牛柳 無得輸啦薯仔控表示 佢再一次outweigh牛柳真係唔知點解薯仔成日都會好食過啲main.整體黎講有啲乾薯仔牛柳粒 炒嘢嚟 無汁飯 都乾身 無乜水份 唔係軟綿綿個種如果可以有返啲芡就好

中環搵食可平可貴, 今日揀左間CP值高O既茶記食. 午餐有好多款, 我就揀左葡汁雞扒焗飯. 同事就揀左冬瓜鴨腿湯飯.葡汁雞扒焗飯, 味道不錯, 雞扒大大塊, 咬落去有肉汁. $48蚊, 真係超值同事O既冬瓜鴨腿湯飯, 夏天食呢個飯真係無得頂, 鴨腿又係大大隻,  D肉唔係死實實, 個冬瓜湯清甜可口 ,好味道

去到中環，轉眼已是三點，便在附近搵食。本來揀了一西餐廳，可惜三點過後只供應下午茶，如薯角丶雞槌，便去對面看看，見有典型下午茶餐，便入內並叫了煎雞扒丁麵($42)，餐飲凍檸茶。實在太肚餓，見有不同款式的糯米糍（$6），一於揀過市面不多見的花生糯米糍試試。本來沒有什麼期望，只是醫肚而已。怎料一咬發覺皮的厚度適中，太薄會漏餡，太厚不好食，而佢啱啱好。它薄薄地的皮面上了一層花生碎，令佢更香口。餡有糖丶花生等，咸咸地，出奇地好味。😋😋😋雞扒蛋丁麵同平時茶記差唔多，鷄扒炸得香，蛋仍流心，麵無過腍。Ok 啦！凍檸茶也不過不失，天氣熱想飲D凍嘢。埋單時，一位女職員問我糯米滋好唔好食，我豎起手指公，她開心的告知是自己整。Anyway 今次評分以糯米滋為基礎，我極力推介。👍🏻👍🏻👍🏻

位於中環卑利街嘅富山餐廳，其實位置並唔起眼，唔少人更可能係俾對面嘅麵鋪吸引。唔講唔知，轉角嘅富山咖啡麵包其實係同一間鋪嚟，由於附近都亦唔多麵包店嘅關係，富山麵包可能更為人熟悉。今次一試佢嘅午市套餐，除咗碟頭飯之外亦都加送例湯同飲品，價錢嚟講都十分公道。蝦醬支竹蒸五花肉呢一道非常傳統嘅港式午餐，其實製作難道不大，但往往都令人垂涎三尺。而富山午餐嘅份量都非常足夠，整整一大碟嘅五花肉配埋白飯，絕對會令人胃口大增。而整體味道亦唔錯，喺中上環／蘇豪區亦有其屹立嘅過人之處。經過或者附近工作嘅朋友，不妨都可以一試。味道 ⭐️⭐️⭐️服務 ⭐️⭐️⭐️環境 ⭐️⭐️⭐️性價比 ⭐️⭐️⭐️⭐️